ଶ୍ରୀ ଵିଷ୍ଣୁ ପଂଜର ସ୍ତୋତ୍ରମ୍

sri vishnu panjara stotram in odia

ଓଂ ଅସ୍ୟ ଶ୍ରୀଵିଷ୍ଣୁପଂଜରସ୍ତୋତ୍ର ମହାମଂତ୍ରସ୍ୟ ନାରଦ ଋଷିଃ । ଅନୁଷ୍ଟୁପ୍ ଛଂଦଃ । ଶ୍ରୀଵିଷ୍ଣୁଃ ପରମାତ୍ମା ଦେଵତା । ଅହଂ ବୀଜମ୍ । ସୋହଂ ଶକ୍ତିଃ । ଓଂ ହ୍ରୀଂ କୀଲକମ୍ । ମମ ସର୍ଵଦେହରକ୍ଷଣାର୍ଥଂ ଜପେ ଵିନିୟୋଗଃ ।

ନାରଦ ଋଷୟେ ନମଃ ମୁଖେ । ଶ୍ରୀଵିଷ୍ଣୁପରମାତ୍ମଦେଵତାୟୈ ନମଃ ହୃଦୟେ । ଅହଂ ବୀଜଂ ଗୁହ୍ୟେ । ସୋହଂ ଶକ୍ତିଃ ପାଦୟୋଃ । ଓଂ ହ୍ରୀଂ କୀଲକଂ ପାଦାଗ୍ରେ । ଓଂ ହ୍ରାଂ ହ୍ରୀଂ ହ୍ରୂଂ ହ୍ରୈଂ ହ୍ରୌଂ ହ୍ରଃ ଇତି ମଂତ୍ରଃ ।

ଓଂ ହ୍ରାଂ ଅଂଗୁଷ୍ଠାଭ୍ୟାଂ ନମଃ ।
ଓଂ ହ୍ରୀଂ ତର୍ଜନୀଭ୍ୟାଂ ନମଃ ।
ଓଂ ହ୍ରୂଂ ମଧ୍ୟମାଭ୍ୟାଂ ନମଃ ।
ଓଂ ହ୍ରୈଂ ଅନାମିକାଭ୍ୟାଂ ନମଃ ।
ଓଂ ହ୍ରୌଂ କନିଷ୍ଠିକାଭ୍ୟାଂ ନମଃ ।
ଓଂ ହ୍ରଃ କରତଲକରପୃଷ୍ଠାଭ୍ୟାଂ ନମଃ ।
ଇତି କରନ୍ୟାସଃ ।

ଓଂ ହ୍ରାଂ ହୃଦୟାୟ ନମଃ ।
ଓଂ ହ୍ରୀଂ ଶିରସେ ସ୍ଵାହା ।
ଓଂ ହ୍ରୂଂ ଶିଖାୟୈ ଵଷଟ୍ ।
ଓଂ ହ୍ରୈଂ କଵଚାୟ ହୁମ୍ ।
ଓଂ ହ୍ରୌଂ ନେତ୍ରତ୍ରୟାୟ ଵୌଷଟ୍ ।
ଓଂ ହ୍ରଃ ଅସ୍ତ୍ରାୟ ଫଟ୍ ।
ଇତି ଅଂଗନ୍ୟାସଃ ।

ଅହଂ ବୀଜଂ ପ୍ରାଣାୟାମଂ ମଂତ୍ରତ୍ରୟେଣ କୁର୍ୟାତ୍ ।

ଧ୍ୟାନମ୍ ।
ପରଂ ପରସ୍ମାତ୍ପ୍ରକୃତେରନାଦିମେକଂ ନିଵିଷ୍ଟଂ ବହୁଧା ଗୁହାୟାମ୍ ।
ସର୍ଵାଲୟଂ ସର୍ଵଚରାଚରସ୍ଥଂ ନମାମି ଵିଷ୍ଣୁଂ ଜଗଦେକନାଥମ୍ ॥ 1 ॥

ଓଂ ଵିଷ୍ଣୁପଂଜରକଂ ଦିଵ୍ୟଂ ସର୍ଵଦୁଷ୍ଟନିଵାରଣମ୍ ।
ଉଗ୍ରତେଜୋ ମହାଵୀର୍ୟଂ ସର୍ଵଶତ୍ରୁନିକୃଂତନମ୍ ॥ 2 ॥

