bagalā pūrvato rakṣedāgneyyāṃ ca gadādharī |
pītāmbarā dakṣiṇe ca stambhinī caiva nairṛte || 1 ||
jihvākīlinyato rakṣet paścime sarvadā hi mām |
vāyavye ca madonmattā kauberyāṃ ca triśūlinī || 2 ||
brahmāstradevatā pātu aiśānyāṃ satataṃ mama |
saṃrakṣen māṃ tu satataṃ pātāle stabdhamātṛkā || 3 ||
ūrdhvaṃ rakṣenmahādevī jihvāstambhanakāriṇī |
evaṃ daśadiśo rakṣedbagalā sarvasiddhidā || 4 ||
evaṃ nyāsavidhiṃ kṛtvā yat kiñcijjapamācaret |
tasyāḥ saṃsmaraṇādeva śatrūṇāṃ stambhanaṃ bhavet || 5 ||
iti śrī bagalā pañjara nyāsa stotram ||
Leave a Comment