ଶ୍ରୀ ସୁବ୍ରହ୍ମଣ୍ୟ କଵଚ ସ୍ତୋତ୍ରମ୍

sri subrahmanya kavacha stotram in odia

ଅସ୍ୟ ଶ୍ରୀସୁବ୍ରହ୍ମଣ୍ୟକଵଚସ୍ତୋତ୍ରମହାମଂତ୍ରସ୍ୟ, ବ୍ରହ୍ମା ଋଷିଃ, ଅନୁଷ୍ଟୁପ୍ଛଂଦଃ, ଶ୍ରୀସୁବ୍ରହ୍ମଣ୍ୟୋ ଦେଵତା, ଓଂ ନମ ଇତି ବୀଜଂ, ଭଗଵତ ଇତି ଶକ୍ତିଃ, ସୁବ୍ରହ୍ମଣ୍ୟାୟେତି କୀଲକଂ, ଶ୍ରୀସୁବ୍ରହ୍ମଣ୍ୟ ପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ ॥

କରନ୍ୟାସଃ –
ଓଂ ସାଂ ଅଂଗୁଷ୍ଠାଭ୍ୟାଂ ନମଃ ।
ଓଂ ସୀଂ ତର୍ଜନୀଭ୍ୟାଂ ନମଃ ।
ଓଂ ସୂଂ ମଧ୍ୟମାଭ୍ୟାଂ ନମଃ ।
ଓଂ ସୈଂ ଅନାମିକାଭ୍ୟାଂ ନମଃ ।
ଓଂ ସୌଂ କନିଷ୍ଠିକାଭ୍ୟାଂ ନମଃ ।
ଓଂ ସଃ କରତଲକରପୃଷ୍ଠାଭ୍ୟାଂ ନମଃ ॥
ଅଂଗନ୍ୟାସଃ –
ଓଂ ସାଂ ହୃଦୟାୟ ନମଃ ।
ଓଂ ସୀଂ ଶିରସେ ସ୍ଵାହା ।
ଓଂ ସୂଂ ଶିଖାୟୈ ଵଷଟ୍ ।
ଓଂ ସୈଂ କଵଚାୟ ହୁମ୍ ।
ଓଂ ସୌଂ ନେତ୍ରତ୍ରୟାୟ ଵୌଷଟ୍ ।
ଓଂ ସଃ ଅସ୍ତ୍ରାୟ ଫଟ୍ ।
ଭୂର୍ଭୁଵସ୍ସୁଵରୋମିତି ଦିଗ୍ବଂଧଃ ॥

ଧ୍ୟାନମ୍ ।
ସିଂଦୂରାରୁଣମିଂଦୁକାଂତିଵଦନଂ କେୟୂରହାରାଦିଭିଃ
ଦିଵ୍ୟୈରାଭରଣୈର୍ଵିଭୂଷିତତନୁଂ ସ୍ଵର୍ଗାଦିସୌଖ୍ୟପ୍ରଦମ୍ ।
ଅଂଭୋଜାଭୟଶକ୍ତିକୁକ୍କୁଟଧରଂ ରକ୍ତାଂଗରାଗୋଜ୍ଜ୍ଵଲଂ
ସୁବ୍ରହ୍ମଣ୍ୟମୁପାସ୍ମହେ ପ୍ରଣମତାଂ ସର୍ଵାର୍ଥସିଦ୍ଧିପ୍ରଦମ୍ ॥ [ଭୀତିପ୍ରଣାଶୋଦ୍ୟତମ୍]