ତ୍ରିପୁରଂ ଦହମାନସ୍ୟ ହରସ୍ୟ ବ୍ରହ୍ମଣୋ ହିତମ୍ ।
ତଦହଂ ସଂପ୍ରଵକ୍ଷ୍ୟାମି ଆତ୍ମରକ୍ଷାକରଂ ନୃଣାମ୍ ॥ 3 ॥

ପାଦୌ ରକ୍ଷତୁ ଗୋଵିଂଦୋ ଜଂଘେ ଚୈଵ ତ୍ରିଵିକ୍ରମଃ ।
ଊରୂ ମେ କେଶଵଃ ପାତୁ କଟିଂ ଚୈଵ ଜନାର୍ଦନଃ ॥ 4 ॥

ନାଭିଂ ଚୈଵାଚ୍ୟୁତଃ ପାତୁ ଗୁହ୍ୟଂ ଚୈଵ ତୁ ଵାମନଃ ।
ଉଦରଂ ପଦ୍ମନାଭଶ୍ଚ ପୃଷ୍ଠଂ ଚୈଵ ତୁ ମାଧଵଃ ॥ 5 ॥

ଵାମପାର୍ଶ୍ଵଂ ତଥା ଵିଷ୍ଣୁର୍ଦକ୍ଷିଣଂ ମଧୁସୂଦନଃ ।
ବାହୂ ଵୈ ଵାସୁଦେଵଶ୍ଚ ହୃଦି ଦାମୋଦରସ୍ତଥା ॥ 6 ॥

କଂଠଂ ରକ୍ଷତୁ ଵାରାହଃ କୃଷ୍ଣଶ୍ଚ ମୁଖମଂଡଲମ୍ ।
ମାଧଵଃ କର୍ଣମୂଲେ ତୁ ହୃଷୀକେଶଶ୍ଚ ନାସିକେ ॥ 7 ॥

ନେତ୍ରେ ନାରାୟଣୋ ରକ୍ଷେଲ୍ଲଲାଟଂ ଗରୁଡଧ୍ଵଜଃ ।
କପୋଲୌ କେଶଵୋ ରକ୍ଷେଦ୍ଵୈକୁଂଠଃ ସର୍ଵତୋଦିଶମ୍ ॥ 8 ॥

ଶ୍ରୀଵତ୍ସାଂକଶ୍ଚ ସର୍ଵେଷାମଂଗାନାଂ ରକ୍ଷକୋ ଭଵେତ୍ ।
ପୂର୍ଵସ୍ୟାଂ ପୁଂଡରୀକାକ୍ଷ ଆଗ୍ନେୟ୍ୟାଂ ଶ୍ରୀଧରସ୍ତଥା ॥ 9 ॥

ଦକ୍ଷିଣେ ନାରସିଂହଶ୍ଚ ନୈରୃତ୍ୟାଂ ମାଧଵୋଽଵତୁ ।
ପୁରୁଷୋତ୍ତମୋ ଵାରୁଣ୍ୟାଂ ଵାୟଵ୍ୟାଂ ଚ ଜନାର୍ଦନଃ ॥ 10 ॥

ଗଦାଧରସ୍ତୁ କୌବେର୍ୟାମୀଶାନ୍ୟାଂ ପାତୁ କେଶଵଃ ।
ଆକାଶେ ଚ ଗଦା ପାତୁ ପାତାଳେ ଚ ସୁଦର୍ଶନମ୍ ॥ 11 ॥

ସନ୍ନଦ୍ଧଃ ସର୍ଵଗାତ୍ରେଷୁ ପ୍ରଵିଷ୍ଟୋ ଵିଷ୍ଣୁପଂଜରଃ ।
ଵିଷ୍ଣୁପଂଜରଵିଷ୍ଟୋଽହଂ ଵିଚରାମି ମହୀତଲେ ॥ 12 ॥

ରାଜଦ୍ଵାରେଽପଥେ ଘୋରେ ସଂଗ୍ରାମେ ଶତ୍ରୁସଂକଟେ ।
ନଦୀଷୁ ଚ ରଣେ ଚୈଵ ଚୋରଵ୍ୟାଘ୍ରଭୟେଷୁ ଚ ॥ 13 ॥

