ශ්රී ලක්ෂ්මී නාරායණ හෘදය ස්තෝත්රම්

sri lakshmi narayana hrudaya stotram in sinhala

අථ නාරායන හෘදය ස්තෝත්රම්

අස්ය ශ්රීනාරායණහෘදයස්තෝත්රමංත්රස්ය භාර්ගව ඍෂිඃ, අනුෂ්ටුප්ඡංදඃ, ශ්රීලක්ෂ්මීනාරායණෝ දේවතා, ඕං බීජං, නමශ්ශක්තිඃ, නාරායණායේති කීලකං, ශ්රීලක්ෂ්මීනාරායණ ප්රීත්යර්ථේ ජපේ විනියෝගඃ ।

කරන්යාසඃ ।
ඕං නාරායණඃ පරං ජ්යෝතිරිති අංගුෂ්ඨාභ්යාං නමඃ ।
නාරායණඃ පරං බ්රහ්මේති තර්ජනීභ්යාං නමඃ ।
නාරායණඃ පරෝ දේව ඉති මධ්යමාභ්යාං නමඃ ।
නාරායණඃ පරං ධාමේති අනාමිකාභ්යාං නමඃ ।
නාරායණඃ පරෝ ධර්ම ඉති කනිෂ්ඨිකාභ්යාං නමඃ ।
විශ්වං නාරායණ ඉති කරතලකරපෘෂ්ඨාභ්යාං නමඃ ।
අංගන්යාසඃ ।
නාරායණඃ පරං ජ්යෝතිරිති හෘදයාය නමඃ ।
නාරායණඃ පරං බ්රහ්මේති ශිරසේ ස්වාහා ।
නාරායණඃ පරෝ දේව ඉති ශිඛායෛ වෞෂට් ।
නාරායණඃ පරං ධාමේති කවචාය හුම් ।
නාරායණඃ පරෝ ධර්ම ඉති නේත්රාභ්යාං වෞෂට් ।
විශ්වං නාරායණ ඉති අස්ත්රාය ඵට් ।
දිග්බංධඃ ।
ඕං ඓංද්ර්යාදිදශදිශං ඕං නමඃ සුදර්ශනාය සහස්රාරාය හුං ඵට් බධ්නාමි නමශ්චක්රාය ස්වාහා । ඉති ප්රතිදිශං යෝජ්යම් ।

අථ ධ්යානම් ।
උද්යාදාදිත්යසංකාශං පීතවාසං චතුර්භුජම් ।
ශංඛචක්රගදාපාණිං ධ්යායේල්ලක්ෂ්මීපතිං හරිම් ॥ 1 ॥

ත්රෛලෝක්යාධාරචක්රං තදුපරි කමඨං තත්ර චානංතභෝගී
තන්මධ්යේ භූමිපද්මාංකුශශිඛරදළං කර්ණිකාභූතමේරුම් ।
තත්රස්ථං ශාංතමූර්තිං මණිමයමකුටං කුංඩලෝද්භාසිතාංගං
ලක්ෂ්මීනාරායණාඛ්යං සරසිජනයනං සංතතං චිංතයාමි ॥ 2 ॥

අථ මූලාෂ්ටකම් ।
ඕම් ॥ නාරායණඃ පරං ජ්යෝතිරාත්මා නාරායණඃ පරඃ ।
නාරායණඃ පරං බ්රහ්ම නාරායණ නමෝऽස්තු තේ ॥ 1 ॥

නාරායණඃ පරෝ දේවෝ ධාතා නාරායණඃ පරඃ ।
නාරායණඃ පරෝ ධාතා නාරායණ නමෝऽස්තු තේ ॥ 2 ॥

නාරායණඃ පරං ධාම ධ්යානං නාරායණඃ පරඃ ।
නාරායණ පරෝ ධර්මෝ නාරායණ නමෝऽස්තු තේ ॥ 3 ॥

නාරායණඃ පරෝවේද්යඃ විද්යා නාරායණඃ පරඃ ।
විශ්වං නාරායණඃ සාක්ෂාන්නාරායණ නමෝऽස්තු තේ ॥ 4 ॥

නාරායණාද්විධිර්ජාතෝ ජාතෝ නාරායණාද්භවඃ ।
ජාතෝ නාරායණාදිංද්රෝ නාරායණ නමෝऽස්තු තේ ॥ 5 ॥

රවිර්නාරායණස්තේජඃ චංද්රෝ නාරායණෝ මහඃ ।
වහ්නිර්නාරායණඃ සාක්ෂාන්නාරායණ නමෝऽස්තු තේ ॥ 6 ॥

නාරායණ උපාස්යඃ ස්යාද්ගුරුර්නාරායණඃ පරඃ ।
නාරායණඃ පරෝ බෝධෝ නාරායණ නමෝऽස්තු තේ ॥ 7 ॥

නාරායණඃ ඵලං මුඛ්යං සිද්ධිර්නාරායණඃ සුඛම් ।
සේව්යෝනාරායණඃ ශුද්ධෝ නාරායණ නමෝऽස්තු තේ ॥ 8 ॥ [හරි]

අථ ප්රාර්ථනාදශකම් ।
නාරායණ ත්වමේවාසි දහරාඛ්යේ හෘදි ස්ථිතඃ ।
ප්රේරකඃ ප්රේර්යමාණානාං ත්වයා ප්රේරිතමානසඃ ॥ 9 ॥

ත්වදාජ්ඤාං ශිරසා ධෘත්වා ජපාමි ජනපාවනම් ।
නානෝපාසනමාර්ගාණාං භවකෘද්භාවබෝධකඃ ॥ 10 ॥

භාවාර්ථකෘද්භවාතීතෝ භව සෞඛ්යප්රදෝ මම ।
ත්වන්මායාමෝහිතං විශ්වං ත්වයෛව පරිකල්පිතම් ॥ 11 ॥

