ශ්රී දේව්යථර්වශීර්ෂම්

sri devi atharva sheersham in sinhala

ඕං සර්වේ වෛ දේවා දේවීමුපතස්ථුඃ කාසි ත්වං මහාදේවීති ॥ 1 ॥

සාऽබ්රවීදහං බ්රහ්මස්වරූපිණී ।
මත්තඃ ප්රකෘතිපුරුෂාත්මකං ජගත් ।
ශූන්යං චාශූන්යං ච ॥ 2 ॥

අහමානංදානානංදෞ ।
අහං-විඁජ්ඤානාවිජ්ඤානේ ।
අහං බ්රහ්මාබ්රහ්මණි වේදිතව්යේ ।
අහං පංචභූතාන්යපංචභූතානි ।
අහමඛිලං ජගත් ॥ 3 ॥

වේදෝऽහමවේදෝऽහම් ।
විද්යාऽහමවිද්යාऽහම් ।
අජාऽහමනජාऽහම් ।
අධශ්චෝර්ධ්වං ච තිර්යක්චාහම් ॥ 4 ॥

අහං රුද්රේභිර්වසුභිශ්චරාමි ।
අහමාදිත්යෛරුත විශ්වදේවෛඃ ।
අහං මිත්රාවරුණාවුභෞ බිභර්මි ।
අහමිංද්රාග්නී අහමශ්විනාවුභෞ ॥ 5 ॥

අහං සෝමං ත්වෂ්ටාරං පූෂණං භගං දධාමි ।
අහං-විඁෂ්ණුමුරුක්රමං බ්රහ්මාණමුත ප්රජාපතිං දධාමි ॥ 6 ॥

අ॒හං ද॑ධාමි॒ ද්රවි॑ණං හ॒විෂ්ම॑තේ සුප්රා॒ව්යේ॒3 යජ॑මානාය සුන්ව॒තේ ।
අ॒හං රාෂ්ට්රී॑ සං॒ගම॑නී॒ වසූ॑නාං චිකි॒තුෂී॑ ප්රථ॒මා ය॒ජ්ඤියා॑නාම් ।
අ॒හං සු॑වේ පි॒තර॑මස්ය මූ॒ර්ධන්මම॒ යෝනි॑ර॒ප්ස්වංතඃ ස॑මු॒ද්රේ ।
ය ඒවං-වේඁද । ස දේවීං සංපදමාප්නෝති ॥ 7 ॥

තේ දේවා අබ්රුවන්
නමෝ දේව්යෛ මහාදේව්යෛ ශිවායෛ සතතං නමඃ ।
නමඃ ප්රකෘත්යෛ භද්රායෛ නියතාඃ ප්රණතාඃ ස්ම තාම් ॥ 8 ॥

තාම॒ග්නිව॑ර්ණාං॒ තප॑සා ජ්වලං॒තීං-වෛඁ ॑රෝච॒නීං ක॑ර්මඵ॒ලේෂු॒ ජුෂ්ටා᳚ම් ।
දු॒ර්ගාං දේ॒වීං ශර॑ණං ප්රප॑ද්යාමහේऽසුරාන්නාශයිත්ර්යෛ තේ නමඃ ॥ 9 ॥

(ඍ.වේ.8.100.11)
දේ॒වීං-වාඁච॑මජනයංත දේ॒වාස්තාං-විඁ॒ශ්වරූ॑පාඃ ප॒ශවෝ॑ වදංති ।
සා නෝ॑ මං॒ද්රේෂ॒මූර්ජං॒ දුහා॑නා ධේ॒නුර්වාග॒ස්මානුප॒ සුෂ්ටු॒තෛතු॑ ॥ 10 ॥

කාලරාත්රීං බ්රහ්මස්තුතාං-වෛඁෂ්ණවීං ස්කංදමාතරම් ।
සරස්වතීමදිතිං දක්ෂදුහිතරං නමාමඃ පාවනාං ශිවාම් ॥ 11 ॥

මහාලක්ෂ්ම්යෛ ච විද්මහේ සර්වශක්ත්යෛ ච ධීමහි ।
තන්නෝ දේවී ප්රචෝදයාත් ॥ 12 ॥

අදිතිර්​හ්යජනිෂ්ට දක්ෂ යා දුහිතා තව ।
තාං දේවා අන්වජායංත භද්රා අමෘතබංධවඃ ॥ 13 ॥

කාමෝ යෝනිඃ කමලා වජ්රපාණි-
ර්ගුහා හසා මාතරිශ්වාභ්රමිංද්රඃ ।
පුනර්ගුහා සකලා මායයා ච
පුරූච්යෛෂා විශ්වමාතාදිවිද්යෝම් ॥ 14 ॥

ඒෂාऽऽත්මශක්තිඃ ।
ඒෂා විශ්වමෝහිනී ।
පාශාංකුශධනුර්බාණධරා ।
ඒෂා ශ්රීමහාවිද්යා ।
ය ඒවං-වේඁද ස ශෝකං තරති ॥ 15 ॥

