অষ্টাবক্র গীতা পংচদশোঽধ্যাযঃ

ashtavakra gita chapter 15 in assamese

অষ্টাবক্র উবাচ ॥

যথাতথোপদেশেন কৃতার্থঃ সত্ত্ববুদ্ধিমান্ ।
আজীবমপি জিজ্ঞাসুঃ পরস্তত্র বিমুহ্যতি ॥ 15-1॥

মোক্ষো বিষযবৈরস্যং বংধো বৈষযিকো রসঃ ।
এতাবদেব বিজ্ঞানং যথেচ্ছসি তথা কুরু ॥ 15-2॥

বাগ্মিপ্রাজ্ঞামহোদ্যোগং জনং মূকজডালসম্ ।
করোতি তত্ত্ববোধোঽযমতস্ত্যক্তো বুভুক্ষভিঃ ॥ 15-3॥

ন ত্বং দেহো ন তে দেহো ভোক্তা কর্তা ন বা ভবান্ ।
চিদ্রূপোঽসি সদা সাক্ষী নিরপেক্ষঃ সুখং চর ॥ 15-4॥

রাগদ্বেষৌ মনোধর্মৌ ন মনস্তে কদাচন ।
নির্বিকল্পোঽসি বোধাত্মা নির্বিকারঃ সুখং চর ॥ 15-5॥

সর্বভূতেষু চাত্মানং সর্বভূতানি চাত্মনি ।
বিজ্ঞায নিরহংকারো নির্মমস্ত্বং সুখী ভব ॥ 15-6॥

বিশ্বং স্ফুরতি যত্রেদং তরংগা ইব সাগরে ।
তত্ত্বমেব ন সংদেহশ্চিন্মূর্তে বিজ্বরো ভব ॥ 15-7॥

শ্রদ্ধস্ব তাত শ্রদ্ধস্ব নাত্র মোহং কুরুষ্ব ভোঃ ।
জ্ঞানস্বরূপো ভগবানাত্মা ত্বং প্রকৃতেঃ পরঃ ॥ 15-8॥

গুণৈঃ সংবেষ্টিতো দেহস্তিষ্ঠত্যাযাতি যাতি চ ।
আত্মা ন গংতা নাগংতা কিমেনমনুশোচসি ॥ 15-9॥

দেহস্তিষ্ঠতু কল্পাংতং গচ্ছত্বদ্যৈব বা পুনঃ ।
ক্ব বৃদ্ধিঃ ক্ব চ বা হানিস্তব চিন্মাত্ররূপিণঃ ॥ 15-10॥

ত্বয্যনংতমহাংভোধৌ বিশ্ববীচিঃ স্বভাবতঃ ।
উদেতু বাস্তমাযাতু ন তে বৃদ্ধির্ন বা ক্ষতিঃ ॥ 15-11॥

তাত চিন্মাত্ররূপোঽসি ন তে ভিন্নমিদং জগত্ ।
অতঃ কস্য কথং কুত্র হেযোপাদেযকল্পনা ॥ 15-12॥

একস্মিন্নব্যযে শাংতে চিদাকাশেঽমলে ত্বযি ।
কুতো জন্ম কুতো কর্ম কুতোঽহংকার এব চ ॥ 15-13॥

যত্ত্বং পশ্যসি তত্রৈকস্ত্বমেব প্রতিভাসসে ।
কিং পৃথক্ ভাসতে স্বর্ণাত্ কটকাংগদনূপুরম্ ॥ 15-14॥

অযং সোঽহমযং নাহং বিভাগমিতি সংত্যজ ।
সর্বমাত্মেতি নিশ্চিত্য নিঃসংকল্পঃ সুখী ভব ॥ 15-15॥

তবৈবাজ্ঞানতো বিশ্বং ত্বমেকঃ পরমার্থতঃ ।
ত্বত্তোঽন্যো নাস্তি সংসারী নাসংসারী চ কশ্চন ॥ 15-16॥

ভ্রাংতিমাত্রমিদং বিশ্বং ন কিংচিদিতি নিশ্চযী ।
নির্বাসনঃ স্ফূর্তিমাত্রো ন কিংচিদিব শাম্যতি ॥ 15-17॥

এক এব ভবাংভোধাবাসীদস্তি ভবিষ্যতি ।
ন তে বংধোঽস্তি মোক্ষো বা কৃতকৃত্যঃ সুখং চর ॥ 15-18॥

মা সংকল্পবিকল্পাভ্যাং চিত্তং ক্ষোভয চিন্ময ।
উপশাম্য সুখং তিষ্ঠ স্বাত্মন্যানংদবিগ্রহে ॥ 15-19॥

ত্যজৈব ধ্যানং সর্বত্র মা কিংচিদ্ হৃদি ধারয ।
আত্মা ত্বং মুক্ত এবাসি কিং বিমৃশ্য করিষ্যসি ॥ 15-20॥

ashtavakra gita chapter 15 in assamese