ଦେଵୀ ମାହାତ୍ମ୍ୟଂ ଦୁର୍ଗା ସପ୍ତଶତି ପ୍ରଥମୋଽଧ୍ୟାୟଃ

devi mahatmyam durga saptasati chapter 1 in odia

॥ ଦେଵୀ ମାହାତ୍ମ୍ୟମ୍ ॥
॥ ଶ୍ରୀଦୁର୍ଗାୟୈ ନମଃ ॥
॥ ଅଥ ଶ୍ରୀଦୁର୍ଗାସପ୍ତଶତୀ ॥
॥ ମଧୁକୈଟଭଵଧୋ ନାମ ପ୍ରଥମୋଽଧ୍ୟାୟଃ ॥

ଅସ୍ୟ ଶ୍ରୀ ପ୍ରଧମ ଚରିତ୍ରସ୍ୟ ବ୍ରହ୍ମା ଋଷିଃ । ମହାକାଳୀ ଦେଵତା । ଗାୟତ୍ରୀ ଛଂଦଃ । ନଂଦା ଶକ୍ତିଃ । ରକ୍ତ ଦଂତିକା ବୀଜମ୍ । ଅଗ୍ନିସ୍ତତ୍ଵମ୍ । ଋଗ୍ଵେଦଃ ସ୍ଵରୂପମ୍ । ଶ୍ରୀ ମହାକାଳୀ ପ୍ରୀତ୍ୟର୍ଧେ ପ୍ରଧମ ଚରିତ୍ର ଜପେ ଵିନିୟୋଗଃ ।

ଧ୍ୟାନଂ
ଖଡ୍ଗଂ ଚକ୍ର ଗଦେଷୁଚାପ ପରିଘା ଶୂଲଂ ଭୁଶୁଂଡୀଂ ଶିରଃ
ଶଂଂଖଂ ସଂଦଧତୀଂ କରୈସ୍ତ୍ରିନୟନାଂ ସର୍ଵାଂଂଗଭୂଷାଵୃତାମ୍ ।
ୟାଂ ହଂତୁଂ ମଧୁକୈଭୌ ଜଲଜଭୂସ୍ତୁଷ୍ଟାଵ ସୁପ୍ତେ ହରୌ
ନୀଲାଶ୍ମଦ୍ୟୁତି ମାସ୍ୟପାଦଦଶକାଂ ସେଵେ ମହାକାଳିକାଂ॥

ଓଂ ନମଶ୍ଚଂଡିକାୟୈ
ଓଂ ଐଂ ମାର୍କଂଡେୟ ଉଵାଚ॥1॥

ସାଵର୍ଣିଃ ସୂର୍ୟତନୟୋ ୟୋମନୁଃ କଥ୍ୟତେଽଷ୍ଟମଃ।
ନିଶାମୟ ତଦୁତ୍ପତ୍ତିଂ ଵିସ୍ତରାଦ୍ଗଦତୋ ମମ ॥2॥

ମହାମାୟାନୁଭାଵେନ ୟଥା ମନ୍ଵଂତରାଧିପଃ
ସ ବଭୂଵ ମହାଭାଗଃ ସାଵର୍ଣିସ୍ତନୟୋ ରଵେଃ ॥3॥

ସ୍ଵାରୋଚିଷେଽଂତରେ ପୂର୍ଵଂ ଚୈତ୍ରଵଂଶସମୁଦ୍ଭଵଃ।
ସୁରଥୋ ନାମ ରାଜାଽଭୂତ୍ ସମସ୍ତେ କ୍ଷିତିମଂଡଲେ ॥4॥

ତସ୍ୟ ପାଲୟତଃ ସମ୍ୟକ୍ ପ୍ରଜାଃ ପୁତ୍ରାନିଵୌରସାନ୍।
ବଭୂଵୁଃ ଶତ୍ରଵୋ ଭୂପାଃ କୋଲାଵିଧ୍ଵଂସିନସ୍ତଦା ॥5॥

