punaḥ saṅkalpam –
pūrvokta evaṁ guṇa viśeṣaṇa viśiṣṭāyāṁ śubhatithau śrībhagavatyāḥ pītāmbarāyāḥ bagalāmukhī devatāyāḥ prasāda siddhyarthaṁ, nyāyālaye asmat pakṣa vijayārthaṁ, nānā grahopagraha prayoga śāntyarthe, duṣṭaroga nivāraṇadvārā śīghramārogya siddhyarthaṁ yathāśakti śrīsūkta vidhānena śrībagalāmukhī devi pūjāṁ kariṣye ||
dhyānam –
sauvarṇāsanasaṁsthitāṁ trinayanāṁ pītāṁśukollāsinīṁ
hemābhāṅgaruciṁ śaśāṅkamukuṭāṁ saccampakasragyutām |
hastairmudgarapāśabaddharasanāṁ sambibhratīṁ bhūṣaṇai-
-rvyāptāṅgīṁ bagalāmukhīṁ trijagatāṁ saṁstambhinīṁ cintaye || 1 ||
madhye sudhābdhimaṇimaṇḍaparatnavedyāṁ
siṁhāsanoparigatāṁ paripītavarṇām |
pītāmbarābharaṇamālyavibhūṣitāṅgīṁ
devīṁ smarāmi dhṛtamudgaravairijihvām || 2 ||
jihvāgramādāya kareṇa devīṁ
vāmena śatrūn paripīḍayantīm |
gadābhighātena ca dakṣiṇena
pītāmbarāḍhyāṁ dvibhujāṁ namāmi || 3 ||
oṁ śrībagalāmukhyai namaḥ dhyāyāmi | dhyānam samarpayāmi |
āvāhanam –
hira̍ṇyavarṇā̱ṁ hari̍ṇīṁ su̱varṇa̍raja̱tasra̍jām |
ca̱ndrāṁ hi̱raṇma̍yīṁ la̱kṣmīṁ jāta̍vedo ma̱ āva̍ha ||
āgaccha tvaṁ mahādevi sthāne cā’tra sthirā bhava |
yāvat pūjāṁ kariṣyāmi tāvat tvaṁ sannidhau bhava ||
oṁ śrībagalāmukhyai namaḥ āvāhayāmi |
āsanam –
tāṁ ma̱ āva̍ha̱ jāta̍vedo la̱kṣmīmana̍pagā̱minī̎m |
yasyā̱ṁ hira̍ṇyaṁ vi̱ndeya̱ṁ gāmaśva̱ṁ puru̍ṣāna̱ham ||
anekaratnasamyuktaṁ nānāmaṇigaṇānvitam |
idaṁ hemamayaṁ divyamāsanaṁ pratigṛhyatām ||
oṁ śrībagalāmukhyai namaḥ navaratnakhacita suvarṇa siṁhāsanaṁ samarpayāmi |
pādyam –
a̱śva̱pū̱rvāṁ ra̍thama̱dhyāṁ ha̱stinā̍dapra̱bodhi̍nīm |
śriya̍ṁ de̱vīmupa̍hvaye̱ śrīrmā̍de̱vīrju̍ṣatām ||
gaṅgādisarvatīrthebhya ānītaṁ toyamuttamam |
pādyārthaṁ te pradāsyāmi gṛhāṇa parameśvari ||
oṁ śrībagalāmukhyai namaḥ pādayo pādyaṁ samarpayāmi |
arghyam –
kā̱ṁ so̎smi̱tāṁ hira̍ṇyaprā̱kārā̍mā̱rdrāṁ jvala̍ntīṁ tṛ̱ptāṁ ta̱rpaya̍ntīm |
pa̱dme̱ sthi̱tāṁ pa̱dmava̍rṇā̱ṁ tāmi̱hopa̍hvaye̱ śriyam ||
gandhapuṣpākṣatairyuktamarghyaṁ sampāditaṁ mayā |
gṛhāṇa tvaṁ mahādevi prasannā bhava sarvadā ||
oṁ śrībagalāmukhyai namaḥ hastayoḥ arghyaṁ samarpayāmi |
ācamanīyam –
ca̱ndrāṁ pra̍bhā̱sāṁ ya̱śasā̱ jvala̍ntī̱ṁ śriya̍ṁ lo̱ke de̱vaju̍ṣṭāmudā̱rām |