ଲମିତ୍ୟାଦି ପଂଚପୂଜା ।
ଓଂ ଲଂ ପୃଥିଵ୍ୟାତ୍ମନେ ସୁବ୍ରହ୍ମଣ୍ୟାୟ ଗଂଧଂ ସମର୍ପୟାମି ।
ଓଂ ହଂ ଆକାଶାତ୍ମନେ ସୁବ୍ରହ୍ମଣ୍ୟାୟ ପୁଷ୍ପାଣି ସମର୍ପୟାମି ।
ଓଂ ୟଂ ଵାୟ୍ଵାତ୍ମନେ ସୁବ୍ରହ୍ମଣ୍ୟାୟ ଧୂପମାଘ୍ରାପୟାମି ।
ଓଂ ରଂ ଅଗ୍ନ୍ୟାତ୍ମନେ ସୁବ୍ରହ୍ମଣ୍ୟାୟ ଦୀପଂ ଦର୍ଶୟାମି ।
ଓଂ ଵଂ ଅମୃତାତ୍ମନେ ସୁବ୍ରହ୍ମଣ୍ୟାୟ ସ୍ଵାଦନ୍ନଂ ନିଵେଦୟାମି ।
ଓଂ ସଂ ସର୍ଵାତ୍ମନେ ସୁବ୍ରହ୍ମଣ୍ୟାୟ ସର୍ଵୋପଚାରାନ୍ ସମର୍ପୟାମି ।

କଵଚମ୍ ।
ସୁବ୍ରହ୍ମଣ୍ୟୋଽଗ୍ରତଃ ପାତୁ ସେନାନୀଃ ପାତୁ ପୃଷ୍ଠତଃ ।
ଗୁହୋ ମାଂ ଦକ୍ଷିଣେ ପାତୁ ଵହ୍ନିଜଃ ପାତୁ ଵାମତଃ ॥ 1 ॥

ଶିରଃ ପାତୁ ମହାସେନଃ ସ୍କଂଦୋ ରକ୍ଷେଲ୍ଲଲାଟକମ୍ ।
ନେତ୍ରେ ମେ ଦ୍ଵାଦଶାକ୍ଷଶ୍ଚ ଶ୍ରୋତ୍ରେ ରକ୍ଷତୁ ଵିଶ୍ଵଭୃତ୍ ॥ 2 ॥

ମୁଖଂ ମେ ଷଣ୍ମୁଖଃ ପାତୁ ନାସିକାଂ ଶଂକରାତ୍ମଜଃ ।
ଓଷ୍ଠୌ ଵଲ୍ଲୀପତିଃ ପାତୁ ଜିହ୍ଵାଂ ପାତୁ ଷଡାନନଃ ॥ 3 ॥

ଦେଵସେନାପତିର୍ଦଂତାନ୍ ଚିବୁକଂ ବହୁଲୋଦ୍ଭଵଃ ।
କଂଠଂ ତାରକଜିତ୍ପାତୁ ବାହୂ ଦ୍ଵାଦଶବାହୁକଃ ॥ 4 ॥

ହସ୍ତୌ ଶକ୍ତିଧରଃ ପାତୁ ଵକ୍ଷଃ ପାତୁ ଶରୋଦ୍ଭଵଃ ।
ହୃଦୟଂ ଵହ୍ନିଭୂଃ ପାତୁ କୁକ୍ଷିଂ ପାତ୍ଵଂବିକାସୁତଃ ॥ 5 ॥

ନାଭିଂ ଶଂଭୁସୁତଃ ପାତୁ କଟିଂ ପାତୁ ହରାତ୍ମଜଃ ।
ଊରୂ ପାତୁ ଗଜାରୂଢୋ ଜାନୂ ମେ ଜାହ୍ନଵୀସୁତଃ ॥ 6 ॥

ଜଂଘେ ଵିଶାଖୋ ମେ ପାତୁ ପାଦୌ ମେ ଶିଖିଵାହନଃ ।
ସର୍ଵାଣ୍ୟଂଗାନି ଭୂତେଶଃ ସର୍ଵଧାତୂଂଶ୍ଚ ପାଵକିଃ ॥ 7 ॥

ସଂଧ୍ୟାକାଲେ ନିଶୀଥିନ୍ୟାଂ ଦିଵା ପ୍ରାତର୍ଜଲେଽଗ୍ନିଷୁ ।
ଦୁର୍ଗମେ ଚ ମହାରଣ୍ୟେ ରାଜଦ୍ଵାରେ ମହାଭୟେ ॥ 8 ॥

ତୁମୁଲେ ରଣ୍ୟମଧ୍ୟେ ଚ ସର୍ଵଦୁଷ୍ଟମୃଗାଦିଷୁ ।
ଚୋରାଦିସାଧ୍ଵସେଽଭେଦ୍ୟେ ଜ୍ଵରାଦିଵ୍ୟାଧିପୀଡନେ ॥ 9 ॥