ତସ୍ୟ ତୈରଭଵଦ୍ୟୁଦ୍ଧଂ ଅତିପ୍ରବଲଦଂଡିନଃ।
ନ୍ୟୂନୈରପି ସ ତୈର୍ୟୁଦ୍ଧେ କୋଲାଵିଧ୍ଵଂସିଭିର୍ଜିତଃ ॥6॥

ତତଃ ସ୍ଵପୁରମାୟାତୋ ନିଜଦେଶାଧିପୋଽଭଵତ୍।
ଆକ୍ରାଂତଃ ସ ମହାଭାଗସ୍ତୈସ୍ତଦା ପ୍ରବଲାରିଭିଃ ॥7॥

ଅମାତ୍ୟୈର୍ବଲିଭିର୍ଦୁଷ୍ଟୈ ର୍ଦୁର୍ବଲସ୍ୟ ଦୁରାତ୍ମଭିଃ।
କୋଶୋ ବଲଂ ଚାପହୃତଂ ତତ୍ରାପି ସ୍ଵପୁରେ ତତଃ ॥8॥

ତତୋ ମୃଗୟାଵ୍ୟାଜେନ ହୃତସ୍ଵାମ୍ୟଃ ସ ଭୂପତିଃ।
ଏକାକୀ ହୟମାରୁହ୍ୟ ଜଗାମ ଗହନଂ ଵନମ୍ ॥9॥

ସତତ୍ରାଶ୍ରମମଦ୍ରାକ୍ଷୀ ଦ୍ଦ୍ଵିଜଵର୍ୟସ୍ୟ ମେଧସଃ।
ପ୍ରଶାଂତଶ୍ଵାପଦାକୀର୍ଣ ମୁନିଶିଷ୍ୟୋପଶୋଭିତମ୍ ॥10॥

ତସ୍ଥୌ କଂଚିତ୍ସ କାଲଂ ଚ ମୁନିନା ତେନ ସତ୍କୃତଃ।
ଇତଶ୍ଚେତଶ୍ଚ ଵିଚରଂସ୍ତସ୍ମିନ୍ ମୁନିଵରାଶ୍ରମେ॥11॥

ସୋଽଚିଂତୟତ୍ତଦା ତତ୍ର ମମତ୍ଵାକୃଷ୍ଟଚେତନଃ। ॥12॥

ମତ୍ପୂର୍ଵୈଃ ପାଲିତଂ ପୂର୍ଵଂ ମୟାହୀନଂ ପୁରଂ ହି ତତ୍
ମଦ୍ଭୃତ୍ୟୈସ୍ତୈରସଦ୍ଵୃତ୍ତୈଃ ର୍ଧର୍ମତଃ ପାଲ୍ୟତେ ନ ଵା ॥13॥

ନ ଜାନେ ସ ପ୍ରଧାନୋ ମେ ଶୂର ହସ୍ତୀସଦାମଦଃ
ମମ ଵୈରିଵଶଂ ୟାତଃ କାନ୍ଭୋଗାନୁପଲପ୍ସ୍ୟତେ ॥14॥

ୟେ ମମାନୁଗତା ନିତ୍ୟଂ ପ୍ରସାଦଧନଭୋଜନୈଃ
ଅନୁଵୃତ୍ତିଂ ଧ୍ରୁଵଂ ତେଽଦ୍ୟ କୁର୍ଵଂତ୍ୟନ୍ୟମହୀଭୃତାଂ ॥15॥

ଅସମ୍ୟଗ୍ଵ୍ୟୟଶୀଲୈସ୍ତୈଃ କୁର୍ଵଦ୍ଭିଃ ସତତଂ ଵ୍ୟୟଂ
ସଂଚିତଃ ସୋଽତିଦୁଃଖେନ କ୍ଷୟଂ କୋଶୋ ଗମିଷ୍ୟତି ॥16॥

ଏତଚ୍ଚାନ୍ୟଚ୍ଚ ସତତଂ ଚିଂତୟାମାସ ପାର୍ଥିଵଃ
ତତ୍ର ଵିପ୍ରାଶ୍ରମାଭ୍ୟାଶେ ଵୈଶ୍ୟମେକଂ ଦଦର୍ଶ ସଃ ॥17॥