tāṁ pa̱dminī̍mī̱ṁ śara̍ṇama̱haṁ prapa̍dye’la̱kṣmīrme̍ naśyatā̱ṁ tvāṁ vṛ̍ṇe ||
karpūreṇa sugandhena vāsitaṁ svādu śītalam |
toyamācamanīyārthaṁ gṛhāṇa parameśvari ||
oṁ śrībagalāmukhyai namaḥ mukhe ācamanīyaṁ samarpayāmi |
pañcāmṛta snānam –
kṣīram –
kāmadhenusamutpannaṁ sarveṣāṁ jīvanaṁ param |
pāvanaṁ yajñahetuśca payaḥ snānārthamarpitam ||
oṁ śrībagalāmukhyai namaḥ kṣīrasnānaṁ samarpayāmi |
dadhi –
payasastu samudbhūtaṁ madhurāmlaṁ śaśīprabham |
dadhyānītaṁ mahādevi snānārthaṁ pratigṛhyatām ||
oṁ śrībagalāmukhyai namaḥ dadhisnānaṁ samarpayāmi |
ghṛtam –
navanītaṁ samutpannaṁ sarvasantoṣakārakam |
ghṛtaṁ tubhyaṁ pradāsyāmi snānārthaṁ pratigṛhyatām ||
oṁ śrībagalāmukhyai namaḥ ghṛtasnānaṁ samarpayāmi |
madhu –
puṣpareṇu samutpannaṁ susvādu madhuraṁ madhu |
tejaḥ puṣṭi samāyuktaṁ snānārthaṁ pratigṛhyatām ||
oṁ śrībagalāmukhyai namaḥ madhusnānaṁ samarpayāmi |
śarkarā –
ikṣusārasamudbhūtaṁ śarkarāṁ puṣṭidāṁ śubhām |
malāpahārikāṁ divyāṁ snānārthaṁ pratigṛhyatām ||
oṁ śrībagalāmukhyai namaḥ śarkarāsnānaṁ samarpayāmi |
payo dadhi ghṛtaṁ caiva madhuśarkara samyutam |
pañcāmṛtaṁ mayā”nītaṁ snānārthaṁ pratigṛhyatām ||
oṁ śrībagalāmukhyai namaḥ pañcāmṛtasnānaṁ samarpayāmi |
gandhodaka snānam –
malayācalasambhūtaṁ candanāgarumiśritam |
salilaṁ devadeveśi śuddhaṁ snānāya gṛhyatām ||
oṁ śrībagalāmukhyai namaḥ gandhodakasnānaṁ samarpayāmi |
śuddhodakasnānam –
ā̱di̱tyava̍rṇe̱ tapa̱so’dhi̍jā̱to vana̱spati̱stava̍ vṛ̱kṣo’tha bi̱lvaḥ |
tasya̱ phalā̍ni̱ tapa̱sā nu̍dantu mā̱yānta̍rā̱yāśca̍ bā̱hyā a̍la̱kṣmīḥ ||
śuddhaṁ yat salilaṁ divyaṁ gaṅgājala samaṁ smṛtam |
samarpitaṁ mayā bhaktyā snānārthaṁ pratigṛhyatām ||
oṁ śrībagalāmukhyai namaḥ śuddhodaka snānaṁ samarpayāmi |
snānānantaraṁ ācamanīyaṁ samarpayāmi |
vastram –
upai̍tu̱ māṁ de̍vasa̱khaḥ kī̱rtiśca̱ maṇi̍nā sa̱ha |
prā̱du̱rbhū̱to’smi̍ rāṣṭre̱’smin kī̱rtimṛ̍ddhiṁ da̱dātu̍ me ||
paṭṭayugmaṁ mayā dattaṁ kañcukena samanvitam |
paridhehi kṛpāṁ kṛtvā mātaḥ śrībagalāmukhi ||
oṁ śrībagalāmukhyai namaḥ vastrayugmaṁ samarpayāmi |
yajñopavītam –
kṣutpi̍pā̱sāma̍lāṁ jye̱ṣṭhāma̍la̱kṣmīṁ nā̍śayā̱myaham |
abhū̍ti̱masa̍mṛddhi̱ṁ ca sarvā̱ṁ nirṇu̍da me̱ gṛhā̍t ||
