භර්තෘහරේඃ ශතක ත්රිශති – වෛරාග්ය ශතකම්

bhartruhari sataka trisati vairaagya satakam in sinhala

චූඩෝත්තංසිතචංද්රචාරුකලිකාචංචච්ඡිඛාභාස්වරෝ
ලීලාදග්ධවිලෝලකාමශලභඃ ශ්රේයෝදශාග්රේ ස්ඵුරන් ।
අංතඃස්ඵූර්ජද්​අපාරමෝහතිමිරප්රාග්භාරං උච්චාටයන්
ශ්වේතඃසද්මනි යෝගිනාං විජයතේ ජ්ඤානප්රදීපෝ හරඃ ॥ 3.1 ॥

භ්රාංතං දේශං අනේකදුර්ගවිෂමං ප්රාප්තං න කිංචිත්ඵලං
ත්යක්ත්වා ජාතිකුලාභිමානං උචිතං සේවා කෘතා නිෂ්ඵලා ।
භුක්තං මානවිවර්ජිතං පරගෘහේෂ්වාශංකයා කාකවත්
තෘෂ්ණේ ජෘංභසි පාපකර්මපිශුනේ නාද්යාපි සංතුෂ්යසි ॥ 3.2 ॥

උත්ඛාතං නිධිශංකයා ක්ෂිතිතලං ධ්මාතා ගිරේර්ධාතවෝ
නිස්තීර්ණඃ සරිතාං පතිර්නෘපතයෝ යත්නේන සංතෝෂිතාඃ ।
මංත්රාරාධනතත්පරේණ මනසා නීතාඃ ශ්මශානේ නිශාඃ
ප්රාප්තඃ කාණවරාටකෝऽපි න මයා තෘෂ්ණේ සකාමා භව ॥ 3.3 ॥

ඛලාලාපාඃ සෞඪාඃ කථං අපි තද්​ආරාධනපරෛර්නිගෘහ්යාංතර්
බාෂ්පං හසිතං අපි ශූන්යේන මනසා ।
කෘතෝ විත්තස්තංභප්රතිහතධියාං අංජලිරපි
ත්වං ආශේ මෝඝාශේ කිම අපරං අතෝ නර්තයසි මාම් ॥ 3.4 ॥

අමීෂාං ප්රාණානාං තුලිතවිසිනීපත්රපයසාං
කෘතේ කිං නාස්මාභිර්විගලිතවිවේකෛර්ව්යවසිතම් ।
යද්​ආඪ්යානාං අග්රේ ද්රවිණමදනිඃසංජ්ඤමනසාං
කෘතං මාවව්රීඩෛර්නිජගුණකථාපාතකං අපි ॥ 3.5 ॥

ක්ෂාංතං න ක්ෂමයා ගෘහෝචිතසුඛං ත්යක්තං න සංතෝෂතඃ
සෝඪෝ දුඃසහශීතතාපපවනක්ලේශෝ න තප්තං තපඃ ।
ධ්යාතං විත්තං අහර්නිශං නිත්යමිතප්රාණෛර්න ශංභෝඃ පදං
තත්තත්කර්ම කෘතං යදේව මුනිභිස්තෛස්තෛඃ ඵලෛර්වංචිතාඃ ॥ 3.6 ॥

භෝගා න භුක්තා වයං ඒව භුක්තාස්
තපෝ න තප්තං වයං ඒව තප්තාඃ ।
කාලෝ න යාතෝ වයං ඒව යාතාස්තෘෂ්ණා
න ජීර්ණා වයං ඒව ජීර්ණාඃ ॥ 3.7 ॥

බලිභිර්මුඛං ආක්රාංතං පලිතේනාංකිතං ශිරඃ ।
ගාත්රාණි ශිථිලායංතේ තෘෂ්ණෛකා තරුණායතේ ॥ 3.8 ॥

විවේකව්යාකෝශේ විදධති සමේ ශාම්යති තෘෂා
පරිෂ්වංගේ තුංගේ ප්රසරතිතරාං සා පරිණතා ।
ජරාජීර්ණෛශ්වර්යග්රසනගහනාක්ෂේපකෘපණස්තෘෂාපාත්රං
යස්යාං භවති මරුතාං අප්යධිපතිඃ ॥ 3.81 ॥

නිවෘත්තා භෝගේච්ඡා පුරුෂබහුමානෝऽපි ගලිතඃ
සමානාඃ ස්වර්යාතාඃ සපදි සුහෘදෝ ජීවිතසමාඃ ।
ශනෛර්යෂ්ට්යුත්ථානං ඝනතිමිරරුද්ධේ ච නයනේ
අහෝ මූඪඃ කායස්තදපි මරණාපායචකිතඃ ॥ 3.9 ॥

ආශා නාම නදී මනෝරථජලා තෘෂ්ණාතරංගාකුලා
රාගග්රාහවතී විතර්කවිහගා ධෛර්යද්රුමධ්වංසිනී ।
මෝහාවර්තසුදුස්තරාතිගහනා ප්රෝත්තුංගචිංතාතටී
තස්යාඃ පරගතා විශුද්ධං අලසෝ නංදංති යෝගීශ්වරාඃ ॥ 3.10 ॥

න සංසාරෝත්පන්නං චරිතං අනුපශ්යාමි කුශලං
විපාකඃ පුණ්යානාං ජනයති භයං මේ විමෘශතඃ ।
මහද්භිඃ පුණ්යෞඝෛශ්චිරපරිගෘහීතාශ්ච විෂයා
මහාංතෝ ජායංතේ ව්යසනං ඉව දාතුං විෂයිණාම් ॥ 3.11 ॥

අවශ්යං යාතාරශ්චිරතරං උෂිත්වාපි විෂයා
වියෝගේ කෝ භේදස්ත්යජති න ජනෝ යත්ස්වයං අමූන් ।
ව්රජංතඃ ස්වාතංත්ර්යාදතුලපරිතාපාය මනසඃ
ස්වයං ත්යක්තා හ්යේතේ ශමසුඛං අනංතං විදධති ॥ 3.12 ॥

බ්රහ්මජ්ඤානවිවේකනිර්මලධියඃ කුර්වංත්යහෝ දුෂ්කරං
යන්මුංචංත්යුපභෝගභාංජ්යපි ධනාන්යේකාංතතෝ නිඃස්පෘහාඃ ।
සංප්රාතාන්න පුරා න සංප්රති න ච ප්රාප්තෞ දෘඪප්රත්යයාන්
වාංඡාමාත්රපරිග්රහානපි පරං ත්යක්තුං න ශක්තා වයම් ॥ 3.13 ॥

