ମହା ଗଣପତି ସହସ୍ରନାମ ସ୍ତୋତ୍ରମ୍

sri maha ganapati sahasranama stotram in odia

ମୁନିରୁଵାଚ
କଥଂ ନାମ୍ନାଂ ସହସ୍ରଂ ତଂ ଗଣେଶ ଉପଦିଷ୍ଟଵାନ୍ ।
ଶିଵଦଂ ତନ୍ମମାଚକ୍ଷ୍ଵ ଲୋକାନୁଗ୍ରହତତ୍ପର ॥ 1 ॥

ବ୍ରହ୍ମୋଵାଚ
ଦେଵଃ ପୂର୍ଵଂ ପୁରାରାତିଃ ପୁରତ୍ରୟଜୟୋଦ୍ୟମେ ।
ଅନର୍ଚନାଦ୍ଗଣେଶସ୍ୟ ଜାତୋ ଵିଘ୍ନାକୁଲଃ କିଲ ॥ 2 ॥

ମନସା ସ ଵିନିର୍ଧାର୍ୟ ଦଦୃଶେ ଵିଘ୍ନକାରଣମ୍ ।
ମହାଗଣପତିଂ ଭକ୍ତ୍ୟା ସମଭ୍ୟର୍ଚ୍ୟ ୟଥାଵିଧି ॥ 3 ॥

ଵିଘ୍ନପ୍ରଶମନୋପାୟମପୃଚ୍ଛଦପରିଶ୍ରମମ୍ ।
ସଂତୁଷ୍ଟଃ ପୂଜୟା ଶଂଭୋର୍ମହାଗଣପତିଃ ସ୍ଵୟମ୍ ॥ 4 ॥

ସର୍ଵଵିଘ୍ନପ୍ରଶମନଂ ସର୍ଵକାମଫଲପ୍ରଦମ୍ ।
ତତସ୍ତସ୍ମୈ ସ୍ଵୟଂ ନାମ୍ନାଂ ସହସ୍ରମିଦମବ୍ରଵୀତ୍ ॥ 5 ॥

ଅସ୍ୟ ଶ୍ରୀମହାଗଣପତିସହସ୍ରନାମସ୍ତୋତ୍ରମାଲାମଂତ୍ରସ୍ୟ ।
ଗଣେଶ ଋଷିଃ, ମହାଗଣପତିର୍ଦେଵତା, ନାନାଵିଧାନିଚ୍ଛଂଦାଂସି ।
ହୁମିତି ବୀଜମ୍, ତୁଂଗମିତି ଶକ୍ତିଃ, ସ୍ଵାହାଶକ୍ତିରିତି କୀଲକମ୍ ।
ସକଲଵିଘ୍ନଵିନାଶନଦ୍ଵାରା ଶ୍ରୀମହାଗଣପତିପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ ।

ଅଥ କରନ୍ୟାସଃ
ଗଣେଶ୍ଵରୋ ଗଣକ୍ରୀଡ ଇତ୍ୟଂଗୁଷ୍ଠାଭ୍ୟାଂ ନମଃ ।
କୁମାରଗୁରୁରୀଶାନ ଇତି ତର୍ଜନୀଭ୍ୟାଂ ନମଃ ॥
ବ୍ରହ୍ମାଂଡକୁଂଭଶ୍ଚିଦ୍ଵ୍ୟୋମେତି ମଧ୍ୟମାଭ୍ୟାଂ ନମଃ ।
ରକ୍ତୋ ରକ୍ତାଂବରଧର ଇତ୍ୟନାମିକାଭ୍ୟାଂ ନମଃ
ସର୍ଵସଦ୍ଗୁରୁସଂସେଵ୍ୟ ଇତି କନିଷ୍ଠିକାଭ୍ୟାଂ ନମଃ ।
ଲୁପ୍ତଵିଘ୍ନଃ ସ୍ଵଭକ୍ତାନାମିତି କରତଲକରପୃଷ୍ଠାଭ୍ୟାଂ ନମଃ ॥

ଅଥ ଅଂଗନ୍ୟାସଃ
ଛଂଦଶ୍ଛଂଦୋଦ୍ଭଵ ଇତି ହୃଦୟାୟ ନମଃ ।
ନିଷ୍କଲୋ ନିର୍ମଲ ଇତି ଶିରସେ ସ୍ଵାହା ।
ସୃଷ୍ଟିସ୍ଥିତିଲୟକ୍ରୀଡ ଇତି ଶିଖାୟୈ ଵଷଟ୍ ।
ଜ୍ଞାନଂ ଵିଜ୍ଞାନମାନଂଦ ଇତି କଵଚାୟ ହୁମ୍ ।
ଅଷ୍ଟାଂଗୟୋଗଫଲଭୃଦିତି ନେତ୍ରତ୍ରୟାୟ ଵୌଷଟ୍ ।
ଅନଂତଶକ୍ତିସହିତ ଇତ୍ୟସ୍ତ୍ରାୟ ଫଟ୍ ।
ଭୂର୍ଭୁଵଃ ସ୍ଵରୋଂ ଇତି ଦିଗ୍ବଂଧଃ ।

ଅଥ ଧ୍ୟାନମ୍
ଗଜଵଦନମଚିଂତ୍ୟଂ ତୀକ୍ଷ୍ଣଦଂଷ୍ଟ୍ରଂ ତ୍ରିନେତ୍ରଂ
ବୃହଦୁଦରମଶେଷଂ ଭୂତିରାଜଂ ପୁରାଣମ୍ ।
ଅମରଵରସୁପୂଜ୍ୟଂ ରକ୍ତଵର୍ଣଂ ସୁରେଶଂ
ପଶୁପତିସୁତମୀଶଂ ଵିଘ୍ନରାଜଂ ନମାମି ॥

ଶ୍ରୀଗଣପତିରୁଵାଚ
ଓଂ ଗଣେଶ୍ଵରୋ ଗଣକ୍ରୀଡୋ ଗଣନାଥୋ ଗଣାଧିପଃ ।
ଏକଦଂତୋ ଵକ୍ରତୁଂଡୋ ଗଜଵକ୍ତ୍ରୋ ମହୋଦରଃ ॥ 1 ॥

ଲଂବୋଦରୋ ଧୂମ୍ରଵର୍ଣୋ ଵିକଟୋ ଵିଘ୍ନନାଶନଃ ।
ସୁମୁଖୋ ଦୁର୍ମୁଖୋ ବୁଦ୍ଧୋ ଵିଘ୍ନରାଜୋ ଗଜାନନଃ ॥ 2 ॥

ଭୀମଃ ପ୍ରମୋଦ ଆମୋଦଃ ସୁରାନଂଦୋ ମଦୋତ୍କଟଃ ।
ହେରଂବଃ ଶଂବରଃ ଶଂଭୁର୍ଲଂବକର୍ଣୋ ମହାବଲଃ ॥ 3 ॥

ନଂଦନୋ ଲଂପଟୋ ଭୀମୋ ମେଘନାଦୋ ଗଣଂଜୟଃ ।
ଵିନାୟକୋ ଵିରୂପାକ୍ଷୋ ଵୀରଃ ଶୂରଵରପ୍ରଦଃ ॥ 4 ॥

ମହାଗଣପତିର୍ବୁଦ୍ଧିପ୍ରିୟଃ କ୍ଷିପ୍ରପ୍ରସାଦନଃ ।
ରୁଦ୍ରପ୍ରିୟୋ ଗଣାଧ୍ୟକ୍ଷ ଉମାପୁତ୍ରୋଽଘନାଶନଃ ॥ 5 ॥

କୁମାରଗୁରୁରୀଶାନପୁତ୍ରୋ ମୂଷକଵାହନଃ ।
ସିଦ୍ଧିପ୍ରିୟଃ ସିଦ୍ଧିପତିଃ ସିଦ୍ଧଃ ସିଦ୍ଧିଵିନାୟକଃ ॥ 6 ॥

ଅଵିଘ୍ନସ୍ତୁଂବୁରୁଃ ସିଂହଵାହନୋ ମୋହିନୀପ୍ରିୟଃ ।
କଟଂକଟୋ ରାଜପୁତ୍ରଃ ଶାକଲଃ ସଂମିତୋମିତଃ ॥ 7 ॥

କୂଷ୍ମାଂଡସାମସଂଭୂତିର୍ଦୁର୍ଜୟୋ ଧୂର୍ଜୟୋ ଜୟଃ ।
ଭୂପତିର୍ଭୁଵନପତିର୍ଭୂତାନାଂ ପତିରଵ୍ୟୟଃ ॥ 8 ॥

ଵିଶ୍ଵକର୍ତା ଵିଶ୍ଵମୁଖୋ ଵିଶ୍ଵରୂପୋ ନିଧିର୍ଗୁଣଃ ।
କଵିଃ କଵୀନାମୃଷଭୋ ବ୍ରହ୍ମଣ୍ୟୋ ବ୍ରହ୍ମଵିତ୍ପ୍ରିୟଃ ॥ 9 ॥

ଜ୍ୟେଷ୍ଠରାଜୋ ନିଧିପତିର୍ନିଧିପ୍ରିୟପତିପ୍ରିୟଃ ।
ହିରଣ୍ମୟପୁରାଂତଃସ୍ଥଃ ସୂର୍ୟମଂଡଲମଧ୍ୟଗଃ ॥ 10 ॥

କରାହତିଧ୍ଵସ୍ତସିଂଧୁସଲିଲଃ ପୂଷଦଂତଭିତ୍ ।
ଉମାଂକକେଲିକୁତୁକୀ ମୁକ୍ତିଦଃ କୁଲପାଵନଃ ॥ 11 ॥

କିରୀଟୀ କୁଂଡଲୀ ହାରୀ ଵନମାଲୀ ମନୋମୟଃ ।
ଵୈମୁଖ୍ୟହତଦୈତ୍ୟଶ୍ରୀଃ ପାଦାହତିଜିତକ୍ଷିତିଃ ॥ 12 ॥

ସଦ୍ୟୋଜାତଃ ସ୍ଵର୍ଣମୁଂଜମେଖଲୀ ଦୁର୍ନିମିତ୍ତହୃତ୍ ।
ଦୁଃସ୍ଵପ୍ନହୃତ୍ପ୍ରସହନୋ ଗୁଣୀ ନାଦପ୍ରତିଷ୍ଠିତଃ ॥ 13 ॥

