ශ්රීමද්භගවද්ගීතා පාරායණ – දශමෝऽධ්යායඃ

bhagavadgita parayana chapter 10 in sinhala

ඕං ශ්රීපරමාත්මනේ නමඃ
අථ දශමෝऽධ්යායඃ
විභූතියෝගඃ

ශ්රී භගවානුවාච
භූය ඒව මහාබාහෝ ශෘණු මේ පරමං වචඃ ।
යත්තේऽහං ප්රීයමාණාය වක්ෂ්යාමි හිතකාම්යයා ॥1॥

න මේ විදුඃ සුරගණාඃ ප්රභවං න මහර්ෂයඃ ।
අහමාදිර්හි දේවානාං මහර්ෂීණාං ච සර්වශඃ ॥2॥

යෝ මාමජමනාදිං ච වේත්ති ලෝකමහේශ්වරම් ।
අසම්මූඪඃ ස මර්ත්යේෂු සර්වපාපෛඃ ප්රමුච්යතේ ॥3॥

බුද්ධිර්ජ්ඤානමසම්මෝහඃ ක්ෂමා සත්යං දමඃ ශමඃ ।
සුඛං දුඃඛං භවෝऽභාවඃ භයං චාභයමේව ච ॥4॥

අහිංසා සමතා තුෂ්ටිඃ තපෝ දානං යශෝऽයශඃ ।
භවංති භාවා භූතානාං මත්ත ඒව පෘථග්විධාඃ ॥5॥

මහර්ෂයඃ සප්ත පූර්වේ චත්වාරෝ මනවස්තථා ।
මද්භාවා මානසා ජාතාඃ යේෂාං ලෝක ඉමාඃ ප්රජාඃ ॥6॥

ඒතාං විභූතිං යෝගං ච මම යෝ වේත්ති තත්ත්වතඃ ।
සෝऽවිකංපේන යෝගේන යුජ්යතේ නාත්ර සංශයඃ ॥7॥

අහං සර්වස්ය ප්රභවඃ මත්තඃ සර්වං ප්රවර්තතේ ।
ඉති මත්වා භජංතේ මාං බුධා භාවසමන්විතාඃ ॥8॥

මච්චිත්තා මද්ගතප්රාණාඃ බෝධයංතඃ පරස්පරම් ।
කථයංතශ්ච මාං නිත්යං තුෂ්යංති ච රමංති ච ॥9॥

තේෂාං සතතයුක්තානාං භජතාං ප්රීතිපූර්වකම් ।
දදාමි බුද්ධියෝගං තං යේන මාමුපයාංති තේ ॥10॥

තේෂාමේවානුකංපාර්ථම් අහමජ්ඤානජං තමඃ ।
නාශයාම්යාත්මභාවස්ථඃ ජ්ඤානදීපේන භාස්වතා ॥11॥

අර්ජුන උවාච –
පරං බ්රහ්ම පරං ධාම පවිත්රං පරමං භවාන් ।
පුරුෂං ශාශ්වතං දිව්යම් ආදිදේවමජං විභුම් ॥12॥

ආහුස්ත්වාමෘෂයඃ සර්වේ දේවර්ෂිර්නාරදස්තථා ।
අසිතෝ දේවලෝ ව්යාසඃ ස්වයං චෛව බ්රවීෂි මේ ॥13॥

සර්වමේතදෘතං මන්යේ යන්මාං වදසි කේශව ।
න හි තේ භගවන්ව්යක්තිං විදුර්දේවා න දානවාඃ ॥14॥

ස්වයමේවාත්මනාऽऽත්මානං වේත්ථ ත්වං පුරුෂෝත්තම ।
භූතභාවන භූතේශ දේවදේව ජගත්පතේ ॥15॥

වක්තුමර්හස්යශේෂේණ දිව්යා හ්යාත්මවිභූතයඃ ।
යාභිර්විභූතිභිර්ලෝකාන් ඉමාංස්ත්වං ව්යාප්ය තිෂ්ඨසි ॥16॥

කථං විද්යාමහං යෝගින් ත්වාං සදා පරිචිංතයන් ।
කේෂු කේෂු ච භාවේෂු චිංත්යෝऽසි භගවන්මයා ॥17॥

විස්තරේණාත්මනෝ යෝගං විභූතිං ච ජනාර්දන ।
භූයඃ කථය තෘප්තිර්හි ශෘණ්වතෝ නාස්ති මේऽමෘතම් ॥18॥

ශ්රී භගවානුවාච –
හංත තේ කථයිෂ්යාමි දිව්යා හ්යාත්මවිභූතයඃ ।
ප්රාධාන්යතඃ කුරුශ්රේෂ්ඨ නාස්ත්යංතෝ විස්තරස්ය මේ ॥19॥

අහමාත්මා ගුඩාකේශ සර්වභූතාශයස්ථිතඃ ।
අහමාදිශ්ච මධ්යං ච භූතානාමංත ඒව ච ॥20॥

ආදිත්යානාමහං විෂ්ණුඃ ජ්යෝතිෂාං රවිරංශුමාන් ।
මරීචිර්මරුතාමස්මි නක්ෂත්රාණාමහං ශශී ॥21॥