ධන්යානාං ගිරිකංදරේෂු වසතාං ජ්යෝතිඃ පරං ධ්යායතාමානංදාශ්රු
ජලං පිබංති ශකුනා නිඃශංකං අංකේශයාඃ ।
අස්මාකං තු මනෝරථෝපරචිතප්රාසාදවාපීතටක්රීඩා
කානනකේලිකෞතුකජුෂාං ආයුඃ පරං ක්ෂීයතේ ॥ 3.14 ॥

භික්ෂාශතං තදපි නීරසං ඒකබාරං
ශය්යා ච භූඃ පරිජනෝ නිජදේහමාත්රම් ।
වස්ත්රං විශීර්ණශතඛංඩමයී ච කංථා
හා හා තථාපි විෂයා න පරිත්යජංති ॥ 3.15 ॥

ස්තනෞ මාංසග්රංථී කනකකලශාවිත්යුපමිතී
මුඛං ශ්ලේෂ්මාගාරං තදපි ච ශශාංකේන තුලිතම් ।
ස්රවන්මූත්රක්ලින්නං කරිවරශිරස්පර්ධි ජඝනං
මුහුර්නිංද්යං රූපං කවිජනවිශේෂෛර්ගුරුකෘතම් ॥ 3.16 ॥

ඒකෝ රාගිෂු රාජතේ ප්රියතමාදේහාර්ධහාරී හරෝ
නීරාගේෂු ජනෝ විමුක්තලලනාසංගෝ න යස්මාත්පරඃ ।
දුර්වාරස්මරබාණපන්නගවිෂව්යාබිද්ධමුග්ධෝ ජනඃ
ශේෂඃ කාමවිඩංබිතාන්න විෂයාන්භෝක්තුං න මෝක්තුං ක්ෂමඃ ॥ 3.17 ॥

අජානංදාහාත්ම්යං පතතු ශලභස්තීව්රදහනේ
ස මීනෝऽප්යජ්ඤානාද්බඩිශයුතං අශ්නාතු පිශිතම් ।
විජානංතෝऽප්යේතේ වයං ඉහ වියජ්ජාලජටිලාන්
න මුංචාමඃ කානාං අහහ ගහනෝ මෝහමහිමා ॥ 3.18 ॥

තෘෂා ශුෂ්යත්යාස්යේ පිබති සලිලං ශීතමධුරං
ක්ෂුධාර්තඃ ශාල්යන්නං කවලයති මාංසාදිකලිතම් ।
ප්රදීප්තේ කාමාග්නෞ සුදෘඪතරං ආලිංගති වධූං
ප්රතීකාරං ව්යාධඃ සුඛං ඉති විපර්යස්යති ජනඃ ॥ 3.19 ॥

තුංගං වේශ්ම සුතාඃ සතාං අභිමතාඃ සංඛ්යාතිගාඃ සංපදඃ
කල්යාණී දයිතා වයශ්ච නවං ඉත්යජ්ඤානමූඪෝ ජනඃ ।
මත්වා විශ්වං අනශ්වරං නිවිශතේ සංසාරකාරාගෘහේ
සංදෘශ්ය ක්ෂණභංගුරං තදඛිලං ධන්යස්තු සන්න්යස්යති ॥ 3.20 ॥

දීනා දීනමුඛෛඃ සදෛව ශිශුකෛරාකෘෂ්ටජීර්ණාංබරා
ක්රෝශද්භිඃ ක්ෂුධිතෛර්නිරන්නවිධුරා දෘශ්යා න චේද්ගේහිනී ।
යාච්ඤාභංගභයේන ගද්ගදගලත්රුට්යද්විලීනාක්ෂරං
කෝ දේහීති වදේත්ස්වදග්ධජඨරස්යාර්ථේ මනස්වී පුමාන් ॥ 3.21 ॥

අභිමතමහාමානග්රංථිප්රභේදපටීයසී
ගුරුතරගුණග්රාමාභෝජස්ඵුටෝජ්ජ්වලචංද්රිකා ।
විපුලවිලල්ලජ්ජාවල්ලීවිතානකුඨාරිකා
ජඨරපිඨරී දුස්පුරේයං කරෝති විඩංබනම් ॥ 3.22 ॥

පුණ්යේ ග්රාමේ වනේ වා මහති සිතපටච්ඡන්නපාලී කපාලිං
හ්යාදාය න්යායගර්භද්විජහුතහුතභුග්ධූමධූම්රෝපකංඨේ ।
ද්වාරං ද්වාරං ප්රවිෂ්ටෝ වරං උදරදරීපූරණාය ක්ෂුධාර්තෝ
මානී ප්රාණෛඃ සනාථෝ න පුනරනුදිනං තුල්යකුල්යේසු දීනඃ ॥ 3.23 ॥

ගංගාතරංගකණශීකරශීතලානි
විද්යාධරාධ්යුෂිතචාරුශිලාතලානි ।
ස්ථානානි කිං හිමවතඃ ප්රලයං ගතානි
යත්සාවමානපරපිංඩරතා මනුෂ්යාඃ ॥ 3.24 ॥

කිං කංදාඃ කංදරේභ්යඃ ප්රලයං උපගතා නිර්ඣරා වා ගිරිභ්යඃ
ප්රධ්වස්තා වා තරුභ්යඃ සරසගලභෘතෝ වල්කලින්යශ්ච ශාඛාඃ ।
වීක්ෂ්යංතේ යන්මුඛානි ප්රසභං අපගතප්රශ්රයාණාං ඛලානාං
දුඃඛාප්තස්වල්පවිත්තස්මයපවනවශානර්තිතභ්රූලතානි ॥ 3.25 ॥

පුණ්යෛර්මූලඵලෛස්තථා ප්රණයිනීං වෘත්තිං කුරුෂ්වාධුනා
භූශය්යාං නවපල්ලවෛරකෘපණෛරුත්තිෂ්ඨ යාවෝ වනම් ।
ක්ෂුද්රාණාං අවිවේකමූඪමනසාං යත්රේශ්වරාණාං සදා
විත්තව්යාධිවිකාරවිහ්වලගිරාං නාමාපි න ශ්රූයතේ ॥ 3.26 ॥

ඵලං ස්වේච්ඡාලභ්යං ප්රතිවනං අඛේදං ක්ෂිතිරුහාං
පයඃ ස්ථානේ ස්ථානේ ශිශිරමධුරං පුණ්යසරිතාම් ।
මෘදුස්පර්ශා ශය්යා සුලලිතලතාපල්ලවමයී
සහංතේ සංතාපං තදපි ධනිනාං ද්වාරි කෘපණාඃ ॥ 3.27 ॥