ත්වදධිෂ්ඨානමාත්රේණ සා වෛ සර්වාර්ථකාරිණී ।
ත්වමේතාං ච පුරස්කෘත්ය සර්වකාමාන්ප්රදර්ශය ॥ 12 ॥

න මේ ත්වදන්යස්ත්රාතාස්ති ත්වදන්යන්න හි දෛවතම් ।
ත්වදන්යං න හි ජානාමි පාලකං පුණ්යවර්ධනම් ॥ 13 ॥

යාවත්සාංසාරිකෝ භාවෝ මනස්ස්ථෝ භාවනාත්මකඃ ।
තාවත්සිද්ධිර්භවේත්සාධ්යා සර්වථා සර්වදා විභෝ ॥ 14 ॥

පාපිනාමහමේවාග්ර්යෝ දයාළූනාං ත්වමග්රණීඃ ।
දයනීයෝ මදන්යෝऽස්ති තව කෝऽත්ර ජගත්ත්රයේ ॥ 15 ॥

ත්වයාහං නෛව සෘෂ්ටශ්චේන්න ස්යාත්තව දයාළුතා ।
ආමයෝ වා න සෘෂ්ටශ්චේදෞෂධස්ය වෘථෝදයඃ ॥ 16 ॥

පාපසංඝපරිශ්රාංතඃ පාපාත්මා පාපරූපධෘත් ।
ත්වදන්යඃ කෝऽත්ර පාපේභ්යස්ත්රාතාස්ති ජගතීතලේ ॥ 17 ॥

ත්වමේව මාතා ච පිතා ත්වමේව
ත්වමේව බංධුශ්ච සඛා ත්වමේව ।
ත්වමේව සේව්යශ්ච ගුරුස්ත්වමේව
ත්වමේව සර්වං මම දේව දේව ॥ 18 ॥

ප්රාර්ථනාදශකං චෛව මූලාෂ්ටකමතඃ පරම් ।
යඃ පඨේච්ඡෘණුයාන්නිත්යං තස්ය ලක්ෂ්මීඃ ස්ථිරා භවේත් ॥ 19 ॥

නාරායණස්ය හෘදයං සර්වාභීෂ්ටඵලප්රදම් ।
ලක්ෂ්මීහෘදයකං ස්තෝත්රං යදි චේත්තද්විනාකෘතම් ॥ 20 ॥

තත්සර්වං නිෂ්ඵලං ප්රෝක්තං ලක්ෂ්මීඃ ක්රුද්ධ්යති සර්වදා ।
ඒතත්සංකලිතං ස්තෝත්රං සර්වකාමඵලප්රදම් ॥ 21 ॥

ලක්ෂ්මීහෘදයකං චෛව තථා නාරායණාත්මකම් ।
ජපේද්යඃ සංකලීකෘත්ය සර්වාභීෂ්ටමවාප්නුයාත් ॥ 22 ॥

නාරායණස්ය හෘදයමාදෞ ජප්ත්වා තතඃ පරම් ।
ලක්ෂ්මීහෘදයකං ස්තෝත්රං ජපේන්නාරායණං පුනඃ ॥ 23 ॥

පුනර්නාරායණං ජප්ත්වා පුනර්ලක්ෂ්මීනුතිං ජපේත් ।
පුනර්නාරායණං ජාප්යං සංකලීකරණං භවේත් ॥ 24 ॥

ඒවං මධ්යේ ද්විවාරේණ ජපේත්සංකලිතං තු තත් ।
ලක්ෂ්මීහෘදයකං ස්තෝත්රං සර්වකාමප්රකාශිතම් ॥ 25 ॥

තද්වජ්ජපාදිකං කුර්යාදේතත්සංකලිතං ශුභම් ।
සර්වාන්කාමානවාප්නෝති ආධිව්යාධිභයං හරේත් ॥ 26 ॥

ගෝප්යමේතත්සදා කුර්යාන්න සර්වත්ර ප්රකාශයේත් ।
ඉති ගුහ්යතමං ශාස්ත්රං ප්රාප්තං බ්රහ්මාදිකෛඃ පුරා ॥ 27 ॥

තස්මාත්සර්වප්රයත්නේන ගෝපයේත්සාධයේසුධීඃ ।
යත්රෛතත්පුස්තකං තිෂ්ඨේල්ලක්ෂ්මීනාරායණාත්මකම් ॥ 28 ॥

භූතපෛශාචවේතාළ භයං නෛව තු සර්වදා ।
ලක්ෂ්මීහෘදයකං ප්රෝක්තං විධිනා සාධයේත්සුධීඃ ॥ 29 ॥

භෘගුවාරේ ච රාත්රෞ ච පූජයේත්පුස්තකද්වයම් ।
සර්වථා සර්වදා සත්යං ගෝපයේත්සාධයේත්සුධීඃ ।
ගෝපනාත්සාධනාල්ලෝකේ ධන්යෝ භවති තත්ත්වතඃ ॥ 30 ॥

ඉත්යථර්වරහස්යේ උත්තරභාගේ නාරායණහෘදයං සංපූර්ණම් ।

අථ ලක්ෂ්මී හෘදය ස්තෝත්රම්

අස්ය ශ්රී මහාලක්ෂ්මීහෘදයස්තෝත්ර මහාමංත්රස්ය භාර්ගව ඍෂිඃ, අනුෂ්ටුපාදීනි නානාඡංදාංසි, ආද්යාදි ශ්රීමහාලක්ෂ්මීර්දේවතා, ශ්රීං බීජං, හ්රීං ශක්තිඃ, ඓං කීලකං, ආද්යාදිමහාලක්ෂ්මී ප්රසාදසිද්ධ්යර්ථං ජපේ විනියෝගඃ ॥