නමස්තේ අස්තු භගවති මාතරස්මාන්පාහි සර්වතඃ ॥ 16 ॥

සෛෂාෂ්ටෞ වසවඃ ।
සෛෂෛකාදශ රුද්රාඃ ।
සෛෂා ද්වාදශාදිත්යාඃ ।
සෛෂා විශ්වේදේවාඃ සෝමපා අසෝමපාශ්ච ।
සෛෂා යාතුධානා අසුරා රක්ෂාංසි පිශාචා යක්ෂා සිද්ධාඃ ।
සෛෂා සත්ත්වරජස්තමාංසි ।
සෛෂා බ්රහ්මවිෂ්ණුරුද්රරූපිණී ।
සෛෂා ප්රජාපතීංද්රමනවඃ ।
සෛෂා ග්රහනක්ෂත්රජ්යෝතීංෂි । කලාකාෂ්ඨාදිකාලරූපිණී ।
තාමහං ප්රණෞමි නිත්යම් ।
පාපාපහාරිණීං දේවීං භුක්තිමුක්තිප්රදායිනීම් ।
අනංතාං-විඁජයාං ශුද්ධාං ශරණ්යාං ශිවදාං ශිවාම් ॥ 17 ॥

වියදීකාරසං​යුඁක්තං-වීඁතිහෝත්රසමන්විතම් ।
අර්ධේංදුලසිතං දේව්යා බීජං සර්වාර්ථසාධකම් ॥ 18 ॥

ඒවමේකාක්ෂරං බ්රහ්ම යතයඃ ශුද්ධචේතසඃ ।
ධ්යායංති පරමානංදමයා ජ්ඤානාංබුරාශයඃ ॥ 19 ॥

වාඞ්මායා බ්රහ්මසූස්තස්මාත් ෂෂ්ඨං-වඁක්ත්රසමන්විතම් ।
සූර්යෝऽවාමශ්රෝත්රබිංදුසං​යුඁක්තෂ්ටාත්තෘතීයකඃ ।
නාරායණේන සම්මිශ්රෝ වායුශ්චාධරයුක්තතඃ ।
විච්චේ නවාර්ණකෝऽර්ණඃ ස්යාන්මහදානංදදායකඃ ॥ 20 ॥

හෘත්පුංඩරීකමධ්යස්ථාං ප්රාතඃසූර්යසමප්රභාම් ।
පාශාංකුශධරාං සෞම්යාං-වඁරදාභයහස්තකාම් ।
ත්රිනේත්රාං රක්තවසනාං භක්තකාමදුඝාං භජේ ॥ 21 ॥

නමාමි ත්වාං මහාදේවීං මහාභයවිනාශිනීම් ।
මහාදුර්ගප්රශමනීං මහාකාරුණ්යරූපිණීම් ॥ 22 ॥

යස්යාඃ ස්වරූපං බ්රහ්මාදයෝ න ජානංති තස්මාදුච්යතේ අජ්ඤේයා ।
යස්යා අංතෝ න ලභ්යතේ තස්මාදුච්යතේ අනංතා ।
යස්යා ලක්ෂ්යං නෝපලක්ෂ්යතේ තස්මාදුච්යතේ අලක්ෂ්යා ।
යස්යා ජනනං නෝපලභ්යතේ තස්මාදුච්යතේ අජා ।
ඒකෛව සර්වත්ර වර්තතේ තස්මාදුච්යතේ ඒකා ।
ඒකෛව විශ්වරූපිණී තස්මාදුච්යතේ නෛකා ।
අත ඒවෝච්යතේ අජ්ඤේයානංතාලක්ෂ්යාජෛකා නෛකේති ॥ 23 ॥

මංත්රාණාං මාතෘකා දේවී ශබ්දානාං ජ්ඤානරූපිණී ।
ජ්ඤානානාං චින්මයාතීතා ශූන්යානාං ශූන්යසාක්ෂිණී ।
යස්යාඃ පරතරං නාස්ති සෛෂා දුර්ගා ප්රකීර්තිතා ॥ 24 ॥

තාං දුර්ගාං දුර්ගමාං දේවීං දුරාචාරවිඝාතිනීම් ।
නමාමි භවභීතෝऽහං සංසාරාර්ණවතාරිණීම් ॥ 25 ॥

ඉදමථර්වශීර්​ෂං-යෝඁऽධීතේ ස පංචාථර්වශීර්​ෂජපඵලමාප්නෝති ।
ඉදමථර්වශීර්​ෂමජ්ඤාත්වා යෝऽර්චාං ස්ථාපයති ।
ශතලක්ෂං ප්රජප්ත්වාऽපි සෝऽර්චාසිද්ධිං න විංදති ।
ශතමෂ්ටෝත්තරං චාස්ය පුරශ්චර්යාවිධිඃ ස්මෘතඃ ।
දශවාරං පඨේද්යස්තු සද්යඃ පාපෛඃ ප්රමුච්යතේ ।
මහාදුර්ගාණි තරති මහාදේව්යාඃ ප්රසාදතඃ । 26 ॥

සායමධීයානෝ දිවසකෘතං පාපං නාශයති ।
ප්රාතරධීයානෝ රාත්රිකෘතං පාපං නාශයති ।
සායං ප්රාතඃ ප්රයුංජානෝ අපාපෝ භවති ।
නිශීථේ තුරීයසංධ්යායාං ජප්ත්වා වාක්සිද්ධිර්භවති ।
නූතනායාං ප්රතිමායාං ජප්ත්වා දේවතාසාන්නිධ්යං භවති ।
ප්රාණප්රතිෂ්ඨායාං ජප්ත්වා ප්රාණානාං ප්රතිෂ්ඨා භවති ।
භෞමාශ්වින්යාං මහාදේවීසන්නිධෞ ජප්ත්වා මහාමෘත්යුං තරති ।
ස මහාමෘත්යුං තරති ।
ය ඒවං-වේඁද ।
ඉත්යුපනිෂත් ॥ 27 ॥

ඉති දේව්යථර්වශීර්​ෂම් ।

sri devi atharva sheersham in sinhala