යේ වර්තංතේ ධනපතිපුරඃ ප්රාර්ථනාදුඃඛභාජෝ
යේ චාල්පත්වං දධති විෂයාක්ෂේපපර්යාප්තබුද්ධේඃ ।
තේෂාං අංතඃස්ඵුරිතහසිතං වාසරාණි ස්මරේයං
ධ්යානච්ඡේදේ ශිඛරිකුහරග්රාවශය්යානිෂණ්ණඃ ॥ 3.28 ॥

යේ සංතෝෂනිරංතරප්රමුදිතස්තේෂාං න භින්නා මුදෝ
යේ ත්වන්යේ ධනලුබ්ධසංකලධියස්තේසාං න තෘෂ්ණාහතා ।
ඉත්ථං කස්ය කෘතේ කුතඃ ස විධිනා කීදෘක්පදං සංපදාං
ස්වාත්මන්යේව සමාප්තහේමමහිමා මේරුර්න මේ රෝචතේ ॥ 3.29 ॥

භික්ෂාහාරං අදෛන්යං අප්රතිසුඛං භීතිච්ඡිදං සර්වතෝ
දුර්මාත්සර්යමදාභිමානමථනං දුඃඛෞඝවිධ්වංසනම් ।
සර්වත්රාන්වහං අප්රයත්නසුලභං සාධුප්රියං පාවනං
ශංභෝඃ සත්රං අවායං අක්ෂයනිධිං ශංසංති යෝගීශ්වරාඃ ॥ 3.30 ॥

භෝගේ රෝගභයං කුලේ ච්යුතිභයං විත්තේ නෘපාලාද්භයං
මානේ ධෛන්යභයං බලේ රිපුභයං රූපේ ජරාය භයම් ।
ශාස්ත්රේ වාදිභයං ගුණේ ඛලභයං කායේ කෘතාංතාද්භයං
සර්වං වස්තු භයාන්විතං භුවි නෘණාං වෛරාග්යමේවාභයම් ॥ 3.31 ॥

ආක්රාංතං මරණේන ජන්ම ජරසා චාත්යුජ්ජ්වලං යෞවනං
සංතෝෂෝ ධනලිප්සයා ශමමුඛං ප්රෞඪාංගනාවිභ්රමෛඃ ।
ලෝකෛර්මත්සරිභිර්ගුණා වනභුවෝ ව්යාලෛර්නෘපා දුර්ජනෛර්
අස්ථෛර්යේණ විභූතයෝऽප්යපහතා ග්රස්තං න කිං කේන වා ॥ 3.32 ॥

ආධිව්යාධිශතෛර්ජනස්ය විවිධෛරාරෝග්යං උන්මූල්යතේ
ලක්ෂ්මීර්යත්ර පතංති තත්ර විවෘතද්වාරා ඉව ව්යාපදඃ ।
ජාතං ජාතං අවශ්යං ආශු විවශං මෘත්යුඃ කරෝත්යාත්මසාත්
තත්කිං තේන නිරංකුශේන විධිනා යන්නිර්මිතං සුස්ථිරම් ॥ 3.33 ॥

භෝගාස්තුංගතරංගභංගතරලාඃ ප්රාණාඃ ක්ෂණධ්වංසිනඃ
ස්තෝකාන්යේව දිනානි යෞවනසුඛං ස්ඵූර්තිඃ ප්රියාසු ස්ථිතා ।
තත්සංසාරං අසාරං ඒව නිඛිලං බුද්ධ්වා බුධා බෝධකා
ලෝකානුග්රහපේශලේන මනසා යත්නඃ සමාධීයතාම් ॥ 3.34 ॥

භෝගා මේඝවිතානමධ්යවිලසත්සෞදාමිනීචංචලා
ආයුර්වායුවිඝට්ටිතාබ්ජපටලීලීනාංබුවද්භංගුරම් ।
ලීලා යෞවනලාලසාස්තනුභෘතාං ඉත්යාකලය්ය ද්රුතං
යෝගේ ධෛර්යසමාධිසිද්ධිසුලභේ බුද්ධිං විදධ්වං බුධාඃ ॥ 3.35 ॥

භෝගේ රෝගභයං කුලේ ච්යුතිභයං විත්තේ නෘපාලාද්භයං
මානේ දෛන්යභයං බලේ රිපුභයං රූපේ ජරායා භයම් ।
ශාස්ත්රේ වාදිභයං ගුණේ ඛලභයං කායේ කෘතාංතාද්භයං
සර්වං වස්තු භයාන්විතං භුවි නෘණාං වෛරාග්යමේවාභයං ॥ 3.36 ॥

කෘච්ඡ්රේණාමේධ්යමධ්යේ නියමිතතනුභිඃ ස්ථීයතේ ගර්භවාසේ
කාංතාවිශ්ලේෂදුඃඛව්යතිකරවිෂමෝ යෞවනේ චෝපභෝගඃ ।
වාමාක්ෂීණාං අවජ්ඤාවිහසිතවසතිර්වෘද්ධභාවෝऽන්යසාධුඃ
සංසාරේ රේ මනුෂ්යා වදත යදි සුඛං ස්වල්පං අප්යස්ති කිංචිථ් ॥ 3.37 ॥

ව්යාඝ්රීව තිෂ්ඨති ජරා පරිතර්ජයංතී
රෝගාශ්ච ශත්රව ඉව ප්රහරංති දේහම් ।
ආයුඃ පරිස්රවංති භින්නඝටාදිවාංභෝ
ලෝකස්තථාප්යහිතං ආචරතීති චිත්රම් ॥ 3.38 ॥

භෝගා භංගුරවෘත්තයෝ බහුවිධාස්තෛරේව චායං භවස්තත්
කස්යේහ කෘතේ පරිභ්රමත රේ ලෝකාඃ කෘතං චේෂ්ටතෛඃ ।
ආශාපාශශතාපශාංතිවිශදං චේතඃසමාධීයතාං
කාමෝත්පත්තිවශාත්ස්වධාමනි යදි ශ්රද්දේයං අස්මද්වචඃ ॥ 3.39 ॥

සඛේ ධන්යාඃ කේචිත්ත්රුටිතභවබංධව්යතිකරා
වනාංතේ චිත්තාංතර්විෂං අවිෂයාශීත්විෂගතාඃ ।
ශරච්චංද්රජ්යෝත්ස්නාධවලගගනාභෝගසුභගාං
නයංතේ යේ රාත්රිං සුකෘතචයචිංතෛකශරණාඃ ॥ 3.391 ॥

