මහා ගණපති සහස්රනාම ස්තෝත්රම්

sri maha ganapati sahasranama stotram in sinhala

මුනිරුවාච
කථං නාම්නාං සහස්රං තං ගණේශ උපදිෂ්ටවාන් ।
ශිවදං තන්මමාචක්ෂ්ව ලෝකානුග්රහතත්පර ॥ 1 ॥

බ්රහ්මෝවාච
දේවඃ පූර්වං පුරාරාතිඃ පුරත්රයජයෝද්යමේ ।
අනර්චනාද්ගණේශස්ය ජාතෝ විඝ්නාකුලඃ කිල ॥ 2 ॥

මනසා ස විනිර්ධාර්ය දදෘශේ විඝ්නකාරණම් ।
මහාගණපතිං භක්ත්යා සමභ්යර්ච්ය යථාවිධි ॥ 3 ॥

විඝ්නප්රශමනෝපායමපෘච්ඡදපරිශ්රමම් ।
සංතුෂ්ටඃ පූජයා ශංභෝර්මහාගණපතිඃ ස්වයම් ॥ 4 ॥

සර්වවිඝ්නප්රශමනං සර්වකාමඵලප්රදම් ।
තතස්තස්මෛ ස්වයං නාම්නාං සහස්රමිදමබ්රවීත් ॥ 5 ॥

අස්ය ශ්රීමහාගණපතිසහස්රනාමස්තෝත්රමාලාමංත්රස්ය ।
ගණේශ ඍෂිඃ, මහාගණපතිර්දේවතා, නානාවිධානිච්ඡංදාංසි ।
හුමිති බීජම්, තුංගමිති ශක්තිඃ, ස්වාහාශක්තිරිති කීලකම් ।
සකලවිඝ්නවිනාශනද්වාරා ශ්රීමහාගණපතිප්රසාදසිද්ධ්යර්ථේ ජපේ විනියෝගඃ ।

අථ කරන්යාසඃ
ගණේශ්වරෝ ගණක්රීඩ ඉත්යංගුෂ්ඨාභ්යාං නමඃ ।
කුමාරගුරුරීශාන ඉති තර්ජනීභ්යාං නමඃ ॥
බ්රහ්මාංඩකුංභශ්චිද්ව්යෝමේති මධ්යමාභ්යාං නමඃ ।
රක්තෝ රක්තාංබරධර ඉත්යනාමිකාභ්යාං නමඃ
සර්වසද්ගුරුසංසේව්ය ඉති කනිෂ්ඨිකාභ්යාං නමඃ ।
ලුප්තවිඝ්නඃ ස්වභක්තානාමිති කරතලකරපෘෂ්ඨාභ්යාං නමඃ ॥

අථ අංගන්යාසඃ
ඡංදශ්ඡංදෝද්භව ඉති හෘදයාය නමඃ ।
නිෂ්කලෝ නිර්මල ඉති ශිරසේ ස්වාහා ।
සෘෂ්ටිස්ථිතිලයක්රීඩ ඉති ශිඛායෛ වෂට් ।
ජ්ඤානං විජ්ඤානමානංද ඉති කවචාය හුම් ।
අෂ්ටාංගයෝගඵලභෘදිති නේත්රත්රයාය වෞෂට් ।
අනංතශක්තිසහිත ඉත්යස්ත්රාය ඵට් ।
භූර්භුවඃ ස්වරෝං ඉති දිග්බංධඃ ।

අථ ධ්යානම්
ගජවදනමචිංත්යං තීක්ෂ්ණදංෂ්ට්රං ත්රිනේත්රං
බෘහදුදරමශේෂං භූතිරාජං පුරාණම් ।
අමරවරසුපූජ්යං රක්තවර්ණං සුරේශං
පශුපතිසුතමීශං විඝ්නරාජං නමාමි ॥

ශ්රීගණපතිරුවාච
ඕං ගණේශ්වරෝ ගණක්රීඩෝ ගණනාථෝ ගණාධිපඃ ।
ඒකදංතෝ වක්රතුංඩෝ ගජවක්ත්රෝ මහෝදරඃ ॥ 1 ॥

ලංබෝදරෝ ධූම්රවර්ණෝ විකටෝ විඝ්නනාශනඃ ।
සුමුඛෝ දුර්මුඛෝ බුද්ධෝ විඝ්නරාජෝ ගජානනඃ ॥ 2 ॥

භීමඃ ප්රමෝද ආමෝදඃ සුරානංදෝ මදෝත්කටඃ ।
හේරංබඃ ශංබරඃ ශංභුර්ලංබකර්ණෝ මහාබලඃ ॥ 3 ॥

නංදනෝ ලංපටෝ භීමෝ මේඝනාදෝ ගණංජයඃ ।
විනායකෝ විරූපාක්ෂෝ වීරඃ ශූරවරප්රදඃ ॥ 4 ॥

මහාගණපතිර්බුද්ධිප්රියඃ ක්ෂිප්රප්රසාදනඃ ।
රුද්රප්රියෝ ගණාධ්යක්ෂ උමාපුත්රෝऽඝනාශනඃ ॥ 5 ॥

කුමාරගුරුරීශානපුත්රෝ මූෂකවාහනඃ ।
සිද්ධිප්රියඃ සිද්ධිපතිඃ සිද්ධඃ සිද්ධිවිනායකඃ ॥ 6 ॥

අවිඝ්නස්තුංබුරුඃ සිංහවාහනෝ මෝහිනීප්රියඃ ।
කටංකටෝ රාජපුත්රඃ ශාකලඃ සංමිතෝමිතඃ ॥ 7 ॥

කූෂ්මාංඩසාමසංභූතිර්දුර්ජයෝ ධූර්ජයෝ ජයඃ ।
භූපතිර්භුවනපතිර්භූතානාං පතිරව්යයඃ ॥ 8 ॥

විශ්වකර්තා විශ්වමුඛෝ විශ්වරූපෝ නිධිර්ගුණඃ ।
කවිඃ කවීනාමෘෂභෝ බ්රහ්මණ්යෝ බ්රහ්මවිත්ප්රියඃ ॥ 9 ॥

ජ්යේෂ්ඨරාජෝ නිධිපතිර්නිධිප්රියපතිප්රියඃ ।
හිරණ්මයපුරාංතඃස්ථඃ සූර්යමංඩලමධ්යගඃ ॥ 10 ॥

කරාහතිධ්වස්තසිංධුසලිලඃ පූෂදංතභිත් ।
උමාංකකේලිකුතුකී මුක්තිදඃ කුලපාවනඃ ॥ 11 ॥

කිරීටී කුංඩලී හාරී වනමාලී මනෝමයඃ ।
වෛමුඛ්යහතදෛත්යශ්රීඃ පාදාහතිජිතක්ෂිතිඃ ॥ 12 ॥

සද්යෝජාතඃ ස්වර්ණමුංජමේඛලී දුර්නිමිත්තහෘත් ।
දුඃස්වප්නහෘත්ප්රසහනෝ ගුණී නාදප්රතිෂ්ඨිතඃ ॥ 13 ॥

සුරූපඃ සර්වනේත්රාධිවාසෝ වීරාසනාශ්රයඃ ।
පීතාංබරඃ ඛංඩරදඃ ඛංඩවෛශාඛසංස්ථිතඃ ॥ 14 ॥

චිත්රාංගඃ ශ්යාමදශනෝ භාලචංද්රෝ හවිර්භුජඃ ।
යෝගාධිපස්තාරකස්ථඃ පුරුෂෝ ගජකර්ණකඃ ॥ 15 ॥