ඍෂ්යාදින්යාසඃ –
ඕං භාර්ගවෘෂයේ නමඃ ශිරසි ।
ඕං අනුෂ්ටුපාදිනානාඡංදෝභ්යෝ නමෝ මුඛේ ।
ඕං ආද්යාදිශ්රීමහාලක්ෂ්මී දේවතායෛ නමෝ හෘදයේ ।
ඕං ශ්රීං බීජාය නමෝ ගුහ්යේ ।
ඕං හ්රීං ශක්තයේ නමඃ පාදයෝඃ ।
ඕං ඓං කීලකාය නමෝ නාභෞ ।
ඕං විනියෝගාය නමඃ සර්වාංගේ ।

කරන්යාසඃ –
ඕං ශ්රීං අංගුෂ්ඨාභ්යාං නමඃ ।
ඕං හ්රීං තර්ජනීභ්යාං නමඃ ।
ඕං ඓං මධ්යමාභ්යාං නමඃ ।
ඕං ශ්රීං අනාමිකාභ්යාං නමඃ ।
ඕං හ්රීං කනිෂ්ඨිකාභ්යාං නමඃ ।
ඕං ඓං කරතල කරපෘෂ්ඨාභ්යාං නමඃ ।

අංගන්යාසඃ –
ඕං ශ්රීං හෘදයාය නමඃ ।
ඕං හ්රීං ශිරසේ ස්වාහා ।
ඕං ඓං ශිඛායෛ වෂට් ।
ඕං ශ්රීං කවචාය හුම් ।
ඕං හ්රීං නේත්රත්රයාය වෞෂට් ।
ඕං ඓං අස්ත්රාය ඵට් ।
ඕං ශ්රීං හ්රීං ඓං ඉති දිග්බංධඃ ।

අථ ධ්යානම් ।
හස්තද්වයේන කමලේ ධාරයංතීං ස්වලීලයා ।
හාරනූපුරසංයුක්තාං ලක්ෂ්මීං දේවීං විචිංතයේ ॥

කෞශේයපීතවසනාමරවිංදනේත්රාං
පද්මද්වයාභයවරෝද්යතපද්මහස්තාම් ।
උද්යච්ඡතාර්කසදෘශීං පරමාංකසංස්ථාං
ධ්යායේද්විධීශනතපාදයුගාං ජනිත්රීම් ॥

පීතවස්ත්රාං සුවර්ණාංගීං පද්මහස්තද්වායාන්විතාම් ।
ලක්ෂ්මීං ධ්යාත්වේති මංත්රේණ ස භවේත්පෘථිවීපතිඃ ॥
මාතුලුංගං ගදාං ඛේටං පාණෞ පාත්රං ච බිභ්රතී ।
නාගං ලිංගං ච යෝනිං ච බිභ්රතීං චෛව මූර්ධනි ॥

[ ඉති ධ්යාත්වා මානසෝපචාරෛඃ සංපූජ්ය ।
ශංඛචක්රගදාහස්තේ ශුභ්රවර්ණේ සුවාසිනී ।
මම දේහි වරං ලක්ෂ්මීඃ සර්වසිද්ධිප්රදායිනී ।
ඉති සංප්රාර්ථ්ය ඕං ශ්රීං හ්රීං ඓං මහාලක්ෂ්ම්යෛ කමලධාරිණ්යෛ සිංහවාහින්යෛ ස්වාහා ඉති මංත්රං ජප්ත්වා පුනඃ පූර්වවද්ධෘදයාදි ෂඩංගන්යාසං කෘත්වා ස්තෝත්රං පඨේත් । ]

ස්තෝත්රම් ।
වංදේ ලක්ෂ්මීං පරමශිවමයීං ශුද්ධජාංබූනදාභාං
තේජෝරූපාං කනකවසනාං සර්වභූෂෝජ්ජ්වලාංගීම් ।
බීජාපූරං කනකකලශං හේමපද්මං දධානා-
-මාද්යාං ශක්තිං සකලජනනීං විෂ්ණුවාමාංකසංස්ථාම් ॥ 1 ॥

ශ්රීමත්සෞභාග්යජනනීං ස්තෞමි ලක්ෂ්මීං සනාතනීම් ।
සර්වකාමඵලාවාප්තිසාධනෛකසුඛාවහාම් ॥ 2 ॥

ස්මරාමි නිත්යං දේවේශි ත්වයා ප්රේරිතමානසඃ ।
ත්වදාජ්ඤාං ශිරසා ධෘත්වා භජාමි පරමේශ්වරීම් ॥ 3 ॥

සමස්තසංපත්සුඛදාං මහාශ්රියං
සමස්තසෞභාග්යකරීං මහාශ්රියම් ।
සමස්තකළ්යාණකරීං මහාශ්රියං
භජාම්යහං ජ්ඤානකරීං මහාශ්රියම් ॥ 4 ॥

විජ්ඤානසංපත්සුඛදාං සනාතනීං
විචිත්රවාග්භූතිකරීං මනෝහරාම් ।
අනංතසංමෝදසුඛප්රදායිනීං
නමාම්යහං භූතිකරීං හරිප්රියාම් ॥ 5 ॥

සමස්තභූතාංතරසංස්ථිතා ත්වං
සමස්තභෝක්ත්රීශ්වරි විශ්වරූපේ ।
තන්නාස්ති යත්ත්වද්ව්යතිරික්තවස්තු
ත්වත්පාදපද්මං ප්රණමාම්යහං ශ්රීඃ ॥ 6 ॥

දාරිද්ර්ය දුඃඛෞඝතමෝපහංත්රී
ත්වත්පාදපද්මං මයි සන්නිධත්ස්ව ।
දීනාර්තිවිච්ඡේදනහේතුභූතෛඃ
කෘපාකටාක්ෂෛරභිෂිංච මාං ශ්රීඃ ॥ 7 ॥

අංබ ප්රසීද කරුණාසුධයාර්ද්රදෘෂ්ට්යා
මාං ත්වත්කෘපාද්රවිණගේහමිමං කුරුෂ්ව ।
ආලෝකය ප්රණතහෘද්ගතශෝකහංත්රී
ත්වත්පාදපද්මයුගළං ප්රණමාම්යහං ශ්රීඃ ॥ 8 ॥

