ଶ୍ରୀ କୃଷ୍ଣ କୃପା କଟାକ୍ଷ ସ୍ତୋତ୍ରଂ

sri krishna krupa kataksha stotram in odia

ଶ୍ରୀକୃଷ୍ଣ ପ୍ରାର୍ଥନା
ମୂକଂ କରୋତି ଵାଚାଲଂ ପଂଗୁ ଲଂଘୟତେ ଗିରିମ୍।
ୟତ୍କୃପା ତମହଂ ଵଂଦେ ପରମାନଂଦ ମାଧଵମ୍॥
ନାହଂ ଵସାମି ଵୈକୁଂଠେ ୟୋଗିନାଂ ହୃଦୟେ ନ ଚ।
ମଦ୍ଭକ୍ତା ୟତ୍ର ଗାୟଂତି ତତ୍ର ତିଷ୍ଠାମି ନାରଦ॥

ଅଥ ଶ୍ରୀ କୃଷ୍ଣ କୃପା କଟାକ୍ଷ ସ୍ତୋତ୍ର ॥

ଭଜେ ଵ୍ରଜୈକମଂଡନଂ ସମସ୍ତପାପଖଂଡନଂ
ସ୍ଵଭକ୍ତଚିତ୍ତରଂଜନଂ ସଦୈଵ ନଂଦନଂଦନମ୍ ।
ସୁପିଚ୍ଛଗୁଚ୍ଛମସ୍ତକଂ ସୁନାଦଵେଣୁହସ୍ତକଂ
ଅନଂଗରଂଗସାଗରଂ ନମାମି କୃଷ୍ଣନାଗରମ୍ ॥

ମନୋଜଗର୍ଵମୋଚନଂ ଵିଶାଲଲୋଲଲୋଚନଂ
ଵିଧୂତଗୋପଶୋଚନଂ ନମାମି ପଦ୍ମଲୋଚନମ୍ ।
କରାରଵିଂଦଭୂଧରଂ ସ୍ମିତାଵଲୋକସୁଂଦରଂ
ମହେଂଦ୍ରମାନଦାରଣଂ ନମାମି କୃଷ୍ଣ ଵାରଣମ୍ ॥

କଦଂବସୂନକୁଂଡଲଂ ସୁଚାରୁଗଂଡମଂଡଲଂ
ଵ୍ରଜାଂଗନୈକଵଲ୍ଲଭଂ ନମାମି କୃଷ୍ଣଦୁର୍ଲଭମ୍ ।
ୟଶୋଦୟା ସମୋଦୟା ସଗୋପୟା ସନଂଦୟା
ୟୁତଂ ସୁଖୈକଦାୟକଂ ନମାମି ଗୋପନାୟକମ୍ ॥

ସଦୈଵ ପାଦପଂକଜଂ ମଦୀୟ ମାନସେ ନିଜଂ
ଦଧାନମୁକ୍ତମାଲକଂ ନମାମି ନଂଦବାଲକମ୍ ।
ସମସ୍ତଦୋଷଶୋଷଣଂ ସମସ୍ତଲୋକପୋଷଣଂ
ସମସ୍ତଗୋପମାନସଂ ନମାମି ନଂଦଲାଲସମ୍ ॥

ଭୁଵୋ ଭରାଵତାରକଂ ଭଵାବ୍ଧିକର୍ଣଧାରକଂ
ୟଶୋମତୀକିଶୋରକଂ ନମାମି ଚିତ୍ତଚୋରକମ୍ ।
ଦୃଗଂତକାଂତଭଂଗିନଂ ସଦା ସଦାଲିସଂଗିନଂ
ଦିନେ-ଦିନେ ନଵଂ-ନଵଂ ନମାମି ନଂଦସଂଭଵମ୍ ॥

ଗୁଣାକରଂ ସୁଖାକରଂ କୃପାକରଂ କୃପାପରଂ
ସୁରଦ୍ଵିଷନ୍ନିକଂଦନଂ ନମାମି ଗୋପନଂଦନମ୍ ।
ନଵୀନ ଗୋପନାଗରଂ ନଵୀନକେଲି-ଲଂପଟଂ
ନମାମି ମେଘସୁଂଦରଂ ତଡିତ୍ପ୍ରଭାଲସତ୍ପଟମ୍ ॥

ସମସ୍ତ ଗୋପ ମୋହନଂ, ହୃଦଂବୁଜୈକ ମୋଦନଂ
ନମାମିକୁଂଜମଧ୍ୟଗଂ ପ୍ରସନ୍ନ ଭାନୁଶୋଭନମ୍ ।
ନିକାମକାମଦାୟକଂ ଦୃଗଂତଚାରୁସାୟକଂ
ରସାଲଵେଣୁଗାୟକଂ ନମାମିକୁଂଜନାୟକମ୍ ॥

ଵିଦଗ୍ଧ ଗୋପିକାମନୋ ମନୋଜ୍ଞତଲ୍ପଶାୟିନଂ
ନମାମି କୁଂଜକାନନେ ପ୍ରଵୃଦ୍ଧଵହ୍ନିପାୟିନମ୍ ।
କିଶୋରକାଂତି ରଂଜିତଂ ଦୃଗଂଜନଂ ସୁଶୋଭିତଂ
ଗଜେଂଦ୍ରମୋକ୍ଷକାରିଣଂ ନମାମି ଶ୍ରୀଵିହାରିଣମ୍ ॥

ଫଲଶୃତି
ୟଦା ତଦା ୟଥା ତଥା ତଥୈଵ କୃଷ୍ଣସତ୍କଥା
ମୟା ସଦୈଵ ଗୀୟତାଂ ତଥା କୃପା ଵିଧୀୟତାମ୍ ।
ପ୍ରମାଣିକାଷ୍ଟକଦ୍ଵୟଂ ଜପତ୍ୟଧୀତ୍ୟ ୟଃ ପୁମାନ୍
ଭଵେତ୍ସ ନଂଦନଂଦନେ ଭଵେ ଭଵେ ସୁଭକ୍ତିମାନ ॥

sri krishna krupa kataksha stotram in odia