ගණාධිරාජෝ විජයඃ ස්ථිරෝ ගජපතිධ්වජී ।
දේවදේවඃ ස්මරඃ ප්රාණදීපකෝ වායුකීලකඃ ॥ 16 ॥

විපශ්චිද්වරදෝ නාදෝ නාදභින්නමහාචලඃ ।
වරාහරදනෝ මෘත්යුංජයෝ ව්යාඝ්රාජිනාංබරඃ ॥ 17 ॥

ඉච්ඡාශක්තිභවෝ දේවත්රාතා දෛත්යවිමර්දනඃ ।
ශංභුවක්ත්රෝද්භවඃ ශංභුකෝපහා ශංභුහාස්යභූඃ ॥ 18 ॥

ශංභුතේජාඃ ශිවාශෝකහාරී ගෞරීසුඛාවහඃ ।
උමාංගමලජෝ ගෞරීතේජෝභූඃ ස්වර්ධුනීභවඃ ॥ 19 ॥

යජ්ඤකායෝ මහානාදෝ ගිරිවර්ෂ්මා ශුභානනඃ ।
සර්වාත්මා සර්වදේවාත්මා බ්රහ්මමූර්ධා කකුප්ශ්රුතිඃ ॥ 20 ॥

බ්රහ්මාංඩකුංභශ්චිද්ව්යෝමභාලඃසත්යශිරෝරුහඃ ।
ජගජ්ජන්මලයෝන්මේෂනිමේෂෝऽග්න්යර්කසෝමදෘක් ॥ 21 ॥

ගිරීංද්රෛකරදෝ ධර්මාධර්මෝෂ්ඨඃ සාමබෘංහිතඃ ।
ග්රහර්ක්ෂදශනෝ වාණීජිහ්වෝ වාසවනාසිකඃ ॥ 22 ॥

භ්රූමධ්යසංස්ථිතකරෝ බ්රහ්මවිද්යාමදෝදකඃ ।
කුලාචලාංසඃ සෝමාර්කඝංටෝ රුද්රශිරෝධරඃ ॥ 23 ॥

නදීනදභුජඃ සර්පාංගුලීකස්තාරකානඛඃ ।
ව්යෝමනාභිඃ ශ්රීහෘදයෝ මේරුපෘෂ්ඨෝऽර්ණවෝදරඃ ॥ 24 ॥

කුක්ෂිස්ථයක්ෂගංධර්වරක්ෂඃකින්නරමානුෂඃ ।
පෘථ්වීකටිඃ සෘෂ්ටිලිංගඃ ශෛලෝරුර්දස්රජානුකඃ ॥ 25 ॥

පාතාලජංඝෝ මුනිපාත්කාලාංගුෂ්ඨස්ත්රයීතනුඃ ।
ජ්යෝතිර්මංඩලලාංගූලෝ හෘදයාලානනිශ්චලඃ ॥ 26 ॥

හෘත්පද්මකර්ණිකාශාලී වියත්කේලිසරෝවරඃ ।
සද්භක්තධ්යානනිගඩඃ පූජාවාරිනිවාරිතඃ ॥ 27 ॥

ප්රතාපී කාශ්යපෝ මංතා ගණකෝ විෂ්ටපී බලී ।
යශස්වී ධාර්මිකෝ ජේතා ප්රථමඃ ප්රමථේශ්වරඃ ॥ 28 ॥

චිංතාමණිර්ද්වීපපතිඃ කල්පද්රුමවනාලයඃ ।
රත්නමංඩපමධ්යස්ථෝ රත්නසිංහාසනාශ්රයඃ ॥ 29 ॥

තීව්රාශිරෝද්ධෘතපදෝ ජ්වාලිනීමෞලිලාලිතඃ ।
නංදානංදිතපීඨශ්රීර්භෝගදෝ භූෂිතාසනඃ ॥ 30 ॥

සකාමදායිනීපීඨඃ ස්ඵුරදුග්රාසනාශ්රයඃ ।
තේජෝවතීශිරෝරත්නං සත්යානිත්යාවතංසිතඃ ॥ 31 ॥

සවිඝ්නනාශිනීපීඨඃ සර්වශක්ත්යංබුජාලයඃ ।
ලිපිපද්මාසනාධාරෝ වහ්නිධාමත්රයාලයඃ ॥ 32 ॥

උන්නතප්රපදෝ ගූඪගුල්ඵඃ සංවෘතපාර්ෂ්ණිකඃ ।
පීනජංඝඃ ශ්ලිෂ්ටජානුඃ ස්ථූලෝරුඃ ප්රෝන්නමත්කටිඃ ॥ 33 ॥

නිම්නනාභිඃ ස්ථූලකුක්ෂිඃ පීනවක්ෂා බෘහද්භුජඃ ।
පීනස්කංධඃ කංබුකංඨෝ ලංබෝෂ්ඨෝ ලංබනාසිකඃ ॥ 34 ॥

භග්නවාමරදස්තුංගසව්යදංතෝ මහාහනුඃ ।
හ්රස්වනේත්රත්රයඃ ශූර්පකර්ණෝ නිබිඩමස්තකඃ ॥ 35 ॥

ස්තබකාකාරකුංභාග්රෝ රත්නමෞලිර්නිරංකුශඃ ।
සර්පහාරකටීසූත්රඃ සර්පයජ්ඤෝපවීතවාන් ॥ 36 ॥

සර්පකෝටීරකටකඃ සර්පග්රෛවේයකාංගදඃ ।
සර්පකක්ෂෝදරාබංධඃ සර්පරාජෝත්තරච්ඡදඃ ॥ 37 ॥

රක්තෝ රක්තාංබරධරෝ රක්තමාලාවිභූෂණඃ ।
රක්තේක්ෂනෝ රක්තකරෝ රක්තතාල්වෝෂ්ඨපල්ලවඃ ॥ 38 ॥

ශ්වේතඃ ශ්වේතාංබරධරඃ ශ්වේතමාලාවිභූෂණඃ ।
ශ්වේතාතපත්රරුචිරඃ ශ්වේතචාමරවීජිතඃ ॥ 39 ॥

සර්වාවයවසංපූර්ණඃ සර්වලක්ෂණලක්ෂිතඃ ।
සර්වාභරණශෝභාඪ්යඃ සර්වශෝභාසමන්විතඃ ॥ 40 ॥

සර්වමංගලමාංගල්යඃ සර්වකාරණකාරණම් ।
සර්වදේවවරඃ ශාරංගී බීජපූරී ගදාධරඃ ॥ 41 ॥

ශුභාංගෝ ලෝකසාරංගඃ සුතංතුස්තංතුවර්ධනඃ ।
කිරීටී කුංඩලී හාරී වනමාලී ශුභාංගදඃ ॥ 42 ॥

ඉක්ෂුචාපධරඃ ශූලී චක්රපාණිඃ සරෝජභෘත් ।
පාශී ධෘතෝත්පලඃ ශාලිමංජරීභෘත්ස්වදංතභෘත් ॥ 43 ॥