ශාංත්යෛ නමෝऽස්තු ශරණාගතරක්ෂණායෛ
කාංත්යෛ නමෝऽස්තු කමනීයගුණාශ්රයායෛ ।
ක්ෂාංත්යෛ නමෝऽස්තු දුරිතක්ෂයකාරණායෛ
දාත්ර්යෛ නමෝऽස්තු ධනධාන්යසමෘද්ධිදායෛ ॥ 9 ॥

ශක්ත්යෛ නමෝऽස්තු ශශිශේඛරසංස්තුතායෛ
රත්යෛ නමෝऽස්තු රජනීකරසෝදරායෛ ।
භක්ත්යෛ නමෝऽස්තු භවසාගරතාරකායෛ
මත්යෛ නමෝऽස්තු මධුසූදනවල්ලභායෛ ॥ 10 ॥

ලක්ෂ්ම්යෛ නමෝऽස්තු ශුභලක්ෂණලක්ෂිතායෛ
සිද්ධ්යෛ නමෝऽස්තු ශිවසිද්ධසුපූජිතායෛ ।
ධෘත්යෛ නමෝऽස්ත්වමිතදුර්ගතිභංජනායෛ
ගත්යෛ නමෝऽස්තු වරසද්ගතිදායිකායෛ ॥ 11 ॥

දේව්යෛ නමෝऽස්තු දිවි දේවගණාර්චිතායෛ
භූත්යෛ නමෝऽස්තු භුවනාර්තිවිනාශනායෛ ।
ධාත්ර්යෛ නමෝऽස්තු ධරණීධරවල්ලභායෛ
පුෂ්ට්යෛ නමෝऽස්තු පුරුෂෝත්තමවල්ලභායෛ ॥ 12 ॥

සුතීව්රදාරිද්ර්යවිදුඃඛහංත්ර්යෛ
නමෝऽස්තු තේ සර්වභයාපහංත්ර්යෛ ।
ශ්රීවිෂ්ණුවක්ෂඃස්ථලසංස්ථිතායෛ
නමෝ නමඃ සර්වවිභූතිදායෛ ॥ 13 ॥

ජයතු ජයතු ලක්ෂ්මීර්ලක්ෂණාලංකෘතාංගී
ජයතු ජයතු පද්මා පද්මසද්මාභිවංද්යා ।
ජයතු ජයතු විද්යා විෂ්ණුවාමාංකසංස්ථා
ජයතු ජයතු සම්යක්සර්වසංපත්කරී ශ්රීඃ ॥ 14 ॥

ජයතු ජයතු දේවී දේවසංඝාභිපූජ්යා
ජයතු ජයතු භද්රා භාර්ගවී භාග්යරූපා ।
ජයතු ජයතු නිත්යා නිර්මලජ්ඤානවේද්යා
ජයතු ජයතු සත්යා සර්වභූතාංතරස්ථා ॥ 15 ॥

ජයතු ජයතු රම්යා රත්නගර්භාංතරස්ථා
ජයතු ජයතු ශුද්ධා ශුද්ධජාංබූනදාභා ।
ජයතු ජයතු කාංතා කාංතිමද්භාසිතාංගී
ජයතු ජයතු ශාංතා ශීඝ්රමාගච්ඡ සෞම්යේ ॥ 16 ॥

යස්යාඃ කලායාඃ කමලෝද්භවාද්යා
රුද්රාශ්ච ශක්ර ප්රමුඛාශ්ච දේවාඃ ।
ජීවංති සර්වේऽපි සශක්තයස්තේ
ප්රභුත්වමාප්තාඃ පරමායුෂස්තේ ॥ 17 ॥

ලිලේඛ නිටිලේ විධිර්මම ලිපිං විසෘජ්යාංතරං
ත්වයා විලිඛිතව්යමේතදිති තත්ඵලප්රාප්තයේ ।
තදංතරඵලේස්ඵුටං කමලවාසිනී ශ්රීරිමාං
සමර්පය සමුද්රිකාං සකලභාග්යසංසූචිකාම් ॥ 18 ॥

කලයා තේ යථා දේවි ජීවංති සචරාචරාඃ ।
තථා සංපත්කරේ ලක්ෂ්මි සර්වදා සංප්රසීද මේ ॥ 19 ॥

යථා විෂ්ණුර්ධ්රුවේ නිත්යං ස්වකලාං සංන්යවේශයත් ।
තථෛව ස්වකලාං ලක්ෂ්මි මයි සම්යක් සමර්පය ॥ 20 ॥

සර්වසෞඛ්යප්රදේ දේවි භක්තානාමභයප්රදේ ।
අචලාං කුරු යත්නේන කලාං මයි නිවේශිතාම් ॥ 21 ॥

මුදාස්තාං මත්ඵාලේ පරමපදලක්ෂ්මීඃ ස්ඵුටකලා
සදා වෛකුංඨශ්රීර්නිවසතු කලා මේ නයනයෝඃ ।
වසේත්සත්යේ ලෝකේ මම වචසි ලක්ෂ්මීර්වරකලා
ශ්රියඃ ශ්වේතද්වීපේ නිවසතු කලා මේ ස්වකරයෝඃ ॥ 22 ॥

තාවන්නිත්යං මමාංගේෂු ක්ෂීරාබ්ධෞ ශ්රීකලා වසේත් ।
සූර්යාචංද්රමසෞ යාවද්යාවල්ලක්ෂ්මීපතිඃ ශ්රියාඃ ॥ 23 ॥

සර්වමංගළසංපූර්ණා සර්වෛශ්වර්යසමන්විතා ।
ආද්යාදි ශ්රීර්මහාලක්ෂ්මී ත්වත්කලා මයි තිෂ්ඨතු ॥ 24 ॥

අජ්ඤානතිමිරං හංතුං ශුද්ධජ්ඤානප්රකාශිකා ।
සර්වෛශ්වර්යප්රදා මේऽස්තු ත්වත්කලා මයි සංස්ථිතා ॥ 25 ॥

