रचयेम संस्कृतभवनं (ग्रामे नगरे समस्तराष्ट्रे)

rachayema samskrita bhavanam grame nagare samasta rashtre in sanskrit

ग्रामे नगरे समस्तराष्ट्रे
रचयेम संस्कृतभवनं
इष्टिकां विना मृत्तिकां विना
केवलसम्भाषणविधया
संस्कृतसम्भाषणकलया ॥

शिशुबालानां स्मितमृदुवचने
युवयुवतीनां मञ्जुभाषणे
वृद्धगुरूणां वत्सलहृदये
रचयेम संस्कृतभवनम् ॥ 1 ॥

अरुणोदयतः सुप्रभातं
शुभरात्रिं निशि संवदेम
दिवानिशं संस्कृतवचनेन
रचयेम संस्कृतभवनम् ॥ 2 ॥

सोदर-सोदरी-भाव-बन्धुरं
मातृप्रेमतो बहुजनरुचिरं
वचनललितं श्रवणमधुरं
रचयेम संस्कृतभवनम् ॥ 3 ॥

मूलशिला सम्भाषणमस्य
हिन्दुजनैक्यं शिखरमुन्नतं
सोपानं श्रवणादिविधानं
रचयेम संस्कृतभवनम् ॥ 4 ॥

रचन: गु. गणपय्यहोल्लः

rachayema samskrita bhavanam grame nagare samasta rashtre in sanskrit