ସ ପୃଷ୍ଟସ୍ତେନ କସ୍ତ୍ଵଂ ଭୋ ହେତୁଶ୍ଚ ଆଗମନେଽତ୍ର କଃ
ସଶୋକ ଇଵ କସ୍ମାତ୍ଵଂ ଦୁର୍ମନା ଇଵ ଲକ୍ଷ୍ୟସେ। ॥18॥

ଇତ୍ୟାକର୍ଣ୍ୟ ଵଚସ୍ତସ୍ୟ ଭୂପତେଃ ପ୍ରଣାୟୋଦିତମ୍
ପ୍ରତ୍ୟୁଵାଚ ସ ତଂ ଵୈଶ୍ୟଃ ପ୍ରଶ୍ରୟାଵନତୋ ନୃପମ୍॥19॥

ଵୈଶ୍ୟ ଉଵାଚ ॥20॥

ସମାଧିର୍ନାମ ଵୈଶ୍ୟୋଽହମୁତ୍ପନ୍ନୋ ଧନିନାଂ କୁଲେ
ପୁତ୍ରଦାରୈର୍ନିରସ୍ତଶ୍ଚ ଧନଲୋଭାଦ୍ ଅସାଧୁଭିଃ॥21॥

ଵିହୀନଶ୍ଚ ଧନୈଦାରୈଃ ପୁତ୍ରୈରାଦାୟ ମେ ଧନମ୍।
ଵନମଭ୍ୟାଗତୋ ଦୁଃଖୀ ନିରସ୍ତଶ୍ଚାପ୍ତବଂଧୁଭିଃ॥22॥

ସୋଽହଂ ନ ଵେଦ୍ମି ପୁତ୍ରାଣାଂ କୁଶଲାକୁଶଲାତ୍ମିକାମ୍।
ପ୍ରଵୃତ୍ତିଂ ସ୍ଵଜନାନାଂ ଚ ଦାରାଣାଂ ଚାତ୍ର ସଂସ୍ଥିତଃ॥23॥

କିଂ ନୁ ତେଷାଂ ଗୃହେ କ୍ଷେମଂ ଅକ୍ଷେମଂ କିଂନୁ ସାଂପ୍ରତଂ
କଥଂ ତେକିଂନୁସଦ୍ଵୃତ୍ତା ଦୁର୍ଵୃତ୍ତା କିଂନୁମେସୁତାଃ॥24॥

ରାଜୋଵାଚ॥25॥

ୟୈର୍ନିରସ୍ତୋ ଭଵାँଲ୍ଲୁବ୍ଧୈଃ ପୁତ୍ରଦାରାଦିଭିର୍ଧନୈଃ॥26॥

ତେଷୁ କିଂ ଭଵତଃ ସ୍ନେହ ମନୁବଧ୍ନାତି ମାନସମ୍॥27॥

ଵୈଶ୍ୟ ଉଵାଚ ॥28॥

ଏଵମେତଦ୍ୟଥା ପ୍ରାହ ଭଵାନସ୍ମଦ୍ଗତଂ ଵଚଃ
କିଂ କରୋମି ନ ବଧ୍ନାତି ମମ ନିଷ୍ଟୁରତାଂ ମନଃ॥29॥

ଐଃ ସଂତ୍ୟଜ୍ୟ ପିତୃସ୍ନେହଂ ଧନ ଲୁବ୍ଧୈର୍ନିରାକୃତଃ
ପତିଃସ୍ଵଜନହାର୍ଦଂ ଚ ହାର୍ଦିତେଷ୍ଵେଵ ମେ ମନଃ। ॥30॥

