ආංජනේය භුජංග ප්රයාත ස්තෝත්රම්

anjaneya bhujanga prayata stotram in sinhala

ප්රසන්නාංගරාගං ප්රභාකාංචනාංගං
ජගද්භීතශෞර්යං තුෂාරාද්රිධෛර්යම් ।
තෘණීභූතහේතිං රණෝද්යද්විභූතිං
භජේ වායුපුත්රං පවිත්රාප්තමිත්රම් ॥ 1 ॥

භජේ පාවනං භාවනා නිත්යවාසං
භජේ බාලභානු ප්රභා චාරුභාසම් ।
භජේ චංද්රිකා කුංද මංදාර හාසං
භජේ සංතතං රාමභූපාල දාසම් ॥ 2 ॥

භජේ ලක්ෂ්මණප්රාණරක්ෂාතිදක්ෂං
භජේ තෝෂිතානේක ගීර්වාණපක්ෂම් ।
භජේ ඝෝර සංග්රාම සීමාහතාක්ෂං
භජේ රාමනාමාති සංප්රාප්තරක්ෂම් ॥ 3 ॥

කෘතාභීලනාධක්ෂිතක්ෂිප්තපාදං
ඝනක්රාංත භෘංගං කටිස්ථෝරු ජංඝම් ।
වියද්ව්යාප්තකේශං භුජාශ්ලේෂිතාශ්මං
ජයශ්රී සමේතං භජේ රාමදූතම් ॥ 4 ॥

චලද්වාලඝාතං භ්රමච්චක්රවාළං
කඨෝරාට්ටහාසං ප්රභින්නාබ්ජජාංඩම් ।
මහාසිංහනාදා ද්විශීර්ණත්රිලෝකං
භජේ චාංජනේයං ප්රභුං වජ්රකායම් ॥ 5 ॥

රණේ භීෂණේ මේඝනාදේ සනාදේ
සරෝෂේ සමාරෝපණාමිත්ර මුඛ්යේ ।
ඛගානාං ඝනානාං සුරාණාං ච මාර්ගේ
නටංතං සමංතං හනූමංතමීඩේ ॥ 6 ॥

ඝනද්රත්න ජංභාරි දංභෝළි භාරං
ඝනද්දංත නිර්ධූත කාලෝග්රදංතම් ।
පදාඝාත භීතාබ්ධි භූතාදිවාසං
රණක්ෂෝණිදක්ෂං භජේ පිංගළාක්ෂම් ॥ 7 ॥

මහාග්රාහපීඩාං මහෝත්පාතපීඩාං
මහාරෝගපීඩාං මහාතීව්රපීඩාම් ।
හරත්යස්තු තේ පාදපද්මානුරක්තෝ
නමස්තේ කපිශ්රේෂ්ඨ රාමප්රියාය ॥ 8 ॥

ජරාභාරතෝ භූරි පීඩාං ශරීරේ
නිරාධාරණාරූඪ ගාඪ ප්රතාපී ।
භවත්පාදභක්තිං භවද්භක්තිරක්තිං
කුරු ශ්රීහනූමත්ප්රභෝ මේ දයාළෝ ॥ 9 ॥

මහායෝගිනෝ බ්රහ්මරුද්රාදයෝ වා
න ජානංති තත්ත්වං නිජං රාඝවස්ය ।
කථං ජ්ඤායතේ මාදෘශේ නිත්යමේව
ප්රසීද ප්රභෝ වානරේංද්රෝ නමස්තේ ॥ 10 ॥

නමස්තේ මහාසත්ත්වවාහාය තුභ්යං
නමස්තේ මහාවජ්රදේහාය තුභ්යම් ।
නමස්තේ පරීභූත සූර්යාය තුභ්යං
නමස්තේ කෘතාමර්ත්ය කාර්යාය තුභ්යම් ॥ 11 ॥

නමස්තේ සදා බ්රහ්මචර්යාය තුභ්යං
නමස්තේ සදා වායුපුත්රාය තුභ්යම් ।
නමස්තේ සදා පිංගළාක්ෂාය තුභ්යං
නමස්තේ සදා රාමභක්තාය තුභ්යම් ॥ 12 ॥

හනූමද්භුජංගප්රයාතං ප්රභාතේ
ප්රදෝෂේऽපි වා චාර්ධරාත්රේऽපි මර්ත්යඃ ।
පඨන්නශ්නතෝऽපි ප්රමුක්තෝඝජාලෝ
සදා සර්වදා රාමභක්තිං ප්රයාති ॥ 13 ॥

ඉති ශ්රීමදාංජනේය භුජංගප්රයාත ස්තෝත්රම් ।

anjaneya bhujanga prayata stotram in sinhala