ସୁରୂପଃ ସର୍ଵନେତ୍ରାଧିଵାସୋ ଵୀରାସନାଶ୍ରୟଃ ।
ପୀତାଂବରଃ ଖଂଡରଦଃ ଖଂଡଵୈଶାଖସଂସ୍ଥିତଃ ॥ 14 ॥

ଚିତ୍ରାଂଗଃ ଶ୍ୟାମଦଶନୋ ଭାଲଚଂଦ୍ରୋ ହଵିର୍ଭୁଜଃ ।
ୟୋଗାଧିପସ୍ତାରକସ୍ଥଃ ପୁରୁଷୋ ଗଜକର୍ଣକଃ ॥ 15 ॥

ଗଣାଧିରାଜୋ ଵିଜୟଃ ସ୍ଥିରୋ ଗଜପତିଧ୍ଵଜୀ ।
ଦେଵଦେଵଃ ସ୍ମରଃ ପ୍ରାଣଦୀପକୋ ଵାୟୁକୀଲକଃ ॥ 16 ॥

ଵିପଶ୍ଚିଦ୍ଵରଦୋ ନାଦୋ ନାଦଭିନ୍ନମହାଚଲଃ ।
ଵରାହରଦନୋ ମୃତ୍ୟୁଂଜୟୋ ଵ୍ୟାଘ୍ରାଜିନାଂବରଃ ॥ 17 ॥

ଇଚ୍ଛାଶକ୍ତିଭଵୋ ଦେଵତ୍ରାତା ଦୈତ୍ୟଵିମର୍ଦନଃ ।
ଶଂଭୁଵକ୍ତ୍ରୋଦ୍ଭଵଃ ଶଂଭୁକୋପହା ଶଂଭୁହାସ୍ୟଭୂଃ ॥ 18 ॥

ଶଂଭୁତେଜାଃ ଶିଵାଶୋକହାରୀ ଗୌରୀସୁଖାଵହଃ ।
ଉମାଂଗମଲଜୋ ଗୌରୀତେଜୋଭୂଃ ସ୍ଵର୍ଧୁନୀଭଵଃ ॥ 19 ॥

ୟଜ୍ଞକାୟୋ ମହାନାଦୋ ଗିରିଵର୍ଷ୍ମା ଶୁଭାନନଃ ।
ସର୍ଵାତ୍ମା ସର୍ଵଦେଵାତ୍ମା ବ୍ରହ୍ମମୂର୍ଧା କକୁପ୍ଶ୍ରୁତିଃ ॥ 20 ॥

ବ୍ରହ୍ମାଂଡକୁଂଭଶ୍ଚିଦ୍ଵ୍ୟୋମଭାଲଃସତ୍ୟଶିରୋରୁହଃ ।
ଜଗଜ୍ଜନ୍ମଲୟୋନ୍ମେଷନିମେଷୋଽଗ୍ନ୍ୟର୍କସୋମଦୃକ୍ ॥ 21 ॥

ଗିରୀଂଦ୍ରୈକରଦୋ ଧର୍ମାଧର୍ମୋଷ୍ଠଃ ସାମବୃଂହିତଃ ।
ଗ୍ରହର୍କ୍ଷଦଶନୋ ଵାଣୀଜିହ୍ଵୋ ଵାସଵନାସିକଃ ॥ 22 ॥

ଭ୍ରୂମଧ୍ୟସଂସ୍ଥିତକରୋ ବ୍ରହ୍ମଵିଦ୍ୟାମଦୋଦକଃ ।
କୁଲାଚଲାଂସଃ ସୋମାର୍କଘଂଟୋ ରୁଦ୍ରଶିରୋଧରଃ ॥ 23 ॥

ନଦୀନଦଭୁଜଃ ସର୍ପାଂଗୁଲୀକସ୍ତାରକାନଖଃ ।
ଵ୍ୟୋମନାଭିଃ ଶ୍ରୀହୃଦୟୋ ମେରୁପୃଷ୍ଠୋଽର୍ଣଵୋଦରଃ ॥ 24 ॥

କୁକ୍ଷିସ୍ଥୟକ୍ଷଗଂଧର୍ଵରକ୍ଷଃକିନ୍ନରମାନୁଷଃ ।
ପୃଥ୍ଵୀକଟିଃ ସୃଷ୍ଟିଲିଂଗଃ ଶୈଲୋରୁର୍ଦସ୍ରଜାନୁକଃ ॥ 25 ॥

ପାତାଲଜଂଘୋ ମୁନିପାତ୍କାଲାଂଗୁଷ୍ଠସ୍ତ୍ରୟୀତନୁଃ ।
ଜ୍ୟୋତିର୍ମଂଡଲଲାଂଗୂଲୋ ହୃଦୟାଲାନନିଶ୍ଚଲଃ ॥ 26 ॥

ହୃତ୍ପଦ୍ମକର୍ଣିକାଶାଲୀ ଵିୟତ୍କେଲିସରୋଵରଃ ।
ସଦ୍ଭକ୍ତଧ୍ୟାନନିଗଡଃ ପୂଜାଵାରିନିଵାରିତଃ ॥ 27 ॥

ପ୍ରତାପୀ କାଶ୍ୟପୋ ମଂତା ଗଣକୋ ଵିଷ୍ଟପୀ ବଲୀ ।
ୟଶସ୍ଵୀ ଧାର୍ମିକୋ ଜେତା ପ୍ରଥମଃ ପ୍ରମଥେଶ୍ଵରଃ ॥ 28 ॥

ଚିଂତାମଣିର୍ଦ୍ଵୀପପତିଃ କଲ୍ପଦ୍ରୁମଵନାଲୟଃ ।
ରତ୍ନମଂଡପମଧ୍ୟସ୍ଥୋ ରତ୍ନସିଂହାସନାଶ୍ରୟଃ ॥ 29 ॥

ତୀଵ୍ରାଶିରୋଦ୍ଧୃତପଦୋ ଜ୍ଵାଲିନୀମୌଲିଲାଲିତଃ ।
ନଂଦାନଂଦିତପୀଠଶ୍ରୀର୍ଭୋଗଦୋ ଭୂଷିତାସନଃ ॥ 30 ॥

ସକାମଦାୟିନୀପୀଠଃ ସ୍ଫୁରଦୁଗ୍ରାସନାଶ୍ରୟଃ ।
ତେଜୋଵତୀଶିରୋରତ୍ନଂ ସତ୍ୟାନିତ୍ୟାଵତଂସିତଃ ॥ 31 ॥

ସଵିଘ୍ନନାଶିନୀପୀଠଃ ସର୍ଵଶକ୍ତ୍ୟଂବୁଜାଲୟଃ ।
ଲିପିପଦ୍ମାସନାଧାରୋ ଵହ୍ନିଧାମତ୍ରୟାଲୟଃ ॥ 32 ॥

ଉନ୍ନତପ୍ରପଦୋ ଗୂଢଗୁଲ୍ଫଃ ସଂଵୃତପାର୍ଷ୍ଣିକଃ ।
ପୀନଜଂଘଃ ଶ୍ଲିଷ୍ଟଜାନୁଃ ସ୍ଥୂଲୋରୁଃ ପ୍ରୋନ୍ନମତ୍କଟିଃ ॥ 33 ॥

ନିମ୍ନନାଭିଃ ସ୍ଥୂଲକୁକ୍ଷିଃ ପୀନଵକ୍ଷା ବୃହଦ୍ଭୁଜଃ ।
ପୀନସ୍କଂଧଃ କଂବୁକଂଠୋ ଲଂବୋଷ୍ଠୋ ଲଂବନାସିକଃ ॥ 34 ॥

ଭଗ୍ନଵାମରଦସ୍ତୁଂଗସଵ୍ୟଦଂତୋ ମହାହନୁଃ ।
ହ୍ରସ୍ଵନେତ୍ରତ୍ରୟଃ ଶୂର୍ପକର୍ଣୋ ନିବିଡମସ୍ତକଃ ॥ 35 ॥

ସ୍ତବକାକାରକୁଂଭାଗ୍ରୋ ରତ୍ନମୌଲିର୍ନିରଂକୁଶଃ ।
ସର୍ପହାରକଟୀସୂତ୍ରଃ ସର୍ପୟଜ୍ଞୋପଵୀତଵାନ୍ ॥ 36 ॥

ସର୍ପକୋଟୀରକଟକଃ ସର୍ପଗ୍ରୈଵେୟକାଂଗଦଃ ।
ସର୍ପକକ୍ଷୋଦରାବଂଧଃ ସର୍ପରାଜୋତ୍ତରଚ୍ଛଦଃ ॥ 37 ॥

ରକ୍ତୋ ରକ୍ତାଂବରଧରୋ ରକ୍ତମାଲାଵିଭୂଷଣଃ ।
ରକ୍ତେକ୍ଷନୋ ରକ୍ତକରୋ ରକ୍ତତାଲ୍ଵୋଷ୍ଠପଲ୍ଲଵଃ ॥ 38 ॥

ଶ୍ଵେତଃ ଶ୍ଵେତାଂବରଧରଃ ଶ୍ଵେତମାଲାଵିଭୂଷଣଃ ।
ଶ୍ଵେତାତପତ୍ରରୁଚିରଃ ଶ୍ଵେତଚାମରଵୀଜିତଃ ॥ 39 ॥

ସର୍ଵାଵୟଵସଂପୂର୍ଣଃ ସର୍ଵଲକ୍ଷଣଲକ୍ଷିତଃ ।
ସର୍ଵାଭରଣଶୋଭାଢ୍ୟଃ ସର୍ଵଶୋଭାସମନ୍ଵିତଃ ॥ 40 ॥

ସର୍ଵମଂଗଲମାଂଗଲ୍ୟଃ ସର୍ଵକାରଣକାରଣମ୍ ।
ସର୍ଵଦେଵଵରଃ ଶାରଂଗୀ ବୀଜପୂରୀ ଗଦାଧରଃ ॥ 41 ॥

ଶୁଭାଂଗୋ ଲୋକସାରଂଗଃ ସୁତଂତୁସ୍ତଂତୁଵର୍ଧନଃ ।
କିରୀଟୀ କୁଂଡଲୀ ହାରୀ ଵନମାଲୀ ଶୁଭାଂଗଦଃ ॥ 42 ॥

ଇକ୍ଷୁଚାପଧରଃ ଶୂଲୀ ଚକ୍ରପାଣିଃ ସରୋଜଭୃତ୍ ।
ପାଶୀ ଧୃତୋତ୍ପଲଃ ଶାଲିମଂଜରୀଭୃତ୍ସ୍ଵଦଂତଭୃତ୍ ॥ 43 ॥