කල්පවල්ලීධරෝ විශ්වාභයදෛකකරෝ වශී ।
අක්ෂමාලාධරෝ ජ්ඤානමුද්රාවාන් මුද්ගරායුධඃ ॥ 44 ॥

පූර්ණපාත්රී කංබුධරෝ විධෘතාංකුශමූලකඃ ।
කරස්ථාම්රඵලශ්චූතකලිකාභෘත්කුඨාරවාන් ॥ 45 ॥

පුෂ්කරස්ථස්වර්ණඝටීපූර්ණරත්නාභිවර්ෂකඃ ।
භාරතීසුංදරීනාථෝ විනායකරතිප්රියඃ ॥ 46 ॥

මහාලක්ෂ්මීප්රියතමඃ සිද්ධලක්ෂ්මීමනෝරමඃ ।
රමාරමේශපූර්වාංගෝ දක්ෂිණෝමාමහේශ්වරඃ ॥ 47 ॥

මහීවරාහවාමාංගෝ රතිකංදර්පපශ්චිමඃ ।
ආමෝදමෝදජනනඃ සප්රමෝදප්රමෝදනඃ ॥ 48 ॥

සංවර්ධිතමහාවෘද්ධිරෘද්ධිසිද්ධිප්රවර්ධනඃ ।
දංතසෞමුඛ්යසුමුඛඃ කාංතිකංදලිතාශ්රයඃ ॥ 49 ॥

මදනාවත්යාශ්රිතාංඝ්රිඃ කෘතවෛමුඛ්යදුර්මුඛඃ ।
විඝ්නසංපල්ලවඃ පද්මඃ සර්වෝන්නතමදද්රවඃ ॥ 50 ॥

විඝ්නකෘන්නිම්නචරණෝ ද්රාවිණීශක්තිසත්කෘතඃ ।
තීව්රාප්රසන්නනයනෝ ජ්වාලිනීපාලිතෛකදෘක් ॥ 51 ॥

මෝහිනීමෝහනෝ භෝගදායිනීකාංතිමංඩනඃ ।
කාමිනීකාංතවක්ත්රශ්රීරධිෂ්ඨිතවසුංධරඃ ॥ 52 ॥

වසුධාරාමදෝන්නාදෝ මහාශංඛනිධිප්රියඃ ।
නමද්වසුමතීමාලී මහාපද්මනිධිඃ ප්රභුඃ ॥ 53 ॥

සර්වසද්ගුරුසංසේව්යඃ ශෝචිෂ්කේශහෘදාශ්රයඃ ।
ඊශානමූර්ධා දේවේංද්රශිඛඃ පවනනංදනඃ ॥ 54 ॥

ප්රත්යුග්රනයනෝ දිව්යෝ දිව්යාස්ත්රශතපර්වධෘක් ।
ඓරාවතාදිසර්වාශාවාරණෝ වාරණප්රියඃ ॥ 55 ॥

වජ්රාද්යස්ත්රපරීවාරෝ ගණචංඩසමාශ්රයඃ ।
ජයාජයපරිකරෝ විජයාවිජයාවහඃ ॥ 56 ॥

අජයාර්චිතපාදාබ්ජෝ නිත්යානංදවනස්ථිතඃ ।
විලාසිනීකෘතෝල්ලාසඃ ශෞංඩී සෞංදර්යමංඩිතඃ ॥ 57 ॥

අනංතානංතසුඛදඃ සුමංගලසුමංගලඃ ।
ජ්ඤානාශ්රයඃ ක්රියාධාර ඉච්ඡාශක්තිනිෂේවිතඃ ॥ 58 ॥

සුභගාසංශ්රිතපදෝ ලලිතාලලිතාශ්රයඃ ।
කාමිනීපාලනඃ කාමකාමිනීකේලිලාලිතඃ ॥ 59 ॥

සරස්වත්යාශ්රයෝ ගෞරීනංදනඃ ශ්රීනිකේතනඃ ।
ගුරුගුප්තපදෝ වාචාසිද්ධෝ වාගීශ්වරීපතිඃ ॥ 60 ॥

නලිනීකාමුකෝ වාමාරාමෝ ජ්යේෂ්ඨාමනෝරමඃ ।
රෞද්රීමුද්රිතපාදාබ්ජෝ හුංබීජස්තුංගශක්තිකඃ ॥ 61 ॥

විශ්වාදිජනනත්රාණඃ ස්වාහාශක්තිඃ සකීලකඃ ।
අමෘතාබ්ධිකෘතාවාසෝ මදඝූර්ණිතලෝචනඃ ॥ 62 ॥

උච්ඡිෂ්ටෝච්ඡිෂ්ටගණකෝ ගණේශෝ ගණනායකඃ ।
සාර්වකාලිකසංසිද්ධිර්නිත්යසේව්යෝ දිගංබරඃ ॥ 63 ॥

අනපායෝऽනංතදෘෂ්ටිරප්රමේයෝऽජරාමරඃ ।
අනාවිලෝऽප්රතිහතිරච්යුතෝऽමෘතමක්ෂරඃ ॥ 64 ॥

අප්රතර්ක්යෝऽක්ෂයෝऽජය්යෝऽනාධාරෝऽනාමයෝමලඃ ।
අමේයසිද්ධිරද්වෛතමඝෝරෝऽග්නිසමානනඃ ॥ 65 ॥

අනාකාරෝऽබ්ධිභූම්යග්නිබලඝ්නෝऽව්යක්තලක්ෂණඃ ।
ආධාරපීඨමාධාර ආධාරාධේයවර්ජිතඃ ॥ 66 ॥

ආඛුකේතන ආශාපූරක ආඛුමහාරථඃ ।
ඉක්ෂුසාගරමධ්යස්ථ ඉක්ෂුභක්ෂණලාලසඃ ॥ 67 ॥

ඉක්ෂුචාපාතිරේකශ්රීරික්ෂුචාපනිෂේවිතඃ ।
ඉංද්රගෝපසමානශ්රීරිංද්රනීලසමද්යුතිඃ ॥ 68 ॥

ඉංදීවරදලශ්යාම ඉංදුමංඩලමංඩිතඃ ।
ඉධ්මප්රිය ඉඩාභාග ඉඩාවානිංදිරාප්රියඃ ॥ 69 ॥

ඉක්ෂ්වාකුවිඝ්නවිධ්වංසී ඉතිකර්තව්යතේප්සිතඃ ।
ඊශානමෞලිරීශාන ඊශානප්රිය ඊතිහා ॥ 70 ॥

ඊෂණාත්රයකල්පාංත ඊහාමාත්රවිවර්ජිතඃ ।
උපේංද්ර උඩුභෘන්මෞලිරුඩුනාථකරප්රියඃ ॥ 71 ॥

උන්නතානන උත්තුංග උදාරස්ත්රිදශාග්රණීඃ ।
ඌර්ජස්වානූෂ්මලමද ඌහාපෝහදුරාසදඃ ॥ 72 ॥

ඍග්යජුඃසාමනයන ඍද්ධිසිද්ධිසමර්පකඃ ।
ඍජුචිත්තෛකසුලභෝ ඍණත්රයවිමෝචනඃ ॥ 73 ॥

ලුප්තවිඝ්නඃ ස්වභක්තානාං ලුප්තශක්තිඃ සුරද්විෂාම් ।
ලුප්තශ්රීර්විමුඛාර්චානාං ලූතාවිස්ඵෝටනාශනඃ ॥ 74 ॥