କିମେତନ୍ନାଭିଜାନାମି ଜାନନ୍ନପି ମହାମତେ
ୟତ୍ପ୍ରେମ ପ୍ରଵଣଂ ଚିତ୍ତଂ ଵିଗୁଣେଷ୍ଵପି ବଂଧୁଷୁ॥31॥

ତେଷାଂ କୃତେ ମେ ନିଃଶ୍ଵାସୋ ଦୌର୍ମନସ୍ୟଂ ଚଜାୟତେ॥32॥

ଅରୋମି କିଂ ୟନ୍ନ ମନସ୍ତେଷ୍ଵପ୍ରୀତିଷୁ ନିଷ୍ଠୁରମ୍ ॥33॥

ମାର୍କଂଡେୟ ଉଵାଚ ॥34॥

ତତସ୍ତୌ ସହିତୌ ଵିପ୍ର ତଂମୁନିଂ ସମୁପସ୍ଥିତୌ॥35॥

ସମାଧିର୍ନାମ ଵୈଶ୍ୟୋଽସୌ ସ ଚ ପାର୍ଧିଵ ସତ୍ତମଃ॥36॥

କୃତ୍ଵା ତୁ ତୌ ୟଥାନ୍ୟାୟ୍ୟଂ ୟଥାର୍ହଂ ତେନ ସଂଵିଦମ୍।
ଉପଵିଷ୍ଟୌ କଥାଃ କାଶ୍ଚିତ୍​ଚ୍ଚକ୍ରତୁର୍ଵୈଶ୍ୟପାର୍ଧିଵୌ॥37॥

ରାଜୋଵାଚ ॥38॥

ଭଗଵଂସ୍ତ୍ଵାମହଂ ପ୍ରଷ୍ଟୁମିଚ୍ଛାମ୍ୟେକଂ ଵଦସ୍ଵତତ୍ ॥39॥

ଦୁଃଖାୟ ୟନ୍ମେ ମନସଃ ସ୍ଵଚିତ୍ତାୟତ୍ତତାଂ ଵିନା॥40॥

ମମତ୍ଵଂ ଗତରାଜ୍ୟସ୍ୟ ରାଜ୍ୟାଂଗେଷ୍ଵଖିଲେଷ୍ଵପି ।
ଜାନତୋଽପି ୟଥାଜ୍ଞସ୍ୟ କିମେତନ୍ମୁନିସତ୍ତମ ॥ 41 ॥

ଅୟଂ ଚ ଇକୃତଃ ପୁତ୍ରୈଃ ଦାରୈର୍ଭୃତ୍ୟୈସ୍ତଥୋଜ୍ଘିତଃ
ସ୍ଵଜନେନ ଚ ସଂତ୍ୟକ୍ତଃ ସ୍ତେଷୁ ହାର୍ଦୀ ତଥାପ୍ୟତି ॥42॥

ଏଵ ମେଷ ତଥାହଂ ଚ ଦ୍ଵାଵପ୍ତ୍ୟଂତଦୁଃଖିତୌ।
ଦୃଷ୍ଟଦୋଷେଽପି ଵିଷୟେ ମମତ୍ଵାକୃଷ୍ଟମାନସୌ ॥43॥

ତତ୍କେନୈତନ୍ମହାଭାଗ ୟନ୍ମୋହୋ ଜ୍ଞାନିନୋରପି
ମମାସ୍ୟ ଚ ଭଵତ୍ୟେଷା ଵିଵେକାଂଧସ୍ୟ ମୂଢତା ॥44॥

ଋଷିରୁଵାଚ॥45॥

ଜ୍ଞାନ ମସ୍ତି ସମସ୍ତସ୍ୟ ଜଂତୋର୍ଵ୍ଷୟ ଗୋଚରେ।
ଵିଷୟଶ୍ଚ ମହାଭାଗ ୟାଂତି ଚୈଵଂ ପୃଥକ୍ପୃଥକ୍॥46॥

କେଚିଦ୍ଦିଵା ତଥା ରାତ୍ରୌ ପ୍ରାଣିନଃ ସ୍ତୁଲ୍ୟଦୃଷ୍ଟୟଃ ॥47॥

ଜ୍ଞାନିନୋ ମନୁଜାଃ ସତ୍ୟଂ କିଂ ତୁ ତେ ନ ହି କେଵଲମ୍।
ୟତୋ ହି ଜ୍ଞାନିନଃ ସର୍ଵେ ପଶୁପକ୍ଷିମୃଗାଦୟଃ॥48॥

