ගණපති ගකාර අෂ්ටෝත්තර ශතනාම ස්තෝත්රම්

ganapati gakara ashtottara satanama stotram in sinhala

ගකාරරූපෝ ගංබීජෝ ගණේශෝ ගණවංදිතඃ ।
ගණනීයෝ ගණෝගණ්යෝ ගණනාතීත සද්ගුණඃ ॥ 1 ॥

ගගනාදිකසෘද්ගංගාසුතෝගංගාසුතාර්චිතඃ ।
ගංගාධරප්රීතිකරෝගවීශේඩ්යෝගදාපහඃ ॥ 2 ॥

ගදාධරනුතෝ ගද්යපද්යාත්මකකවිත්වදඃ ।
ගජාස්යෝ ගජලක්ෂ්මීවාන් ගජවාජිරථප්රදඃ ॥ 3 ॥

ගංජානිරත ශික්ෂාකෘද්ගණිතජ්ඤෝ ගණෝත්තමඃ ।
ගංඩදානාංචිතෝගංතා ගංඩෝපල සමාකෘතිඃ ॥ 4 ॥

ගගන ව්යාපකෝ ගම්යෝ ගමානාදි විවර්ජිතඃ ।
ගංඩදෝෂහරෝ ගංඩ භ්රමද්භ්රමර කුංඩලඃ ॥ 5 ॥

ගතාගතජ්ඤෝ ගතිදෝ ගතමෘත්යුර්ගතෝද්භවඃ ।
ගංධප්රියෝ ගංධවාහෝ ගංධසිංධුරබෘංදගඃ ॥ 6 ॥

ගංධාදි පූජිතෝ ගව්යභෝක්තා ගර්ගාදි සන්නුතඃ ।
ගරිෂ්ඨෝගරභිද්ගර්වහරෝ ගරළිභූෂණඃ ॥ 7 ॥

ගවිෂ්ඨෝගර්ජිතාරාවෝ ගභීරහෘදයෝ ගදී ।
ගලත්කුෂ්ඨහරෝ ගර්භප්රදෝ ගර්භාර්භරක්ෂකඃ ॥ 8 ॥

ගර්භාධාරෝ ගර්භවාසි ශිශුජ්ඤාන ප්රදායකඃ ।
ගරුත්මත්තුල්යජවනෝ ගරුඩධ්වජවංදිතඃ ॥ 9 ॥

ගයේඩිතෝ ගයාශ්රාද්ධඵලදශ්ච ගයාකෘතිඃ ।
ගදාධරාවතාරීච ගංධර්වනගරාර්චිතඃ ॥ 10 ॥

ගංධර්වගානසංතුෂ්ටෝ ගරුඩාග්රජවංදිතඃ ।
ගණරාත්ර සමාරාධ්යෝ ගර්හණස්තුති සාම්යධීඃ ॥ 11 ॥

ගර්තාභනාභිර්ගව්යූතිඃ දීර්ඝතුංඩෝ ගභස්තිමාන් ।
ගර්හිතාචාර දූරශ්ච ගරුඩෝපලභූෂිතඃ ॥ 12 ॥

ගජාරි වික්රමෝ ගංධමූෂවාජී ගතශ්රමඃ ।
ගවේෂණීයෝ ගමනෝ ගහනස්ථ මුනිස්තුතඃ ॥ 13 ॥

ගවයච්ඡිද්ගංඩකභිද්ගහ්වරාපථවාරණඃ ।
ගජදංතායුධෝ ගර්ජද්රිපුඝ්නෝ ගජකර්ණිකඃ ॥ 14 ॥

ගජචර්මාමයච්ඡේත්තා ගණාධ්යක්ෂෝගණාර්චිතඃ ।
ගණිකානර්තනප්රීතෝගච්ඡන් ගංධඵලී ප්රියඃ ॥ 15 ॥

ගංධකාදි රසාධීශෝ ගණකානංදදායකඃ ।
ගරභාදිජනුර්හර්තා ගංඩකීගාහනෝත්සුකඃ ॥ 16 ॥

ගංඩූෂීකෘතවාරාශිඃ ගරිමාලඝිමාදිදඃ ।
ගවාක්ෂවත්සෞධවාසීගර්භිතෝ ගර්භිණීනුතඃ ॥ 17 ॥

ගංධමාදනශෛලාභෝ ගංඩභේරුංඩවික්රමඃ ।
ගදිතෝ ගද්ගදාරාව සංස්තුතෝ ගහ්වරීපතිඃ ॥ 18 ॥

ගජේශාය ගරීයසේ ගද්යේඩ්යෝගතභීර්ගදිතාගමඃ ।
ගර්හණීය ගුණාභාවෝ ගංගාදික ශුචිප්රදඃ ॥ 19 ॥

ගණනාතීත විද්යාශ්රී බලායුෂ්යාදිදායකඃ ।
ඒවං ශ්රීගණනාථස්ය නාම්නාමෂ්ටෝත්තරං ශතම් ॥ 20 ॥

පඨනාච්ඡ්රවණාත් පුංසාං ශ්රේයඃ ප්රේමප්රදායකම් ।
පූජාංතේ යඃ පඨේන්නිත්යං ප්රීතස්සන් තස්යවිඝ්නරාට් ॥ 21 ॥

යං යං කාමයතේ කාමං තං තං ශීඝ්රං ප්රයච්ඡති ।
දූර්වයාභ්යර්චයන් දේවමේකවිංශතිවාසරාන් ॥ 22 ॥

ඒකවිංශතිවාරං යෝ නිත්යං ස්තෝත්රං පඨේද්යදි ।
තස්ය ප්රසන්නෝ විඝ්නේශස්සර්වාන් කාමාන් ප්රයච්ඡති ॥ 23 ॥

॥ ඉති ශ්රී ගණපති ගකාර අෂ්ටෝත්තර ශතනාමස්තෝත්රම් ॥

ganapati gakara ashtottara satanama stotram in sinhala