දේවී මාහාත්ම්යං දුර්ගා සප්තශති ප්රථමෝऽධ්යායඃ

devi mahatmyam durga saptasati chapter 1 in sinhala

॥ දේවී මාහාත්ම්යම් ॥
॥ ශ්රීදුර්ගායෛ නමඃ ॥
॥ අථ ශ්රීදුර්ගාසප්තශතී ॥
॥ මධුකෛටභවධෝ නාම ප්රථමෝऽධ්යායඃ ॥

අස්ය ශ්රී ප්රධම චරිත්රස්ය බ්රහ්මා ඍෂිඃ । මහාකාළී දේවතා । ගායත්රී ඡංදඃ । නංදා ශක්තිඃ । රක්ත දංතිකා බීජම් । අග්නිස්තත්වම් । ඍග්වේදඃ ස්වරූපම් । ශ්රී මහාකාළී ප්රීත්යර්ධේ ප්රධම චරිත්ර ජපේ විනියෝගඃ ।

ධ්යානං
ඛඩ්ගං චක්ර ගදේෂුචාප පරිඝා ශූලං භුශුංඩීං ශිරඃ
ශංංඛං සංදධතීං කරෛස්ත්රිනයනාං සර්වාංංගභූෂාවෘතාම් ।
යාං හංතුං මධුකෛභෞ ජලජභූස්තුෂ්ටාව සුප්තේ හරෞ
නීලාශ්මද්යුති මාස්යපාදදශකාං සේවේ මහාකාළිකාං॥

ඕං නමශ්චංඩිකායෛ
ඕං ඓං මාර්කංඩේය උවාච॥1॥

සාවර්ණිඃ සූර්යතනයෝ යෝමනුඃ කථ්යතේऽෂ්ටමඃ।
නිශාමය තදුත්පත්තිං විස්තරාද්ගදතෝ මම ॥2॥

මහාමායානුභාවේන යථා මන්වංතරාධිපඃ
ස බභූව මහාභාගඃ සාවර්ණිස්තනයෝ රවේඃ ॥3॥

ස්වාරෝචිෂේऽංතරේ පූර්වං චෛත්රවංශසමුද්භවඃ।
සුරථෝ නාම රාජාऽභූත් සමස්තේ ක්ෂිතිමංඩලේ ॥4॥

තස්ය පාලයතඃ සම්යක් ප්රජාඃ පුත්රානිවෞරසාන්।
බභූවුඃ ශත්රවෝ භූපාඃ කෝලාවිධ්වංසිනස්තදා ॥5॥

තස්ය තෛරභවද්යුද්ධං අතිප්රබලදංඩිනඃ।
න්යූනෛරපි ස තෛර්යුද්ධේ කෝලාවිධ්වංසිභිර්ජිතඃ ॥6॥

තතඃ ස්වපුරමායාතෝ නිජදේශාධිපෝऽභවත්।
ආක්රාංතඃ ස මහාභාගස්තෛස්තදා ප්රබලාරිභිඃ ॥7॥

අමාත්යෛර්බලිභිර්දුෂ්ටෛ ර්දුර්බලස්ය දුරාත්මභිඃ।
කෝශෝ බලං චාපහෘතං තත්රාපි ස්වපුරේ තතඃ ॥8॥

තතෝ මෘගයාව්යාජේන හෘතස්වාම්යඃ ස භූපතිඃ।
ඒකාකී හයමාරුහ්ය ජගාම ගහනං වනම් ॥9॥

සතත්රාශ්රමමද්රාක්ෂී ද්ද්විජවර්යස්ය මේධසඃ।
ප්රශාංතශ්වාපදාකීර්ණ මුනිශිෂ්යෝපශෝභිතම් ॥10॥

තස්ථෞ කංචිත්ස කාලං ච මුනිනා තේන සත්කෘතඃ।
ඉතශ්චේතශ්ච විචරංස්තස්මින් මුනිවරාශ්රමේ॥11॥

සෝऽචිංතයත්තදා තත්ර මමත්වාකෘෂ්ටචේතනඃ। ॥12॥

මත්පූර්වෛඃ පාලිතං පූර්වං මයාහීනං පුරං හි තත්
මද්භෘත්යෛස්තෛරසද්වෘත්තෛඃ ර්ධර්මතඃ පාල්යතේ න වා ॥13॥

