ශාරදා භුජංග ප්රයාත අෂ්ටකං

sharada bhujanga prayata ashtakam in sinhala

සුවක්ෂෝජකුංභාං සුධාපූර්ණකුංභාං
ප්රසාදාවලංබාං ප්රපුණ්යාවලංබාම් ।
සදාස්යේංදුබිංබාං සදානෝෂ්ඨබිංබාං
භජේ ශාරදාංබාමජස්රං මදංබාම් ॥ 1 ॥

කටාක්ෂේ දයාර්ද්රාං කරේ ජ්ඤානමුද්රාං
කලාභිර්විනිද්රාං කලාපෛඃ සුභද්රාම් ।
පුරස්ත්රීං විනිද්රාං පුරස්තුංගභද්රාං
භජේ ශාරදාංබාමජස්රං මදංබාම් ॥ 2 ॥

ලලාමාංකඵාලාං ලසද්ගානලෝලාං
ස්වභක්තෛකපාලාං යශඃශ්රීකපෝලාම් ।
කරේ ත්වක්ෂමාලාං කනත්පත්රලෝලාං
භජේ ශාරදාංබාමජස්රං මදංබාම් ॥ 3 ॥

සුසීමංතවේණීං දෘශා නිර්ජිතෛණීං
රමත්කීරවාණීං නමද්වජ්රපාණීම් ।
සුධාමංථරාස්යාං මුදා චිංත්යවේණීං
භජේ ශාරදාංබාමජස්රං මදංබාම් ॥ 4 ॥

සුශාංතාං සුදේහාං දෘගංතේ කචාංතාං
ලසත්සල්ලතාංගීමනංතාමචිංත්යාම් ।
ස්මරේත්තාපසෛඃ සර්ගපූර්වස්ථිතාං තාං
භජේ ශාරදාංබාමජස්රං මදංබාම් ॥ 5 ॥

කුරංගේ තුරංගේ මෘගේංද්රේ ඛගේංද්රේ
මරාලේ මදේභේ මහෝක්ෂේऽධිරූඪාම් ।
මහත්යාං නවම්යාං සදා සාමරූපාං
භජේ ශාරදාංබාමජස්රං මදංබාම් ॥ 6 ॥

ජ්වලත්කාංතිවහ්නිං ජගන්මෝහනාංගීං
භජේ මානසාංභෝජ සුභ්රාංතභෘංගීම් ।
නිජස්තෝත්රසංගීතනෘත්යප්රභාංගීං
භජේ ශාරදාංබාමජස්රං මදංබාම් ॥ 7 ॥

භවාංභෝජනේත්රාජසංපූජ්යමානාං
ලසන්මංදහාසප්රභාවක්ත්රචිහ්නාම් ।
චලච්චංචලාචාරුතාටංකකර්ණාං
භජේ ශාරදාංබාමජස්රං මදංබාම් ॥ 8 ॥

॥ ඉති ශ්රීමච්ඡංකරාචාර්යවිරචිතා ශ්රී ශාරදා භුජංග ප්රයාතාෂ්ටකම් ॥

sharada bhujanga prayata ashtakam in sinhala