କଲ୍ପଵଲ୍ଲୀଧରୋ ଵିଶ୍ଵାଭୟଦୈକକରୋ ଵଶୀ ।
ଅକ୍ଷମାଲାଧରୋ ଜ୍ଞାନମୁଦ୍ରାଵାନ୍ ମୁଦ୍ଗରାୟୁଧଃ ॥ 44 ॥

ପୂର୍ଣପାତ୍ରୀ କଂବୁଧରୋ ଵିଧୃତାଂକୁଶମୂଲକଃ ।
କରସ୍ଥାମ୍ରଫଲଶ୍ଚୂତକଲିକାଭୃତ୍କୁଠାରଵାନ୍ ॥ 45 ॥

ପୁଷ୍କରସ୍ଥସ୍ଵର୍ଣଘଟୀପୂର୍ଣରତ୍ନାଭିଵର୍ଷକଃ ।
ଭାରତୀସୁଂଦରୀନାଥୋ ଵିନାୟକରତିପ୍ରିୟଃ ॥ 46 ॥

ମହାଲକ୍ଷ୍ମୀପ୍ରିୟତମଃ ସିଦ୍ଧଲକ୍ଷ୍ମୀମନୋରମଃ ।
ରମାରମେଶପୂର୍ଵାଂଗୋ ଦକ୍ଷିଣୋମାମହେଶ୍ଵରଃ ॥ 47 ॥

ମହୀଵରାହଵାମାଂଗୋ ରତିକଂଦର୍ପପଶ୍ଚିମଃ ।
ଆମୋଦମୋଦଜନନଃ ସପ୍ରମୋଦପ୍ରମୋଦନଃ ॥ 48 ॥

ସଂଵର୍ଧିତମହାଵୃଦ୍ଧିରୃଦ୍ଧିସିଦ୍ଧିପ୍ରଵର୍ଧନଃ ।
ଦଂତସୌମୁଖ୍ୟସୁମୁଖଃ କାଂତିକଂଦଲିତାଶ୍ରୟଃ ॥ 49 ॥

ମଦନାଵତ୍ୟାଶ୍ରିତାଂଘ୍ରିଃ କୃତଵୈମୁଖ୍ୟଦୁର୍ମୁଖଃ ।
ଵିଘ୍ନସଂପଲ୍ଲଵଃ ପଦ୍ମଃ ସର୍ଵୋନ୍ନତମଦଦ୍ରଵଃ ॥ 50 ॥

ଵିଘ୍ନକୃନ୍ନିମ୍ନଚରଣୋ ଦ୍ରାଵିଣୀଶକ୍ତିସତ୍କୃତଃ ।
ତୀଵ୍ରାପ୍ରସନ୍ନନୟନୋ ଜ୍ଵାଲିନୀପାଲିତୈକଦୃକ୍ ॥ 51 ॥

ମୋହିନୀମୋହନୋ ଭୋଗଦାୟିନୀକାଂତିମଂଡନଃ ।
କାମିନୀକାଂତଵକ୍ତ୍ରଶ୍ରୀରଧିଷ୍ଠିତଵସୁଂଧରଃ ॥ 52 ॥

ଵସୁଧାରାମଦୋନ୍ନାଦୋ ମହାଶଂଖନିଧିପ୍ରିୟଃ ।
ନମଦ୍ଵସୁମତୀମାଲୀ ମହାପଦ୍ମନିଧିଃ ପ୍ରଭୁଃ ॥ 53 ॥

ସର୍ଵସଦ୍ଗୁରୁସଂସେଵ୍ୟଃ ଶୋଚିଷ୍କେଶହୃଦାଶ୍ରୟଃ ।
ଈଶାନମୂର୍ଧା ଦେଵେଂଦ୍ରଶିଖଃ ପଵନନଂଦନଃ ॥ 54 ॥

ପ୍ରତ୍ୟୁଗ୍ରନୟନୋ ଦିଵ୍ୟୋ ଦିଵ୍ୟାସ୍ତ୍ରଶତପର୍ଵଧୃକ୍ ।
ଐରାଵତାଦିସର୍ଵାଶାଵାରଣୋ ଵାରଣପ୍ରିୟଃ ॥ 55 ॥

ଵଜ୍ରାଦ୍ୟସ୍ତ୍ରପରୀଵାରୋ ଗଣଚଂଡସମାଶ୍ରୟଃ ।
ଜୟାଜୟପରିକରୋ ଵିଜୟାଵିଜୟାଵହଃ ॥ 56 ॥

ଅଜୟାର୍ଚିତପାଦାବ୍ଜୋ ନିତ୍ୟାନଂଦଵନସ୍ଥିତଃ ।
ଵିଲାସିନୀକୃତୋଲ୍ଲାସଃ ଶୌଂଡୀ ସୌଂଦର୍ୟମଂଡିତଃ ॥ 57 ॥

ଅନଂତାନଂତସୁଖଦଃ ସୁମଂଗଲସୁମଂଗଲଃ ।
ଜ୍ଞାନାଶ୍ରୟଃ କ୍ରିୟାଧାର ଇଚ୍ଛାଶକ୍ତିନିଷେଵିତଃ ॥ 58 ॥

ସୁଭଗାସଂଶ୍ରିତପଦୋ ଲଲିତାଲଲିତାଶ୍ରୟଃ ।
କାମିନୀପାଲନଃ କାମକାମିନୀକେଲିଲାଲିତଃ ॥ 59 ॥

ସରସ୍ଵତ୍ୟାଶ୍ରୟୋ ଗୌରୀନଂଦନଃ ଶ୍ରୀନିକେତନଃ ।
ଗୁରୁଗୁପ୍ତପଦୋ ଵାଚାସିଦ୍ଧୋ ଵାଗୀଶ୍ଵରୀପତିଃ ॥ 60 ॥

ନଲିନୀକାମୁକୋ ଵାମାରାମୋ ଜ୍ୟେଷ୍ଠାମନୋରମଃ ।
ରୌଦ୍ରୀମୁଦ୍ରିତପାଦାବ୍ଜୋ ହୁଂବୀଜସ୍ତୁଂଗଶକ୍ତିକଃ ॥ 61 ॥

ଵିଶ୍ଵାଦିଜନନତ୍ରାଣଃ ସ୍ଵାହାଶକ୍ତିଃ ସକୀଲକଃ ।
ଅମୃତାବ୍ଧିକୃତାଵାସୋ ମଦଘୂର୍ଣିତଲୋଚନଃ ॥ 62 ॥

ଉଚ୍ଛିଷ୍ଟୋଚ୍ଛିଷ୍ଟଗଣକୋ ଗଣେଶୋ ଗଣନାୟକଃ ।
ସାର୍ଵକାଲିକସଂସିଦ୍ଧିର୍ନିତ୍ୟସେଵ୍ୟୋ ଦିଗଂବରଃ ॥ 63 ॥

ଅନପାୟୋଽନଂତଦୃଷ୍ଟିରପ୍ରମେୟୋଽଜରାମରଃ ।
ଅନାଵିଲୋଽପ୍ରତିହତିରଚ୍ୟୁତୋଽମୃତମକ୍ଷରଃ ॥ 64 ॥

ଅପ୍ରତର୍କ୍ୟୋଽକ୍ଷୟୋଽଜୟ୍ୟୋଽନାଧାରୋଽନାମୟୋମଲଃ ।
ଅମେୟସିଦ୍ଧିରଦ୍ଵୈତମଘୋରୋଽଗ୍ନିସମାନନଃ ॥ 65 ॥

ଅନାକାରୋଽବ୍ଧିଭୂମ୍ୟଗ୍ନିବଲଘ୍ନୋଽଵ୍ୟକ୍ତଲକ୍ଷଣଃ ।
ଆଧାରପୀଠମାଧାର ଆଧାରାଧେୟଵର୍ଜିତଃ ॥ 66 ॥

ଆଖୁକେତନ ଆଶାପୂରକ ଆଖୁମହାରଥଃ ।
ଇକ୍ଷୁସାଗରମଧ୍ୟସ୍ଥ ଇକ୍ଷୁଭକ୍ଷଣଲାଲସଃ ॥ 67 ॥

ଇକ୍ଷୁଚାପାତିରେକଶ୍ରୀରିକ୍ଷୁଚାପନିଷେଵିତଃ ।
ଇଂଦ୍ରଗୋପସମାନଶ୍ରୀରିଂଦ୍ରନୀଲସମଦ୍ୟୁତିଃ ॥ 68 ॥

ଇଂଦୀଵରଦଲଶ୍ୟାମ ଇଂଦୁମଂଡଲମଂଡିତଃ ।
ଇଧ୍ମପ୍ରିୟ ଇଡାଭାଗ ଇଡାଵାନିଂଦିରାପ୍ରିୟଃ ॥ 69 ॥

ଇକ୍ଷ୍ଵାକୁଵିଘ୍ନଵିଧ୍ଵଂସୀ ଇତିକର୍ତଵ୍ୟତେପ୍ସିତଃ ।
ଈଶାନମୌଲିରୀଶାନ ଈଶାନପ୍ରିୟ ଈତିହା ॥ 70 ॥

ଈଷଣାତ୍ରୟକଲ୍ପାଂତ ଈହାମାତ୍ରଵିଵର୍ଜିତଃ ।
ଉପେଂଦ୍ର ଉଡୁଭୃନ୍ମୌଲିରୁଡୁନାଥକରପ୍ରିୟଃ ॥ 71 ॥

ଉନ୍ନତାନନ ଉତ୍ତୁଂଗ ଉଦାରସ୍ତ୍ରିଦଶାଗ୍ରଣୀଃ ।
ଊର୍ଜସ୍ଵାନୂଷ୍ମଲମଦ ଊହାପୋହଦୁରାସଦଃ ॥ 72 ॥

ଋଗ୍ୟଜୁଃସାମନୟନ ଋଦ୍ଧିସିଦ୍ଧିସମର୍ପକଃ ।
ଋଜୁଚିତ୍ତୈକସୁଲଭୋ ଋଣତ୍ରୟଵିମୋଚନଃ ॥ 73 ॥

ଲୁପ୍ତଵିଘ୍ନଃ ସ୍ଵଭକ୍ତାନାଂ ଲୁପ୍ତଶକ୍ତିଃ ସୁରଦ୍ଵିଷାମ୍ ।
ଲୁପ୍ତଶ୍ରୀର୍ଵିମୁଖାର୍ଚାନାଂ ଲୂତାଵିସ୍ଫୋଟନାଶନଃ ॥ 74 ॥