න ජානේ ස ප්රධානෝ මේ ශූර හස්තීසදාමදඃ
මම වෛරිවශං යාතඃ කාන්භෝගානුපලප්ස්යතේ ॥14॥

යේ මමානුගතා නිත්යං ප්රසාදධනභෝජනෛඃ
අනුවෘත්තිං ධ්රුවං තේऽද්ය කුර්වංත්යන්යමහීභෘතාං ॥15॥

අසම්යග්ව්යයශීලෛස්තෛඃ කුර්වද්භිඃ සතතං ව්යයං
සංචිතඃ සෝऽතිදුඃඛේන ක්ෂයං කෝශෝ ගමිෂ්යති ॥16॥

ඒතච්චාන්යච්ච සතතං චිංතයාමාස පාර්ථිවඃ
තත්ර විප්රාශ්රමාභ්යාශේ වෛශ්යමේකං දදර්ශ සඃ ॥17॥

ස පෘෂ්ටස්තේන කස්ත්වං භෝ හේතුශ්ච ආගමනේऽත්ර කඃ
සශෝක ඉව කස්මාත්වං දුර්මනා ඉව ලක්ෂ්යසේ। ॥18॥

ඉත්යාකර්ණ්ය වචස්තස්ය භූපතේඃ ප්රණායෝදිතම්
ප්රත්යුවාච ස තං වෛශ්යඃ ප්රශ්රයාවනතෝ නෘපම්॥19॥

වෛශ්ය උවාච ॥20॥

සමාධිර්නාම වෛශ්යෝऽහමුත්පන්නෝ ධනිනාං කුලේ
පුත්රදාරෛර්නිරස්තශ්ච ධනලෝභාද් අසාධුභිඃ॥21॥

විහීනශ්ච ධනෛදාරෛඃ පුත්රෛරාදාය මේ ධනම්।
වනමභ්යාගතෝ දුඃඛී නිරස්තශ්චාප්තබංධුභිඃ॥22॥

සෝऽහං න වේද්මි පුත්රාණාං කුශලාකුශලාත්මිකාම්।
ප්රවෘත්තිං ස්වජනානාං ච දාරාණාං චාත්ර සංස්ථිතඃ॥23॥

කිං නු තේෂාං ගෘහේ ක්ෂේමං අක්ෂේමං කිංනු සාංප්රතං
කථං තේකිංනුසද්වෘත්තා දුර්වෘත්තා කිංනුමේසුතාඃ॥24॥

රාජෝවාච॥25॥

යෛර්නිරස්තෝ භවාँල්ලුබ්ධෛඃ පුත්රදාරාදිභිර්ධනෛඃ॥26॥

තේෂු කිං භවතඃ ස්නේහ මනුබධ්නාති මානසම්॥27॥

වෛශ්ය උවාච ॥28॥

ඒවමේතද්යථා ප්රාහ භවානස්මද්ගතං වචඃ
කිං කරෝමි න බධ්නාති මම නිෂ්ටුරතාං මනඃ॥29॥

ඓඃ සංත්යජ්ය පිතෘස්නේහං ධන ලුබ්ධෛර්නිරාකෘතඃ
පතිඃස්වජනහාර්දං ච හාර්දිතේෂ්වේව මේ මනඃ। ॥30॥

කිමේතන්නාභිජානාමි ජානන්නපි මහාමතේ
යත්ප්රේම ප්රවණං චිත්තං විගුණේෂ්වපි බංධුෂු॥31॥

තේෂාං කෘතේ මේ නිඃශ්වාසෝ දෞර්මනස්යං චජායතේ॥32॥

අරෝමි කිං යන්න මනස්තේෂ්වප්රීතිෂු නිෂ්ඨුරම් ॥33॥

මාර්කංඩේය උවාච ॥34॥

තතස්තෞ සහිතෞ විප්ර තංමුනිං සමුපස්ථිතෞ॥35॥

සමාධිර්නාම වෛශ්යෝऽසෞ ස ච පාර්ධිව සත්තමඃ॥36॥

කෘත්වා තු තෞ යථාන්යාය්යං යථාර්හං තේන සංවිදම්।
උපවිෂ්ටෞ කථාඃ කාශ්චිත්​ච්චක්රතුර්වෛශ්යපාර්ධිවෞ॥37॥