බ්රහ්මේංද්රාදිමරුද්ගණාංස්තෘණකණාන්යත්ර ස්ථිතෝ මන්යතේ
යත්ස්වාදාද්විරසා භවංති විභවාස්ත්රෛලෝක්යරාජ්යාදයඃ ।
භෝගඃ කෝऽපි ස ඒව ඒක පරමෝ නිත්යෝදිතෝ ජෘංභතේ
භෝඃ සාධෝ ක්ෂණභංගුරේ තදිතරේ භෝගේ රතිං මා කෘථාඃ ॥ 3.40 ॥

සා රම්යා නගරී මහාන්ස නෘපතිඃ සාමංතචක්රං ච තත්
පාර්ශ්වේ තස්ය ච සා විදග්ධපරිෂත්තාශ්චංද්රබිංබානනාඃ ।
උද්වෘත්තඃ ස රාජපුත්රනිවහස්තේ වංදිනස්තාඃ කථාඃ
සර්වං යස්ය වශාදගාත්ස්මෘතිපථං කාලාය තස්මෛ නමඃ ॥ 3.41 ॥

යත්රානේකඃ ක්වචිදපි ගෘහේ තත්ර තිෂ්ඨත්යථෛකෝ
යත්රාප්යේකස්තදනු බහවස්තත්ර නෛකෝऽපි චාංතේ ।
ඉත්ථං නයෞ රජනිදිවසෞ ලෝලයංද්වාවිවාක්ෂෞ
කාලඃ කල්යෝ භුවනඵලකේ ක්රඩති ප්රාණිශාරෛඃ ॥ 3.42 ॥

ආදිත්යස්ය ගතාගතෛරහරහඃ සංක්ෂීයතේ ජීවිතං
ව්යාපාරෛර්බහුකාර්යභාරගුරුභිඃ කාලෝऽපි න ජ්ඤායතේ ।
දෘෂ්ට්වා ජන්මජරාවිපත්තිමරණං ත්රාසශ්ච නෝත්පද්යතේ
පීත්වා මෝහමයීං ප්රමාදමදිරාං උන්මත්තභූතං ජගථ් ॥ 3.43 ॥

රාත්රිඃ සෛව පුනඃ ස ඒව දිවසෝ මත්වා මුධා ජංතවෝ
ධාවංත්යුද්යමිනස්තථෛව නිභෘතප්රාරබ්ධතත්තත්ක්රියාඃ ।
ව්යාපාරෛඃ පුනර්​උක්තභූතවිෂයෛරිත්ථං විධේනාමුනා
සංසාරේණ කදර්ථිතා වයං අහෝ මෝහාන්න ලජ්ජාමහේ ॥ 3.44 ॥

න ධ්යානං පදං ඊශ්වරස්ය විධිවත්සංසාරවිච්ඡිත්තයේ
ස්වර්ගද්වාරකපාටපාටනපටුර්ධර්මෝऽපි නෝපාර්ජිතඃ ।
නාරීපීනපයෝධරෝරුයුගලං ස්වප්නේऽපි නාලිංගිතං
මාතුඃ කේවලං ඒව යෞවනවනච්ඡේදේ කුඨාරා වයම් ॥ 3.45 ॥

නාභ්යස්තා ප්රතිවාදිවෘංදදමනී විද්යා විනීතෝචිතා
ඛඩ්ගාග්රෛඃ කරිකුංභපීඨදලනෛර්නාකං න නීතං යශඃ ।
කාංතාකෞම්​අලපල්ලවාධරරසඃ පීතෝ න චංද්රෝදයේ
තාරුණ්යං ගතං ඒව නිෂ්ඵලං අහෝ ශූන්යාලයේ දීපවථ් ॥ 3.46 ॥

විද්යා නාධිගතා කලංකරහිතා විත්තං ච නෝපාර්ජිතං
ශුශ්රූෂාපි සමාහිතේන මනසා පිත්රෝර්න සංපාදිතා ।
ආලෝලායතලෝචනාඃ ප්රියතමාඃ ස්වප්නේऽපි නාලිංගිතාඃ
කාලෝऽයං පරපිංඩලෝලුපතයා කාකෛරිව ප්රේර්යතේ ॥ 3.47 ॥

වයං යේභ්යෝ ජාතාශ්චිරපරිගතා ඒව ඛලු තේ
සමං යෛඃ සංවෘද්ධාඃ ස්මෘතිවිෂයතාං තේऽපි ගමිතාඃ ।
ඉදානීං ඒතේ ස්මඃ ප්රතිදිවසං ආසන්නපතනා
ගතාස්තුල්යාවස්ථාං සිකතිලනදීතීරතරුභිඃ ॥ 3.48 ॥

ආයුර්වර්ෂශතං න්’එ9ණාං පරිමිතං රාත්රෞ තද්​අර්ධං ගතං
තස්යාර්ධස්ය පරස්ය චාර්ධං අපරං බාලත්වවෘද්ධත්වයෝඃ ।
ශේෂං ව්යාධිවියෝගදුඃඛසහිතං සේවාදිභිර්නීයතේ
ජීවේ වාරිතරංගචංචලතරේ සෞඛ්යං කුතඃ ප්රාණිනාම් ॥ 3.49 ॥

ක්ෂණං බාලෝ භූත්වා ක්ෂණං පෛ යුවා කාමරසිකඃ
ක්ෂණං විත්තෛර්හීනඃ ක්ෂණං අපි ච සංපූර්ණවිභවඃ ।
ජරාජීර්ණෛරංගෛර්නට ඉව බලීමංඩිතතනූර්
නරඃ සංසාරාංතේ විශති යමධානීයවනිකාම් ॥ 3.50 ॥

ත්වං රාජා වයං අප්යුපාසිතගුරුප්රජ්ඤාභිමානෝන්නතාඃ
ඛ්යාතස්ත්වං විභවෛර්යශාංසි කවයෝ දික්ෂු ප්රතන්වංති නඃ ।
ඉත්ථං මානධනාතිදූරං උභයෝරප්යාවයෝරංතරං
යද්යස්මාසු පරාඞ්මුඛෝऽසි වයං අප්යේකාංතතෝ නිඃස්පෘහා ॥ 3.51 ॥

අර්ථානාං ඊශිෂේ ත්වං වයං අපි ච ගිරාං ඊශ්මහේ යාවදර්ථං
ශූරස්ත්වං වාදිදර්පව්යුපශමනවිධාවක්ෂයං පාටවං නඃ ।
සේවංතේ ත්වාං ධනාඪ්යා මතිමලහතයේමාං අපි ශ්රෝතුකාමාමය්ය්
අප්යාස්ථා න තේ චේත්ත්වයි මම නිතරාං ඒව රාජන්නනාස්ථා ॥ 3.52 ॥

