धुंढिराज भुजंग प्रयात स्तोत्रम्

dhundhiraja bhujanga prayata stotram in konkani

उमांगोद्भवं दंतिवक्त्रं गणेशं
भुजाकंकणैः शोभिनं धूम्रकेतुम् ।
गले हारमुक्तावलीशोभितं तं
नमो ज्ञानरूपं गणेशं नमस्ते ॥ 1 ॥

गणेशं वदेत्तं स्मरेत् सर्वकार्ये
स्मरन् सन्मुखं ज्ञानदं सर्वसिद्धिम् ।
मनश्चिंतितं कार्यमेवेषु सिद्ध्ये-
-न्नमो बुद्धिकांतं गणेशं नमस्ते ॥ 2 ॥

महासुंदरं वक्त्रचिह्नं विराटं
चतुर्धाभुजं चैकदंतैकवर्णम् ।
इदं देवरूपं गणं सिद्धिनाथं
नमो भालचंद्रं गणेशं नमस्ते ॥ 3 ॥

ससिंदूरसत्कुंकुमैस्तुल्यवर्णः
स्तुतैर्मोदकैः प्रीयते विघ्नराजः ।
महासंकटच्छेदकं धूम्रकेतुं
नमो गौरिपुत्रं गणेशं नमस्ते ॥ 4 ॥

यथा पातकच्छेदकं विष्णुनाम
तथा ध्यायतां शंकरं पापनाशः ।
यथा पूजिते षण्मुखे शोकनाशो
नमो विघ्ननाशं गणेशं नमस्ते ॥ 5 ॥

सदा सर्वदा ध्यायतामेकदंतं
सुसिंदूरकं पूजितं रक्तपुष्पैः ।
सदा चर्चितं चंदनैः कुंकुमाक्तं
नमो ज्ञानरूपं गणेशं नमस्ते ॥ 6 ॥

नमो गौरिकागर्भजापत्य तुभ्यं
नमो ज्ञानरूपिन्नमः सिद्धिकांत ।
नमो ध्येयपूज्याय हे बुद्धिनाथ
सुरास्त्वां भजंते गणेशं नमस्ते ॥ 7 ॥

भुजंगप्रयातं पठेद्यस्तु भक्त्या
प्रभाते जपेन्नित्यमेकाग्रचित्तः ।
क्षयं यांति विघ्ना दिशः शोभयंतं
नमो ज्ञानरूपं गणेशं नमस्ते ॥ 8 ॥

इति श्रीढुंढिराज भुजंग प्रयात स्तोत्रम् ।

dhundhiraja bhujanga prayata stotram in konkani