ଜ୍ଞାନଂ ଚ ତନ୍ମନୁଷ୍ୟାଣାଂ ୟତ୍ତେଷାଂ ମୃଗପକ୍ଷିଣାଂ
ମନୁଷ୍ୟାଣାଂ ଚ ୟତ୍ତେଷାଂ ତୁଲ୍ୟମନ୍ୟତ୍ତଥୋଭୟୋଃ॥49॥

ଜ୍ଞାନେଽପି ସତି ପଶ୍ୟୈତାନ୍ ପତଗାଂଛାବଚଂଚୁଷୁ।
କଣମୋକ୍ଷାଦୃତାନ୍ ମୋହାତ୍ପୀଡ୍ୟମାନାନପି କ୍ଷୁଧା॥50॥

ମାନୁଷା ମନୁଜଵ୍ୟାଘ୍ର ସାଭିଲାଷାଃ ସୁତାନ୍ ପ୍ରତି
ଲୋଭାତ୍ ପ୍ରତ୍ୟୁପକାରାୟ ନନ୍ଵେତାନ୍ କିଂ ନ ପଶ୍ୟସି॥51॥

ତଥାପି ମମତାଵର୍ତେ ମୋହଗର୍ତେ ନିପାତିତାଃ
ମହାମାୟା ପ୍ରଭାଵେଣ ସଂସାରସ୍ଥିତିକାରିଣା॥52॥

ତନ୍ନାତ୍ର ଵିସ୍ମୟଃ କାର୍ୟୋ ୟୋଗନିଦ୍ରା ଜଗତ୍ପତେଃ।
ମହାମାୟା ହରେଶ୍ଚୈଷା ତୟା ସମ୍ମୋହ୍ୟତେ ଜଗତ୍॥53॥

ଜ୍ଙାନିନାମପି ଚେତାଂସି ଦେଵୀ ଭଗଵତୀ ହି ସା
ବଲାଦାକ୍଱୍ଷ୍ୟମୋହାୟ ମହାମାୟା ପ୍ରୟଚ୍ଛତି ॥54॥

ତୟା ଵିସୃଜ୍ୟତେ ଵିଶ୍ଵଂ ଜଗଦେତଚ୍ଚରାଚରମ୍ ।
ସୈଷା ପ୍ରସନ୍ନା ଵରଦା ନୃଣାଂ ଭଵତି ମୁକ୍ତୟେ ॥55॥

ସା ଵିଦ୍ୟା ପରମା ମୁକ୍ତେର୍ହେତୁଭୂତା ସନାତନୀ
ସଂସାରବଂଧହେତୁଶ୍ଚ ସୈଵ ସର୍ଵେଶ୍ଵରେଶ୍ଵରୀ॥56॥

ରାଜୋଵାଚ॥57॥

ଭଗଵନ୍ କାହି ସା ଦେଵୀ ମାମାୟେତି ୟାଂ ଭଵାନ୍ ।
ବ୍ରଵୀତି କ୍ଥମୁତ୍ପନ୍ନା ସା କର୍ମାସ୍ୟାଶ୍ଚ କିଂ ଦ୍ଵିଜ॥58॥

ୟତ୍ପ୍ରଭାଵା ଚ ସା ଦେଵୀ ୟତ୍ସ୍ଵରୂପା ୟଦୁଦ୍ଭଵା।
ତତ୍ସର୍ଵଂ ଶ୍ରୋତୁମିଚ୍ଛାମି ତ୍ଵତ୍ତୋ ବ୍ରହ୍ମଵିଦାଂ ଵର॥59॥

ଋଷିରୁଵାଚ ॥60॥

ନିତ୍ୟୈଵ ସା ଜଗନ୍ମୂର୍ତିସ୍ତୟା ସର୍ଵମିଦଂ ତତମ୍॥61॥

ତଥାପି ତତ୍ସମୁତ୍ପତ୍ତିର୍ବହୁଧା ଶ୍ରୂୟତାଂ ମମଃ॥62॥

ଦେଵାନାଂ କାର୍ୟସିଦ୍ଧ୍ୟର୍ଥଂ ଆଵିର୍ଭଵତି ସା ୟଦା।
ଉତ୍ପନ୍ନେତି ତଦା ଲୋକେ ସା ନିତ୍ୟାପ୍ୟଭିଧୀୟତେ ॥63॥