අලක්ෂ්මීං හරතු ක්ෂිප්රං තමඃ සූර්යප්රභා යථා ।
විතනෝතු මම ශ්රේයස්ත්වත්කළා මයි සංස්ථිතා ॥ 26 ॥

ඓශ්වර්යමංගළෝත්පත්තිස්ත්වත්කලායාං නිධීයතේ ।
මයි තස්මාත්කෘතාර්ථෝऽස්මි පාත්රමස්මි ස්ථිතේස්තව ॥ 27 ॥

භවදාවේශභාග්යාර්හෝ භාග්යවානස්මි භාර්ගවි ।
ත්වත්ප්රසාදාත්පවිත්රෝऽහං ලෝකමාතර්නමෝऽස්තු තේ ॥ 28 ॥

පුනාසි මාං ත්වත්කලයෛව යස්මා-
-දතඃ සමාගච්ඡ මමාග්රතස්ත්වම් ।
පරං පදං ශ්රීර්භව සුප්රසන්නා
මය්යච්යුතේන ප්රවිශාදිලක්ෂ්මීඃ ॥ 29 ॥

ශ්රීවෛකුංඨස්ථිතේ ලක්ෂ්මි සමාගච්ඡ මමාග්රතඃ ।
නාරායණේන සහ මාං කෘපාදෘෂ්ට්යාऽවලෝකය ॥ 30 ॥

සත්යලෝකස්ථිතේ ලක්ෂ්මි ත්වං මමාගච්ඡ සන්නිධිම් ।
වාසුදේවේන සහිතා ප්රසීද වරදා භව ॥ 31 ॥

ශ්වේතද්වීපස්ථිතේ ලක්ෂ්මි ශීඝ්රමාගච්ඡ සුව්රතේ ।
විෂ්ණුනා සහිතේ දේවි ජගන්මාතඃ ප්රසීද මේ ॥ 32 ॥

ක්ෂීරාංබුධිස්ථිතේ ලක්ෂ්මි සමාගච්ඡ සමාධවා ।
ත්වත්කෘපාදෘෂ්ටිසුධයා සතතං මාං විලෝකය ॥ 33 ॥

රත්නගර්භස්ථිතේ ලක්ෂ්මි පරිපූර්ණේ හිරණ්මයේ ।
සමාගච්ඡ සමාගච්ඡ ස්ථිත්වාऽऽශු පුරතෝ මම ॥ 34 ॥

ස්ථිරා භව මහාලක්ෂ්මි නිශ්චලා භව නිර්මලේ ।
ප්රසන්නේ කමලේ දේවි ප්රසන්නහෘදයා භව ॥ 35 ॥

ශ්රීධරේ ශ්රීමහාභූතේ ත්වදංතඃස්ථං මහානිධිම් ।
ශීඝ්රමුද්ධෘත්ය පුරතඃ ප්රදර්ශය සමර්පය ॥ 36 ॥

වසුංධරේ ශ්රීවසුධේ වසුදෝග්ධ්රි කෘපාමයේ ।
ත්වත්කුක්ෂිගතසර්වස්වං ශීඝ්රං මේ සංප්රදර්ශය ॥ 37 ॥

විෂ්ණුප්රියේ රත්නගර්භේ සමස්තඵලදේ ශිවේ ।
ත්වද්ගර්භගතහේමාදීන් සංප්රදර්ශය දර්ශය ॥ 38 ॥

රසාතලගතේ ලක්ෂ්මි ශීඝ්රමාගච්ඡ මේ පුරඃ ।
න ජානේ පරමං රූපං මාතර්මේ සංප්රදර්ශය ॥ 39 ॥

ආවිර්භව මනෝවේගාච්ඡීඝ්රමාගච්ඡ මේ පුරඃ ।
මා වත්ස භෛරිහේත්යුක්ත්වා කාමං ගෞරිව රක්ෂ මාම් ॥ 40 ॥

දේවි ශීඝ්රං සමාගච්ඡ ධරණීගර්භසංස්ථිතේ ।
මාතස්ත්වද්භෘත්යභෘත්යෝऽහං මෘගයේ ත්වාං කුතූහලාත් ॥ 41 ॥

උත්තිෂ්ඨ ජාගෘහි ත්වං මේ සමුත්තිෂ්ඨ සුජාගෘහි ।
අක්ෂයාන් හේමකලශාන් සුවර්ණේන සුපූරිතාන් ॥ 42 ॥

නික්ෂේපාන්මේ සමාකෘෂ්ය සමුද්ධෘත්ය මමාග්රතඃ ।
සමුන්නතානනා භූත්වා සමාධේහි ධරාංතරාත් ॥ 43 ॥

මත්සන්නිධිං සමාගච්ඡ මදාහිතකෘපාරසාත් ।
ප්රසීද ශ්රේයසාං දෝග්ධ්රී ලක්ෂ්මීර්මේ නයනාග්රතඃ ॥ 44 ॥

අත්රෝපවිශ ලක්ෂ්මි ත්වං ස්ථිරා භව හිරණ්මයේ ।
සුස්ථිරා භව සංප්රීත්යා ප්රසීද වරදා භව ॥ 45 ॥

ආනීතාංස්තු තථා දේවි නිධීන්මේ සංප්රදර්ශය ।
අද්ය ක්ෂණේන සහසා දත්ත්වා සංරක්ෂ මාං සදා ॥ 46 ॥

මයි තිෂ්ඨ තථා නිත්යං යථේංද්රාදිෂු තිෂ්ඨසි ।
අභයං කුරු මේ දේවි මහාලක්ෂ්මීර්නමෝऽස්තු තේ ॥ 47 ॥

සමාගච්ඡ මහාලක්ෂ්මි ශුද්ධජාංබූනදප්රභේ ।
ප්රසීද පුරතඃ ස්ථිත්වා ප්රණතං මාං විලෝකය ॥ 48 ॥