ଏକାରପୀଠମଧ୍ୟସ୍ଥ ଏକପାଦକୃତାସନଃ ।
ଏଜିତାଖିଲଦୈତ୍ୟଶ୍ରୀରେଧିତାଖିଲସଂଶ୍ରୟଃ ॥ 75 ॥

ଐଶ୍ଵର୍ୟନିଧିରୈଶ୍ଵର୍ୟମୈହିକାମୁଷ୍ମିକପ୍ରଦଃ ।
ଐରଂମଦସମୋନ୍ମେଷ ଐରାଵତସମାନନଃ ॥ 76 ॥

ଓଂକାରଵାଚ୍ୟ ଓଂକାର ଓଜସ୍ଵାନୋଷଧୀପତିଃ ।
ଔଦାର୍ୟନିଧିରୌଦ୍ଧତ୍ୟଧୈର୍ୟ ଔନ୍ନତ୍ୟନିଃସମଃ ॥ 77 ॥

ଅଂକୁଶଃ ସୁରନାଗାନାମଂକୁଶାକାରସଂସ୍ଥିତଃ ।
ଅଃ ସମସ୍ତଵିସର୍ଗାଂତପଦେଷୁ ପରିକୀର୍ତିତଃ ॥ 78 ॥

କମଂଡଲୁଧରଃ କଲ୍ପଃ କପର୍ଦୀ କଲଭାନନଃ ।
କର୍ମସାକ୍ଷୀ କର୍ମକର୍ତା କର୍ମାକର୍ମଫଲପ୍ରଦଃ ॥ 79 ॥

କଦଂବଗୋଲକାକାରଃ କୂଷ୍ମାଂଡଗଣନାୟକଃ ।
କାରୁଣ୍ୟଦେହଃ କପିଲଃ କଥକଃ କଟିସୂତ୍ରଭୃତ୍ ॥ 80 ॥

ଖର୍ଵଃ ଖଡ୍ଗପ୍ରିୟଃ ଖଡ୍ଗଃ ଖାଂତାଂତଃସ୍ଥଃ ଖନିର୍ମଲଃ ।
ଖଲ୍ଵାଟଶୃଂଗନିଲୟଃ ଖଟ୍ଵାଂଗୀ ଖଦୁରାସଦଃ ॥ 81 ॥

ଗୁଣାଢ୍ୟୋ ଗହନୋ ଗଦ୍ୟୋ ଗଦ୍ୟପଦ୍ୟସୁଧାର୍ଣଵଃ ।
ଗଦ୍ୟଗାନପ୍ରିୟୋ ଗର୍ଜୋ ଗୀତଗୀର୍ଵାଣପୂର୍ଵଜଃ ॥ 82 ॥

ଗୁହ୍ୟାଚାରରତୋ ଗୁହ୍ୟୋ ଗୁହ୍ୟାଗମନିରୂପିତଃ ।
ଗୁହାଶୟୋ ଗୁଡାବ୍ଧିସ୍ଥୋ ଗୁରୁଗମ୍ୟୋ ଗୁରୁର୍ଗୁରୁଃ ॥ 83 ॥

ଘଂଟାଘର୍ଘରିକାମାଲୀ ଘଟକୁଂଭୋ ଘଟୋଦରଃ ।
ଙକାରଵାଚ୍ୟୋ ଙାକାରୋ ଙକାରାକାରଶୁଂଡଭୃତ୍ ॥ 84 ॥

ଚଂଡଶ୍ଚଂଡେଶ୍ଵରଶ୍ଚଂଡୀ ଚଂଡେଶଶ୍ଚଂଡଵିକ୍ରମଃ ।
ଚରାଚରପିତା ଚିଂତାମଣିଶ୍ଚର୍ଵଣଲାଲସଃ ॥ 85 ॥

ଛଂଦଶ୍ଛଂଦୋଦ୍ଭଵଶ୍ଛଂଦୋ ଦୁର୍ଲକ୍ଷ୍ୟଶ୍ଛଂଦଵିଗ୍ରହଃ ।
ଜଗଦ୍ୟୋନିର୍ଜଗତ୍ସାକ୍ଷୀ ଜଗଦୀଶୋ ଜଗନ୍ମୟଃ ॥ 86 ॥

ଜପ୍ୟୋ ଜପପରୋ ଜାପ୍ୟୋ ଜିହ୍ଵାସିଂହାସନପ୍ରଭୁଃ ।
ସ୍ରଵଦ୍ଗଂଡୋଲ୍ଲସଦ୍ଧାନଝଂକାରିଭ୍ରମରାକୁଲଃ ॥ 87 ॥

ଟଂକାରସ୍ଫାରସଂରାଵଷ୍ଟଂକାରମଣିନୂପୁରଃ ।
ଠଦ୍ଵୟୀପଲ୍ଲଵାଂତସ୍ଥସର୍ଵମଂତ୍ରେଷୁ ସିଦ୍ଧିଦଃ ॥ 88 ॥

ଡିଂଡିମୁଂଡୋ ଡାକିନୀଶୋ ଡାମରୋ ଡିଂଡିମପ୍ରିୟଃ ।
ଢକ୍କାନିନାଦମୁଦିତୋ ଢୌଂକୋ ଢୁଂଢିଵିନାୟକଃ ॥ 89 ॥

ତତ୍ତ୍ଵାନାଂ ପ୍ରକୃତିସ୍ତତ୍ତ୍ଵଂ ତତ୍ତ୍ଵଂପଦନିରୂପିତଃ ।
ତାରକାଂତରସଂସ୍ଥାନସ୍ତାରକସ୍ତାରକାଂତକଃ ॥ 90 ॥

ସ୍ଥାଣୁଃ ସ୍ଥାଣୁପ୍ରିୟଃ ସ୍ଥାତା ସ୍ଥାଵରଂ ଜଂଗମଂ ଜଗତ୍ ।
ଦକ୍ଷୟଜ୍ଞପ୍ରମଥନୋ ଦାତା ଦାନଂ ଦମୋ ଦୟା ॥ 91 ॥

ଦୟାଵାଂଦିଵ୍ୟଵିଭଵୋ ଦଂଡଭୃଦ୍ଦଂଡନାୟକଃ ।
ଦଂତପ୍ରଭିନ୍ନାଭ୍ରମାଲୋ ଦୈତ୍ୟଵାରଣଦାରଣଃ ॥ 92 ॥

ଦଂଷ୍ଟ୍ରାଲଗ୍ନଦ୍ଵୀପଘଟୋ ଦେଵାର୍ଥନୃଗଜାକୃତିଃ ।
ଧନଂ ଧନପତେର୍ବଂଧୁର୍ଧନଦୋ ଧରଣୀଧରଃ ॥ 93 ॥

ଧ୍ୟାନୈକପ୍ରକଟୋ ଧ୍ୟେୟୋ ଧ୍ୟାନଂ ଧ୍ୟାନପରାୟଣଃ ।
ଧ୍ଵନିପ୍ରକୃତିଚୀତ୍କାରୋ ବ୍ରହ୍ମାଂଡାଵଲିମେଖଲଃ ॥ 94 ॥

ନଂଦ୍ୟୋ ନଂଦିପ୍ରିୟୋ ନାଦୋ ନାଦମଧ୍ୟପ୍ରତିଷ୍ଠିତଃ ।
ନିଷ୍କଲୋ ନିର୍ମଲୋ ନିତ୍ୟୋ ନିତ୍ୟାନିତ୍ୟୋ ନିରାମୟଃ ॥ 95 ॥

ପରଂ ଵ୍ୟୋମ ପରଂ ଧାମ ପରମାତ୍ମା ପରଂ ପଦମ୍ ॥ 96 ॥

ପରାତ୍ପରଃ ପଶୁପତିଃ ପଶୁପାଶଵିମୋଚନଃ ।
ପୂର୍ଣାନଂଦଃ ପରାନଂଦଃ ପୁରାଣପୁରୁଷୋତ୍ତମଃ ॥ 97 ॥

ପଦ୍ମପ୍ରସନ୍ନଵଦନଃ ପ୍ରଣତାଜ୍ଞାନନାଶନଃ ।
ପ୍ରମାଣପ୍ରତ୍ୟୟାତୀତଃ ପ୍ରଣତାର୍ତିନିଵାରଣଃ ॥ 98 ॥

ଫଣିହସ୍ତଃ ଫଣିପତିଃ ଫୂତ୍କାରଃ ଫଣିତପ୍ରିୟଃ ।
ବାଣାର୍ଚିତାଂଘ୍ରିୟୁଗଲୋ ବାଲକେଲିକୁତୂହଲୀ ।
ବ୍ରହ୍ମ ବ୍ରହ୍ମାର୍ଚିତପଦୋ ବ୍ରହ୍ମଚାରୀ ବୃହସ୍ପତିଃ ॥ 99 ॥

ବୃହତ୍ତମୋ ବ୍ରହ୍ମପରୋ ବ୍ରହ୍ମଣ୍ୟୋ ବ୍ରହ୍ମଵିତ୍ପ୍ରିୟଃ ।
ବୃହନ୍ନାଦାଗ୍ର୍ୟଚୀତ୍କାରୋ ବ୍ରହ୍ମାଂଡାଵଲିମେଖଲଃ ॥ 100 ॥

ଭ୍ରୂକ୍ଷେପଦତ୍ତଲକ୍ଷ୍ମୀକୋ ଭର୍ଗୋ ଭଦ୍ରୋ ଭୟାପହଃ ।
ଭଗଵାନ୍ ଭକ୍ତିସୁଲଭୋ ଭୂତିଦୋ ଭୂତିଭୂଷଣଃ ॥ 101 ॥

ଭଵ୍ୟୋ ଭୂତାଲୟୋ ଭୋଗଦାତା ଭ୍ରୂମଧ୍ୟଗୋଚରଃ ।
ମଂତ୍ରୋ ମଂତ୍ରପତିର୍ମଂତ୍ରୀ ମଦମତ୍ତୋ ମନୋ ମୟଃ ॥ 102 ॥

ମେଖଲାହୀଶ୍ଵରୋ ମଂଦଗତିର୍ମଂଦନିଭେକ୍ଷଣଃ ।
ମହାବଲୋ ମହାଵୀର୍ୟୋ ମହାପ୍ରାଣୋ ମହାମନାଃ ॥ 103 ॥

ୟଜ୍ଞୋ ୟଜ୍ଞପତିର୍ୟଜ୍ଞଗୋପ୍ତା ୟଜ୍ଞଫଲପ୍ରଦଃ ।
ୟଶସ୍କରୋ ୟୋଗଗମ୍ୟୋ ୟାଜ୍ଞିକୋ ୟାଜକପ୍ରିୟଃ ॥ 104 ॥

ରସୋ ରସପ୍ରିୟୋ ରସ୍ୟୋ ରଂଜକୋ ରାଵଣାର୍ଚିତଃ ।
ରାଜ୍ୟରକ୍ଷାକରୋ ରତ୍ନଗର୍ଭୋ ରାଜ୍ୟସୁଖପ୍ରଦଃ ॥ 105 ॥