ୟୋଗନିଦ୍ରାଂ ୟଦା ଵିଷ୍ଣୁର୍ଜଗତ୍ୟେକାର୍ଣଵୀକୃତେ।
ଆସ୍ତୀର୍ୟ ଶେଷମଭଜତ୍ କଲ୍ପାଂତେ ଭଗଵାନ୍ ପ୍ରଭୁଃ॥64॥

ତଦା ଦ୍ଵାଵସୁରୌ ଘୋରୌ ଵିଖ୍ୟାତୌ ମଧୁକୈଟଭୌ।
ଵିଷ୍ଣୁକର୍ଣମଲୋଦ୍ଭୂତୌ ହଂତୁଂ ବ୍ରହ୍ମାଣମୁଦ୍ୟତୌ॥65॥

ସ ନାଭି କମଲେ ଵିଷ୍ଣୋଃ ସ୍ଥିତୋ ବ୍ରହ୍ମା ପ୍ରଜାପତିଃ
ଦୃଷ୍ଟ୍ଵା ତାଵସୁରୌ ଚୋଗ୍ରୌ ପ୍ରସୁପ୍ତଂ ଚ ଜନାର୍ଦନମ୍॥66॥

ତୁଷ୍ଟାଵ ୟୋଗନିଦ୍ରାଂ ତାମେକାଗ୍ରହୃଦୟଃ ସ୍ଥିତଃ
ଵିବୋଧନାର୍ଧାୟ ହରେର୍ହରିନେତ୍ରକୃତାଲୟାମ୍ ॥67॥

ଵିଶ୍ଵେଶ୍ଵରୀଂ ଜଗଦ୍ଧାତ୍ରୀଂ ସ୍ଥିତିସଂହାରକାରିଣୀମ୍।
ନିଦ୍ରାଂ ଭଗଵତୀଂ ଵିଷ୍ଣୋରତୁଲାଂ ତେଜସଃ ପ୍ରଭୁଃ ॥68॥

ବ୍ରହ୍ମୋଵାଚ ॥69॥

ତ୍ଵଂ ସ୍ଵାହା ତ୍ଵଂ ସ୍ଵଧା ତ୍ଵଂହି ଵଷଟ୍କାରଃ ସ୍ଵରାତ୍ମିକା।
ସୁଧା ତ୍ଵମକ୍ଷରେ ନିତ୍ୟେ ତ୍ରିଧା ମାତ୍ରାତ୍ମିକା ସ୍ଥିତା॥70॥

ଅର୍ଧମାତ୍ରା ସ୍ଥିତା ନିତ୍ୟା ୟାନୁଚ୍ଚାର୍ୟାଵିଶେଷତଃ
ତ୍ଵମେଵ ସା ତ୍ଵଂ ସାଵିତ୍ରୀ ତ୍ଵଂ ଦେଵ ଜନନୀ ପରା ॥71॥

ତ୍ଵୟୈତଦ୍ଧାର୍ୟତେ ଵିଶ୍ଵଂ ତ୍ଵୟୈତତ୍ ସୃଜ୍ୟତେ ଜଗତ୍।
ତ୍ଵୟୈତତ୍ ପାଲ୍ୟତେ ଦେଵି ତ୍ଵମତ୍ସ୍ୟଂତେ ଚ ସର୍ଵଦା॥72॥

ଵିସୃଷ୍ଟୌ ସୃଷ୍ଟିରୂପାତ୍ଵଂ ସ୍ଥିତି ରୂପା ଚ ପାଲନେ।
ତଥା ସଂହୃତିରୂପାଂତେ ଜଗତୋଽସ୍ୟ ଜଗନ୍ମୟେ ॥73॥

ମହାଵିଦ୍ୟା ମହାମାୟା ମହାମେଧା ମହାସ୍ମୃତିଃ।
ମହାମୋହା ଚ ଭଵତୀ ମହାଦେଵୀ ମହାସୁରୀ ॥74॥

ପ୍ରକୃତିସ୍ତ୍ଵଂ ଚ ସର୍ଵସ୍ୟ ଗୁଣତ୍ରୟ ଵିଭାଵିନୀ।
କାଳରାତ୍ରିର୍ମହାରାତ୍ରିର୍ମୋହରାତ୍ରିଶ୍ଚ ଦାରୁଣା॥75॥

