ආනංද ලහරි

ananda lahari in sinhala

භවානි ස්තෝතුං ත්වාං ප්රභවති චතුර්භිර්න වදනෛඃ
ප්රජානාමීශානස්ත්රිපුරමථනඃ පංචභිරපි ।
න ෂඩ්භිඃ සේනානීර්දශශතමුඛෛරප්යහිපතිඃ
තදාන්යේෂාං කේෂාං කථය කථමස්මින්නවසරඃ ॥ 1॥

ඝෘතක්ෂීරද්රාක්ෂාමධුමධුරිමා කෛරපි පදෛඃ
විශිෂ්යානාඛ්යේයෝ භවති රසනාමාත්ර විෂයඃ ।
තථා තේ සෞංදර්යං පරමශිවදෘඞ්මාත්රවිෂයඃ
කථංකාරං බ්රූමඃ සකලනිගමාගෝචරගුණේ ॥ 2॥

මුඛේ තේ තාංබූලං නයනයුගළේ කජ්ජලකලා
ලලාටේ කාශ්මීරං විලසති ගළේ මෞක්තිකලතා ।
ස්ඵුරත්කාංචී ශාටී පෘථුකටිතටේ හාටකමයී
භජාමි ත්වාං ගෞරීං නගපතිකිශෝරීමවිරතම් ॥ 3॥

විරාජන්මංදාරද්රුමකුසුමහාරස්තනතටී
නදද්වීණානාදශ්රවණවිලසත්කුංඩලගුණා
නතාංගී මාතංගී රුචිරගතිභංගී භගවතී
සතී ශංභෝරංභෝරුහචටුලචක්ෂුර්විජයතේ ॥ 4॥

නවීනාර්කභ්රාජන්මණිකනකභූෂණපරිකරෛඃ
වෘතාංගී සාරංගීරුචිරනයනාංගීකෘතශිවා ।
තඩිත්පීතා පීතාංබරලලිතමංජීරසුභගා
මමාපර්ණා පූර්ණා නිරවධිසුඛෛරස්තු සුමුඛී ॥ 5॥

හිමාද්රේඃ සංභූතා සුලලිතකරෛඃ පල්ලවයුතා
සුපුෂ්පා මුක්තාභිර්භ්රමරකලිතා චාලකභරෛඃ ।
කෘතස්ථාණුස්ථානා කුචඵලනතා සූක්තිසරසා
රුජාං හංත්රී ගංත්රී විලසති චිදානංදලතිකා ॥ 6॥

සපර්ණාමාකීර්ණාං කතිපයගුණෛඃ සාදරමිහ
ශ්රයංත්යන්යේ වල්ලීං මම තු මතිරේවං විලසති ।
අපර්ණෛකා සේව්යා ජගති සකලෛර්යත්පරිවෘතඃ
පුරාණෝऽපි ස්ථාණුඃ ඵලති කිල කෛවල්යපදවීම් ॥ 7॥

විධාත්රී ධර්මාණාං ත්වමසි සකලාම්නායජනනී
ත්වමර්ථානාං මූලං ධනදනමනීයාංඝ්රිකමලේ ।
ත්වමාදිඃ කාමානාං ජනනි කෘතකංදර්පවිජයේ
සතාං මුක්තේර්බීජං ත්වමසි පරමබ්රහ්මමහිෂී ॥ 8॥

ප්රභූතා භක්තිස්තේ යදපි න මමාලෝලමනසඃ
ත්වයා තු ශ්රීමත්යා සදයමවලෝක්යෝऽහමධුනා ।
පයෝදඃ පානීයං දිශති මධුරං චාතකමුඛේ
භෘශං ශංකේ කෛර්වා විධිභිරනුනීතා මම මතිඃ ॥ 9॥

කෘපාපාංගාලෝකං විතර තරසා සාධුචරිතේ
න තේ යුක්තෝපේක්ෂා මයි ශරණදීක්ෂාමුපගතේ ।
න චේදිෂ්ටං දද්යාදනුපදමහෝ කල්පලතිකා
විශේෂඃ සාමාන්යෛඃ කථමිතරවල්ලීපරිකරෛඃ ॥ 10॥