රාජෝවාච ॥38॥

භගවංස්ත්වාමහං ප්රෂ්ටුමිච්ඡාම්යේකං වදස්වතත් ॥39॥

දුඃඛාය යන්මේ මනසඃ ස්වචිත්තායත්තතාං විනා॥40॥

මමත්වං ගතරාජ්යස්ය රාජ්යාංගේෂ්වඛිලේෂ්වපි ।
ජානතෝऽපි යථාජ්ඤස්ය කිමේතන්මුනිසත්තම ॥ 41 ॥

අයං ච ඉකෘතඃ පුත්රෛඃ දාරෛර්භෘත්යෛස්තථෝජ්ඝිතඃ
ස්වජනේන ච සංත්යක්තඃ ස්තේෂු හාර්දී තථාප්යති ॥42॥

ඒව මේෂ තථාහං ච ද්වාවප්ත්යංතදුඃඛිතෞ।
දෘෂ්ටදෝෂේऽපි විෂයේ මමත්වාකෘෂ්ටමානසෞ ॥43॥

තත්කේනෛතන්මහාභාග යන්මෝහො ජ්ඤානිනෝරපි
මමාස්ය ච භවත්යේෂා විවේකාංධස්ය මූඪතා ॥44॥

ඍෂිරුවාච॥45॥

ජ්ඤාන මස්ති සමස්තස්ය ජංතෝර්ව්ෂය ගෝචරේ।
විෂයශ්ච මහාභාග යාංති චෛවං පෘථක්පෘථක්॥46॥

කේචිද්දිවා තථා රාත්රෞ ප්රාණිනඃ ස්තුල්යදෘෂ්ටයඃ ॥47॥

ජ්ඤානිනෝ මනුජාඃ සත්යං කිං තු තේ න හි කේවලම්।
යතෝ හි ජ්ඤානිනඃ සර්වේ පශුපක්ෂිමෘගාදයඃ॥48॥

ජ්ඤානං ච තන්මනුෂ්යාණාං යත්තේෂාං මෘගපක්ෂිණාං
මනුෂ්යාණාං ච යත්තේෂාං තුල්යමන්යත්තථෝභයෝඃ॥49॥

ජ්ඤානේऽපි සති පශ්යෛතාන් පතගාංඡාබචංචුෂු।
කණමෝක්ෂාදෘතාන් මෝහාත්පීඩ්යමානානපි ක්ෂුධා॥50॥

මානුෂා මනුජව්යාඝ්ර සාභිලාෂාඃ සුතාන් ප්රති
ලෝභාත් ප්රත්යුපකාරාය නන්වේතාන් කිං න පශ්යසි॥51॥

තථාපි මමතාවර්තේ මෝහගර්තේ නිපාතිතාඃ
මහාමායා ප්රභාවේණ සංසාරස්ථිතිකාරිණා॥52॥

තන්නාත්ර විස්මයඃ කාර්යෝ යෝගනිද්රා ජගත්පතේඃ।
මහාමායා හරේශ්චෛෂා තයා සම්මෝහ්යතේ ජගත්॥53॥

ජ්ඞානිනාමපි චේතාංසි දේවී භගවතී හි සා
බලාදාක්ऱ්ෂ්යමෝහාය මහාමායා ප්රයච්ඡති ॥54॥

තයා විසෘජ්යතේ විශ්වං ජගදේතච්චරාචරම් ।
සෛෂා ප්රසන්නා වරදා නෘණාං භවති මුක්තයේ ॥55॥

සා විද්යා පරමා මුක්තේර්හේතුභූතා සනාතනී
සංසාරබංධහේතුශ්ච සෛව සර්වේශ්වරේශ්වරී॥56॥

රාජෝවාච॥57॥

භගවන් කාහි සා දේවී මාමායේති යාං භවාන් ।
බ්රවීති ක්ථමුත්පන්නා සා කර්මාස්යාශ්ච කිං ද්විජ॥58॥

යත්ප්රභාවා ච සා දේවී යත්ස්වරූපා යදුද්භවා।
තත්සර්වං ශ්රෝතුමිච්ඡාමි ත්වත්තෝ බ්රහ්මවිදාං වර॥59॥