ତ୍ଵଂ ଶ୍ରୀସ୍ତ୍ଵମୀଶ୍ଵରୀ ତ୍ଵଂ ହ୍ରୀସ୍ତ୍ଵଂ ବୁଦ୍ଧିର୍ଭୋଧଲକ୍ଷଣା।
ଲଜ୍ଜାପୁଷ୍ଟିସ୍ତଥା ତୁଷ୍ଟିସ୍ତ୍ଵଂ ଶାଂତିଃ କ୍ଷାଂତି ରେଵ ଚ॥76॥

ଖଡ୍ଗିନୀ ଶୂଲିନୀ ଘୋରା ଗଦିନୀ ଚକ୍ରିଣୀ ତଥା।
ଶଂଖିଣୀ ଚାପିନୀ ବାଣାଭୁଶୁଂଡୀପରିଘାୟୁଧା॥77॥

ସୌମ୍ୟା ସୌମ୍ୟତରାଶେଷସୌମ୍ୟେଭ୍ୟସ୍ତ୍ଵତିସୁଂଦରୀ
ପରାପରାଣାଂ ପରମା ତ୍ଵମେଵ ପରମେଶ୍ଵରୀ॥78॥

ୟଚ୍ଚ କିଂଚିତ୍କ୍ଵଚିଦ୍ଵସ୍ତୁ ସଦସଦ୍ଵାଖିଲାତ୍ମିକେ।
ତସ୍ୟ ସର୍ଵସ୍ୟ ୟା ଶକ୍ତିଃ ସା ତ୍ଵଂ କିଂ ସ୍ତୂୟସେମୟା॥79॥

ୟୟା ତ୍ଵୟା ଜଗତ୍ ସ୍ରଷ୍ଟା ଜଗତ୍ପାତାତ୍ତି ୟୋ ଜଗତ୍।
ସୋଽପି ନିଦ୍ରାଵଶଂ ନୀତଃ କସ୍ତ୍ଵାଂ ସ୍ତୋତୁମିହେଶ୍ଵରଃ॥80॥

ଵିଷ୍ଣୁଃ ଶରୀରଗ୍ରହଣଂ ଅହମୀଶାନ ଏଵ ଚ
କାରିତାସ୍ତେ ୟତୋଽତସ୍ତ୍ଵାଂ କଃ ସ୍ତୋତୁଂ ଶକ୍ତିମାନ୍ ଭଵେତ୍॥81॥

ସା ତ୍ଵମିତ୍ଥଂ ପ୍ରଭାଵୈଃ ସ୍ଵୈରୁଦାରୈର୍ଦେଵି ସଂସ୍ତୁତା।
ମୋହୟୈତୌ ଦୁରାଧର୍ଷାଵସୁରୌ ମଧୁକୈଟଭୌ ॥82॥

ପ୍ରବୋଧଂ ଚ ଜଗତ୍ସ୍ଵାମୀ ନୀୟତାମଚ୍ୟୁତା ଲଘୁ ॥83॥
ବୋଧଶ୍ଚ କ୍ରିୟତାମସ୍ୟ ହଂତୁମେତୌ ମହାସୁରୌ ॥83॥

ଋଷିରୁଵାଚ ॥84॥

ଏଵଂ ସ୍ତୁତା ତଦା ଦେଵୀ ତାମସୀ ତତ୍ର ଵେଧସା
ଵିଷ୍ଣୋଃ ପ୍ରଭୋଧନାର୍ଧାୟ ନିହଂତୁଂ ମଧୁକୈଟଭୌ ॥85॥

ନେତ୍ରାସ୍ୟନାସିକାବାହୁହୃଦୟେଭ୍ୟସ୍ତଥୋରସଃ।
ନିର୍ଗମ୍ୟ ଦର୍ଶନେ ତସ୍ଥୌ ବ୍ରହ୍ମଣୋ ଅଵ୍ୟକ୍ତଜନ୍ମନଃ ॥86॥

