ರಚಯೇಮ ಸಂಸ್ಕೃತಭವನಂ (ಗ್ರಾಮೇ ನಗರೇ ಸಮಸ್ತರಾಷ್ಟ್ರೇ)

rachayema samskrita bhavanam grame nagare samasta rashtre in kannada

ಗ್ರಾಮೇ ನಗರೇ ಸಮಸ್ತರಾಷ್ಟ್ರೇ
ರಚಯೇಮ ಸಂಸ್ಕೃತಭವನಂ
ಇಷ್ಟಿಕಾಂ ವಿನಾ ಮೃತ್ತಿಕಾಂ ವಿನಾ
ಕೇವಲಸಂಭಾಷಣವಿಧಯಾ
ಸಂಸ್ಕೃತಸಂಭಾಷಣಕಲಯಾ ॥

ಶಿಶುಬಾಲಾನಾಂ ಸ್ಮಿತಮೃದುವಚನೇ
ಯುವಯುವತೀನಾಂ ಮಂಜುಭಾಷಣೇ
ವೃದ್ಧಗುರೂಣಾಂ ವತ್ಸಲಹೃದಯೇ
ರಚಯೇಮ ಸಂಸ್ಕೃತಭವನಮ್ ॥ 1 ॥

ಅರುಣೋದಯತಃ ಸುಪ್ರಭಾತಂ
ಶುಭರಾತ್ರಿಂ ನಿಶಿ ಸಂವದೇಮ
ದಿವಾನಿಶಂ ಸಂಸ್ಕೃತವಚನೇನ
ರಚಯೇಮ ಸಂಸ್ಕೃತಭವನಮ್ ॥ 2 ॥

ಸೋದರ-ಸೋದರೀ-ಭಾವ-ಬಂಧುರಂ
ಮಾತೃಪ್ರೇಮತೋ ಬಹುಜನರುಚಿರಂ
ವಚನಲಲಿತಂ ಶ್ರವಣಮಧುರಂ
ರಚಯೇಮ ಸಂಸ್ಕೃತಭವನಮ್ ॥ 3 ॥

ಮೂಲಶಿಲಾ ಸಂಭಾಷಣಮಸ್ಯ
ಹಿಂದುಜನೈಕ್ಯಂ ಶಿಖರಮುನ್ನತಂ
ಸೋಪಾನಂ ಶ್ರವಣಾದಿವಿಧಾನಂ
ರಚಯೇಮ ಸಂಸ್ಕೃತಭವನಮ್ ॥ 4 ॥

ರಚನ: ಗು. ಗಣಪಯ್ಯಹೋಳ್ಳಃ

rachayema samskrita bhavanam grame nagare samasta rashtre in kannada