ශිව නාමාවළ්යෂ්ටකං (නාමාවළී අෂ්ටකං)

shiva namavalyashtakam namavali ashtakam in sinhala

හේ චංද්රචූඩ මදනාංතක ශූලපාණේ
ස්ථාණෝ ගිරීශ ගිරිජේශ මහේශ ශංභෝ ।
භූතේශ භීතභයසූදන මාමනාථං
සංසාරදුඃඛගහනාජ්ජගදීශ රක්ෂ ॥ 1 ॥

හේ පාර්වතීහෘදයවල්ලභ චංද්රමෞළේ
භූතාධිප ප්රමථනාථ ගිරීශචාප ।
හේ වාමදේව භව රුද්ර පිනාකපාණේ
සංසාරදුඃඛගහනාජ්ජගදීශ රක්ෂ ॥ 2 ॥

හේ නීලකංඨ වෘෂභධ්වජ පංචවක්ත්ර
ලෝකේශ ශේෂවලය ප්රමථේශ ශර්ව ।
හේ ධූර්ජටේ පශුපතේ ගිරිජාපතේ මාං
සංසාරදුඃඛගහනාජ්ජගදීශ රක්ෂ ॥ 3 ॥

හේ විශ්වනාථ ශිව ශංකර දේවදේව
ගංගාධර ප්රමථනායක නංදිකේශ ।
බාණේශ්වරාංධකරිපෝ හර ලෝකනාථ
සංසාරදුඃඛගහනාජ්ජගදීශ රක්ෂ ॥ 4 ॥

වාරාණසීපුරපතේ මණිකර්ණිකේශ
වීරේශ දක්ෂමඛකාල විභෝ ගණේශ ।
සර්වජ්ඤ සර්වහෘදයෛකනිවාස නාථ
සංසාරදුඃඛගහනාජ්ජගදීශ රක්ෂ ॥ 5 ॥

ශ්රීමන්මහේශ්වර කෘපාමය හේ දයාළෝ
හේ ව්යෝමකේශ ශිතිකංඨ ගණාධිනාථ ।
භස්මාංගරාග නෘකපාලකලාපමාල
සංසාරදුඃඛගහනාජ්ජගදීශ රක්ෂ ॥ 6 ॥

කෛලාසශෛලවිනිවාස වෘෂාකපේ හේ
මෘත්යුංජය ත්රිනයන ත්රිජගන්නිවාස ।
නාරායණප්රිය මදාපහ ශක්තිනාථ
සංසාරදුඃඛගහනාජ්ජගදීශ රක්ෂ ॥ 7 ॥

විශ්වේශ විශ්වභවනාශක විශ්වරූප
විශ්වාත්මක ත්රිභුවනෛකගුණාධිකේශ ।
හේ විශ්වනාථ කරුණාමය දීනබංධෝ
සංසාරදුඃඛගහනාජ්ජගදීශ රක්ෂ ॥ 8 ॥

ගෞරීවිලාසභවනාය මහේශ්වරාය
පංචානනාය ශරණාගතකල්පකාය ।
ශර්වාය සර්වජගතාමධිපාය තස්මෛ
දාරිද්ර්යදුඃඛදහනාය නමඃ ශිවාය ॥ 9 ॥

ඉති ශ්රීමත්පරමහංසපරිව්රාජකාචාර්යස්ය ශ්රීගෝවිංදභගවත්පූජ්යපාදශිෂ්යස්ය ශ්රීමච්ඡංකරභගවතඃ කෘතෞ ශ්රීශිවනාමාවළ්යෂ්ටකං සංපූර්ණම් ॥

shiva namavalyashtakam namavali ashtakam in sinhala