ධුංඪිරාජ භුජංග ප්රයාත ස්තෝත්රම්

dhundhiraja bhujanga prayata stotram in sinhala

උමාංගෝද්භවං දංතිවක්ත්රං ගණේශං
භුජාකංකණෛඃ ශෝභිනං ධූම්රකේතුම් ।
ගලේ හාරමුක්තාවලීශෝභිතං තං
නමෝ ජ්ඤානරූපං ගණේශං නමස්තේ ॥ 1 ॥

ගණේශං වදේත්තං ස්මරේත් සර්වකාර්යේ
ස්මරන් සන්මුඛං ජ්ඤානදං සර්වසිද්ධිම් ।
මනශ්චිංතිතං කාර්යමේවේෂු සිද්ධ්යේ-
-න්නමෝ බුද්ධිකාංතං ගණේශං නමස්තේ ॥ 2 ॥

මහාසුංදරං වක්ත්රචිහ්නං විරාටං
චතුර්ධාභුජං චෛකදංතෛකවර්ණම් ।
ඉදං දේවරූපං ගණං සිද්ධිනාථං
නමෝ භාලචංද්රං ගණේශං නමස්තේ ॥ 3 ॥

සසිංදූරසත්කුංකුමෛස්තුල්යවර්ණඃ
ස්තුතෛර්මෝදකෛඃ ප්රීයතේ විඝ්නරාජඃ ।
මහාසංකටච්ඡේදකං ධූම්රකේතුං
නමෝ ගෞරිපුත්රං ගණේශං නමස්තේ ॥ 4 ॥

යථා පාතකච්ඡේදකං විෂ්ණුනාම
තථා ධ්යායතාං ශංකරං පාපනාශඃ ।
යථා පූජිතේ ෂණ්මුඛේ ශෝකනාශෝ
නමෝ විඝ්නනාශං ගණේශං නමස්තේ ॥ 5 ॥

සදා සර්වදා ධ්යායතාමේකදංතං
සුසිංදූරකං පූජිතං රක්තපුෂ්පෛඃ ।
සදා චර්චිතං චංදනෛඃ කුංකුමාක්තං
නමෝ ජ්ඤානරූපං ගණේශං නමස්තේ ॥ 6 ॥

නමෝ ගෞරිකාගර්භජාපත්ය තුභ්යං
නමෝ ජ්ඤානරූපින්නමඃ සිද්ධිකාංත ।
නමෝ ධ්යේයපූජ්යාය හේ බුද්ධිනාථ
සුරාස්ත්වාං භජංතේ ගණේශං නමස්තේ ॥ 7 ॥

භුජංගප්රයාතං පඨේද්යස්තු භක්ත්යා
ප්රභාතේ ජපේන්නිත්යමේකාග්රචිත්තඃ ।
ක්ෂයං යාංති විඝ්නා දිශඃ ශෝභයංතං
නමෝ ජ්ඤානරූපං ගණේශං නමස්තේ ॥ 8 ॥

ඉති ශ්රීඪුංඪිරාජ භුජංග ප්රයාත ස්තෝත්රම් ।

dhundhiraja bhujanga prayata stotram in sinhala