ඒකාරපීඨමධ්යස්ථ ඒකපාදකෘතාසනඃ ।
ඒජිතාඛිලදෛත්යශ්රීරේධිතාඛිලසංශ්රයඃ ॥ 75 ॥

ඓශ්වර්යනිධිරෛශ්වර්යමෛහිකාමුෂ්මිකප්රදඃ ।
ඓරංමදසමෝන්මේෂ ඓරාවතසමානනඃ ॥ 76 ॥

ඕංකාරවාච්ය ඕංකාර ඕජස්වානෝෂධීපතිඃ ।
ඖදාර්යනිධිරෞද්ධත්යධෛර්ය ඖන්නත්යනිඃසමඃ ॥ 77 ॥

අංකුශඃ සුරනාගානාමංකුශාකාරසංස්ථිතඃ ।
අඃ සමස්තවිසර්ගාංතපදේෂු පරිකීර්තිතඃ ॥ 78 ॥

කමංඩලුධරඃ කල්පඃ කපර්දී කලභානනඃ ।
කර්මසාක්ෂී කර්මකර්තා කර්මාකර්මඵලප්රදඃ ॥ 79 ॥

කදංබගෝලකාකාරඃ කූෂ්මාංඩගණනායකඃ ।
කාරුණ්යදේහඃ කපිලඃ කථකඃ කටිසූත්රභෘත් ॥ 80 ॥

ඛර්වඃ ඛඩ්ගප්රියඃ ඛඩ්ගඃ ඛාංතාංතඃස්ථඃ ඛනිර්මලඃ ।
ඛල්වාටශෘංගනිලයඃ ඛට්වාංගී ඛදුරාසදඃ ॥ 81 ॥

ගුණාඪ්යෝ ගහනෝ ගද්යෝ ගද්යපද්යසුධාර්ණවඃ ।
ගද්යගානප්රියෝ ගර්ජෝ ගීතගීර්වාණපූර්වජඃ ॥ 82 ॥

ගුහ්යාචාරරතෝ ගුහ්යෝ ගුහ්යාගමනිරූපිතඃ ।
ගුහාශයෝ ගුඩාබ්ධිස්ථෝ ගුරුගම්යෝ ගුරුර්ගුරුඃ ॥ 83 ॥

ඝංටාඝර්ඝරිකාමාලී ඝටකුංභෝ ඝටෝදරඃ ।
ඞකාරවාච්යෝ ඞාකාරෝ ඞකාරාකාරශුංඩභෘත් ॥ 84 ॥

චංඩශ්චංඩේශ්වරශ්චංඩී චංඩේශශ්චංඩවික්රමඃ ।
චරාචරපිතා චිංතාමණිශ්චර්වණලාලසඃ ॥ 85 ॥

ඡංදශ්ඡංදෝද්භවශ්ඡංදෝ දුර්ලක්ෂ්යශ්ඡංදවිග්රහඃ ।
ජගද්යෝනිර්ජගත්සාක්ෂී ජගදීශෝ ජගන්මයඃ ॥ 86 ॥

ජප්යෝ ජපපරෝ ජාප්යෝ ජිහ්වාසිංහාසනප්රභුඃ ।
ස්රවද්ගංඩෝල්ලසද්ධානඣංකාරිභ්රමරාකුලඃ ॥ 87 ॥

ටංකාරස්ඵාරසංරාවෂ්ටංකාරමණිනූපුරඃ ।
ඨද්වයීපල්ලවාංතස්ථසර්වමංත්රේෂු සිද්ධිදඃ ॥ 88 ॥

ඩිංඩිමුංඩෝ ඩාකිනීශෝ ඩාමරෝ ඩිංඩිමප්රියඃ ।
ඪක්කානිනාදමුදිතෝ ඪෞංකෝ ඪුංඪිවිනායකඃ ॥ 89 ॥

තත්ත්වානාං ප්රකෘතිස්තත්ත්වං තත්ත්වංපදනිරූපිතඃ ।
තාරකාංතරසංස්ථානස්තාරකස්තාරකාංතකඃ ॥ 90 ॥

ස්ථාණුඃ ස්ථාණුප්රියඃ ස්ථාතා ස්ථාවරං ජංගමං ජගත් ।
දක්ෂයජ්ඤප්රමථනෝ දාතා දානං දමෝ දයා ॥ 91 ॥

දයාවාංදිව්යවිභවෝ දංඩභෘද්දංඩනායකඃ ।
දංතප්රභින්නාභ්රමාලෝ දෛත්යවාරණදාරණඃ ॥ 92 ॥

දංෂ්ට්රාලග්නද්වීපඝටෝ දේවාර්ථනෘගජාකෘතිඃ ।
ධනං ධනපතේර්බංධුර්ධනදෝ ධරණීධරඃ ॥ 93 ॥

ධ්යානෛකප්රකටෝ ධ්යේයෝ ධ්යානං ධ්යානපරායණඃ ।
ධ්වනිප්රකෘතිචීත්කාරෝ බ්රහ්මාංඩාවලිමේඛලඃ ॥ 94 ॥

නංද්යෝ නංදිප්රියෝ නාදෝ නාදමධ්යප්රතිෂ්ඨිතඃ ।
නිෂ්කලෝ නිර්මලෝ නිත්යෝ නිත්යානිත්යෝ නිරාමයඃ ॥ 95 ॥

පරං ව්යෝම පරං ධාම පරමාත්මා පරං පදම් ॥ 96 ॥

පරාත්පරඃ පශුපතිඃ පශුපාශවිමෝචනඃ ।
පූර්ණානංදඃ පරානංදඃ පුරාණපුරුෂෝත්තමඃ ॥ 97 ॥

පද්මප්රසන්නවදනඃ ප්රණතාජ්ඤානනාශනඃ ।
ප්රමාණප්රත්යයාතීතඃ ප්රණතාර්තිනිවාරණඃ ॥ 98 ॥

ඵණිහස්තඃ ඵණිපතිඃ ඵූත්කාරඃ ඵණිතප්රියඃ ।
බාණාර්චිතාංඝ්රියුගලෝ බාලකේලිකුතූහලී ।
බ්රහ්ම බ්රහ්මාර්චිතපදෝ බ්රහ්මචාරී බෘහස්පතිඃ ॥ 99 ॥

බෘහත්තමෝ බ්රහ්මපරෝ බ්රහ්මණ්යෝ බ්රහ්මවිත්ප්රියඃ ।
බෘහන්නාදාග්ර්යචීත්කාරෝ බ්රහ්මාංඩාවලිමේඛලඃ ॥ 100 ॥

භ්රූක්ෂේපදත්තලක්ෂ්මීකෝ භර්ගෝ භද්රෝ භයාපහඃ ।
භගවාන් භක්තිසුලභෝ භූතිදෝ භූතිභූෂණඃ ॥ 101 ॥

භව්යෝ භූතාලයෝ භෝගදාතා භ්රූමධ්යගෝචරඃ ।
මංත්රෝ මංත්රපතිර්මංත්රී මදමත්තෝ මනෝ මයඃ ॥ 102 ॥

මේඛලාහීශ්වරෝ මංදගතිර්මංදනිභේක්ෂණඃ ।
මහාබලෝ මහාවීර්යෝ මහාප්රාණෝ මහාමනාඃ ॥ 103 ॥

යජ්ඤෝ යජ්ඤපතිර්යජ්ඤගෝප්තා යජ්ඤඵලප්රදඃ ।
යශස්කරෝ යෝගගම්යෝ යාජ්ඤිකෝ යාජකප්රියඃ ॥ 104 ॥