වයං ඉහ පරිතුෂ්ටා වල්කලෛස්ත්වං දුකූලෛඃ
සම ඉහ පරිතෝෂෝ නිර්විශේෂෝ විශේෂඃ ।
ස තු භවතු දරිද්රෝ යස්ය තෘෂ්ණා විශාලා
මනසි ච පරිතුෂ්ටේ කෝऽර්ථවාන්කෝ දරිද්රඃ ॥ 3.53 ॥

ඵලං අලං අශනාය ස්වාදු පානාය තෝයං
ක්ෂිතිරපි ශයනාර්ථං වාසසේ වල්කලං ච ।
නවඝනමධුපානභ්රාංතසර්වේංද්රියාණාමවිනයම්
අනුමංතුං නෝත්සහේ දුර්ජනානාම් ॥ 3.54 ॥

අශ්නීමහි වයං භික්ෂාං ආශාවාසෝ වසීමහි ।
ශයීමහි මහීපෘෂ්ඨේ කුර්වීමහි කිං ඊශ්වරෛඃ ॥ 3.55 ॥

න නටා නා විටා න ගායකා න ච සභ්යේතරවාදචුංචවඃ ।
නෘපං ඊක්ෂිතුං අත්ර කේ වයං ස්තනභාරානමිතා න යෝෂිතඃ ॥ 3.56 ॥

විපුලහෘදයෛරීශෛරේතජ්ජගජ්ජනිතං පුරා
විධෘතං අපරෛර්දත්තං චාන්යෛර්විජිත්ය තෘණං යථා ।
ඉහ හි භුවනාන්යන්යෛර්ධීරාශ්චතුර්දශ භුංජතේ
කතිපයපුරස්වාම්යේ පුංසාං ක ඒෂ මදජ්වරඃ ॥ 3.57 ॥

අභුක්තායාං යස්යාං ක්ෂණං අපි න යාතං නෘපශතෛර්
ධුවස්තස්යා ලාභේ ක ඉව බහුමානඃ ක්ෂිතිභෘතාම් ।
තද්​අංශස්යාප්යංශේ තද්​අවයලේශේऽපි පතයෝ
විෂාදේ කර්තව්යේ විදධති ජඩාඃ ප්රත්යුත මුදම් ॥ 3.58 ॥

මෘත්පිංඩෝ ජලරේඛයා බලයතිඃ සර්වෝऽප්යයං නන්වණුඃ
ස්වාංශීකෘත්ය ස ඒව සංගරශතෛ රාජ්ඤාං ගණා භුංජතේ ।
යේ දද්යුර්දදතෝऽථවා කිං අපරං ක්ෂුද්රා දරිද්රං භෘශං
ධිග්ධික්තාන්පුරුෂාධමාංධනකණාන්වාංඡංති තේභ්යෝऽපි යේ ॥ 3.59 ॥

ස ජාතඃ කෝऽප්යාසීන්මදනරිපුණා මූර්ධ්නි ධවලං
කපාලං යස්යෝච්චෛර්විනිහිතං අලංකාරවිධයේ ।
නෘභිඃ ප්රාණත්රාණප්රවණමතිභිඃ කෛශ්චිදධුනා
නමද්භිඃ කඃ පුංසාං අයං අතුලදර්පජ්වරභරඃ ॥ 3.60 ॥

පරේෂාං චේතාංසි ප්රතිදිවසං ආරාධ්ය බහුධා
ප්රසාදං කිං නේතුං විශසි හෘදය ක්ලේශකලිතම් ।
ප්රසන්නේ ත්වය්යංතඃසවයමුදිතචිංතාමණිගණෝ
විවික්තඃ සංකල්පඃ කිං අභිලෂිතං පුෂ්යති න තේ ॥ 3.61 ॥

සත්යාං ඒව ත්රිලෝකීසරිති හරශිරශ්චුංබිනීවච්ඡටායාං
සද්වෘත්තිං කල්පයංත්යාං බටවිටපභවෛර්වල්කලෛඃ සත්ඵලෛශ්ච ।
කෝऽයං විද්වාන්විපත්තිජ්වරජනිතරුජාතීවදුඃඛාසිකානාං
වක්ත්රං වීක්ෂේත දුඃස්ථේ යදි හි න විභෘයාත්ස්වේ කුටුංබේऽනුකංපාම් ॥ 3.611 ॥

පරිභ්රමසි කිං මුධා ක්වචන චිත්ත විශ්රාම්යතාං
ස්වයං භවති යද්යථා භවති තත්තථා නාන්යථා ।
අතීතං අනනුස්මරන්නපි ච භාව්යසංකල්පයන්නතර්කිත
සමාගමානුභවාමි භෝගනාහම් ॥ 3.62 ॥

ඒතස්මාද්විරමේංද්රියාර්ථගහනාදායාසකාදාශ්රයශ්රේයෝ
මාර්ගං අශේෂදුඃඛශමනව්යාපාරදක්ෂං ක්ෂණාත් ।
ස්වාත්මීභාවං උපෛහි සංත්යජ නිජාං කල්ලෝලලෝලං ගතිං
මා භූයෝ භජ භංගුරාං භවරතිං චේතඃ ප්රසීදාධුනා ॥ 3.63 ॥

මෝහං මාර්ජය තාං උපාර්ජය රතිං චංද්රාර්ධචූඩාමණෞ
චේතඃ ස්වර්ගතරංගිණීතටභුවාං ආසංගං අංගීකුරු ।
කෝ වා වීචිෂු බුද්බුදේෂු ච තඩිල්ලේඛාසු ච ශ්රීෂු ච
ජ්වාලාග්රේෂු ච පන්නගේෂු සරිද්වේගේෂු ච චප්රත්යයඃ ॥ 3.64 ॥

චේතශ්චිංතය මා රමාං සකෘදිමාං අස්ථායිනීං ආස්ථයා
භූපාලභ්රුකුටීකුටීවිහරණව්යාපාරපණ්යාංගනාම් ।
කංථාකංචුකිනඃ ප්රවිශ්ය භවනද්වාරාණි වාරාණසීරථ්යා
පංක්තිෂු පාණිපාත්රපතිතාං භික්ෂාං අපේක්ෂාමහේ ॥ 3.65 ॥

අග්රේ ගීතං සරසකවයඃ පාර්ශ්වයෝර්දාක්ෂිණාත්යාඃ
පශ්චාල්ලීලාවලයරණිතං චාමරග්රාහිණීනාම් ।
යද්යස්ත්යේවං කුරු භවරසාස්වාදනේ ලංපටත්වං
නෝ චේච්චේතඃ ප්රවිශ සහසා නිර්විකල්පේ සමාධෞ ॥ 3.66 ॥

