ශ්රී කෘෂ්ණ කෘපා කටාක්ෂ ස්තෝත්රං

sri krishna krupa kataksha stotram in sinhala

ශ්රීකෘෂ්ණ ප්රාර්ථනා
මූකං කරෝති වාචාලං පංගු ලංඝයතේ ගිරිම්।
යත්කෘපා තමහං වංදේ පරමානංද මාධවම්॥
නාහං වසාමි වෛකුංඨේ යෝගිනාං හෘදයේ න ච।
මද්භක්තා යත්ර ගායංති තත්ර තිෂ්ඨාමි නාරද॥

අථ ශ්රී කෘෂ්ණ කෘපා කටාක්ෂ ස්තෝත්ර ॥

භජේ ව්රජෛකමංඩනං සමස්තපාපඛංඩනං
ස්වභක්තචිත්තරංජනං සදෛව නංදනංදනම් ।
සුපිච්ඡගුච්ඡමස්තකං සුනාදවේණුහස්තකං
අනංගරංගසාගරං නමාමි කෘෂ්ණනාගරම් ॥

මනෝජගර්වමෝචනං විශාලලෝලලෝචනං
විධූතගෝපශෝචනං නමාමි පද්මලෝචනම් ।
කරාරවිංදභූධරං ස්මිතාවලෝකසුංදරං
මහේංද්රමානදාරණං නමාමි කෘෂ්ණ වාරණම් ॥

කදංබසූනකුංඩලං සුචාරුගංඩමංඩලං
ව්රජාංගනෛකවල්ලභං නමාමි කෘෂ්ණදුර්ලභම් ।
යශෝදයා සමෝදයා සගෝපයා සනංදයා
යුතං සුඛෛකදායකං නමාමි ගෝපනායකම් ॥

සදෛව පාදපංකජං මදීය මානසේ නිජං
දධානමුක්තමාලකං නමාමි නංදබාලකම් ।
සමස්තදෝෂශෝෂණං සමස්තලෝකපෝෂණං
සමස්තගෝපමානසං නමාමි නංදලාලසම් ॥

භුවෝ භරාවතාරකං භවාබ්ධිකර්ණධාරකං
යශෝමතීකිශෝරකං නමාමි චිත්තචෝරකම් ।
දෘගංතකාංතභංගිනං සදා සදාලිසංගිනං
දිනේ-දිනේ නවං-නවං නමාමි නංදසංභවම් ॥

ගුණාකරං සුඛාකරං කෘපාකරං කෘපාපරං
සුරද්විෂන්නිකංදනං නමාමි ගෝපනංදනම් ।
නවීන ගෝපනාගරං නවීනකේලි-ලංපටං
නමාමි මේඝසුංදරං තඩිත්ප්රභාලසත්පටම් ॥

සමස්ත ගෝප මෝහනං, හෘදංබුජෛක මෝදනං
නමාමිකුංජමධ්යගං ප්රසන්න භානුශෝභනම් ।
නිකාමකාමදායකං දෘගංතචාරුසායකං
රසාලවේණුගායකං නමාමිකුංජනායකම් ॥

විදග්ධ ගෝපිකාමනෝ මනෝජ්ඤතල්පශායිනං
නමාමි කුංජකානනේ ප්රවෘද්ධවහ්නිපායිනම් ।
කිශෝරකාංති රංජිතං දෘගංජනං සුශෝභිතං
ගජේංද්රමෝක්ෂකාරිණං නමාමි ශ්රීවිහාරිණම් ॥

ඵලශෘති
යදා තදා යථා තථා තථෛව කෘෂ්ණසත්කථා
මයා සදෛව ගීයතාං තථා කෘපා විධීයතාම් ।
ප්රමාණිකාෂ්ටකද්වයං ජපත්යධීත්ය යඃ පුමාන්
භවේත්ස නංදනංදනේ භවේ භවේ සුභක්තිමාන ॥

sri krishna krupa kataksha stotram in sinhala