රසෝ රසප්රියෝ රස්යෝ රංජකෝ රාවණාර්චිතඃ ।
රාජ්යරක්ෂාකරෝ රත්නගර්භෝ රාජ්යසුඛප්රදඃ ॥ 105 ॥

ලක්ෂෝ ලක්ෂපතිර්ලක්ෂ්යෝ ලයස්ථෝ ලඩ්ඩුකප්රියඃ ।
ලාසප්රියෝ ලාස්යපරෝ ලාභකෘල්ලෝකවිශ්රුතඃ ॥ 106 ॥

වරේණ්යෝ වහ්නිවදනෝ වංද්යෝ වේදාංතගෝචරඃ ।
විකර්තා විශ්වතශ්චක්ෂුර්විධාතා විශ්වතෝමුඛඃ ॥ 107 ॥

වාමදේවෝ විශ්වනේතා වජ්රිවජ්රනිවාරණඃ ।
විවස්වද්බංධනෝ විශ්වාධාරෝ විශ්වේශ්වරෝ විභුඃ ॥ 108 ॥

ශබ්දබ්රහ්ම ශමප්රාප්යඃ ශංභුශක්තිගණේශ්වරඃ ।
ශාස්තා ශිඛාග්රනිලයඃ ශරණ්යඃ ශංබරේශ්වරඃ ॥ 109 ॥

ෂඩෘතුකුසුමස්රග්වී ෂඩාධාරඃ ෂඩක්ෂරඃ ।
සංසාරවෛද්යඃ සර්වජ්ඤඃ සර්වභේෂජභේෂජම් ॥ 110 ॥

සෘෂ්ටිස්ථිතිලයක්රීඩඃ සුරකුංජරභේදකඃ ।
සිංදූරිතමහාකුංභඃ සදසද්භක්තිදායකඃ ॥ 111 ॥

සාක්ෂී සමුද්රමථනඃ ස්වයංවේද්යඃ ස්වදක්ෂිණඃ ।
ස්වතංත්රඃ සත්යසංකල්පඃ සාමගානරතඃ සුඛී ॥ 112 ॥

හංසෝ හස්තිපිශාචීශෝ හවනං හව්යකව්යභුක් ।
හව්යං හුතප්රියෝ හෘෂ්ටෝ හෘල්ලේඛාමංත්රමධ්යගඃ ॥ 113 ॥

ක්ෂේත්රාධිපඃ ක්ෂමාභර්තා ක්ෂමාක්ෂමපරායණඃ ।
ක්ෂිප්රක්ෂේමකරඃ ක්ෂේමානංදඃ ක්ෂෝණීසුරද්රුමඃ ॥ 114 ॥

ධර්මප්රදෝऽර්ථදඃ කාමදාතා සෞභාග්යවර්ධනඃ ।
විද්යාප්රදෝ විභවදෝ භුක්තිමුක්තිඵලප්රදඃ ॥ 115 ॥

ආභිරූප්යකරෝ වීරශ්රීප්රදෝ විජයප්රදඃ ।
සර්වවශ්යකරෝ ගර්භදෝෂහා පුත්රපෞත්රදඃ ॥ 116 ॥

මේධාදඃ කීර්තිදඃ ශෝකහාරී දෞර්භාග්යනාශනඃ ।
ප්රතිවාදිමුඛස්තංභෝ රුෂ්ටචිත්තප්රසාදනඃ ॥ 117 ॥

පරාභිචාරශමනෝ දුඃඛහා බංධමෝක්ෂදඃ ।
ලවස්ත්රුටිඃ කලා කාෂ්ඨා නිමේෂස්තත්පරක්ෂණඃ ॥ 118 ॥

ඝටී මුහූර්තඃ ප්රහරෝ දිවා නක්තමහර්නිශම් ।
පක්ෂෝ මාසර්ත්වයනාබ්දයුගං කල්පෝ මහාලයඃ ॥ 119 ॥

රාශිස්තාරා තිථිර්යෝගෝ වාරඃ කරණමංශකම් ।
ලග්නං හෝරා කාලචක්රං මේරුඃ සප්තර්ෂයෝ ධ්රුවඃ ॥ 120 ॥

රාහුර්මංදඃ කවිර්ජීවෝ බුධෝ භෞමඃ ශශී රවිඃ ।
කාලඃ සෘෂ්ටිඃ ස්ථිතිර්විශ්වං ස්ථාවරං ජංගමං ජගත් ॥ 121 ॥

භූරාපෝऽග්නිර්මරුද්ව්යෝමාහංකෘතිඃ ප්රකෘතිඃ පුමාන් ।
බ්රහ්මා විෂ්ණුඃ ශිවෝ රුද්ර ඊශඃ ශක්තිඃ සදාශිවඃ ॥ 122 ॥

ත්රිදශාඃ පිතරඃ සිද්ධා යක්ෂා රක්ෂාංසි කින්නරාඃ ।
සිද්ධවිද්යාධරා භූතා මනුෂ්යාඃ පශවඃ ඛගාඃ ॥ 123 ॥

සමුද්රාඃ සරිතඃ ශෛලා භූතං භව්යං භවෝද්භවඃ ।
සාංඛ්යං පාතංජලං යෝගං පුරාණානි ශ්රුතිඃ ස්මෘතිඃ ॥ 124 ॥

වේදාංගානි සදාචාරෝ මීමාංසා න්යායවිස්තරඃ ।
ආයුර්වේදෝ ධනුර්වේදෝ ගාංධර්වං කාව්යනාටකම් ॥ 125 ॥

වෛඛානසං භාගවතං මානුෂං පාංචරාත්රකම් ।
ශෛවං පාශුපතං කාලාමුඛංභෛරවශාසනම් ॥ 126 ॥

ශාක්තං වෛනායකං සෞරං ජෛනමාර්හතසංහිතා ।
සදසද්ව්යක්තමව්යක්තං සචේතනමචේතනම් ॥ 127 ॥

බංධෝ මෝක්ෂඃ සුඛං භෝගෝ යෝගඃ සත්යමණුර්මහාන් ।
ස්වස්ති හුංඵට් ස්වධා ස්වාහා ශ්රෞෂට් වෞෂට් වෂණ් නමඃ 128 ॥

ජ්ඤානං විජ්ඤානමානංදෝ බෝධඃ සංවිත්සමෝऽසමඃ ।
ඒක ඒකාක්ෂරාධාර ඒකාක්ෂරපරායණඃ ॥ 129 ॥

ඒකාග්රධීරේකවීර ඒකෝऽනේකස්වරූපධෘක් ।
ද්විරූපෝ ද්විභුජෝ ද්ව්යක්ෂෝ ද්විරදෝ ද්වීපරක්ෂකඃ ॥ 130 ॥

ද්වෛමාතුරෝ ද්විවදනෝ ද්වංද්වහීනෝ ද්වයාතිගඃ ।
ත්රිධාමා ත්රිකරස්ත්රේතා ත්රිවර්ගඵලදායකඃ ॥ 131 ॥