ප්රාප්තාඃ ශ්රියඃ සකලකාමදුධාස්තතඃ කිං
න්යස්තං පදං ශිරසි විද්විෂතාං තතඃ කිම් ।
සංපාදිතාඃ ප්රණයිනෝ විභවෛස්තතඃ කිං
කල්පං ස්ථිතාස්තනුභෘතාං තනවස්තතඃ කිම් ॥ 3.67 ॥

භක්තිර්භවේ මරණජන්මභයං හෘදිස්ථං
ස්නේහෝ න බංධුෂු න මන්මථජා විකාරාඃ ।
සංසර්ජ දෝෂරහිතා විජයා වනාංතා
වෛරාග්යං අස්ති කිං ඉතඃ පරමර්ථනීයම් ॥ 3.68 ॥

තස්මාදනංතං අජරං පරමං විකාසි
තද්බ්රහ්ම චිංතය කිං ඒභිරසද්විකල්පෛඃ ।
යස්යානුෂංගිණ ඉමේ භුවනාධිපත්යභෝගාදයඃ
කෘපණලෝකමතා භවංති ॥ 3.69 ॥

පාතාලං ආවිශසි යාසි නභෝ විලංඝ්ය
දිඞ්මංඩලං භ්රමසි මානස චාපලේන ।
භ්රාංත්යාපි ජාතු විමලං කථං ආත්මනීනං
න බ්රහ්ම සංසරසි විර්වෘතිමං ඒෂි යේන ॥ 3.70 ॥

කිං වේදෛඃ ස්මෘතිභිඃ පුරාණපඨනෛඃ ශාස්ත්රෛර්මහාවිස්තරෛඃ
ස්වර්ගග්රාමකුටීනිවාසඵලදෛඃ කර්මක්රියාවිභ්රමෛඃ ।
මුක්ත්වෛකං භවදුඃඛභාරරචනාවිධ්වංසකාලානලං
ස්වාත්මානංදපදප්රවේශකලනං ශේසෛර්වාණිග්වෘත්තිභිඃ ॥ 3.71 ॥

නායං තේ සමයෝ රහස්යං අධුනා නිද්රාති නාථෝ යදි
ස්ථිත්වා ද්රක්ෂ්යති කුප්යති ප්රභුරිති ද්වාරේෂු යේෂාං වචඃ ।
චේතස්තානපහාය යාහි භවනං දේවස්ය විශ්වේශිතුර්
නිර්දෞවාරිකනිර්දයෝක්ත්ය්​අපරුෂං නිඃසෞම්​අශර්මප්රදම් ॥ 3.711 ॥

යතෝ මේරුඃ ශ්රීමාන්නිපතති යුගාංතාග්නිවලිතඃ
සමුද්රාඃ ශුෂ්යංති ප්රචුරමකරග්රාහනිලයාඃ ।
ධරා ගච්ඡත්යංතං ධරණිධරපාදෛරපි ධෘතා
ශරීරේ කා වාර්තා කරිකලභකර්ණාග්රචපලේ ॥ 3.72 ॥

ගාත්රං සංකුචිතං ගතිර්විගලිතා භ්රෂ්ටා ච දංතාවලිර්
දෘෂ්ටිර්නක්ෂ්යති වර්ධතේ වධිරතා වක්ත්රං ච ලාලායතේ ।
වාක්යං නාද්රියතේ ච බාංධවජනෝ භාර්යා න ශුශ්රූෂතේ
හා කෂ්ටං පුරුෂස්ය ජීර්ණවයසඃ පුත්රෝऽප්යමිත්රායතේ ॥ 3.73 ॥

වර්ණං සිතං ශිරසි වීක්ෂ්ය ශිරෝරුහාණාං
ස්ථානං ජරාපරිභවස්ය තදා පුමාංසම් ।
ආරෝපිතාංස්ථිශතකං පරිහෘත්ය යාංති
චංඩාලකූපං ඉව දූරතරං තරුණ්යඃ ॥ 3.74 ॥

යාවත්ස්වස්ථං ඉදං ශරීරං අරුජං යාවච්ච දූරේ ජරා
යාවච්චේංද්රියශක්තිරප්රතිහතා යාවත්ක්ෂයෝ නායුෂඃ ।
ආත්මශ්රේයසි තාවදේව විදුෂා කාර්යඃ ප්රයත්නෝ මහාන්
සංදීප්තේ භවනේ තු කූපඛනනං ප්රත්යුද්යමඃ කීදෘශඃ ॥ 3.75 ॥

තපස්යංතඃ සංතඃ කිං අධිනිවසාමඃ සුරනදීං
ගුණෝදාරාංදාරානුත පරිචරාමඃ සවිනයම් ।
පිබාමඃ ශාස්ත්රෞඝානුතවිවිධකාව්යාමෘතරසාන්
න විද්මඃ කිං කුර්මඃ කතිපයනිමේෂායුෂි ජනේ ॥ 3.76 ॥

දුරාරාධ්යාශ්චාමී තුරගචලචිත්තාඃ ක්ෂිතිභුජෝ
වයං තු ස්ථූලේච්ඡාඃ සුමහති ඵලේ බද්ධමනසඃ ।
ජරා දේහං මෘත්යුර්හරති දයිතං ජීවිතං ඉදං
සඛේ නාන්යච්ඡ්රේයෝ ජගති විදුෂේऽන්යත්ර තපසඃ ॥ 3.77 ॥

මානේ ම්ලායිනි ඛංඩිතේ ච වසුනි ව්යර්ථේ ප්රයාතේऽර්ථිනි
ක්ෂීණේ බංධුජනේ ගතේ පරිජනේ නෂ්ටේ ශනෛර්යෞවනේ ।
යුක්තං කේවලං ඒතදේව සුධියාං යජ්ජහ්නුකන්යාපයඃපූතාග්රාව
ගිරීංද්රකංදරතටීකුංජේ නිවාසඃ ක්වචිථ් ॥ 3.78 ॥

රම්යාශ්චංද්රමරීචයස්තෘණවතී රම්යා වනාංතස්ථලී
රම්යං සාධුසමාගමාගතසුඛං කාව්යේෂු රම්යාඃ කථාඃ ।
කෝපෝපාහිතබාෂ්පබිංදුතරලං රම්යං ප්රියායා මුඛං
සර්වං රම්යං අනිත්යතාං උපගතේ චිත්තේ න කිංචිත්පුනඃ ॥ 3.79 ॥

රම්යං හර්ම්යතලං න කිං වසතයේ ශ්රව්යං න ගේයාදිකං
කිං වා ප්රාණසමාසමාගමසුඛං නෛවාධිකප්රීතයේ ।
කිංතු භ්රාංතපතංගක්ෂපවනව්යාලෝලදීපාංකුරච්ඡායා
චංචලං ආකලය්ය සකලං සංතෝ වනාංතං ගතාඃ ॥ 3.80 ॥