ଉତ୍ତସ୍ଥୌ ଚ ଜଗନ୍ନାଥଃ ସ୍ତୟା ମୁକ୍ତୋ ଜନାର୍ଦନଃ।
ଏକାର୍ଣଵେ ଅହିଶୟନାତ୍ତତଃ ସ ଦଦୃଶେ ଚ ତୌ ॥87॥

ମଧୁକୈଟଭୌ ଦୁରାତ୍ମାନା ଵତିଵୀର୍ୟପରାକ୍ରମୌ
କ୍ରୋଧରକ୍ତେକ୍ଷଣାଵତ୍ତୁଂ ବ୍ରହ୍ମଣାଂ ଜନିତୋଦ୍ୟମୌ ॥88॥

ସମୁତ୍ଥାୟ ତତସ୍ତାଭ୍ୟାଂ ୟୁୟୁଧେ ଭଗଵାନ୍ ହରିଃ
ପଂଚଵର୍ଷସହସ୍ତ୍ରାଣି ବାହୁପ୍ରହରଣୋ ଵିଭୁଃ ॥89॥

ତାଵପ୍ୟତିବଲୋନ୍ମତ୍ତୌ ମହାମାୟାଵିମୋହିତୌ ॥90॥

ଉକ୍ତଵଂତୌ ଵରୋଽସ୍ମତ୍ତୋ ଵ୍ରିୟତାମିତି କେଶଵମ୍ ॥91॥

ଶ୍ରୀ ଭଗଵାନୁଵାଚ ॥92॥

ଭଵେତାମଦ୍ୟ ମେ ତୁଷ୍ଟୌ ମମ ଵଧ୍ୟାଵୁଭାଵପି ॥93॥

କିମନ୍ୟେନ ଵରେଣାତ୍ର ଏତାଵୃଦ୍ଦି ଵୃତଂ ମମ ॥94॥

ଋଷିରୁଵାଚ ॥95॥

ଵଂଚିତାଭ୍ୟାମିତି ତଦା ସର୍ଵମାପୋମୟଂ ଜଗତ୍।
ଵିଲୋକ୍ୟ ତାଭ୍ୟାଂ ଗଦିତୋ ଭଗଵାନ୍ କମଲେକ୍ଷଣଃ ॥96॥

ଆଵାଂ ଜହି ନ ୟତ୍ରୋର୍ଵୀ ସଲିଲେନ ପରିପ୍ଲୁତା। ॥97॥

ଋଷିରୁଵାଚ ॥98॥

ତଥେତ୍ୟୁକ୍ତ୍ଵା ଭଗଵତା ଶଂଖଚକ୍ରଗଦାଭୃତା।
କୃତ୍ଵା ଚକ୍ରେଣ ଵୈ ଛିନ୍ନେ ଜଘନେ ଶିରସୀ ତୟୋଃ ॥99॥

ଏଵମେଷା ସମୁତ୍ପନ୍ନା ବ୍ରହ୍ମଣା ସଂସ୍ତୁତା ସ୍ଵୟମ୍।
ପ୍ରଭାଵମସ୍ୟା ଦେଵ୍ୟାସ୍ତୁ ଭୂୟଃ ଶୃଣୁ ଵଦାମି ତେ ॥100॥

॥ ଜୟ ଜୟ ଶ୍ରୀ ସ୍ଵସ୍ତି ଶ୍ରୀମାର୍କଂଡେୟପୁରାଣେ ସାଵର୍ଣିକେ ମନ୍ଵଂତରେ ଦେଵୀମହାତ୍ମ୍ୟେ ମଧୁକୈଟଭଵଧୋ ନାମ ପ୍ରଧମୋଽଧ୍ୟାୟଃ ॥

ଆହୁତି

ଓଂ ଏଂ ସାଂଗାୟୈ ସାୟୁଧାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ଏଂ ବୀଜାଧିଷ୍ଟାୟୈ ମହା କାଳିକାୟୈ ମହା ଅହୁତିଂ ସମର୍ପୟାମି ନମଃ ସ୍ଵାହା ॥

devi mahatmyam durga saptasati chapter 1 in odia