ଲକ୍ଷୋ ଲକ୍ଷପତିର୍ଲକ୍ଷ୍ୟୋ ଲୟସ୍ଥୋ ଲଡ୍ଡୁକପ୍ରିୟଃ ।
ଲାସପ୍ରିୟୋ ଲାସ୍ୟପରୋ ଲାଭକୃଲ୍ଲୋକଵିଶ୍ରୁତଃ ॥ 106 ॥

ଵରେଣ୍ୟୋ ଵହ୍ନିଵଦନୋ ଵଂଦ୍ୟୋ ଵେଦାଂତଗୋଚରଃ ।
ଵିକର୍ତା ଵିଶ୍ଵତଶ୍ଚକ୍ଷୁର୍ଵିଧାତା ଵିଶ୍ଵତୋମୁଖଃ ॥ 107 ॥

ଵାମଦେଵୋ ଵିଶ୍ଵନେତା ଵଜ୍ରିଵଜ୍ରନିଵାରଣଃ ।
ଵିଵସ୍ଵଦ୍ବଂଧନୋ ଵିଶ୍ଵାଧାରୋ ଵିଶ୍ଵେଶ୍ଵରୋ ଵିଭୁଃ ॥ 108 ॥

ଶବ୍ଦବ୍ରହ୍ମ ଶମପ୍ରାପ୍ୟଃ ଶଂଭୁଶକ୍ତିଗଣେଶ୍ଵରଃ ।
ଶାସ୍ତା ଶିଖାଗ୍ରନିଲୟଃ ଶରଣ୍ୟଃ ଶଂବରେଶ୍ଵରଃ ॥ 109 ॥

ଷଡୃତୁକୁସୁମସ୍ରଗ୍ଵୀ ଷଡାଧାରଃ ଷଡକ୍ଷରଃ ।
ସଂସାରଵୈଦ୍ୟଃ ସର୍ଵଜ୍ଞଃ ସର୍ଵଭେଷଜଭେଷଜମ୍ ॥ 110 ॥

ସୃଷ୍ଟିସ୍ଥିତିଲୟକ୍ରୀଡଃ ସୁରକୁଂଜରଭେଦକଃ ।
ସିଂଦୂରିତମହାକୁଂଭଃ ସଦସଦ୍ଭକ୍ତିଦାୟକଃ ॥ 111 ॥

ସାକ୍ଷୀ ସମୁଦ୍ରମଥନଃ ସ୍ଵୟଂଵେଦ୍ୟଃ ସ୍ଵଦକ୍ଷିଣଃ ।
ସ୍ଵତଂତ୍ରଃ ସତ୍ୟସଂକଲ୍ପଃ ସାମଗାନରତଃ ସୁଖୀ ॥ 112 ॥

ହଂସୋ ହସ୍ତିପିଶାଚୀଶୋ ହଵନଂ ହଵ୍ୟକଵ୍ୟଭୁକ୍ ।
ହଵ୍ୟଂ ହୁତପ୍ରିୟୋ ହୃଷ୍ଟୋ ହୃଲ୍ଲେଖାମଂତ୍ରମଧ୍ୟଗଃ ॥ 113 ॥

କ୍ଷେତ୍ରାଧିପଃ କ୍ଷମାଭର୍ତା କ୍ଷମାକ୍ଷମପରାୟଣଃ ।
କ୍ଷିପ୍ରକ୍ଷେମକରଃ କ୍ଷେମାନଂଦଃ କ୍ଷୋଣୀସୁରଦ୍ରୁମଃ ॥ 114 ॥

ଧର୍ମପ୍ରଦୋଽର୍ଥଦଃ କାମଦାତା ସୌଭାଗ୍ୟଵର୍ଧନଃ ।
ଵିଦ୍ୟାପ୍ରଦୋ ଵିଭଵଦୋ ଭୁକ୍ତିମୁକ୍ତିଫଲପ୍ରଦଃ ॥ 115 ॥

ଆଭିରୂପ୍ୟକରୋ ଵୀରଶ୍ରୀପ୍ରଦୋ ଵିଜୟପ୍ରଦଃ ।
ସର୍ଵଵଶ୍ୟକରୋ ଗର୍ଭଦୋଷହା ପୁତ୍ରପୌତ୍ରଦଃ ॥ 116 ॥

ମେଧାଦଃ କୀର୍ତିଦଃ ଶୋକହାରୀ ଦୌର୍ଭାଗ୍ୟନାଶନଃ ।
ପ୍ରତିଵାଦିମୁଖସ୍ତଂଭୋ ରୁଷ୍ଟଚିତ୍ତପ୍ରସାଦନଃ ॥ 117 ॥

ପରାଭିଚାରଶମନୋ ଦୁଃଖହା ବଂଧମୋକ୍ଷଦଃ ।
ଲଵସ୍ତ୍ରୁଟିଃ କଲା କାଷ୍ଠା ନିମେଷସ୍ତତ୍ପରକ୍ଷଣଃ ॥ 118 ॥

ଘଟୀ ମୁହୂର୍ତଃ ପ୍ରହରୋ ଦିଵା ନକ୍ତମହର୍ନିଶମ୍ ।
ପକ୍ଷୋ ମାସର୍ତ୍ଵୟନାବ୍ଦୟୁଗଂ କଲ୍ପୋ ମହାଲୟଃ ॥ 119 ॥

ରାଶିସ୍ତାରା ତିଥିର୍ୟୋଗୋ ଵାରଃ କରଣମଂଶକମ୍ ।
ଲଗ୍ନଂ ହୋରା କାଲଚକ୍ରଂ ମେରୁଃ ସପ୍ତର୍ଷୟୋ ଧ୍ରୁଵଃ ॥ 120 ॥

ରାହୁର୍ମଂଦଃ କଵିର୍ଜୀଵୋ ବୁଧୋ ଭୌମଃ ଶଶୀ ରଵିଃ ।
କାଲଃ ସୃଷ୍ଟିଃ ସ୍ଥିତିର୍ଵିଶ୍ଵଂ ସ୍ଥାଵରଂ ଜଂଗମଂ ଜଗତ୍ ॥ 121 ॥

ଭୂରାପୋଽଗ୍ନିର୍ମରୁଦ୍ଵ୍ୟୋମାହଂକୃତିଃ ପ୍ରକୃତିଃ ପୁମାନ୍ ।
ବ୍ରହ୍ମା ଵିଷ୍ଣୁଃ ଶିଵୋ ରୁଦ୍ର ଈଶଃ ଶକ୍ତିଃ ସଦାଶିଵଃ ॥ 122 ॥

ତ୍ରିଦଶାଃ ପିତରଃ ସିଦ୍ଧା ୟକ୍ଷା ରକ୍ଷାଂସି କିନ୍ନରାଃ ।
ସିଦ୍ଧଵିଦ୍ୟାଧରା ଭୂତା ମନୁଷ୍ୟାଃ ପଶଵଃ ଖଗାଃ ॥ 123 ॥

ସମୁଦ୍ରାଃ ସରିତଃ ଶୈଲା ଭୂତଂ ଭଵ୍ୟଂ ଭଵୋଦ୍ଭଵଃ ।
ସାଂଖ୍ୟଂ ପାତଂଜଲଂ ୟୋଗଂ ପୁରାଣାନି ଶ୍ରୁତିଃ ସ୍ମୃତିଃ ॥ 124 ॥

ଵେଦାଂଗାନି ସଦାଚାରୋ ମୀମାଂସା ନ୍ୟାୟଵିସ୍ତରଃ ।
ଆୟୁର୍ଵେଦୋ ଧନୁର୍ଵେଦୋ ଗାଂଧର୍ଵଂ କାଵ୍ୟନାଟକମ୍ ॥ 125 ॥

ଵୈଖାନସଂ ଭାଗଵତଂ ମାନୁଷଂ ପାଂଚରାତ୍ରକମ୍ ।
ଶୈଵଂ ପାଶୁପତଂ କାଲାମୁଖଂଭୈରଵଶାସନମ୍ ॥ 126 ॥

ଶାକ୍ତଂ ଵୈନାୟକଂ ସୌରଂ ଜୈନମାର୍ହତସଂହିତା ।
ସଦସଦ୍ଵ୍ୟକ୍ତମଵ୍ୟକ୍ତଂ ସଚେତନମଚେତନମ୍ ॥ 127 ॥

ବଂଧୋ ମୋକ୍ଷଃ ସୁଖଂ ଭୋଗୋ ୟୋଗଃ ସତ୍ୟମଣୁର୍ମହାନ୍ ।
ସ୍ଵସ୍ତି ହୁଂଫଟ୍ ସ୍ଵଧା ସ୍ଵାହା ଶ୍ରୌଷଟ୍ ଵୌଷଟ୍ ଵଷଣ୍ ନମଃ 128 ॥

ଜ୍ଞାନଂ ଵିଜ୍ଞାନମାନଂଦୋ ବୋଧଃ ସଂଵିତ୍ସମୋଽସମଃ ।
ଏକ ଏକାକ୍ଷରାଧାର ଏକାକ୍ଷରପରାୟଣଃ ॥ 129 ॥

ଏକାଗ୍ରଧୀରେକଵୀର ଏକୋଽନେକସ୍ଵରୂପଧୃକ୍ ।
ଦ୍ଵିରୂପୋ ଦ୍ଵିଭୁଜୋ ଦ୍ଵ୍ୟକ୍ଷୋ ଦ୍ଵିରଦୋ ଦ୍ଵୀପରକ୍ଷକଃ ॥ 130 ॥

ଦ୍ଵୈମାତୁରୋ ଦ୍ଵିଵଦନୋ ଦ୍ଵଂଦ୍ଵହୀନୋ ଦ୍ଵୟାତିଗଃ ।
ତ୍ରିଧାମା ତ୍ରିକରସ୍ତ୍ରେତା ତ୍ରିଵର୍ଗଫଲଦାୟକଃ ॥ 131 ॥

ତ୍ରିଗୁଣାତ୍ମା ତ୍ରିଲୋକାଦିସ୍ତ୍ରିଶକ୍ତୀଶସ୍ତ୍ରିଲୋଚନଃ ।
ଚତୁର୍ଵିଧଵଚୋଵୃତ୍ତିପରିଵୃତ୍ତିପ୍ରଵର୍ତକଃ ॥ 132 ॥

ଚତୁର୍ବାହୁଶ୍ଚତୁର୍ଦଂତଶ୍ଚତୁରାତ୍ମା ଚତୁର୍ଭୁଜଃ ।
ଚତୁର୍ଵିଧୋପାୟମୟଶ୍ଚତୁର୍ଵର୍ଣାଶ୍ରମାଶ୍ରୟଃ 133 ॥