ଡାକିନୀପ୍ରେତଭୂତେଷୁ ଭୟଂ ତସ୍ୟ ନ ଜାୟତେ ।
ରକ୍ଷ ରକ୍ଷ ମହାଦେଵ ରକ୍ଷ ରକ୍ଷ ଜନେଶ୍ଵର ॥ 14 ॥

ରକ୍ଷଂତୁ ଦେଵତାଃ ସର୍ଵା ବ୍ରହ୍ମଵିଷ୍ଣୁମହେଶ୍ଵରାଃ ।
ଜଲେ ରକ୍ଷତୁ ଵାରାହଃ ସ୍ଥଲେ ରକ୍ଷତୁ ଵାମନଃ ॥ 15 ॥

ଅଟଵ୍ୟାଂ ନାରସିଂହଶ୍ଚ ସର୍ଵତଃ ପାତୁ କେଶଵଃ ॥
ଦିଵା ରକ୍ଷତୁ ମାଂ ସୂର୍ୟୋ ରାତ୍ରୌ ରକ୍ଷତୁ ଚଂଦ୍ରମାଃ ॥ 16 ॥

ପଂଥାନଂ ଦୁର୍ଗମଂ ରକ୍ଷେତ୍ସର୍ଵମେଵ ଜନାର୍ଦନଃ ।
ରୋଗଵିଘ୍ନହତଶ୍ଚୈଵ ବ୍ରହ୍ମହା ଗୁରୁତଲ୍ପଗଃ ॥ 17 ॥

ସ୍ତ୍ରୀହଂତା ବାଲଘାତୀ ଚ ସୁରାପୋ ଵୃଷଲୀପତିଃ ।
ମୁଚ୍ୟତେ ସର୍ଵପାପେଭ୍ୟୋ ୟଃ ପଠେନ୍ନାତ୍ର ସଂଶୟଃ ॥ 18 ॥

ଅପୁତ୍ରୋ ଲଭତେ ପୁତ୍ରଂ ଧନାର୍ଥୀ ଲଭତେ ଧନମ୍ ।
ଵିଦ୍ୟାର୍ଥୀ ଲଭତେ ଵିଦ୍ୟାଂ ମୋକ୍ଷାର୍ଥୀ ଲଭତେ ଗତିମ୍ ॥ 19 ॥

ଆପଦୋ ହରତେ ନିତ୍ୟଂ ଵିଷ୍ଣୁସ୍ତୋତ୍ରାର୍ଥସଂପଦା ।
ୟସ୍ତ୍ଵିଦଂ ପଠତେ ସ୍ତୋତ୍ରଂ ଵିଷ୍ଣୁପଂଜରମୁତ୍ତମମ୍ ॥ 20 ॥

ମୁଚ୍ୟତେ ସର୍ଵପାପେଭ୍ୟୋ ଵିଷ୍ଣୁଲୋକଂ ସ ଗଚ୍ଛତି ।
ଗୋସହସ୍ରଫଲଂ ତସ୍ୟ ଵାଜପେୟଶତସ୍ୟ ଚ ॥ 21 ॥

ଅଶ୍ଵମେଧସହସ୍ରସ୍ୟ ଫଲଂ ପ୍ରାପ୍ନୋତି ମାନଵଃ ।
ସର୍ଵକାମଂ ଲଭେଦସ୍ୟ ପଠନାନ୍ନାତ୍ର ସଂଶୟଃ ॥ 22 ॥

ଜଲେ ଵିଷ୍ଣୁଃ ସ୍ଥଲେ ଵିଷ୍ଣୁର୍ଵିଷ୍ଣୁଃ ପର୍ଵତମସ୍ତକେ ।
ଜ୍ଵାଲାମାଲାକୁଲେ ଵିଷ୍ଣୁଃ ସର୍ଵଂ ଵିଷ୍ଣୁମୟଂ ଜଗତ୍ ॥ 23 ॥

ଇତି ଶ୍ରୀବ୍ରହ୍ମାଂଡପୁରାଣେ ଇଂଦ୍ରନାରଦସଂଵାଦେ ଶ୍ରୀଵିଷ୍ଣୁପଂଜରସ୍ତୋତ୍ରମ୍ ॥

sri vishnu panjara stotram in odia