ලක්ෂ්මීර්භුවං ගතා භාසි යත්ර යත්ර හිරණ්මයී ।
තත්ර තත්ර ස්ථිතා ත්වං මේ තව රූපං ප්රදර්ශය ॥ 49 ॥

ක්රීඩංතී බහුධා භූමෞ පරිපූර්ණකෘපාමයි ।
මම මූර්ධනි තේ හස්තමවිලංබිතමර්පය ॥ 50 ॥

ඵලද්භාග්යෝදයේ ලක්ෂ්මි සමස්තපුරවාසිනී ।
ප්රසීද මේ මහාලක්ෂ්මි පරිපූර්ණමනෝරථේ ॥ 51 ॥

අයෝධ්යාදිෂු සර්වේෂු නගරේෂු සමාස්ථිතේ ।
වෛභවෛර්විවිධෛර්යුක්තෛඃ සමාගච්ඡ මුදාන්විතේ ॥ 52 ॥

සමාගච්ඡ සමාගච්ඡ මමාග්රේ භව සුස්ථිරා ।
කරුණාරසනිෂ්යංදනේත්රද්වය විලාසිනී ॥ 53 ॥ [නිෂ්පන්න]

සන්නිධත්ස්ව මහාලක්ෂ්මි ත්වත්පාණිං මම මස්තකේ ।
කරුණාසුධයා මාං ත්වමභිෂිංච්ය ස්ථිරං කුරු ॥ 54 ॥

සර්වරාජගෘහේ ලක්ෂ්මි සමාගච්ඡ බලාන්විතේ । [මුදාන්විතේ]
ස්ථිත්වාऽऽශු පුරතෝ මේऽද්ය ප්රසාදේනාऽභයං කුරු ॥ 55 ॥

සාදරං මස්තකේ හස්තං මම ත්වං කෘපයාර්පය ।
සර්වරාජගෘහේ ලක්ෂ්මි ත්වත්කලා මයි තිෂ්ඨතු ॥ 56 ॥

ආද්යාදි ශ්රීමහාලක්ෂ්මි විෂ්ණුවාමාංකසංස්ථිතේ ।
ප්රත්යක්ෂං කුරු මේ රූපං රක්ෂ මාං ශරණාගතම් ॥ 57 ॥

ප්රසීද මේ මහාලක්ෂ්මි සුප්රසීද මහාශිවේ ।
අචලා භව සංප්රීත්යා සුස්ථිරා භව මද්ගෘහේ ॥ 58 ॥

යාවත්තිෂ්ඨංති වේදාශ්ච යාවච්චංද්රදිවාකරෞ ।
යාවද්විෂ්ණුශ්ච යාවත්ත්වං තාවත්කුරු කෘපාං මයි ॥ 59 ॥

චාංද්රීකලා යථා ශුක්ලේ වර්ධතේ සා දිනේ දිනේ ।
තථා දයා තේ මය්යේව වර්ධතාමභිවර්ධතාම් ॥ 60 ॥

යථා වෛකුංඨනගරේ යථා වෛ ක්ෂීරසාගරේ ।
තථා මද්භවනේ තිෂ්ඨ ස්ථිරං ශ්රීවිෂ්ණුනා සහ ॥ 61 ॥

යෝගිනාං හෘදයේ නිත්යං යථා තිෂ්ඨසි විෂ්ණුනා ।
තථා මද්භවනේ තිෂ්ඨ ස්ථිරං ශ්රීවිෂ්ණුනා සහ ॥ 62 ॥

නාරායණස්ය හෘදයේ භවතී යථාස්තේ
නාරායණෝऽපි තව හෘත්කමලේ යථාස්තේ ।
නාරායණස්ත්වමපි නිත්යමුභෞ තථෛව
තෞ තිෂ්ඨතාං හෘදි මමාපි දයාන්විතෞ ශ්රීඃ ॥ 63 ॥

විජ්ඤානවෘද්ධිං හෘදයේ කුරු ශ්රීඃ
සෞභාග්යවෘද්ධිං කුරු මේ ගෘහේ ශ්රීඃ ।
දයාසුවෘද්ධිං කුරුතාං මයි ශ්රීඃ
සුවර්ණවෘද්ධිං කුරු මේ ගෘහේ ශ්රීඃ ॥ 64 ॥

න මාං ත්යජේථාඃ ශ්රිතකල්පවල්ලි
සද්භක්තචිංතාමණිකාමධේනෝ ।
විශ්වස්ය මාතර්භව සුප්රසන්නා
ගෘහේ කලත්රේෂු ච පුත්රවර්ගේ ॥ 65 ॥

ආද්යාදිමායේ ත්වමජාංඩබීජං
ත්වමේව සාකාරනිරාකෘතිස්ත්වම් ।
ත්වයා ධෘතාශ්චාබ්ජභවාංඩසංඝා-
-ශ්චිත්රං චරිත්රං තව දේවි විෂ්ණෝඃ ॥ 66 ॥

බ්රහ්මරුද්රාදයෝ දේවා වේදාශ්චාපි න ශක්නුයුඃ ।
මහිමානං තව ස්තෝතුං මංදෝऽහං ශක්නුයාං කථම් ॥ 67 ॥

අංබ ත්වද්වත්සවාක්යානි සූක්තාසූක්තානි යානි ච ।
තානි ස්වීකුරු සර්වජ්ඤේ දයාලුත්වේන සාදරම් ॥ 68 ॥

භවතීං ශරණං ගත්වා කෘතාර්ථාඃ ස්යුඃ පුරාතනාඃ ।
ඉති සංචිංත්ය මනසා ත්වාමහං ශරණං ව්රජේ ॥ 69 ॥

අනංතා නිත්යසුඛිනස්ත්වද්භක්තාස්ත්වත්පරායණාඃ ।
ඉති වේදප්රමාණාද්ධි දේවි ත්වාං ශරණං ව්රජේ ॥ 70 ॥