ଚତୁର୍ଥୀପୂଜନପ୍ରୀତଶ୍ଚତୁର୍ଥୀତିଥିସଂଭଵଃ ॥
ପଂଚାକ୍ଷରାତ୍ମା ପଂଚାତ୍ମା ପଂଚାସ୍ୟଃ ପଂଚକୃତ୍ତମଃ ॥ 134 ॥

ପଂଚାଧାରଃ ପଂଚଵର୍ଣଃ ପଂଚାକ୍ଷରପରାୟଣଃ ।
ପଂଚତାଲଃ ପଂଚକରଃ ପଂଚପ୍ରଣଵମାତୃକଃ ॥ 135 ॥

ପଂଚବ୍ରହ୍ମମୟସ୍ଫୂର୍ତିଃ ପଂଚାଵରଣଵାରିତଃ ।
ପଂଚଭକ୍ଷପ୍ରିୟଃ ପଂଚବାଣଃ ପଂଚଶିଖାତ୍ମକଃ ॥ 136 ॥

ଷଟ୍କୋଣପୀଠଃ ଷଟ୍ଚକ୍ରଧାମା ଷଡ୍ଗ୍ରଂଥିଭେଦକଃ ।
ଷଡଂଗଧ୍ଵାଂତଵିଧ୍ଵଂସୀ ଷଡଂଗୁଲମହାହ୍ରଦଃ ॥ 137 ॥

ଷଣ୍ମୁଖଃ ଷଣ୍ମୁଖଭ୍ରାତା ଷଟ୍ଶକ୍ତିପରିଵାରିତଃ ।
ଷଡ୍ଵୈରିଵର୍ଗଵିଧ୍ଵଂସୀ ଷଡୂର୍ମିଭୟଭଂଜନଃ ॥ 138 ॥

ଷଟ୍ତର୍କଦୂରଃ ଷଟ୍କର୍ମା ଷଡ୍ଗୁଣଃ ଷଡ୍ରସାଶ୍ରୟଃ ।
ସପ୍ତପାତାଲଚରଣଃ ସପ୍ତଦ୍ଵୀପୋରୁମଂଡଲଃ ॥ 139 ॥

ସପ୍ତସ୍ଵର୍ଲୋକମୁକୁଟଃ ସପ୍ତସପ୍ତିଵରପ୍ରଦଃ ।
ସପ୍ତାଂଗରାଜ୍ୟସୁଖଦଃ ସପ୍ତର୍ଷିଗଣଵଂଦିତଃ ॥ 140 ॥

ସପ୍ତଚ୍ଛଂଦୋନିଧିଃ ସପ୍ତହୋତ୍ରଃ ସପ୍ତସ୍ଵରାଶ୍ରୟଃ ।
ସପ୍ତାବ୍ଧିକେଲିକାସାରଃ ସପ୍ତମାତୃନିଷେଵିତଃ ॥ 141 ॥

ସପ୍ତଚ୍ଛଂଦୋ ମୋଦମଦଃ ସପ୍ତଚ୍ଛଂଦୋ ମଖପ୍ରଭୁଃ ।
ଅଷ୍ଟମୂର୍ତିର୍ଧ୍ୟେୟମୂର୍ତିରଷ୍ଟପ୍ରକୃତିକାରଣମ୍ ॥ 142 ॥

ଅଷ୍ଟାଂଗୟୋଗଫଲଭୃଦଷ୍ଟପତ୍ରାଂବୁଜାସନଃ ।
ଅଷ୍ଟଶକ୍ତିସମାନଶ୍ରୀରଷ୍ଟୈଶ୍ଵର୍ୟପ୍ରଵର୍ଧନଃ ॥ 143 ॥

ଅଷ୍ଟପୀଠୋପପୀଠଶ୍ରୀରଷ୍ଟମାତୃସମାଵୃତଃ ।
ଅଷ୍ଟଭୈରଵସେଵ୍ୟୋଽଷ୍ଟଵସୁଵଂଦ୍ୟୋଽଷ୍ଟମୂର୍ତିଭୃତ୍ ॥ 144 ॥

ଅଷ୍ଟଚକ୍ରସ୍ଫୁରନ୍ମୂର୍ତିରଷ୍ଟଦ୍ରଵ୍ୟହଵିଃପ୍ରିୟଃ ।
ଅଷ୍ଟଶ୍ରୀରଷ୍ଟସାମଶ୍ରୀରଷ୍ଟୈଶ୍ଵର୍ୟପ୍ରଦାୟକଃ ।
ନଵନାଗାସନାଧ୍ୟାସୀ ନଵନିଧ୍ୟନୁଶାସିତଃ ॥ 145 ॥

ନଵଦ୍ଵାରପୁରାଵୃତ୍ତୋ ନଵଦ୍ଵାରନିକେତନଃ ।
ନଵନାଥମହାନାଥୋ ନଵନାଗଵିଭୂଷିତଃ ॥ 146 ॥

ନଵନାରାୟଣସ୍ତୁଲ୍ୟୋ ନଵଦୁର୍ଗାନିଷେଵିତଃ ।
ନଵରତ୍ନଵିଚିତ୍ରାଂଗୋ ନଵଶକ୍ତିଶିରୋଦ୍ଧୃତଃ ॥ 147 ॥

ଦଶାତ୍ମକୋ ଦଶଭୁଜୋ ଦଶଦିକ୍ପତିଵଂଦିତଃ ।
ଦଶାଧ୍ୟାୟୋ ଦଶପ୍ରାଣୋ ଦଶେଂଦ୍ରିୟନିୟାମକଃ ॥ 148 ॥

ଦଶାକ୍ଷରମହାମଂତ୍ରୋ ଦଶାଶାଵ୍ୟାପିଵିଗ୍ରହଃ ।
ଏକାଦଶମହାରୁଦ୍ରୈଃସ୍ତୁତଶ୍ଚୈକାଦଶାକ୍ଷରଃ ॥ 149 ॥

ଦ୍ଵାଦଶଦ୍ଵିଦଶାଷ୍ଟାଦିଦୋର୍ଦଂଡାସ୍ତ୍ରନିକେତନଃ ।
ତ୍ରୟୋଦଶଭିଦାଭିନ୍ନୋ ଵିଶ୍ଵେଦେଵାଧିଦୈଵତମ୍ ॥ 150 ॥

ଚତୁର୍ଦଶେଂଦ୍ରଵରଦଶ୍ଚତୁର୍ଦଶମନୁପ୍ରଭୁଃ ।
ଚତୁର୍ଦଶାଦ୍ୟଵିଦ୍ୟାଢ୍ୟଶ୍ଚତୁର୍ଦଶଜଗତ୍ପତିଃ ॥ 151 ॥

ସାମପଂଚଦଶଃ ପଂଚଦଶୀଶୀତାଂଶୁନିର୍ମଲଃ ।
ତିଥିପଂଚଦଶାକାରସ୍ତିଥ୍ୟା ପଂଚଦଶାର୍ଚିତଃ ॥ 152 ॥

ଷୋଡଶାଧାରନିଲୟଃ ଷୋଡଶସ୍ଵରମାତୃକଃ ।
ଷୋଡଶାଂତପଦାଵାସଃ ଷୋଡଶେଂଦୁକଲାତ୍ମକଃ ॥ 153 ॥

କଲାସପ୍ତଦଶୀ ସପ୍ତଦଶସପ୍ତଦଶାକ୍ଷରଃ ।
ଅଷ୍ଟାଦଶଦ୍ଵୀପପତିରଷ୍ଟାଦଶପୁରାଣକୃତ୍ ॥ 154 ॥

ଅଷ୍ଟାଦଶୌଷଧୀସୃଷ୍ଟିରଷ୍ଟାଦଶଵିଧିଃ ସ୍ମୃତଃ ।
ଅଷ୍ଟାଦଶଲିପିଵ୍ୟଷ୍ଟିସମଷ୍ଟିଜ୍ଞାନକୋଵିଦଃ ॥ 155 ॥

ଅଷ୍ଟାଦଶାନ୍ନସଂପତ୍ତିରଷ୍ଟାଦଶଵିଜାତିକୃତ୍ ।
ଏକଵିଂଶଃ ପୁମାନେକଵିଂଶତ୍ୟଂଗୁଲିପଲ୍ଲଵଃ ॥ 156 ॥

ଚତୁର୍ଵିଂଶତିତତ୍ତ୍ଵାତ୍ମା ପଂଚଵିଂଶାଖ୍ୟପୂରୁଷଃ ।
ସପ୍ତଵିଂଶତିତାରେଶଃ ସପ୍ତଵିଂଶତିୟୋଗକୃତ୍ ॥ 157 ॥

ଦ୍ଵାତ୍ରିଂଶଦ୍ଭୈରଵାଧୀଶଶ୍ଚତୁସ୍ତ୍ରିଂଶନ୍ମହାହ୍ରଦଃ ।
ଷଟ୍ତ୍ରିଂଶତ୍ତତ୍ତ୍ଵସଂଭୂତିରଷ୍ଟତ୍ରିଂଶତ୍କଲାତ୍ମକଃ ॥ 158 ॥

ପଂଚାଶଦ୍ଵିଷ୍ଣୁଶକ୍ତୀଶଃ ପଂଚାଶନ୍ମାତୃକାଲୟଃ ।
ଦ୍ଵିପଂଚାଶଦ୍ଵପୁଃଶ୍ରେଣୀତ୍ରିଷଷ୍ଟ୍ୟକ୍ଷରସଂଶ୍ରୟଃ ।
ପଂଚାଶଦକ୍ଷରଶ୍ରେଣୀପଂଚାଶଦ୍ରୁଦ୍ରଵିଗ୍ରହଃ ॥ 159 ॥

ଚତୁଃଷଷ୍ଟିମହାସିଦ୍ଧିୟୋଗିନୀଵୃଂଦଵଂଦିତଃ ।
ନମଦେକୋନପଂଚାଶନ୍ମରୁଦ୍ଵର୍ଗନିରର୍ଗଲଃ ॥ 160 ॥

ଚତୁଃଷଷ୍ଟ୍ୟର୍ଥନିର୍ଣେତା ଚତୁଃଷଷ୍ଟିକଲାନିଧିଃ ।
ଅଷ୍ଟଷଷ୍ଟିମହାତୀର୍ଥକ୍ଷେତ୍ରଭୈରଵଵଂଦିତଃ ॥ 161 ॥