ත්රිගුණාත්මා ත්රිලෝකාදිස්ත්රිශක්තීශස්ත්රිලෝචනඃ ।
චතුර්විධවචෝවෘත්තිපරිවෘත්තිප්රවර්තකඃ ॥ 132 ॥

චතුර්බාහුශ්චතුර්දංතශ්චතුරාත්මා චතුර්භුජඃ ।
චතුර්විධෝපායමයශ්චතුර්වර්ණාශ්රමාශ්රයඃ 133 ॥

චතුර්ථීපූජනප්රීතශ්චතුර්ථීතිථිසංභවඃ ॥
පංචාක්ෂරාත්මා පංචාත්මා පංචාස්යඃ පංචකෘත්තමඃ ॥ 134 ॥

පංචාධාරඃ පංචවර්ණඃ පංචාක්ෂරපරායණඃ ।
පංචතාලඃ පංචකරඃ පංචප්රණවමාතෘකඃ ॥ 135 ॥

පංචබ්රහ්මමයස්ඵූර්තිඃ පංචාවරණවාරිතඃ ।
පංචභක්ෂප්රියඃ පංචබාණඃ පංචශිඛාත්මකඃ ॥ 136 ॥

ෂට්කෝණපීඨඃ ෂට්චක්රධාමා ෂඩ්ග්රංථිභේදකඃ ।
ෂඩංගධ්වාංතවිධ්වංසී ෂඩංගුලමහාහ්රදඃ ॥ 137 ॥

ෂණ්මුඛඃ ෂණ්මුඛභ්රාතා ෂට්ශක්තිපරිවාරිතඃ ।
ෂඩ්වෛරිවර්ගවිධ්වංසී ෂඩූර්මිභයභංජනඃ ॥ 138 ॥

ෂට්තර්කදූරඃ ෂට්කර්මා ෂඩ්ගුණඃ ෂඩ්රසාශ්රයඃ ।
සප්තපාතාලචරණඃ සප්තද්වීපෝරුමංඩලඃ ॥ 139 ॥

සප්තස්වර්ලෝකමුකුටඃ සප්තසප්තිවරප්රදඃ ।
සප්තාංගරාජ්යසුඛදඃ සප්තර්ෂිගණවංදිතඃ ॥ 140 ॥

සප්තච්ඡංදෝනිධිඃ සප්තහෝත්රඃ සප්තස්වරාශ්රයඃ ।
සප්තාබ්ධිකේලිකාසාරඃ සප්තමාතෘනිෂේවිතඃ ॥ 141 ॥

සප්තච්ඡංදෝ මෝදමදඃ සප්තච්ඡංදෝ මඛප්රභුඃ ।
අෂ්ටමූර්තිර්ධ්යේයමූර්තිරෂ්ටප්රකෘතිකාරණම් ॥ 142 ॥

අෂ්ටාංගයෝගඵලභෘදෂ්ටපත්රාංබුජාසනඃ ।
අෂ්ටශක්තිසමානශ්රීරෂ්ටෛශ්වර්යප්රවර්ධනඃ ॥ 143 ॥

අෂ්ටපීඨෝපපීඨශ්රීරෂ්ටමාතෘසමාවෘතඃ ।
අෂ්ටභෛරවසේව්යෝऽෂ්ටවසුවංද්යෝऽෂ්ටමූර්තිභෘත් ॥ 144 ॥

අෂ්ටචක්රස්ඵුරන්මූර්තිරෂ්ටද්රව්යහවිඃප්රියඃ ।
අෂ්ටශ්රීරෂ්ටසාමශ්රීරෂ්ටෛශ්වර්යප්රදායකඃ ।
නවනාගාසනාධ්යාසී නවනිධ්යනුශාසිතඃ ॥ 145 ॥

නවද්වාරපුරාවෘත්තෝ නවද්වාරනිකේතනඃ ।
නවනාථමහානාථෝ නවනාගවිභූෂිතඃ ॥ 146 ॥

නවනාරායණස්තුල්යෝ නවදුර්ගානිෂේවිතඃ ।
නවරත්නවිචිත්රාංගෝ නවශක්තිශිරෝද්ධෘතඃ ॥ 147 ॥

දශාත්මකෝ දශභුජෝ දශදික්පතිවංදිතඃ ।
දශාධ්යායෝ දශප්රාණෝ දශේංද්රියනියාමකඃ ॥ 148 ॥

දශාක්ෂරමහාමංත්රෝ දශාශාව්යාපිවිග්රහඃ ।
ඒකාදශමහාරුද්රෛඃස්තුතශ්චෛකාදශාක්ෂරඃ ॥ 149 ॥

ද්වාදශද්විදශාෂ්ටාදිදෝර්දංඩාස්ත්රනිකේතනඃ ।
ත්රයෝදශභිදාභින්නෝ විශ්වේදේවාධිදෛවතම් ॥ 150 ॥

චතුර්දශේංද්රවරදශ්චතුර්දශමනුප්රභුඃ ।
චතුර්දශාද්යවිද්යාඪ්යශ්චතුර්දශජගත්පතිඃ ॥ 151 ॥

සාමපංචදශඃ පංචදශීශීතාංශුනිර්මලඃ ।
තිථිපංචදශාකාරස්තිථ්යා පංචදශාර්චිතඃ ॥ 152 ॥

ෂෝඩශාධාරනිලයඃ ෂෝඩශස්වරමාතෘකඃ ।
ෂෝඩශාංතපදාවාසඃ ෂෝඩශේංදුකලාත්මකඃ ॥ 153 ॥

කලාසප්තදශී සප්තදශසප්තදශාක්ෂරඃ ।
අෂ්ටාදශද්වීපපතිරෂ්ටාදශපුරාණකෘත් ॥ 154 ॥

අෂ්ටාදශෞෂධීසෘෂ්ටිරෂ්ටාදශවිධිඃ ස්මෘතඃ ।
අෂ්ටාදශලිපිව්යෂ්ටිසමෂ්ටිජ්ඤානකෝවිදඃ ॥ 155 ॥

අෂ්ටාදශාන්නසංපත්තිරෂ්ටාදශවිජාතිකෘත් ।
ඒකවිංශඃ පුමානේකවිංශත්යංගුලිපල්ලවඃ ॥ 156 ॥

චතුර්විංශතිතත්ත්වාත්මා පංචවිංශාඛ්යපූරුෂඃ ।
සප්තවිංශතිතාරේශඃ සප්තවිංශතියෝගකෘත් ॥ 157 ॥

ද්වාත්රිංශද්භෛරවාධීශශ්චතුස්ත්රිංශන්මහාහ්රදඃ ।
ෂට්ත්රිංශත්තත්ත්වසංභූතිරෂ්ටත්රිංශත්කලාත්මකඃ ॥ 158 ॥

පංචාශද්විෂ්ණුශක්තීශඃ පංචාශන්මාතෘකාලයඃ ।
ද්විපංචාශද්වපුඃශ්රේණීත්රිෂෂ්ට්යක්ෂරසංශ්රයඃ ।
පංචාශදක්ෂරශ්රේණීපංචාශද්රුද්රවිග්රහඃ ॥ 159 ॥

චතුඃෂෂ්ටිමහාසිද්ධියෝගිනීවෘංදවංදිතඃ ।
නමදේකෝනපංචාශන්මරුද්වර්ගනිරර්ගලඃ ॥ 160 ॥

චතුඃෂෂ්ට්යර්ථනිර්ණේතා චතුඃෂෂ්ටිකලානිධිඃ ।
අෂ්ටෂෂ්ටිමහාතීර්ථක්ෂේත්රභෛරවවංදිතඃ ॥ 161 ॥