ଦୁଷ୍ଟଗ୍ରହାଦିଭୀତୌ ଚ ଦୁର୍ନିମିତ୍ତାଦିଭୀଷଣେ ।
ଅସ୍ତ୍ରଶସ୍ତ୍ରନିପାତେ ଚ ପାତୁ ମାଂ କ୍ରୌଂଚରଂଧ୍ରକୃତ୍ ॥ 10 ॥

ୟଃ ସୁବ୍ରହ୍ମଣ୍ୟକଵଚଂ ଇଷ୍ଟସିଦ୍ଧିପ୍ରଦଂ ପଠେତ୍ ।
ତସ୍ୟ ତାପତ୍ରୟଂ ନାସ୍ତି ସତ୍ୟଂ ସତ୍ୟଂ ଵଦାମ୍ୟହମ୍ ॥ 11 ॥

ଧର୍ମାର୍ଥୀ ଲଭତେ ଧର୍ମମର୍ଥାର୍ଥୀ ଚାର୍ଥମାପ୍ନୁୟାତ୍ ।
କାମାର୍ଥୀ ଲଭତେ କାମଂ ମୋକ୍ଷାର୍ଥୀ ମୋକ୍ଷମାପ୍ନୁୟାତ୍ ॥ 12 ॥

ୟତ୍ର ୟତ୍ର ଜପେଦ୍ଭକ୍ତ୍ୟା ତତ୍ର ସନ୍ନିହିତୋ ଗୁହଃ ।
ପୂଜାପ୍ରତିଷ୍ଠାକାଲେ ଚ ଜପକାଲେ ପଠେଦିଦମ୍ ॥ 13 ॥

ତେଷାମେଵ ଫଲାଵାପ୍ତିଃ ମହାପାତକନାଶନମ୍ ।
ୟଃ ପଠେଚ୍ଛୃଣୁୟାଦ୍ଭକ୍ତ୍ୟା ନିତ୍ୟଂ ଦେଵସ୍ୟ ସନ୍ନିଧୌ ।
ସର୍ଵାନ୍କାମାନିହ ପ୍ରାପ୍ୟ ସୋଽଂତେ ସ୍କଂଦପୁରଂ ଵ୍ରଜେତ୍ ॥ 14 ॥

ଉତ୍ତରନ୍ୟାସଃ ॥
କରନ୍ୟାସଃ –
ଓଂ ସାଂ ଅଂଗୁଷ୍ଠାଭ୍ୟାଂ ନମଃ ।
ଓଂ ସୀଂ ତର୍ଜନୀଭ୍ୟାଂ ନମଃ ।
ଓଂ ସୂଂ ମଧ୍ୟମାଭ୍ୟାଂ ନମଃ ।
ଓଂ ସୈଂ ଅନାମିକାଭ୍ୟାଂ ନମଃ ।
ଓଂ ସୌଂ କନିଷ୍ଠିକାଭ୍ୟାଂ ନମଃ ।
ଓଂ ସଃ କରତଲକରପୃଷ୍ଠାଭ୍ୟାଂ ନମଃ ॥
ଅଂଗନ୍ୟାସଃ –
ଓଂ ସାଂ ହୃଦୟାୟ ନମଃ ।
ଓଂ ସୀଂ ଶିରସେ ସ୍ଵାହା ।
ଓଂ ସୂଂ ଶିଖାୟୈ ଵଷଟ୍ ।
ଓଂ ସୈଂ କଵଚାୟ ହୁମ୍ ।
ଓଂ ସୌଂ ନେତ୍ରତ୍ରୟାୟ ଵୌଷଟ୍ ।
ଓଂ ସଃ ଅସ୍ତ୍ରାୟ ଫଟ୍ ।
ଭୂର୍ଭୁଵସ୍ସୁଵରୋମିତି ଦିଗ୍ଵିମୋକଃ ॥

ଇତି ଶ୍ରୀ ସୁବ୍ରହ୍ମଣ୍ୟ କଵଚ ସ୍ତୋତ୍ରମ୍ ।

sri subrahmanya kavacha stotram in odia