ଚତୁର୍ନଵତିମଂତ୍ରାତ୍ମା ଷଣ୍ଣଵତ୍ୟଧିକପ୍ରଭୁଃ ।
ଶତାନଂଦଃ ଶତଧୃତିଃ ଶତପତ୍ରାୟତେକ୍ଷଣଃ ॥ 162 ॥

ଶତାନୀକଃ ଶତମଖଃ ଶତଧାରାଵରାୟୁଧଃ ।
ସହସ୍ରପତ୍ରନିଲୟଃ ସହସ୍ରଫଣିଭୂଷଣଃ ॥ 163 ॥

ସହସ୍ରଶୀର୍ଷା ପୁରୁଷଃ ସହସ୍ରାକ୍ଷଃ ସହସ୍ରପାତ୍ ।
ସହସ୍ରନାମସଂସ୍ତୁତ୍ୟଃ ସହସ୍ରାକ୍ଷବଲାପହଃ ॥ 164 ॥

ଦଶସାହସ୍ରଫଣିଭୃତ୍ଫଣିରାଜକୃତାସନଃ ।
ଅଷ୍ଟାଶୀତିସହସ୍ରାଦ୍ୟମହର୍ଷିସ୍ତୋତ୍ରପାଠିତଃ ॥ 165 ॥

ଲକ୍ଷାଧାରଃ ପ୍ରିୟାଧାରୋ ଲକ୍ଷାଧାରମନୋମୟଃ ।
ଚତୁର୍ଲକ୍ଷଜପପ୍ରୀତଶ୍ଚତୁର୍ଲକ୍ଷପ୍ରକାଶକଃ ॥ 166 ॥

ଚତୁରଶୀତିଲକ୍ଷାଣାଂ ଜୀଵାନାଂ ଦେହସଂସ୍ଥିତଃ ।
କୋଟିସୂର୍ୟପ୍ରତୀକାଶଃ କୋଟିଚଂଦ୍ରାଂଶୁନିର୍ମଲଃ ॥ 167 ॥

ଶିଵୋଦ୍ଭଵାଦ୍ୟଷ୍ଟକୋଟିଵୈନାୟକଧୁରଂଧରଃ ।
ସପ୍ତକୋଟିମହାମଂତ୍ରମଂତ୍ରିତାଵୟଵଦ୍ୟୁତିଃ ॥ 168 ॥

ତ୍ରୟସ୍ତ୍ରିଂଶତ୍କୋଟିସୁରଶ୍ରେଣୀପ୍ରଣତପାଦୁକଃ ।
ଅନଂତଦେଵତାସେଵ୍ୟୋ ହ୍ୟନଂତଶୁଭଦାୟକଃ ॥ 169 ॥

ଅନଂତନାମାନଂତଶ୍ରୀରନଂତୋଽନଂତସୌଖ୍ୟଦଃ ।
ଅନଂତଶକ୍ତିସହିତୋ ହ୍ୟନଂତମୁନିସଂସ୍ତୁତଃ ॥ 170 ॥

ଇତି ଵୈନାୟକଂ ନାମ୍ନାଂ ସହସ୍ରମିଦମୀରିତମ୍ ।
ଇଦଂ ବ୍ରାହ୍ମେ ମୁହୂର୍ତେ ୟଃ ପଠତି ପ୍ରତ୍ୟହଂ ନରଃ ॥ 171 ॥

କରସ୍ଥଂ ତସ୍ୟ ସକଲମୈହିକାମୁଷ୍ମିକଂ ସୁଖମ୍ ।
ଆୟୁରାରୋଗ୍ୟମୈଶ୍ଵର୍ୟଂ ଧୈର୍ୟଂ ଶୌର୍ୟଂ ବଲଂ ୟଶଃ ॥ 172 ॥

ମେଧା ପ୍ରଜ୍ଞା ଧୃତିଃ କାଂତିଃ ସୌଭାଗ୍ୟମଭିରୂପତା ।
ସତ୍ୟଂ ଦୟା କ୍ଷମା ଶାଂତିର୍ଦାକ୍ଷିଣ୍ୟଂ ଧର୍ମଶୀଲତା ॥ 173 ॥

ଜଗତ୍ସଂଵନନଂ ଵିଶ୍ଵସଂଵାଦୋ ଵେଦପାଟଵମ୍ ।
ସଭାପାଂଡିତ୍ୟମୌଦାର୍ୟଂ ଗାଂଭୀର୍ୟଂ ବ୍ରହ୍ମଵର୍ଚସମ୍ ॥ 174 ॥

ଓଜସ୍ତେଜଃ କୁଲଂ ଶୀଲଂ ପ୍ରତାପୋ ଵୀର୍ୟମାର୍ୟତା ।
ଜ୍ଞାନଂ ଵିଜ୍ଞାନମାସ୍ତିକ୍ୟଂ ସ୍ଥୈର୍ୟଂ ଵିଶ୍ଵାସତା ତଥା ॥ 175 ॥

ଧନଧାନ୍ୟାଦିଵୃଦ୍ଧିଶ୍ଚ ସକୃଦସ୍ୟ ଜପାଦ୍ଭଵେତ୍ ।
ଵଶ୍ୟଂ ଚତୁର୍ଵିଧଂ ଵିଶ୍ଵଂ ଜପାଦସ୍ୟ ପ୍ରଜାୟତେ ॥ 176 ॥

ରାଜ୍ଞୋ ରାଜକଲତ୍ରସ୍ୟ ରାଜପୁତ୍ରସ୍ୟ ମଂତ୍ରିଣଃ ।
ଜପ୍ୟତେ ୟସ୍ୟ ଵଶ୍ୟାର୍ଥେ ସ ଦାସସ୍ତସ୍ୟ ଜାୟତେ ॥ 177 ॥

ଧର୍ମାର୍ଥକାମମୋକ୍ଷାଣାମନାୟାସେନ ସାଧନମ୍ ।
ଶାକିନୀଡାକିନୀରକ୍ଷୋୟକ୍ଷଗ୍ରହଭୟାପହମ୍ ॥ 178 ॥

ସାମ୍ରାଜ୍ୟସୁଖଦଂ ସର୍ଵସପତ୍ନମଦମର୍ଦନମ୍ ।
ସମସ୍ତକଲହଧ୍ଵଂସି ଦଗ୍ଧବୀଜପ୍ରରୋହଣମ୍ ॥ 179 ॥

ଦୁଃସ୍ଵପ୍ନଶମନଂ କ୍ରୁଦ୍ଧସ୍ଵାମିଚିତ୍ତପ୍ରସାଦନମ୍ ।
ଷଡ୍ଵର୍ଗାଷ୍ଟମହାସିଦ୍ଧିତ୍ରିକାଲଜ୍ଞାନକାରଣମ୍ ॥ 180 ॥

ପରକୃତ୍ୟପ୍ରଶମନଂ ପରଚକ୍ରପ୍ରମର୍ଦନମ୍ ।
ସଂଗ୍ରାମମାର୍ଗେ ସଵେଷାମିଦମେକଂ ଜୟାଵହମ୍ ॥ 181 ॥

ସର୍ଵଵଂଧ୍ୟତ୍ଵଦୋଷଘ୍ନଂ ଗର୍ଭରକ୍ଷୈକକାରଣମ୍ ।
ପଠ୍ୟତେ ପ୍ରତ୍ୟହଂ ୟତ୍ର ସ୍ତୋତ୍ରଂ ଗଣପତେରିଦମ୍ ॥ 182 ॥

ଦେଶେ ତତ୍ର ନ ଦୁର୍ଭିକ୍ଷମୀତୟୋ ଦୁରିତାନି ଚ ।
ନ ତଦ୍ଗେହଂ ଜହାତି ଶ୍ରୀର୍ୟତ୍ରାୟଂ ଜପ୍ୟତେ ସ୍ତଵଃ ॥ 183 ॥

କ୍ଷୟକୁଷ୍ଠପ୍ରମେହାର୍ଶଭଗଂଦରଵିଷୂଚିକାଃ ।
ଗୁଲ୍ମଂ ପ୍ଲୀହାନମଶମାନମତିସାରଂ ମହୋଦରମ୍ ॥ 184 ॥

କାସଂ ଶ୍ଵାସମୁଦାଵର୍ତଂ ଶୂଲଂ ଶୋଫାମୟୋଦରମ୍ ।
ଶିରୋରୋଗଂ ଵମିଂ ହିକ୍କାଂ ଗଂଡମାଲାମରୋଚକମ୍ ॥ 185 ॥

ଵାତପିତ୍ତକଫଦ୍ଵଂଦ୍ଵତ୍ରିଦୋଷଜନିତଜ୍ଵରମ୍ ।
ଆଗଂତୁଵିଷମଂ ଶୀତମୁଷ୍ଣଂ ଚୈକାହିକାଦିକମ୍ ॥ 186 ॥

ଇତ୍ୟାଦ୍ୟୁକ୍ତମନୁକ୍ତଂ ଵା ରୋଗଦୋଷାଦିସଂଭଵମ୍ ।
ସର୍ଵଂ ପ୍ରଶମୟତ୍ୟାଶୁ ସ୍ତୋତ୍ରସ୍ୟାସ୍ୟ ସକୃଜ୍ଜପଃ ॥ 187 ॥

ପ୍ରାପ୍ୟତେଽସ୍ୟ ଜପାତ୍ସିଦ୍ଧିଃ ସ୍ତ୍ରୀଶୂଦ୍ରୈଃ ପତିତୈରପି ।
ସହସ୍ରନାମମଂତ୍ରୋଽୟଂ ଜପିତଵ୍ୟଃ ଶୁଭାପ୍ତୟେ ॥ 188 ॥

ମହାଗଣପତେଃ ସ୍ତୋତ୍ରଂ ସକାମଃ ପ୍ରଜପନ୍ନିଦମ୍ ।
ଇଚ୍ଛୟା ସକଲାନ୍ ଭୋଗାନୁପଭୁଜ୍ୟେହ ପାର୍ଥିଵାନ୍ ॥ 189 ॥

ମନୋରଥଫଲୈର୍ଦିଵ୍ୟୈର୍ଵ୍ୟୋମୟାନୈର୍ମନୋରମୈଃ ।
ଚଂଦ୍ରେଂଦ୍ରଭାସ୍କରୋପେଂଦ୍ରବ୍ରହ୍ମଶର୍ଵାଦିସଦ୍ମସୁ ॥ 190 ॥

କାମରୂପଃ କାମଗତିଃ କାମଦଃ କାମଦେଶ୍ଵରଃ ।
ଭୁକ୍ତ୍ଵା ୟଥେପ୍ସିତାନ୍ଭୋଗାନଭୀଷ୍ଟୈଃ ସହ ବଂଧୁଭିଃ ॥ 191 ॥

