ශ්රී හනුමත්කවචම්

hanuman kavacham in sinhala

අස්ය ශ්රී හනුමත් කවචස්තෝත්රමහාමංත්රස්ය වසිෂ්ඨ ඍෂිඃ අනුෂ්ටුප් ඡංදඃ ශ්රී හනුමාන් දේවතා මාරුතාත්මජ ඉති බීජං අංජනාසූනුරිති ශක්තිඃ වායුපුත්ර ඉති කීලකං හනුමත්ප්රසාද සිද්ධ්යර්ථේ ජපේ විනියෝගඃ ॥

උල්ලංඝ්ය සිංධෝස්සලිලං සලීලං
යශ්ශෝකවහ්නිං ජනකාත්මජායාඃ ।
ආදාය තේනෛව දදාහ ලංකාං
නමාමි තං ප්රාංජලිරාංජනේයම් ॥ 1

මනෝජවං මාරුතතුල්යවේගං
ජිතේංද්රියං බුද්ධිමතාං වරිෂ්ඨම් ।
වාතාත්මජං වානරයූථමුඛ්යං
ශ්රීරාමදූතං ශිරසා නමාමි ॥ 2

උද්යදාදිත්යසංකාශං උදාරභුජවික්රමම් ।
කංදර්පකෝටිලාවණ්යං සර්වවිද්යාවිශාරදම් ॥ 3

ශ්රීරාමහෘදයානංදං භක්තකල්පමහීරුහම් ।
අභයං වරදං දෝර්භ්යාං කලයේ මාරුතාත්මජම් ॥ 4

ශ්රීරාම රාම රාමේති රමේ රාමේ මනෝරමේ ।
සහස්රනාම තත්තුල්යං රාමනාම වරානනේ ॥ 5

පාදෞ වායුසුතඃ පාතු රාමදූතස්තදංගුළීඃ ।
ගුල්ඵෞ හරීශ්වරඃ පාතු ජංඝේ චාර්ණවලංඝනඃ ॥ 6

ජානුනී මාරුතිඃ පාතු ඌරූ පාත්වසුරාංතකඃ ।
ගුහ්යං වජ්රතනුඃ පාතු ජඝනං තු ජගද්ධිතඃ ॥ 7

ආංජනේයඃ කටිං පාතු නාභිං සෞමිත්රිජීවනඃ ।
උදරං පාතු හෘද්ගේහී හෘදයං ච මහාබලඃ ॥ 8

වක්ෂෝ වාලායුධඃ පාතු ස්තනෞ චාऽමිතවික්රමඃ ।
පාර්ශ්වෞ ජිතේංද්රියඃ පාතු බාහූ සුග්රීවමංත්රකෘත් ॥ 9

කරාවක්ෂ ජයී පාතු හනුමාංශ්ච තදංගුළීඃ ।
පෘෂ්ඨං භවිෂ්යද්ර්බහ්මා ච ස්කංධෞ මති මතාං වරඃ ॥ 10

කංඨං පාතු කපිශ්රේෂ්ඨෝ මුඛං රාවණදර්පහා ।
වක්ත්රං ච වක්තෘප්රවණෝ නේත්රේ දේවගණස්තුතඃ ॥ 11

බ්රහ්මාස්ත්රසන්මානකරෝ භ්රුවෞ මේ පාතු සර්වදා ।
කාමරූපඃ කපෝලේ මේ ඵාලං වජ්රනඛෝऽවතු ॥ 12

ශිරෝ මේ පාතු සතතං ජානකීශෝකනාශනඃ ।
ශ්රීරාමභක්තප්රවරඃ පාතු සර්වකළේබරම් ॥ 13

මාමහ්නි පාතු සර්වජ්ඤඃ පාතු රාත්රෞ මහායශාඃ ।
විවස්වදංතේවාසී ච සංධ්යයෝඃ පාතු සර්වදා ॥ 14

බ්රහ්මාදිදේවතාදත්තවරඃ පාතු නිරංතරම් ।
ය ඉදං කවචං නිත්යං පඨේච්ච ශෘණුයාන්නරඃ ॥ 15

දීර්ඝමායුරවාප්නෝති බලං දෘෂ්ටිං ච විංදති ।
පාදාක්රාංතා භවිෂ්යංති පඨතස්තස්ය ශත්රවඃ ।
ස්ථිරාං සුකීර්තිමාරෝග්යං ලභතේ ශාශ්වතං සුඛම් ॥ 16

ඉති නිගදිතවාක්යවෘත්ත තුභ්යං
සකලමපි ස්වයමාංජනේය වෘත්තම් ।
අපි නිජජනරක්ෂණෛකදීක්ෂෝ
වශග තදීය මහාමනුප්රභාවඃ ॥ 17

ඉති ශ්රී හනුමත් කවචම් ॥

hanuman kavacham in sinhala