අෂ්ටාවක්ර ගීතා පංචදශෝऽධ්යායඃ

ashtavakra gita chapter 15 in sinhala

අෂ්ටාවක්ර උවාච ॥

යථාතථෝපදේශේන කෘතාර්ථඃ සත්ත්වබුද්ධිමාන් ।
ආජීවමපි ජිජ්ඤාසුඃ පරස්තත්ර විමුහ්යති ॥ 15-1॥

මෝක්ෂෝ විෂයවෛරස්යං බංධෝ වෛෂයිකෝ රසඃ ।
ඒතාවදේව විජ්ඤානං යථේච්ඡසි තථා කුරු ॥ 15-2॥

වාග්මිප්රාජ්ඤාමහෝද්යෝගං ජනං මූකජඩාලසම් ।
කරෝති තත්ත්වබෝධෝऽයමතස්ත්යක්තෝ බුභුක්ෂභිඃ ॥ 15-3॥

න ත්වං දේහෝ න තේ දේහෝ භෝක්තා කර්තා න වා භවාන් ।
චිද්රූපෝऽසි සදා සාක්ෂී නිරපේක්ෂඃ සුඛං චර ॥ 15-4॥

රාගද්වේෂෞ මනෝධර්මෞ න මනස්තේ කදාචන ।
නිර්විකල්පෝऽසි බෝධාත්මා නිර්විකාරඃ සුඛං චර ॥ 15-5॥

සර්වභූතේෂු චාත්මානං සර්වභූතානි චාත්මනි ।
විජ්ඤාය නිරහංකාරෝ නිර්මමස්ත්වං සුඛී භව ॥ 15-6॥

විශ්වං ස්ඵුරති යත්රේදං තරංගා ඉව සාගරේ ।
තත්ත්වමේව න සංදේහශ්චින්මූර්තේ විජ්වරෝ භව ॥ 15-7॥

ශ්රද්ධස්ව තාත ශ්රද්ධස්ව නාත්ර මෝහං කුරුෂ්ව භෝඃ ।
ජ්ඤානස්වරූපෝ භගවානාත්මා ත්වං ප්රකෘතේඃ පරඃ ॥ 15-8॥

ගුණෛඃ සංවේෂ්ටිතෝ දේහස්තිෂ්ඨත්යායාති යාති ච ।
ආත්මා න ගංතා නාගංතා කිමේනමනුශෝචසි ॥ 15-9॥

දේහස්තිෂ්ඨතු කල්පාංතං ගච්ඡත්වද්යෛව වා පුනඃ ।
ක්ව වෘද්ධිඃ ක්ව ච වා හානිස්තව චින්මාත්රරූපිණඃ ॥ 15-10॥

ත්වය්යනංතමහාංභෝධෞ විශ්වවීචිඃ ස්වභාවතඃ ।
උදේතු වාස්තමායාතු න තේ වෘද්ධිර්න වා ක්ෂතිඃ ॥ 15-11॥

තාත චින්මාත්රරූපෝऽසි න තේ භින්නමිදං ජගත් ।
අතඃ කස්ය කථං කුත්ර හේයෝපාදේයකල්පනා ॥ 15-12॥

ඒකස්මින්නව්යයේ ශාංතේ චිදාකාශේऽමලේ ත්වයි ।
කුතෝ ජන්ම කුතෝ කර්ම කුතෝऽහංකාර ඒව ච ॥ 15-13॥

යත්ත්වං පශ්යසි තත්රෛකස්ත්වමේව ප්රතිභාසසේ ।
කිං පෘථක් භාසතේ ස්වර්ණාත් කටකාංගදනූපුරම් ॥ 15-14॥

අයං සෝऽහමයං නාහං විභාගමිති සංත්යජ ।
සර්වමාත්මේති නිශ්චිත්ය නිඃසංකල්පඃ සුඛී භව ॥ 15-15॥

තවෛවාජ්ඤානතෝ විශ්වං ත්වමේකඃ පරමාර්ථතඃ ।
ත්වත්තෝऽන්යෝ නාස්ති සංසාරී නාසංසාරී ච කශ්චන ॥ 15-16॥

භ්රාංතිමාත්රමිදං විශ්වං න කිංචිදිති නිශ්චයී ।
නිර්වාසනඃ ස්ඵූර්තිමාත්රෝ න කිංචිදිව ශාම්යති ॥ 15-17॥

ඒක ඒව භවාංභෝධාවාසීදස්ති භවිෂ්යති ।
න තේ බංධෝऽස්ති මෝක්ෂෝ වා කෘතකෘත්යඃ සුඛං චර ॥ 15-18॥

මා සංකල්පවිකල්පාභ්යාං චිත්තං ක්ෂෝභය චින්මය ।
උපශාම්ය සුඛං තිෂ්ඨ ස්වාත්මන්යානංදවිග්රහේ ॥ 15-19॥

ත්යජෛව ධ්යානං සර්වත්ර මා කිංචිද් හෘදි ධාරය ।
ආත්මා ත්වං මුක්ත ඒවාසි කිං විමෘශ්ය කරිෂ්යසි ॥ 15-20॥

ashtavakra gita chapter 15 in sinhala