ଗଣେଶାନୁଚରୋ ଭୂତ୍ଵା ଗଣୋ ଗଣପତିପ୍ରିୟଃ ।
ନଂଦୀଶ୍ଵରାଦିସାନଂଦୈର୍ନଂଦିତଃ ସକଲୈର୍ଗଣୈଃ ॥ 192 ॥

ଶିଵାଭ୍ୟାଂ କୃପୟା ପୁତ୍ରନିର୍ଵିଶେଷଂ ଚ ଲାଲିତଃ ।
ଶିଵଭକ୍ତଃ ପୂର୍ଣକାମୋ ଗଣେଶ୍ଵରଵରାତ୍ପୁନଃ ॥ 193 ॥

ଜାତିସ୍ମରୋ ଧର୍ମପରଃ ସାର୍ଵଭୌମୋଽଭିଜାୟତେ ।
ନିଷ୍କାମସ୍ତୁ ଜପନ୍ନିତ୍ୟଂ ଭକ୍ତ୍ୟା ଵିଘ୍ନେଶତତ୍ପରଃ ॥ 194 ॥

ୟୋଗସିଦ୍ଧିଂ ପରାଂ ପ୍ରାପ୍ୟ ଜ୍ଞାନଵୈରାଗ୍ୟସଂୟୁତଃ ।
ନିରଂତରେ ନିରାବାଧେ ପରମାନଂଦସଂଜ୍ଞିତେ ॥ 195 ॥

ଵିଶ୍ଵୋତ୍ତୀର୍ଣେ ପରେ ପୂର୍ଣେ ପୁନରାଵୃତ୍ତିଵର୍ଜିତେ ।
ଲୀନୋ ଵୈନାୟକେ ଧାମ୍ନି ରମତେ ନିତ୍ୟନିର୍ଵୃତେ ॥ 196 ॥

ୟୋ ନାମଭିର୍ହୁତୈର୍ଦତ୍ତୈଃ ପୂଜୟେଦର୍ଚୟେ​ଏନ୍ନରଃ ।
ରାଜାନୋ ଵଶ୍ୟତାଂ ୟାଂତି ରିପଵୋ ୟାଂତି ଦାସତାମ୍ ॥ 197 ॥

ତସ୍ୟ ସିଧ୍ୟଂତି ମଂତ୍ରାଣାଂ ଦୁର୍ଲଭାଶ୍ଚେଷ୍ଟସିଦ୍ଧୟଃ ।
ମୂଲମଂତ୍ରାଦପି ସ୍ତୋତ୍ରମିଦଂ ପ୍ରିୟତମଂ ମମ ॥ 198 ॥

ନଭସ୍ୟେ ମାସି ଶୁକ୍ଲାୟାଂ ଚତୁର୍ଥ୍ୟାଂ ମମ ଜନ୍ମନି ।
ଦୂର୍ଵାଭିର୍ନାମଭିଃ ପୂଜାଂ ତର୍ପଣଂ ଵିଧିଵଚ୍ଚରେତ୍ ॥ 199 ॥

ଅଷ୍ଟଦ୍ରଵ୍ୟୈର୍ଵିଶେଷେଣ କୁର୍ୟାଦ୍ଭକ୍ତିସୁସଂୟୁତଃ ।
ତସ୍ୟେପ୍ସିତଂ ଧନଂ ଧାନ୍ୟମୈଶ୍ଵର୍ୟଂ ଵିଜୟୋ ୟଶଃ ॥ 200 ॥

ଭଵିଷ୍ୟତି ନ ସଂଦେହଃ ପୁତ୍ରପୌତ୍ରାଦିକଂ ସୁଖମ୍ ।
ଇଦଂ ପ୍ରଜପିତଂ ସ୍ତୋତ୍ରଂ ପଠିତଂ ଶ୍ରାଵିତଂ ଶ୍ରୁତମ୍ ॥ 201 ॥

ଵ୍ୟାକୃତଂ ଚର୍ଚିତଂ ଧ୍ୟାତଂ ଵିମୃଷ୍ଟମଭିଵଂଦିତମ୍ ।
ଇହାମୁତ୍ର ଚ ଵିଶ୍ଵେଷାଂ ଵିଶ୍ଵୈଶ୍ଵର୍ୟପ୍ରଦାୟକମ୍ ॥ 202 ॥

ସ୍ଵଚ୍ଛଂଦଚାରିଣାପ୍ୟେଷ ୟେନ ସଂଧାର୍ୟତେ ସ୍ତଵଃ ।
ସ ରକ୍ଷ୍ୟତେ ଶିଵୋଦ୍ଭୂତୈର୍ଗଣୈରଧ୍ୟଷ୍ଟକୋଟିଭିଃ ॥ 203 ॥

ଲିଖିତଂ ପୁସ୍ତକସ୍ତୋତ୍ରଂ ମଂତ୍ରଭୂତଂ ପ୍ରପୂଜୟେତ୍ ।
ତତ୍ର ସର୍ଵୋତ୍ତମା ଲକ୍ଷ୍ମୀଃ ସନ୍ନିଧତ୍ତେ ନିରଂତରମ୍ ॥ 204 ॥

ଦାନୈରଶେଷୈରଖିଲୈର୍ଵ୍ରତୈଶ୍ଚ ତୀର୍ଥୈରଶେଷୈରଖିଲୈର୍ମଖୈଶ୍ଚ ।
ନ ତତ୍ଫଲଂ ଵିଂଦତି ୟଦ୍ଗଣେଶସହସ୍ରନାମସ୍ମରଣେନ ସଦ୍ୟଃ ॥ 205 ॥

ଏତନ୍ନାମ୍ନାଂ ସହସ୍ରଂ ପଠତି ଦିନମଣୌ ପ୍ରତ୍ୟହଂପ୍ରୋଜ୍ଜିହାନେ
ସାୟଂ ମଧ୍ୟଂଦିନେ ଵା ତ୍ରିଷଵଣମଥଵା ସଂତତଂ ଵା ଜନୋ ୟଃ ।
ସ ସ୍ୟାଦୈଶ୍ଵର୍ୟଧୁର୍ୟଃ ପ୍ରଭଵତି ଵଚସାଂ କୀର୍ତିମୁଚ୍ଚୈସ୍ତନୋତି
ଦାରିଦ୍ର୍ୟଂ ହଂତି ଵିଶ୍ଵଂ ଵଶୟତି ସୁଚିରଂ ଵର୍ଧତେ ପୁତ୍ରପୌତ୍ରୈଃ ॥ 206 ॥

ଅକିଂଚନୋପ୍ୟେକଚିତ୍ତୋ ନିୟତୋ ନିୟତାସନଃ ।
ପ୍ରଜପଂଶ୍ଚତୁରୋ ମାସାନ୍ ଗଣେଶାର୍ଚନତତ୍ପରଃ ॥ 207 ॥

ଦରିଦ୍ରତାଂ ସମୁନ୍ମୂଲ୍ୟ ସପ୍ତଜନ୍ମାନୁଗାମପି ।
ଲଭତେ ମହତୀଂ ଲକ୍ଷ୍ମୀମିତ୍ୟାଜ୍ଞା ପାରମେଶ୍ଵରୀ ॥ 208 ॥

ଆୟୁଷ୍ୟଂ ଵୀତରୋଗଂ କୁଲମତିଵିମଲଂ ସଂପଦଶ୍ଚାର୍ତିନାଶଃ
କୀର୍ତିର୍ନିତ୍ୟାଵଦାତା ଭଵତି ଖଲୁ ନଵା କାଂତିରଵ୍ୟାଜଭଵ୍ୟା ।
ପୁତ୍ରାଃ ସଂତଃ କଲତ୍ରଂ ଗୁଣଵଦଭିମତଂ ୟଦ୍ୟଦନ୍ୟଚ୍ଚ ତତ୍ତ –
ନ୍ନିତ୍ୟଂ ୟଃ ସ୍ତୋତ୍ରମେତତ୍ ପଠତି ଗଣପତେସ୍ତସ୍ୟ ହସ୍ତେ ସମସ୍ତମ୍ ॥ 209 ॥

ଗଣଂଜୟୋ ଗଣପତିର୍ହେରଂବୋ ଧରଣୀଧରଃ ।
ମହାଗଣପତିର୍ବୁଦ୍ଧିପ୍ରିୟଃ କ୍ଷିପ୍ରପ୍ରସାଦନଃ ॥ 210 ॥

ଅମୋଘସିଦ୍ଧିରମୃତମଂତ୍ରଶ୍ଚିଂତାମଣିର୍ନିଧିଃ ।
ସୁମଂଗଲୋ ବୀଜମାଶାପୂରକୋ ଵରଦଃ କଲଃ ॥ 211 ॥

କାଶ୍ୟପୋ ନଂଦନୋ ଵାଚାସିଦ୍ଧୋ ଢୁଂଢିର୍ଵିନାୟକଃ ।
ମୋଦକୈରେଭିରତ୍ରୈକଵିଂଶତ୍ୟା ନାମଭିଃ ପୁମାନ୍ ॥ 212 ॥

ଉପାୟନଂ ଦଦେଦ୍ଭକ୍ତ୍ୟା ମତ୍ପ୍ରସାଦଂ ଚିକୀର୍ଷତି ।
ଵତ୍ସରଂ ଵିଘ୍ନରାଜୋଽସ୍ୟ ତଥ୍ୟମିଷ୍ଟାର୍ଥସିଦ୍ଧୟେ ॥ 213 ॥

ୟଃ ସ୍ତୌତି ମଦ୍ଗତମନା ମମାରାଧନତତ୍ପରଃ ।
ସ୍ତୁତୋ ନାମ୍ନା ସହସ୍ରେଣ ତେନାହଂ ନାତ୍ର ସଂଶୟଃ ॥ 214 ॥

ନମୋ ନମଃ ସୁରଵରପୂଜିତାଂଘ୍ରୟେ
ନମୋ ନମୋ ନିରୁପମମଂଗଲାତ୍ମନେ ।
ନମୋ ନମୋ ଵିପୁଲଦୟୈକସିଦ୍ଧୟେ
ନମୋ ନମଃ କରିକଲଭାନନାୟ ତେ ॥ 215 ॥

କିଂକିଣୀଗଣରଚିତଚରଣଃ
ପ୍ରକଟିତଗୁରୁମିତଚାରୁକରଣଃ ।
ମଦଜଲଲହରୀକଲିତକପୋଲଃ
ଶମୟତୁ ଦୁରିତଂ ଗଣପତିନାମ୍ନା ॥ 216 ॥

॥ ଇତି ଶ୍ରୀଗଣେଶପୁରାଣେ ଉପାସନାଖଂଡେ ଈଶ୍ଵରଗଣେଶସଂଵାଦେ
ଗଣେଶସହସ୍ରନାମସ୍ତୋତ୍ରଂ ନାମ ଷଟ୍ଚତ୍ଵାରିଂଶୋଧ୍ୟାୟଃ ॥

sri maha ganapati sahasranama stotram in odia