ඍෂිරුවාච ॥60॥

නිත්යෛව සා ජගන්මූර්තිස්තයා සර්වමිදං තතම්॥61॥

තථාපි තත්සමුත්පත්තිර්බහුධා ශ්රූයතාං මමඃ॥62॥

දේවානාං කාර්යසිද්ධ්යර්ථං ආවිර්භවති සා යදා।
උත්පන්නේති තදා ලෝකේ සා නිත්යාප්යභිධීයතේ ॥63॥

යෝගනිද්රාං යදා විෂ්ණුර්ජගත්යේකාර්ණවීකෘතේ।
ආස්තීර්ය ශේෂමභජත් කල්පාංතේ භගවාන් ප්රභුඃ॥64॥

තදා ද්වාවසුරෞ ඝෝරෞ විඛ්යාතෞ මධුකෛටභෞ।
විෂ්ණුකර්ණමලෝද්භූතෞ හංතුං බ්රහ්මාණමුද්යතෞ॥65॥

ස නාභි කමලේ විෂ්ණෝඃ ස්ථිතෝ බ්රහ්මා ප්රජාපතිඃ
දෘෂ්ට්වා තාවසුරෞ චෝග්රෞ ප්රසුප්තං ච ජනාර්දනම්॥66॥

තුෂ්ටාව යෝගනිද්රාං තාමේකාග්රහෘදයඃ ස්ථිතඃ
විබෝධනාර්ධාය හරේර්හරිනේත්රකෘතාලයාම් ॥67॥

විශ්වේශ්වරීං ජගද්ධාත්රීං ස්ථිතිසංහාරකාරිණීම්।
නිද්රාං භගවතීං විෂ්ණෝරතුලාං තේජසඃ ප්රභුඃ ॥68॥

බ්රහ්මෝවාච ॥69॥

ත්වං ස්වාහා ත්වං ස්වධා ත්වංහි වෂට්කාරඃ ස්වරාත්මිකා।
සුධා ත්වමක්ෂරේ නිත්යේ ත්රිධා මාත්රාත්මිකා ස්ථිතා॥70॥

අර්ධමාත්රා ස්ථිතා නිත්යා යානුච්චාර්යාවිශේෂතඃ
ත්වමේව සා ත්වං සාවිත්රී ත්වං දේව ජනනී පරා ॥71॥

ත්වයෛතද්ධාර්යතේ විශ්වං ත්වයෛතත් සෘජ්යතේ ජගත්।
ත්වයෛතත් පාල්යතේ දේවි ත්වමත්ස්යංතේ ච සර්වදා॥72॥

විසෘෂ්ටෞ සෘෂ්ටිරූපාත්වං ස්ථිති රූපා ච පාලනේ।
තථා සංහෘතිරූපාංතේ ජගතෝऽස්ය ජගන්මයේ ॥73॥

මහාවිද්යා මහාමායා මහාමේධා මහාස්මෘතිඃ।
මහාමෝහා ච භවතී මහාදේවී මහාසුරී ॥74॥

ප්රකෘතිස්ත්වං ච සර්වස්ය ගුණත්රය විභාවිනී।
කාළරාත්රිර්මහාරාත්රිර්මෝහරාත්රිශ්ච දාරුණා॥75॥

ත්වං ශ්රීස්ත්වමීශ්වරී ත්වං හ්රීස්ත්වං බුද්ධිර්භෝධලක්ෂණා।
ලජ්ජාපුෂ්ටිස්තථා තුෂ්ටිස්ත්වං ශාංතිඃ ක්ෂාංති රේව ච॥76॥

ඛඩ්ගිනී ශූලිනී ඝෝරා ගදිනී චක්රිණී තථා।
ශංඛිණී චාපිනී බාණාභුශුංඩීපරිඝායුධා॥77॥

සෞම්යා සෞම්යතරාශේෂසෞම්යේභ්යස්ත්වතිසුංදරී
පරාපරාණාං පරමා ත්වමේව පරමේශ්වරී॥78॥

යච්ච කිංචිත්ක්වචිද්වස්තු සදසද්වාඛිලාත්මිකේ।
තස්ය සර්වස්ය යා ශක්තිඃ සා ත්වං කිං ස්තූයසේමයා॥79॥