svarṇasūtramayaṁ divyaṁ brahmaṇā nirmitaṁ purā |
upavītaṁ mayā dattaṁ gṛhāṇa bagalāmukhi ||
oṁ śrībagalāmukhyai namaḥ yajñopavītaṁ samarpayāmi |
gandham –
ga̱ndha̱dvā̱rāṁ du̍rādha̱rṣā̱ṁ ni̱tyapu̍ṣṭāṁ karī̱ṣiṇī̎m |
ī̱śvarī̍gṁ sarva̍bhūtā̱nā̱ṁ tāmi̱hopa̍hvaye̱ śriyam ||
śrīkhaṇḍaṁ candanaṁ divyaṁ gandhāḍhyaṁ sumanoharam |
vilepanaṁ suraśreṣṭhe candanaṁ pratigṛhyatām ||
oṁ śrībagalāmukhyai namaḥ śrīcandanaṁ samarpayāmi |
oṁ śrībagalāmukhyai namaḥ haridrā kuṅkuma kajjala kastūrī gorojanādi sugandha dravyāṇi samarpayāmi |
ābharaṇam –
mana̍sa̱: kāma̱mākū̍tiṁ vā̱caḥ sa̱tyama̍śīmahi |
pa̱śū̱nāṁ rū̱pamanna̍sya̱ mayi̱ śrīḥ śra̍yatā̱ṁ yaśa̍: ||
hāra kaṅkaṇa keyūra mekhalā kuṇḍalādibhiḥ |
ratnāḍhyaṁ hīrakopetaṁ bhūṣaṇaṁ pratigṛhyatām ||
oṁ śrībagalāmukhyai namaḥ sarvābharaṇāni samarpayāmi |
puṣpāṇi –
ka̱rdame̍na pra̍jābhū̱tā̱ ma̱yi̱ sambha̍va ka̱rdama |
śriya̍ṁ vā̱saya̍ me ku̱le mā̱tara̍ṁ padma̱māli̍nīm ||
mandārapārijātādipāṭalaṁ ketakāni ca |
jātīcampakapuṣpāṇi gṛhāṇemāni śobhane ||
oṁ śrībagalāmukhyai namaḥ puṣpaṁ samarpayāmi |
dhūpam –
āpa̍: sṛ̱jantu̍ sni̱gdhā̱ni̱ ci̱klī̱ta va̍sa me̱ gṛhe |
ni ca̍ de̱vīṁ mā̱tara̱ṁ śriya̍ṁ vā̱saya̍ me ku̱le ||
vanaspatirasodbhūto gandhāḍhyo gandha uttamaḥ |
āghreyaḥ sarvadevānāṁ dhūpo’yaṁ pratigṛhyatām ||
oṁ śrībagalāmukhyai namaḥ dhūpaṁ āghrāpayāmi |
dīpam –
ā̱rdrāṁ pu̱ṣkari̍ṇīṁ pu̱ṣṭi̱ṁ pi̱ṅga̱lāṁ pa̍dmamā̱linīm|
ca̱ndrāṁ hi̱raṇma̍yīṁ la̱kṣmīṁ jāta̍vedo ma̱ āva̍ha ||
sājyaṁ ca varti samyuktaṁ vahninā yojitaṁ mayā |
dīpaṁ gṛhāṇa deveśi trailokyatimirāpaham ||
oṁ śrībagalāmukhyai namaḥ dīpaṁ darśayāmi |
naivedyam –
ā̱rdrāṁ ya̱: kari̍ṇīṁ ya̱ṣṭi̱ṁ su̱va̱rṇāṁ he̍mamā̱linīm |
sū̱ryāṁ hi̱raṇma̍yīṁ la̱kṣmī̱ṁ jāta̍vedo ma̱ āvaha ||
annaṁ caturvidhaṁ svādurasaiḥ ṣaḍbhiḥ samanvitam |
naivedyaṁ gṛhyatāṁ devi bhaktiṁ me hyacalāṁ kuru ||
oṁ śrībagalāmukhyai namaḥ naivedyaṁ samarpayāmi |
tāmbūlam –
tāṁ ma̱ āva̍ha̱ jāta̍vedo la̱kṣmīmana̍pagā̱minī̎m |
yasyā̱ṁ hi̍raṇya̱ṁ prabhū̍ta̱ṁ gāvo̍ dā̱syo’śvā̎nvi̱ndeya̱ṁ puru̍ṣāna̱ham ||
elā lavaṅga kastūrī karpūraiḥ puṣpavāsitam |
vīṭikāṁ mukhavāsārthamarpayāmi sureśvari ||
