આંજનેય ભુજંગ પ્રયાત સ્તોત્રમ્

anjaneya bhujanga prayata stotram in gujarati

પ્રસન્નાંગરાગં પ્રભાકાંચનાંગં
જગદ્ભીતશૌર્યં તુષારાદ્રિધૈર્યમ્ ।
તૃણીભૂતહેતિં રણોદ્યદ્વિભૂતિં
ભજે વાયુપુત્રં પવિત્રાપ્તમિત્રમ્ ॥ 1 ॥

ભજે પાવનં ભાવના નિત્યવાસં
ભજે બાલભાનુ પ્રભા ચારુભાસમ્ ।
ભજે ચંદ્રિકા કુંદ મંદાર હાસં
ભજે સંતતં રામભૂપાલ દાસમ્ ॥ 2 ॥

ભજે લક્ષ્મણપ્રાણરક્ષાતિદક્ષં
ભજે તોષિતાનેક ગીર્વાણપક્ષમ્ ।
ભજે ઘોર સંગ્રામ સીમાહતાક્ષં
ભજે રામનામાતિ સંપ્રાપ્તરક્ષમ્ ॥ 3 ॥

કૃતાભીલનાધક્ષિતક્ષિપ્તપાદં
ઘનક્રાંત ભૃંગં કટિસ્થોરુ જંઘમ્ ।
વિયદ્વ્યાપ્તકેશં ભુજાશ્લેષિતાશ્મં
જયશ્રી સમેતં ભજે રામદૂતમ્ ॥ 4 ॥

ચલદ્વાલઘાતં ભ્રમચ્ચક્રવાળં
કઠોરાટ્ટહાસં પ્રભિન્નાબ્જજાંડમ્ ।
મહાસિંહનાદા દ્વિશીર્ણત્રિલોકં
ભજે ચાંજનેયં પ્રભું વજ્રકાયમ્ ॥ 5 ॥

રણે ભીષણે મેઘનાદે સનાદે
સરોષે સમારોપણામિત્ર મુખ્યે ।
ખગાનાં ઘનાનાં સુરાણાં ચ માર્ગે
નટંતં સમંતં હનૂમંતમીડે ॥ 6 ॥

ઘનદ્રત્ન જંભારિ દંભોળિ ભારં
ઘનદ્દંત નિર્ધૂત કાલોગ્રદંતમ્ ।
પદાઘાત ભીતાબ્ધિ ભૂતાદિવાસં
રણક્ષોણિદક્ષં ભજે પિંગળાક્ષમ્ ॥ 7 ॥

મહાગ્રાહપીડાં મહોત્પાતપીડાં
મહારોગપીડાં મહાતીવ્રપીડામ્ ।
હરત્યસ્તુ તે પાદપદ્માનુરક્તો
નમસ્તે કપિશ્રેષ્ઠ રામપ્રિયાય ॥ 8 ॥

જરાભારતો ભૂરિ પીડાં શરીરે
નિરાધારણારૂઢ ગાઢ પ્રતાપી ।
ભવત્પાદભક્તિં ભવદ્ભક્તિરક્તિં
કુરુ શ્રીહનૂમત્પ્રભો મે દયાળો ॥ 9 ॥

મહાયોગિનો બ્રહ્મરુદ્રાદયો વા
ન જાનંતિ તત્ત્વં નિજં રાઘવસ્ય ।
કથં જ્ઞાયતે માદૃશે નિત્યમેવ
પ્રસીદ પ્રભો વાનરેંદ્રો નમસ્તે ॥ 10 ॥

નમસ્તે મહાસત્ત્વવાહાય તુભ્યં
નમસ્તે મહાવજ્રદેહાય તુભ્યમ્ ।
નમસ્તે પરીભૂત સૂર્યાય તુભ્યં
નમસ્તે કૃતામર્ત્ય કાર્યાય તુભ્યમ્ ॥ 11 ॥

નમસ્તે સદા બ્રહ્મચર્યાય તુભ્યં
નમસ્તે સદા વાયુપુત્રાય તુભ્યમ્ ।
નમસ્તે સદા પિંગળાક્ષાય તુભ્યં
નમસ્તે સદા રામભક્તાય તુભ્યમ્ ॥ 12 ॥

હનૂમદ્ભુજંગપ્રયાતં પ્રભાતે
પ્રદોષેઽપિ વા ચાર્ધરાત્રેઽપિ મર્ત્યઃ ।
પઠન્નશ્નતોઽપિ પ્રમુક્તોઘજાલો
સદા સર્વદા રામભક્તિં પ્રયાતિ ॥ 13 ॥

ઇતિ શ્રીમદાંજનેય ભુજંગપ્રયાત સ્તોત્રમ્ ।

anjaneya bhujanga prayata stotram in gujarati