යයා ත්වයා ජගත් ස්රෂ්ටා ජගත්පාතාත්ති යෝ ජගත්।
සෝऽපි නිද්රාවශං නීතඃ කස්ත්වාං ස්තෝතුමිහේශ්වරඃ॥80॥

විෂ්ණුඃ ශරීරග්රහණං අහමීශාන ඒව ච
කාරිතාස්තේ යතෝऽතස්ත්වාං කඃ ස්තෝතුං ශක්තිමාන් භවේත්॥81॥

සා ත්වමිත්ථං ප්රභාවෛඃ ස්වෛරුදාරෛර්දේවි සංස්තුතා।
මෝහයෛතෞ දුරාධර්ෂාවසුරෞ මධුකෛටභෞ ॥82॥

ප්රබෝධං ච ජගත්ස්වාමී නීයතාමච්යුතා ලඝු ॥83॥
බෝධශ්ච ක්රියතාමස්ය හංතුමේතෞ මහාසුරෞ ॥83॥

ඍෂිරුවාච ॥84॥

ඒවං ස්තුතා තදා දේවී තාමසී තත්ර වේධසා
විෂ්ණෝඃ ප්රභෝධනාර්ධාය නිහංතුං මධුකෛටභෞ ॥85॥

නේත්රාස්යනාසිකාබාහුහෘදයේභ්යස්තථෝරසඃ।
නිර්ගම්ය දර්ශනේ තස්ථෞ බ්රහ්මණෝ අව්යක්තජන්මනඃ ॥86॥

උත්තස්ථෞ ච ජගන්නාථඃ ස්තයා මුක්තෝ ජනාර්දනඃ।
ඒකාර්ණවේ අහිශයනාත්තතඃ ස දදෘශේ ච තෞ ॥87॥

මධුකෛටභෞ දුරාත්මානා වතිවීර්යපරාක්රමෞ
ක්රෝධරක්තේක්ෂණාවත්තුං බ්රහ්මණාං ජනිතෝද්යමෞ ॥88॥

සමුත්ථාය තතස්තාභ්යාං යුයුධේ භගවාන් හරිඃ
පංචවර්ෂසහස්ත්රාණි බාහුප්රහරණෝ විභුඃ ॥89॥

තාවප්යතිබලෝන්මත්තෞ මහාමායාවිමෝහිතෞ ॥90॥

උක්තවංතෞ වරෝऽස්මත්තෝ ව්රියතාමිති කේශවම් ॥91॥

ශ්රී භගවානුවාච ॥92॥

භවේතාමද්ය මේ තුෂ්ටෞ මම වධ්යාවුභාවපි ॥93॥

කිමන්යේන වරේණාත්ර ඒතාවෘද්දි වෘතං මම ॥94॥

ඍෂිරුවාච ॥95॥

වංචිතාභ්යාමිති තදා සර්වමාපෝමයං ජගත්।
විලෝක්ය තාභ්යාං ගදිතෝ භගවාන් කමලේක්ෂණඃ ॥96॥

ආවාං ජහි න යත්රෝර්වී සලිලේන පරිප්ලුතා। ॥97॥

ඍෂිරුවාච ॥98॥

තථේත්යුක්ත්වා භගවතා ශංඛචක්රගදාභෘතා।
කෘත්වා චක්රේණ වෛ ඡින්නේ ජඝනේ ශිරසී තයෝඃ ॥99॥

ඒවමේෂා සමුත්පන්නා බ්රහ්මණා සංස්තුතා ස්වයම්।
ප්රභාවමස්යා දේව්යාස්තු භූයඃ ශෘණු වදාමි තේ ॥100॥

॥ ජය ජය ශ්රී ස්වස්ති ශ්රීමාර්කංඩේයපුරාණේ සාවර්ණිකේ මන්වංතරේ දේවීමහාත්ම්යේ මධුකෛටභවධෝ නාම ප්රධමෝऽධ්යායඃ ॥

ආහුති

ඕං ඒං සාංගායෛ සායුධායෛ සශක්තිකායෛ සපරිවාරායෛ සවාහනායෛ ඒං බීජාධිෂ්ටායෛ මහා කාළිකායෛ මහා අහුතිං සමර්පයාමි නමඃ ස්වාහා ॥

devi mahatmyam durga saptasati chapter 1 in sinhala