oṁ śrībagalāmukhyai namaḥ tāmbūlaṁ samarpayāmi |
nīrājanam –
yaḥ śuci̱: praya̍to bhū̱tvā ju̱huyā̎dājya̱ manva̍ham |
śriya̍: pa̱ñcada̍śarca̱ṁ ca śrī̱kāma̍: sata̱taṁ ja̍pet ||
kadalīgarbhasambhūtaṁ karpūraṁ tu pradīpitam |
ārārtikamahaṁ kurve paśya māṁ varadā bhava ||
oṁ śrībagalāmukhyai namaḥ karpūra nīrājanaṁ samarpayāmi |
nīrājanānantaraṁ śuddhācamanīyaṁ samarpayāmi | namaskaromi |
mantrapuṣpam –
oṁ śrībagalāmukhyai namaḥ suvarṇa divya mantrapuṣpaṁ samarpayāmi |
pradakṣiṇa –
yānikāni ca pāpāni janmāntarakṛtāni ca
tāni tāni praṇaśyanti pradakṣiṇa pade pade |
pāpo’haṁ pāpakarmā’haṁ pāpātmā pāpasambhava |
trāhimāṁ kṛpayā devī śaraṇāgatavatsale |
anyathā śaraṇaṁ nāsti tvameva śaraṇaṁ mama |
tasmātkāruṇya bhāvena rakṣa rakṣa sureśvarī |
oṁ śrībagalāmukhyai namaḥ ātmapradakṣiṇa namaskārān samarpayāmi |
sāṣṭāṅga namaskāram –
namaḥ sarvahitārthāyai jagadādhāra hetave |
sāṣṭāṅgo’yaṁ praṇāmastu prayatnena mayā kṛtaḥ ||
oṁ śrībagalāmukhyai namaḥ sāṣṭāṅga namaskārāṁ samarpayāmi |
prārthanā –
ārādhye jagadamba divyakavibhiḥ sāmājikaiḥ stotṛbhiḥ
mālyaiścandanakuṅkumaiḥ parimalairabhyarcite sādarāt |
samyaṅ nyāsi samastabhūtanivahe saubhāgyaśobhāprade
śrīmugdhe bagale prasīda vimale duḥkhāpahe pāhi mām ||
oṁ śrībagalāmukhyai namaḥ prārthanā namaskārān samarpayāmi |
kṣamāprārthanā –
aparādha sahasrāṇi kriyante’harniśaṁ mayā |
dāso’yamiti māṁ matvā kṣamasva parameśvarī |
āvāhanaṁ na jānāmi na jānāmi visarjanam |
pūjāvidhiṁ na jānāmi kṣamasva parameśvarī |
mantrahīnaṁ kriyāhīnaṁ bhaktihīnaṁ maheśvarī |
yatpūjitaṁ mayā devī paripūrṇaṁ tadastute |
samarpaṇam –
anayā śrīsūkta vidhāna pūrvaka dhyāna āvāhanādi ṣoḍaśopacāra pūjayā bhagavatī sarvātmikā śrībagalāmukhī devī suprītā suprasannā varadā bhavantu ||
tīrthaprasāda grahaṇam –
akālamṛtyaharaṇaṁ sarvavyādhinivāraṇam |
samastapāpakṣayakaraṁ śrībagalāmukhī pādodakaṁ pāvanaṁ śubham ||
śrībagalāmukhyai namaḥ prasādaṁ śirasā gṛhṇāmi |
visarjanam –
idaṁ pūjā mayā devi yathāśaktyupapāditām |
rakṣārthaṁ tvaṁ samadāya vrajasthānamanuttamam ||
oṁ śrī pratyaṅgirā devatāyai namaḥ yathāsthānamudvāsayāmi |
oṁ śāntiḥ śāntiḥ śāntiḥ ||
Leave a Comment