භීෂ්ම කෘත භගවත් ස්තුතිඃ (ශ්රී කෘෂ්ණ ස්තුතිඃ)

bhishma kruta sri krishna stuti in sinhala

භීෂ්ම උවාච ।
ඉති මතිරුපකල්පිතා විතෘෂ්ණා
භගවති සාත්වතපුංගවේ විභූම්නි ।
ස්වසුඛමුපගතේ ක්වචිද්විහර්තුං
ප්රකෘතිමුපේයුෂි යද්භවප්රවාහඃ ॥ 1 ॥

ත්රිභුවනකමනං තමාලවර්ණං
රවිකරගෞරවරාංබරං දධානේ ।
වපුරලකකුලාවෘතානනාබ්ජං
විජයසඛේ රතිරස්තු මේऽනවද්යා ॥ 2 ॥

යුධි තුරගරජෝවිධූම්රවිෂ්වක්
කචලුලිතශ්රමවාර්යලංකෘතාස්යේ ।
මම නිශිතශරෛර්විභිද්යමාන
ත්වචි විලසත්කවචේऽස්තු කෘෂ්ණ ආත්මා ॥ 3 ॥

සපදි සඛිවචෝ නිශම්ය මධ්යේ
නිජපරයෝර්බලයෝ රථං නිවේශ්ය ।
ස්ථිතවති පරසෛනිකායුරක්ෂ්ණා
හෘතවති පාර්ථසඛේ රතිර්මමාස්තු ॥ 4 ॥

ව්යවහිත පෘථනාමුඛං නිරීක්ෂ්ය
ස්වජනවධාද්විමුඛස්ය දෝෂබුද්ධ්යා ।
කුමතිමහරදාත්මවිද්යයා ය-
-ශ්චරණරතිඃ පරමස්ය තස්ය මේऽස්තු ॥ 5 ॥

ස්වනිගමමපහාය මත්ප්රතිජ්ඤාං
ඍතමධිකර්තුමවප්ලුතෝ රථස්ථඃ ।
ධෘතරථචරණෝऽභ්යයාච්චලද්ගුඃ
හරිරිව හංතුමිභං ගතෝත්තරීයඃ ॥ 6 ॥

ශිතවිශිඛහතෝ විශීර්ණදංශඃ
ක්ෂතජපරිප්ලුත ආතතායිනෝ මේ ।
ප්රසභමභිසසාර මද්වධාර්ථං
ස භවතු මේ භගවාන් ගතිර්මුකුංදඃ ॥ 7 ॥

විජයරථකුටුංබ ආත්තතෝත්රේ
ධෘතහයරශ්මිනි තච්ඡ්රියේක්ෂණීයේ ।
භගවති රතිරස්තු මේ මුමූර්ෂෝඃ
යමිහ නිරීක්ෂ්ය හතාඃ ගතාඃ සරූපම් ॥ 8 ॥

ලලිත ගති විලාස වල්ගුහාස
ප්රණය නිරීක්ෂණ කල්පිතෝරුමානාඃ ।
කෘතමනුකෘතවත්ය උන්මදාංධාඃ
ප්රකෘතිමගන් කිල යස්ය ගෝපවධ්වඃ ॥ 9 ॥

මුනිගණනෘපවර්යසංකුලේऽංතඃ
සදසි යුධිෂ්ඨිරරාජසූය ඒෂාම් ।
අර්හණමුපපේද ඊක්ෂණීයෝ
මම දෘශිගෝචර ඒෂ ආවිරාත්මා ॥ 10 ॥

තමිමමහමජං ශරීරභාජාං
හෘදි හෘදි ධිෂ්ටිතමාත්මකල්පිතානාම් ।
ප්රතිදෘශමිව නෛකධාऽර්කමේකං
සමධිගතෝऽස්මි විධූතභේදමෝහඃ ॥ 11 ॥

ඉති ශ්රීමද්භාගවතේ මහාපුරාණේ ප්රථමස්කංධේ නවමෝऽධ්යායේ භීෂ්මකෘත භගවත් ස්තුතිඃ ।

bhishma kruta sri krishna stuti in sinhala