චතුර්නවතිමංත්රාත්මා ෂණ්ණවත්යධිකප්රභුඃ ।
ශතානංදඃ ශතධෘතිඃ ශතපත්රායතේක්ෂණඃ ॥ 162 ॥

ශතානීකඃ ශතමඛඃ ශතධාරාවරායුධඃ ।
සහස්රපත්රනිලයඃ සහස්රඵණිභූෂණඃ ॥ 163 ॥

සහස්රශීර්ෂා පුරුෂඃ සහස්රාක්ෂඃ සහස්රපාත් ।
සහස්රනාමසංස්තුත්යඃ සහස්රාක්ෂබලාපහඃ ॥ 164 ॥

දශසාහස්රඵණිභෘත්ඵණිරාජකෘතාසනඃ ।
අෂ්ටාශීතිසහස්රාද්යමහර්ෂිස්තෝත්රපාඨිතඃ ॥ 165 ॥

ලක්ෂාධාරඃ ප්රියාධාරෝ ලක්ෂාධාරමනෝමයඃ ।
චතුර්ලක්ෂජපප්රීතශ්චතුර්ලක්ෂප්රකාශකඃ ॥ 166 ॥

චතුරශීතිලක්ෂාණාං ජීවානාං දේහසංස්ථිතඃ ।
කෝටිසූර්යප්රතීකාශඃ කෝටිචංද්රාංශුනිර්මලඃ ॥ 167 ॥

ශිවෝද්භවාද්යෂ්ටකෝටිවෛනායකධුරංධරඃ ।
සප්තකෝටිමහාමංත්රමංත්රිතාවයවද්යුතිඃ ॥ 168 ॥

ත්රයස්ත්රිංශත්කෝටිසුරශ්රේණීප්රණතපාදුකඃ ।
අනංතදේවතාසේව්යෝ හ්යනංතශුභදායකඃ ॥ 169 ॥

අනංතනාමානංතශ්රීරනංතෝऽනංතසෞඛ්යදඃ ।
අනංතශක්තිසහිතෝ හ්යනංතමුනිසංස්තුතඃ ॥ 170 ॥

ඉති වෛනායකං නාම්නාං සහස්රමිදමීරිතම් ।
ඉදං බ්රාහ්මේ මුහූර්තේ යඃ පඨති ප්රත්යහං නරඃ ॥ 171 ॥

කරස්ථං තස්ය සකලමෛහිකාමුෂ්මිකං සුඛම් ।
ආයුරාරෝග්යමෛශ්වර්යං ධෛර්යං ශෞර්යං බලං යශඃ ॥ 172 ॥

මේධා ප්රජ්ඤා ධෘතිඃ කාංතිඃ සෞභාග්යමභිරූපතා ।
සත්යං දයා ක්ෂමා ශාංතිර්දාක්ෂිණ්යං ධර්මශීලතා ॥ 173 ॥

ජගත්සංවනනං විශ්වසංවාදෝ වේදපාටවම් ।
සභාපාංඩිත්යමෞදාර්යං ගාංභීර්යං බ්රහ්මවර්චසම් ॥ 174 ॥

ඕජස්තේජඃ කුලං ශීලං ප්රතාපෝ වීර්යමාර්යතා ।
ජ්ඤානං විජ්ඤානමාස්තික්යං ස්ථෛර්යං විශ්වාසතා තථා ॥ 175 ॥

ධනධාන්යාදිවෘද්ධිශ්ච සකෘදස්ය ජපාද්භවේත් ।
වශ්යං චතුර්විධං විශ්වං ජපාදස්ය ප්රජායතේ ॥ 176 ॥

රාජ්ඤෝ රාජකලත්රස්ය රාජපුත්රස්ය මංත්රිණඃ ।
ජප්යතේ යස්ය වශ්යාර්ථේ ස දාසස්තස්ය ජායතේ ॥ 177 ॥

ධර්මාර්ථකාමමෝක්ෂාණාමනායාසේන සාධනම් ।
ශාකිනීඩාකිනීරක්ෂෝයක්ෂග්රහභයාපහම් ॥ 178 ॥

සාම්රාජ්යසුඛදං සර්වසපත්නමදමර්දනම් ।
සමස්තකලහධ්වංසි දග්ධබීජප්රරෝහණම් ॥ 179 ॥

දුඃස්වප්නශමනං ක්රුද්ධස්වාමිචිත්තප්රසාදනම් ।
ෂඩ්වර්ගාෂ්ටමහාසිද්ධිත්රිකාලජ්ඤානකාරණම් ॥ 180 ॥

පරකෘත්යප්රශමනං පරචක්රප්රමර්දනම් ।
සංග්රාමමාර්ගේ සවේෂාමිදමේකං ජයාවහම් ॥ 181 ॥

සර්වවංධ්යත්වදෝෂඝ්නං ගර්භරක්ෂෛකකාරණම් ।
පඨ්යතේ ප්රත්යහං යත්ර ස්තෝත්රං ගණපතේරිදම් ॥ 182 ॥

දේශේ තත්ර න දුර්භික්ෂමීතයෝ දුරිතානි ච ।
න තද්ගේහං ජහාති ශ්රීර්යත්රායං ජප්යතේ ස්තවඃ ॥ 183 ॥

ක්ෂයකුෂ්ඨප්රමේහාර්ශභගංදරවිෂූචිකාඃ ।
ගුල්මං ප්ලීහානමශමානමතිසාරං මහෝදරම් ॥ 184 ॥

කාසං ශ්වාසමුදාවර්තං ශූලං ශෝඵාමයෝදරම් ।
ශිරෝරෝගං වමිං හික්කාං ගංඩමාලාමරෝචකම් ॥ 185 ॥

වාතපිත්තකඵද්වංද්වත්රිදෝෂජනිතජ්වරම් ।
ආගංතුවිෂමං ශීතමුෂ්ණං චෛකාහිකාදිකම් ॥ 186 ॥

ඉත්යාද්යුක්තමනුක්තං වා රෝගදෝෂාදිසංභවම් ।
සර්වං ප්රශමයත්යාශු ස්තෝත්රස්යාස්ය සකෘජ්ජපඃ ॥ 187 ॥

ප්රාප්යතේऽස්ය ජපාත්සිද්ධිඃ ස්ත්රීශූද්රෛඃ පතිතෛරපි ।
සහස්රනාමමංත්රෝऽයං ජපිතව්යඃ ශුභාප්තයේ ॥ 188 ॥

මහාගණපතේඃ ස්තෝත්රං සකාමඃ ප්රජපන්නිදම් ।
ඉච්ඡයා සකලාන් භෝගානුපභුජ්යේහ පාර්ථිවාන් ॥ 189 ॥

මනෝරථඵලෛර්දිව්යෛර්ව්යෝමයානෛර්මනෝරමෛඃ ।
චංද්රේංද්රභාස්කරෝපේංද්රබ්රහ්මශර්වාදිසද්මසු ॥ 190 ॥

කාමරූපඃ කාමගතිඃ කාමදඃ කාමදේශ්වරඃ ।
භුක්ත්වා යථේප්සිතාන්භෝගානභීෂ්ටෛඃ සහ බංධුභිඃ ॥ 191 ॥