මහාංතං විශ්වාසං තව චරණපංකේරුහයුගේ
නිධායාන්යන්නෛවාශ්රිතමිහ මයා දෛවතමුමේ ।
තථාපි ත්වච්චේතෝ යදි මයි න ජායේත සදයං
නිරාලංබෝ ලංබෝදරජනනි කං යාමි ශරණම් ॥ 11॥

අයඃ ස්පර්ශේ ලග්නං සපදි ලභතේ හේමපදවීං
යථා රථ්යාපාථඃ ශුචි භවති ගංගෞඝමිලිතම් ।
තථා තත්තත්පාපෛරතිමලිනමංතර්මම යදි
ත්වයි ප්රේම්ණාසක්තං කථමිව න ජායේත විමලම් ॥ 12॥

ත්වදන්යස්මාදිච්ඡාවිෂයඵලලාභේ න නියමඃ
ත්වමර්ථානාමිච්ඡාධිකමපි සමර්ථා විතරණේ ।
ඉති ප්රාහුඃ ප්රාංචඃ කමලභවනාද්යාස්ත්වයි මනඃ
ත්වදාසක්තං නක්තං දිවමුචිතමීශානි කුරු තත් ॥ 13॥

ස්ඵුරන්නානාරත්නස්ඵටිකමයභිත්තිප්රතිඵල
ත්ත්වදාකාරං චංචච්ඡශධරකලාසෞධශිඛරම් ।
මුකුංදබ්රහ්මේංද්රප්රභෘතිපරිවාරං විජයතේ
තවාගාරං රම්යං ත්රිභුවනමහාරාජගෘහිණි ॥ 14॥

නිවාසඃ කෛලාසේ විධිශතමඛාද්යාඃ ස්තුතිකරාඃ
කුටුංබං ත්රෛලෝක්යං කෘතකරපුටඃ සිද්ධිනිකරඃ ।
මහේශඃ ප්රාණේශස්තදවනිධරාධීශතනයේ
න තේ සෞභාග්යස්ය ක්වචිදපි මනාගස්ති තුලනා ॥ 15॥

වෘෂෝ වෘද්ධෝ යානං විෂමශනමාශා නිවසනං
ශ්මශානං ක්රීඩාභූර්භුජගනිවහෝ භූෂණවිධිඃ
සමග්රා සාමග්රී ජගති විදිතෛව ස්මරරිපෝඃ
යදේතස්යෛශ්වර්යං තව ජනනි සෞභාග්යමහිමා ॥ 16॥

අශේෂබ්රහ්මාංඩප්රලයවිධිනෛසර්ගිකමතිඃ
ශ්මශානේෂ්වාසීනඃ කෘතභසිතලේපඃ පශුපතිඃ ।
දධෞ කංඨේ හාලාහලමඛිලභූගෝලකෘපයා
භවත්යාඃ සංගත්යාඃ ඵලමිති ච කල්යාණි කලයේ ॥ 17॥

ත්වදීයං සෞංදර්යං නිරතිශයමාලෝක්ය පරයා
භියෛවාසීද්ගංගා ජලමයතනුඃ ශෛලතනයේ ।
තදේතස්යාස්තස්මාද්වදනකමලං වීක්ෂ්ය කෘපයා
ප්රතිෂ්ඨාමාතන්වන්නිජශිරසිවාසේන ගිරිශඃ ॥ 18॥

විශාලශ්රීඛංඩද්රවමෘගමදාකීර්ණඝුසෘණ
ප්රසූනව්යාමිශ්රං භගවති තවාභ්යංගසලිලම් ।
සමාදාය ස්රෂ්ටා චලිතපදපාංසූන්නිජකරෛඃ
සමාධත්තේ සෘෂ්ටිං විබුධපුරපංකේරුහදෘශාම් ॥ 19॥

වසංතේ සානංදේ කුසුමිතලතාභිඃ පරිවෘතේ
ස්ඵුරන්නානාපද්මේ සරසි කලහංසාලිසුභගේ ।
සඛීභිඃ ඛේලංතීං මලයපවනාංදෝලිතජලේ
ස්මරේද්යස්ත්වාං තස්ය ජ්වරජනිතපීඩාපසරති ॥ 20॥

॥ ඉති ශ්රීමච්ඡංකරාචාර්යවිරචිතා ආනංදලහරී සංපූර්ණා ॥

ananda lahari in sinhala