ආ සංසාරාත්ත්රිභුවනං ඉදං චින්වතාං තාත්තාදෘඞ්නෛවාස්මාකං
නයනපදවීං ශ්රෝත්රමාර්ගං ගතෝ වා ।
යෝऽයං ධත්තේ විෂයකරිණෝ ගාඪගූඪාභිමානක්ෂීවස්යාංතඃ
කරණකරිණඃ සංයමාලානලීලාම් ॥ 3.81 ॥

යදේතත්ස්වච්ඡංදං විහරණං අකාර්පණ්යං අශනං
සහාර්යෛඃ සංවාසඃ ශ්රුතං උපශමෛකව්රතඵලම් ।
මනෝ මංදස්පංදං බහිරපි චිරස්යාපි විමෘශන්න
ජානේ කස්යෛෂා පරිණතිරුදාරස්ය තපසඃ ॥ 3.82 ॥

ජීර්ණා ඒව මනෝරථාශ්ච හෘදයේ යාතං ච තද්යෞවනං
හංතාංගේෂු ගුණාශ්බංධ්යඵලතාං යාතා ගුණජ්ඤෛර්විනා ।
කිං යුක්තං සහසාභ්යුපෛති බලවාන්කාලඃ කෘතාංතෝऽක්ෂමී
හා ජ්ඤාතං මදනාංතකාංඝ්රියුගලං මුක්ත්වාස්ති නාන්යෝ ගතිඃ ॥ 3.83 ॥

මහේශ්වරේ වා ජගතාං අධීශ්වරේ
ජනාර්දනේ වා ජගද්​අංතරාත්මනි ।
න වස්තුභේදප්රතිපත්තිරස්ති මේ
තථාපි භක්තිස්තරුණේංදුශේඛරේ ॥ 3.84 ॥

ස්ඵුරත්ස්ඵාරජ්යෝත්ස්නාධවලිතතලේ ක්වාපි පුලිනේ
සුඛාසීනාඃ ශාංතධ්වංතිසු රජනීෂු ද්යුසරිතඃ ।
භවාභෝගෝද්විග්නාඃ ශිව ශිව ශිවේත්යුච්චවචසඃ
කදා යාස්යාමෝऽතර්ගතබහුලබාෂ්පාකුලදශාම් ॥ 3.85 ॥

මහාදේවෝ දේවඃ සරිදපි ච සෛෂා සුරසරිද්ගුහා
ඒවාගාරං වසනං අපි තා ඒව හරිතඃ ।
සුහෘදා කාලෝऽයං ව්රතං ඉදං අදෛන්යව්රතං ඉදං
කියද්වා වක්ෂ්යාමෝ වටවිටප ඒවාස්තු දයිතා ॥ 3. ॥

විතීර්ණේ සර්වස්වේ තරුණකරුණාපූර්ණහෘදයාඃ
ස්මරංතඃ සංසාරේ විගුණපරිණාමාං විධිගතිම් ।
වයං පුණ්යාරණ්යේ පරිණතශරච්චංද්රකිරණාස්
ත්රියාමා නේස්යාමෝ හරචරණචිංතෛකශරණාඃ ॥ 3.86 ॥

කදා වාරාණස්යාං අමරතටිනීරෝධසි වසන්
වසානඃ කෞපීනං ශිරසි නිදධානෝऽංජලිපුටම් ।
අයේ ගෞරීනාථ ත්රිපුරහර ශංභෝ ත්රිනයන
ප්රසීදේත්යාක්රෝශන්නිමිෂං ඉව නේෂ්යාමි දිවසාන් ॥ 3.87 ॥

උද්යානේෂු විචිත්රභෝජනවිධිස්තීව්රාතිතීව්රං තපඃ
කෞපීනාවරණං සුවස්ත්රං අමිතං භික්ෂාටනං මංඩනම් ।
ආසන්නං මරණං ච මංගලසමං යස්යාං සමුත්පද්යතේ
තාං කාශීං පරිහෘත්ය හංත විබුධෛරන්යත්ර කිං ස්ථීයතේ ॥ 3. ॥

ස්නාත්වා ගාංගෛඃ පයෝභිඃ ශුචිකුසුමඵලෛරර්චයිත්වා විභෝ ත්වා
ධ්යේයේ ධ්යානං නිවේශ්ය ක්ෂිතිධරකුහරග්රාවපර්යංකමූලේ ।
ආත්මාරාමඃ ඵලාශී ගුරුවචනරතස්ත්වත්ප්රසාදාත්ස්මරාරේ
දුඃඛං මෝක්ෂ්යේ කදාහං සමකරචරණේ පුංසි සේවාසමුත්ථම් ॥ 3.88 ॥

ඒකාකී නිඃස්පෘහඃ ශාංතඃ පාණිපාත්රෝ දිගංබරඃ ।
කදා ශංභෝ භවිෂ්යාමි කර්මනිර්මූලනක්ෂමඃ ॥ 3.89 ॥

පාණිං පාත්රයතාං නිසර්ගශුචිනා භෛක්ෂේණ සංතුෂ්යතාං
යත්ර ක්වාපි නිෂීදතාං බහුතෘණං විශ්වං මුහුඃ පශ්යතාම් ।
අත්යාගේऽපි තනෝරඛංඩපරමානංදාවබෝධස්පෘශා
මධ්වා කෝऽපි ශිවප්රසාදසුලභඃ සංපත්ස්යතේ යෝගිනාම් ॥ 3.90 ॥

කෞපීනං ශතඛංඩජර්ජරතරං කංථා පුනස්තාදෘශී
නෛශ්චිංත්යං නිරපේක්ෂභෛක්ෂ්යං අශනං නිද්රා ශ්මශානේ වනේ ।
ස්වාතංත්ර්යේණ නිරංකුශං විහරණං ස්වාංතං ප්රශාංතං සදා
ස්ථෛර්යං යෝගමහෝත්සවේऽපි ච යදි ත්රෛලෝක්යරාජ්යේන කිම් ॥ 3.91 ॥

බ්රහ්මාංඩං මංඩලීමාත්රං කිං ලෝභාය මනස්විනඃ ।
ශඵරීස්ඵුර්තේනාබ්ධිඃ ක්ෂුබ්ධෝ න ඛලු ජායතේ ॥ 3.92 ॥