ගණේශානුචරෝ භූත්වා ගණෝ ගණපතිප්රියඃ ।
නංදීශ්වරාදිසානංදෛර්නංදිතඃ සකලෛර්ගණෛඃ ॥ 192 ॥

ශිවාභ්යාං කෘපයා පුත්රනිර්විශේෂං ච ලාලිතඃ ।
ශිවභක්තඃ පූර්ණකාමෝ ගණේශ්වරවරාත්පුනඃ ॥ 193 ॥

ජාතිස්මරෝ ධර්මපරඃ සාර්වභෞමෝऽභිජායතේ ।
නිෂ්කාමස්තු ජපන්නිත්යං භක්ත්යා විඝ්නේශතත්පරඃ ॥ 194 ॥

යෝගසිද්ධිං පරාං ප්රාප්ය ජ්ඤානවෛරාග්යසංයුතඃ ।
නිරංතරේ නිරාබාධේ පරමානංදසංජ්ඤිතේ ॥ 195 ॥

විශ්වෝත්තීර්ණේ පරේ පූර්ණේ පුනරාවෘත්තිවර්ජිතේ ।
ලීනෝ වෛනායකේ ධාම්නි රමතේ නිත්යනිර්වෘතේ ॥ 196 ॥

යෝ නාමභිර්හුතෛර්දත්තෛඃ පූජයේදර්චයේ​ඒන්නරඃ ।
රාජානෝ වශ්යතාං යාංති රිපවෝ යාංති දාසතාම් ॥ 197 ॥

තස්ය සිධ්යංති මංත්රාණාං දුර්ලභාශ්චේෂ්ටසිද්ධයඃ ।
මූලමංත්රාදපි ස්තෝත්රමිදං ප්රියතමං මම ॥ 198 ॥

නභස්යේ මාසි ශුක්ලායාං චතුර්ථ්යාං මම ජන්මනි ।
දූර්වාභිර්නාමභිඃ පූජාං තර්පණං විධිවච්චරේත් ॥ 199 ॥

අෂ්ටද්රව්යෛර්විශේෂේණ කුර්යාද්භක්තිසුසංයුතඃ ।
තස්යේප්සිතං ධනං ධාන්යමෛශ්වර්යං විජයෝ යශඃ ॥ 200 ॥

භවිෂ්යති න සංදේහඃ පුත්රපෞත්රාදිකං සුඛම් ।
ඉදං ප්රජපිතං ස්තෝත්රං පඨිතං ශ්රාවිතං ශ්රුතම් ॥ 201 ॥

ව්යාකෘතං චර්චිතං ධ්යාතං විමෘෂ්ටමභිවංදිතම් ।
ඉහාමුත්ර ච විශ්වේෂාං විශ්වෛශ්වර්යප්රදායකම් ॥ 202 ॥

ස්වච්ඡංදචාරිණාප්යේෂ යේන සංධාර්යතේ ස්තවඃ ।
ස රක්ෂ්යතේ ශිවෝද්භූතෛර්ගණෛරධ්යෂ්ටකෝටිභිඃ ॥ 203 ॥

ලිඛිතං පුස්තකස්තෝත්රං මංත්රභූතං ප්රපූජයේත් ।
තත්ර සර්වෝත්තමා ලක්ෂ්මීඃ සන්නිධත්තේ නිරංතරම් ॥ 204 ॥

දානෛරශේෂෛරඛිලෛර්ව්රතෛශ්ච තීර්ථෛරශේෂෛරඛිලෛර්මඛෛශ්ච ।
න තත්ඵලං විංදති යද්ගණේශසහස්රනාමස්මරණේන සද්යඃ ॥ 205 ॥

ඒතන්නාම්නාං සහස්රං පඨති දිනමණෞ ප්රත්යහංප්රෝජ්ජිහානේ
සායං මධ්යංදිනේ වා ත්රිෂවණමථවා සංතතං වා ජනෝ යඃ ।
ස ස්යාදෛශ්වර්යධුර්යඃ ප්රභවති වචසාං කීර්තිමුච්චෛස්තනෝති
දාරිද්ර්යං හංති විශ්වං වශයති සුචිරං වර්ධතේ පුත්රපෞත්රෛඃ ॥ 206 ॥

අකිංචනෝප්යේකචිත්තෝ නියතෝ නියතාසනඃ ।
ප්රජපංශ්චතුරෝ මාසාන් ගණේශාර්චනතත්පරඃ ॥ 207 ॥

දරිද්රතාං සමුන්මූල්ය සප්තජන්මානුගාමපි ।
ලභතේ මහතීං ලක්ෂ්මීමිත්යාජ්ඤා පාරමේශ්වරී ॥ 208 ॥

ආයුෂ්යං වීතරෝගං කුලමතිවිමලං සංපදශ්චාර්තිනාශඃ
කීර්තිර්නිත්යාවදාතා භවති ඛලු නවා කාංතිරව්යාජභව්යා ।
පුත්රාඃ සංතඃ කලත්රං ගුණවදභිමතං යද්යදන්යච්ච තත්ත –
න්නිත්යං යඃ ස්තෝත්රමේතත් පඨති ගණපතේස්තස්ය හස්තේ සමස්තම් ॥ 209 ॥

ගණංජයෝ ගණපතිර්හේරංබෝ ධරණීධරඃ ।
මහාගණපතිර්බුද්ධිප්රියඃ ක්ෂිප්රප්රසාදනඃ ॥ 210 ॥

අමෝඝසිද්ධිරමෘතමංත්රශ්චිංතාමණිර්නිධිඃ ।
සුමංගලෝ බීජමාශාපූරකෝ වරදඃ කලඃ ॥ 211 ॥

කාශ්යපෝ නංදනෝ වාචාසිද්ධෝ ඪුංඪිර්විනායකඃ ।
මෝදකෛරේභිරත්රෛකවිංශත්යා නාමභිඃ පුමාන් ॥ 212 ॥

උපායනං දදේද්භක්ත්යා මත්ප්රසාදං චිකීර්ෂති ।
වත්සරං විඝ්නරාජෝऽස්ය තථ්යමිෂ්ටාර්ථසිද්ධයේ ॥ 213 ॥

යඃ ස්තෞති මද්ගතමනා මමාරාධනතත්පරඃ ।
ස්තුතෝ නාම්නා සහස්රේණ තේනාහං නාත්ර සංශයඃ ॥ 214 ॥

නමෝ නමඃ සුරවරපූජිතාංඝ්රයේ
නමෝ නමෝ නිරුපමමංගලාත්මනේ ।
නමෝ නමෝ විපුලදයෛකසිද්ධයේ
නමෝ නමඃ කරිකලභානනාය තේ ॥ 215 ॥

කිංකිණීගණරචිතචරණඃ
ප්රකටිතගුරුමිතචාරුකරණඃ ।
මදජලලහරීකලිතකපෝලඃ
ශමයතු දුරිතං ගණපතිනාම්නා ॥ 216 ॥

॥ ඉති ශ්රීගණේශපුරාණේ උපාසනාඛංඩේ ඊශ්වරගණේශසංවාදේ
ගණේශසහස්රනාමස්තෝත්රං නාම ෂට්චත්වාරිංශෝධ්යායඃ ॥

sri maha ganapati sahasranama stotram in sinhala