තව ප්රතිජ්ඤා මද්භක්තා න නශ්යංතීත්යපි ක්වචිත් ।
ඉති සංචිංත්ය සංචිංත්ය ප්රාණාන් සංධාරයාම්යහම් ॥ 71 ॥

ත්වදධීනස්ත්වහං මාතස්ත්වත්කෘපා මයි විද්යතේ ।
යාවත්සංපූර්ණකාමඃ ස්යාත්තාවද්දේහි දයානිධේ ॥ 72 ॥

ක්ෂණමාත්රං න ශක්නෝමි ජීවිතුං ත්වත්කෘපාං විනා ।
න ජීවංතීහ ජලජා ජලං ත්යක්ත්වා ජලග්රහාඃ ॥ 73 ॥

යථා හි පුත්රවාත්සල්යාජ්ජනනී ප්රස්නුතස්තනී ।
වත්සං ත්වරිතමාගත්ය සංප්රීණයති වත්සලා ॥ 74 ॥

යදි ස්යාං තව පුත්රෝऽහං මාතා ත්වං යදි මාමකී ।
දයාපයෝධරස්තන්යසුධාභිරභිෂිංච මාම් ॥ 75 ॥

මෘග්යෝ න ගුණලේශෝऽපි මයි දෝෂෛකමංදිරේ ।
පාංසූනාං වෘෂ්ටිබිංදූනාං දෝෂාණාං ච න මේ මතිඃ ॥ 76 ॥

පාපිනාමහමේවාග්ර්යෝ දයාලූනාං ත්වමග්රණීඃ ।
දයනීයෝ මදන්යෝऽස්ති තව කෝऽත්ර ජගත්ත්රයේ ॥ 77 ॥

විධිනාහං න සෘෂ්ටශ්චේන්න ස්යාත්තව දයාලුතා ।
ආමයෝ වා න සෘෂ්ටශ්චේදෞෂධස්ය වෘථෝදයඃ ॥ 78 ॥

කෘපා මදග්රජා කිං තේ අහං කිං වා තදග්රජඃ ।
විචාර්ය දේහි මේ විත්තං තව දේවි දයානිධේ ॥ 79 ॥

මාතා පිතා ත්වං ගුරුසද්ගතිඃ ශ්රී-
-ස්ත්වමේව සංජීවනහේතුභූතා ।
අන්යං න මන්යේ ජගදේකනාථේ
ත්වමේව සර්වං මම දේවි සත්යේ ॥ 80 ॥

ආද්යාදිලක්ෂ්මීර්භව සුප්රසන්නා
විශුද්ධවිජ්ඤානසුඛෛකදෝග්ධ්රී ।
අජ්ඤානහංත්රී ත්රිගුණාතිරික්තා
ප්රජ්ඤානනේත්රී භව සුප්රසන්නා ॥ 81 ॥

අශේෂවාග්ජාඩ්යමලාපහංත්රී
නවං නවං ස්පෂ්ටසුවාක්ප්රදායිනී ।
මමේහ ජිහ්වාග්ර සුරංගනර්තකී [නර්තිනී]
භව ප්රසන්නා වදනේ ච මේ ශ්රීඃ ॥ 82 ॥

සමස්තසංපත්සුවිරාජමානා
සමස්තතේජශ්චයභාසමානා ।
විෂ්ණුප්රියේ ත්වං භව දීප්යමානා
වාග්දේවතා මේ නයනේ ප්රසන්නා ॥ 83 ॥

සර්වප්රදර්ශේ සකලාර්ථදේ ත්වං
ප්රභාසුලාවණ්යදයාප්රදෝග්ධ්රී ।
සුවර්ණදේ ත්වං සුමුඛී භව ශ්රී-
-ර්හිරණ්මයී මේ නයනේ ප්රසන්නා ॥ 84 ॥

සර්වාර්ථදා සර්වජගත්ප්රසූතිඃ
සර්වේශ්වරී සර්වභයාපහංත්රී ।
සර්වෝන්නතා ත්වං සුමුඛී භව ශ්රී-
-ර්හිරණ්මයී මේ නයනේ ප්රසන්නා ॥ 85 ॥

සමස්තවිඝ්නෞඝවිනාශකාරිණී
සමස්තභක්තෝද්ධරණේ විචක්ෂණා ।
අනංතසෞභාග්යසුඛප්රදායිනී
හිරණ්මයී මේ නයනේ ප්රසන්නා ॥ 86 ॥

දේවි ප්රසීද දයනීයතමාය මහ්යං
දේවාධිනාථභවදේවගණාභිවංද්යේ ।
මාතස්තථෛව භව සන්නිහිතා දෘශෝර්මේ
පත්යා සමං මම මුඛේ භව සුප්රසන්නා ॥ 87 ॥

මා වත්ස භෛරභයදානකරෝऽර්පිතස්තේ
මෞලෞ මමේති මයි දීනදයානුකංපේ ।
මාතඃ සමර්පය මුදා කරුණාකටාක්ෂං
මාංගළ්යබීජමිහ නඃ සෘජ ජන්ම මාතඃ ॥ 88 ॥

කටාක්ෂ ඉහ කාමධුක්තව මනස්තු චිංතාමණිඃ
කරඃ සුරතරුඃ සදා නවනිධිස්ත්වමේවේංදිරේ ।
භවේ තව දයාරසෝ මම රසායනං චාන්වහං
මුඛං තව කලානිධිර්විවිධවාංඡිතාර්ථප්රදම් ॥ 89 ॥

යථා රසස්පර්ශනතෝऽයසෝऽපි
සුවර්ණතා ස්යාත්කමලේ තථා තේ ।
කටාක්ෂසංස්පර්ශනතෝ ජනානා-
-මමංගළානාමපි මංගළත්වම් ॥ 90 ॥