මාතර්ලක්ෂ්මි භජස්ව කංචිදපරං මත්කාංක්ෂිණී මා ස්ම භූර්
භෝගේෂු ස්පෘහයාලවස්තව වශේ කා නිඃස්පෘහාණාං අසි ।
සද්යඃ ස්යූතපලාශපත්රපුටිකාපාත්රෛඃ පවිත්රීකෘතෛර්
භික්ෂාවස්තුභිරේව සංප්රති වයං වෘත්තිං සමීහාමහේ ॥ 3.93 ॥

මහාශය්යා පෘථ්වී විපුලං උපධානං භුජලතාං
විතානං චාකාශං ව්යජනං අනුකූලෝऽයං අනිලඃ ।
ශරච්චංද්රෝ දීපෝ විරතිවනිතාසංගමුදිතඃ
සුඛී ශාංතඃ ශේතේ මුනිරතනුභූතිර්නෘප ඉව ॥ 3.94 ॥

භික්ෂාසී ජනමධ්යසංගරහිතඃ ස්වායත්තචේෂ්ටඃ සදා
හානාදානවිරක්තමාර්ගනිරතඃ කශ්චිත්තපස්වී ස්ථිතඃ ।
රථ්යාකීර්ණවිශීර්ණජීර්ණවසනඃ සංප්රාප්තකංථාසනෝ
නිර්මානෝ නිරහංකෘතිඃ ශමසුඛාභෝගෛකබද්ධස්පෘහඃ ॥ 3.95 ॥

චංඩාලඃ කිං අයං ද්විජාතිරථවා ශූද්රෝऽථ කිං තාපසඃ
කිං වා තත්ත්වවිවේකපේශලමතිර්යෝගීශ්වරඃ කෝऽපි කිම් ।
ඉත්යුත්පන්නවිකල්පජල්පමුඛරෛරාභාෂ්යමාණා ජනෛර්
න ක්රුද්ධාඃ පථි නෛව තුෂ්ටමනසෝ යාංති ස්වයං යෝගිනඃ ॥ 3.96 ॥

හිංසාශූන්යං අයත්නලභ්යං අශනං ධාත්රා මරුත්කල්පිතං
ව්යාලානං පශවස්තෘණාංකුරභුජස්තුෂ්ටාඃ ස්ථලීශායිනඃ ।
සංසාරාර්ණවලංඝනක්ෂමධියාං වෘත්තිඃ කෘතා සා නෘණාං
තාං අන්වේෂයතාං ප්රයාංති සතතං සර්වං සමාප්තිං ගුණාඃ ॥ 3.97 ॥

ගංගාතීරේ හිමගිරිශිලාබද්ධපද්මාසනස්ය
බ්රහ්මධ්යානාභ්යසනවිධිනා යෝගනිද්රාං ගතස්ය ।
කිං තෛර්භාව්යං මම සුදිවසෛර්යත්ර තේ නිර්විශංකාඃ
කංඩූයංතේ ජරඨහරිණාඃ ස්වාංගං අංගේ මදීයේ ॥ 3.98 ॥

ජීර්ණාඃ කංථා තතඃ කිං සිතං අමලපටං පට්ටසූත්රං තතඃ කිං
ඒකා භාර්යා තතඃ කිං හයකරිසුගණෛරාවෘතෝ වා තතඃ කිම් ।
භක්තං භුක්තං තතඃ කිං කදශනං අථවා වාසරාංතේ තතඃ කිං
ව්යක්තජ්යෝතිර්න වාංතර්මථිතභවභයං වෛභවං වා තතඃ කිම් ॥ 3. ॥

පාණිඃ පාත්රං පවිත්රං භ්රමණපරිගතං භෛක්ෂ්යං අක්ෂය්යං අන්නං
විස්තීර්ණං වස්ත්රං ආශාදශකං අචපලං තල්පං අස්වල්පං උර්වීම් ।
යේෂාං නිඃසංගතාංගීකරණපරිණතස්වාංතසංතෝෂිණස්තේ
ධන්යාඃ සංන්යස්තදෛන්යව්යතිකරනිකරාඃ කර්ම නිර්මූලයංති ॥ 3.99 ॥

ත්රෛලෝක්යාධිපතිත්වං ඒව විරසං යස්මින්මහාශාසනේ
තල්ලබ්ධ්වාසනවස්ත්රමානඝටනේ භෝගේ රතිං මා කෘථාඃ ।
භෝගඃ කෝऽපි ස ඒක ඒව පරමෝ නිත්යෝදිතා ජෘංභනේ
යත්ස්වාදාද්විරසා භවංති විසයාස්ත්රෛලෝක්යරාජ්යාදයඃ ॥ 3.991 ॥

මාතර්මේදිනි තාත මාරුති සඛේ තේජඃ සුබංධෝ ජල
භ්රාතර්ව්යෞම්​අ නිබද්ධ ඒෂ භවතාං අංත්යඃ ප්රණාමාංජලිඃ ।
යුෂ්මත්සංගවශෝපජාතසුකෘතස්ඵාරස්ඵුරන්නිර්මලජ්ඤානාපාස්ත
සමස්තමෝහමහිමා ලීනේ පරබ්රහ්මණි ॥ 3.100 ॥

ශය්යා ශෛලශිලාගෘහං ගිරිගුහා වස්ත්රං තරුණාං ත්වචඃ
සාරංගාඃ සුහෘදෝ නනු ක්ෂිතිරුහාං වෘත්තිඃ ඵලෛඃ කෞම්​අලෛඃ ।
යේසාං නිර්ඣරං අංබුපානං උචිතං රත්යෛ තු විද්යාංගනා
මන්යේ තේ පරමේශ්වරාඃ ශිරසි යරි බද්ධෝ න සේවාංජලිඃ ॥ 3.1001 ॥

ධෛර්යං යස්ය පිතා ක්ෂමා ච ජනනී ශාංතිශ්චිරං ගේහිනී
සත්යං මිත්රං ඉදං දයා ච භගිනී භ්රාතා මනඃසංයමඃ ।
ශය්යා භූමිතලං දිශෝऽපි වසනං ජ්ඤානාමෘතං භෝජනං
හ්යේතේ යස්ය කුටුංබිනෝ වද සඛේ කස්මාද්භයං යෝගිනඃ ॥ 3.1002 ॥

අහෝ වා හාරේ වා බලවති රිපෞ වා සුහෘදි වා
මණෞ වා ලෝෂ්ඨේ වා කුසුමශයනේ වා දෘෂදි වා ।
තෘණේ වා ස්ත්රෛණේ වා මම සමදෘශෝ යාංති දිවසාඃ
ක්වචිත්පුණ්යාරණ්යේ ශිව ශිව ශිවේති ප්රලපතඃ ॥ 3.1003 ॥

bhartruhari sataka trisati vairaagya satakam in sinhala