වේදානාං සාමවේදෝऽස්මි දේවානාමස්මි වාසවඃ ।
ඉංද්රියාණාං මනශ්චාස්මි භූතානාමස්මි චේතනා ॥22॥

රුද්රාණාං ශංකරශ්චාස්මි විත්තේශෝ යක්ෂරක්ෂසාම් ।
වසූනාං පාවකශ්චාස්මි මේරුඃ ශිඛරිණාමහම් ॥23॥

පුරෝධසාං ච මුඛ්යං මාං විද්ධි පාර්ථ බෘහස්පතිම් ।
සේනානීනාමහං ස්කංදඃ සරසාමස්මි සාගරඃ ॥24॥

මහර්ෂීණාං භෘගුරහං ගිරාමස්ම්යේකමක්ෂරම් ।
යජ්ඤානාං ජපයජ්ඤෝऽස්මි ස්ථාවරාණාං හිමාලයඃ ॥25॥

අශ්වත්ථඃ සර්වවෘක්ෂාණාං දේවර්ෂීණාං ච නාරදඃ ।
ගංධර්වාණාං චිත්රරථඃ සිද්ධානාං කපිලෝ මුනිඃ ॥26॥

උච්චෛඃ ශ්රවසමශ්වානාං විද්ධි මාමමෘතෝද්භවම් ।
ඓරාවතං ගජේංද්රාණාං නරාණාං ච නරාධිපම් ॥27॥

ආයුධානාං අහං වජ්රං ධේනූනාමස්මි කාමධුක් ।
ප්රජනශ්චාස්මි කංදර්පඃ සර්පාණාමස්මි වාසුකිඃ ॥28॥

අනංතශ්චාස්මි නාගානාං වරුණෝ යාදසාමහම් ।
පිතॄණාමර්යමා චාස්මි යමඃ සංයමතාමහම් ॥29॥

ප්රහ්ලාදශ්චාස්මි දෛත්යානාං කාලඃ කලයතාමහම් ।
මෘගාණාං ච මෘගේංද්රෝऽහං වෛනතේයශ්ච පක්ෂිණාම් ॥30॥

පවනඃ පවතාමස්මි රාමඃ ශස්ත්රභෘතාමහම් ।
ඣෂාණාං මකරශ්චාස්මි ස්රෝතසාමස්මි ජාහ්නවී ॥31॥

සර්ගාණාමාදිරංතශ්ච මධ්යං චෛවාහමර්ජුන ।
අධ්යාත්මවිද්යා විද්යානාං වාදඃ ප්රවදතාමහම් ॥32॥

අක්ෂරාණාමකාරෝऽස්මි ද්වංද්වඃ සාමාසිකස්ය ච ।
අහමේවාක්ෂයඃ කාලඃ ධාතාऽහං විශ්වතෝමුඛඃ ॥33॥

මෘත්යුඃ සර්වහරශ්චාහම් උද්භවශ්ච භවිෂ්යතාම් ।
කීර්තිඃ ශ්රීර්වාක්ච නාරීණාං ස්මෘතිර්මේධා ධෘතිඃ ක්ෂමා ॥34॥

බෘහත්සාම තථා සාම්නාං ගායත්රී ඡංදසාමහම් ।
මාසානාං මාර්ගශීර්ෂෝऽහම් ඍතූනාං කුසුමාකරඃ ॥35॥

ද්යූතං ඡලයතාමස්මි තේජස්තේජස්විනාමහම් ।
ජයෝऽස්මි ව්යවසායෝऽස්මි සත්ත්වං සත්ත්වවතාමහම් ॥36॥

වෘෂ්ණීනාං වාසුදේවෝऽස්මි පාංඩවානාං ධනංජයඃ ।
මුනීනාමප්යහං ව්යාසඃ කවීනාමුශනා කවිඃ ॥37॥

දංඩෝ දමයතාමස්මි නීතිරස්මි ජිගීෂතාම් ।
මෞනං චෛවාස්මි ගුහ්යානාං ජ්ඤානං ජ්ඤානවතාමහම් ॥38॥

යච්චාපි සර්වභූතානාං බීජං තදහමර්ජුන ।
න තදස්ති විනා යත්ස්යාත් මයා භූතං චරාචරම් ॥39॥

නාංතෝऽස්ති මම දිව්යානාං විභූතීනාං පරංතප ।
ඒෂ තූද්දේශතඃ ප්රෝක්තඃ විභූතේර්විස්තරෝ මයා ॥40॥

යද්යද්විභූතිමත්සත්ත්වං ශ්රීමදූර්ජිතමේව වා ।
තත්තදේවාවගච්ඡ ත්වං මම තේජෝऽම්ශසංභවම් ॥41॥

අථවා බහුනෛතේන කිං ජ්ඤාතේන තවාර්ජුන ।
විෂ්ටභ්යාහමිදං කෘත්ස්නම් ඒකාංශේන ස්ථිතෝ ජගත් ॥42॥

॥ ඕං තත්සදිති ශ්රීමද්භගවද්ගීතාසු උපනිෂත්සු බ්රහ්මවිද්යායාං
යෝගශාස්ත්රේ ශ්රීකෘෂ්ණාර්ජුනසංවාදේ විභූතියෝගෝ නාම දශමෝऽධ්යායඃ ॥

bhagavadgita parayana chapter 10 in sinhala