දේහීති නාස්තීති වචඃ ප්රවේශා-
-ද්භීතෝ රමේ ත්වාං ශරණං ප්රපද්යේ ।
අතඃ සදාऽස්මින්නභයප්රදා ත්වං
සහෛව පත්යා මයි සන්නිධේහි ॥ 91 ॥

කල්පද්රුමේණ මණිනා සහිතා සුරම්යා
ශ්රීස්තේ කලා මයි රසේන රසායනේන ।
ආස්තාං යතෝ මම ශිරඃකරදෘෂ්ටිපාද-
-ස්පෘෂ්ටාඃ සුවර්ණවපුෂඃ ස්ථිරජංගමාඃ ස්යුඃ ॥ 92 ॥

ආද්යාදිවිෂ්ණෝඃ ස්ථිරධර්මපත්නී
ත්වමේව පත්යා මයි සන්නිධේහි ।
ආද්යාදිලක්ෂ්මි ත්වදනුග්රහේණ
පදේ පදේ මේ නිධිදර්ශනං ස්යාත් ॥ 93 ॥

ආද්යාදිලක්ෂ්මීහෘදයං පඨේද්යඃ
ස රාජ්යලක්ෂ්මීමචලාං තනෝති ।
මහාදරිද්රෝऽපි භවේද්ධනාඪ්ය-
-ස්තදන්වයේ ශ්රීඃ ස්ථිරතාං ප්රයාති ॥ 94 ॥

යස්ය ස්මරණමාත්රේණ තුෂ්ටා ස්යාද්විෂ්ණුවල්ලභා ।
තස්යාභීෂ්ටං දදත්යාශු තං පාලයති පුත්රවත් ॥ 95 ॥

ඉදං රහස්යං හෘදයං සර්වකාමඵලප්රදම් ।
ජපඃ පංචසහස්රං තු පුරශ්චරණමුච්යතේ ॥ 96 ॥

ත්රිකාලමේකකාලං වා නරෝ භක්තිසමන්විතඃ ।
යඃ පඨේච්ඡෘණුයාද්වාපි ස යාති පරමාං ශ්රියම් ॥ 97 ॥

මහාලක්ෂ්මීං සමුද්දිශ්ය නිශි භාර්ගවවාසරේ ।
ඉදං ශ්රීහෘදයං ජප්ත්වා පංචවාරං ධනී භවේත් ॥ 98 ॥

අනේන හෘදයේනාන්නං ගර්භිණ්යා අභිමංත්රිතම් ।
දදාති තත්කුලේ පුත්රෝ ජායතේ ශ්රීපතිඃ ස්වයම් ॥ 99 ॥

නරේණ වාऽථවා නාර්යා ලක්ෂ්මීහෘදයමංත්රිතේ ।
ජලේ පීතේ ච තද්වංශේ මංදභාග්යෝ න ජායතේ ॥ 100 ॥

ය ආශ්විනේ මාසි ච ශුක්ලපක්ෂේ
රමෝත්සවේ සන්නිහිතේ සුභක්ත්යා ।
පඨේත්තථෛකෝත්තරවාරවෘද්ධ්යා
ලභේත්ස සෞවර්ණමයීං සුවෘෂ්ටිම් ॥ 101 ॥

ය ඒකභක්තෝऽන්වහමේකවර්ෂං
විශුද්ධධීඃ සප්තතිවාරජාපී ।
ස මංදභාග්යෝऽපි රමාකටාක්ෂා-
-ද්භවේත්සහස්රාක්ෂශතාධිකශ්රීඃ ॥ 102 ॥

ශ්රීශාංඝ්රිභක්තිං හරිදාසදාස්යං
ප්රසන්නමංත්රාර්ථදෘඪෛකනිෂ්ඨාම් ।
ගුරෝඃ ස්මෘතිං නිර්මලබෝධබුද්ධිං
ප්රදේහි මාතඃ පරමං පදං ශ්රීඃ ॥ 103 ॥

පෘථ්වීපතිත්වං පුරුෂෝත්තමත්වං
විභූතිවාසං විවිධාර්ථසිද්ධිම් ।
සංපූර්ණකීර්තිං බහුවර්ෂභෝගං
ප්රදේහි මේ ලක්ෂ්මි පුනඃ පුනස්ත්වම් ॥ 104 ॥

වාදාර්ථසිද්ධිං බහුලෝකවශ්යං
වයඃ ස්ථිරත්වං ලලනාසුභෝගම් ।
පෞත්රාදිලබ්ධිං සකලාර්ථසිද්ධිං
ප්රදේහි මේ භාර්ගවි ජන්මජන්මනි ॥ 105 ॥

සුවර්ණවෘද්ධිං කුරු මේ ගෘහේ ශ්රීඃ
සුධාන්යවෘද්ධිං කුරූ මේ ගෘහේ ශ්රීඃ ।
කල්යාණවෘද්ධිං කුරු මේ ගෘහේ ශ්රීඃ
විභූතිවෘද්ධිං කුරු මේ ගෘහේ ශ්රීඃ ॥ 106 ॥

ධ්යායේල්ලක්ෂ්මීං ප්රහසිතමුඛීං කෝටිබාලාර්කභාසාං
විද්යුද්වර්ණාංබරවරධරාං භූෂණාඪ්යාං සුශෝභාම් ।
බීජාපූරං සරසිජයුගං බිභ්රතීං ස්වර්ණපාත්රං
භර්ත්රායුක්තාං මුහුරභයදාං මහ්යමප්යච්යුතශ්රීඃ ॥ 107 ॥

ගුහ්යාතිගුහ්යගෝප්ත්රී ත්වං ගෘහාණාස්මත්කෘතං ජපම් ।
සිද්ධිර්භවතු මේ දේවි ත්වත්ප්රසාදාන්මයි ස්ථිතා ॥ 108 ॥

ඉති ශ්රීඅථර්වණරහස්යේ ශ්රීලක්ෂ්මීහෘදයස්තෝත්රං සංපූර්ණම් ॥

sri lakshmi narayana hrudaya stotram in sinhala