શ્રી સુબ્રહ્મણ્ય કવચ સ્તોત્રમ્

sri subrahmanya kavacha stotram in gujarati

અસ્ય શ્રીસુબ્રહ્મણ્યકવચસ્તોત્રમહામંત્રસ્ય, બ્રહ્મા ઋષિઃ, અનુષ્ટુપ્છંદઃ, શ્રીસુબ્રહ્મણ્યો દેવતા, ઓં નમ ઇતિ બીજં, ભગવત ઇતિ શક્તિઃ, સુબ્રહ્મણ્યાયેતિ કીલકં, શ્રીસુબ્રહ્મણ્ય પ્રસાદસિદ્ધ્યર્થે જપે વિનિયોગઃ ॥

કરન્યાસઃ –
ઓં સાં અંગુષ્ઠાભ્યાં નમઃ ।
ઓં સીં તર્જનીભ્યાં નમઃ ।
ઓં સૂં મધ્યમાભ્યાં નમઃ ।
ઓં સૈં અનામિકાભ્યાં નમઃ ।
ઓં સૌં કનિષ્ઠિકાભ્યાં નમઃ ।
ઓં સઃ કરતલકરપૃષ્ઠાભ્યાં નમઃ ॥
અંગન્યાસઃ –
ઓં સાં હૃદયાય નમઃ ।
ઓં સીં શિરસે સ્વાહા ।
ઓં સૂં શિખાયૈ વષટ્ ।
ઓં સૈં કવચાય હુમ્ ।
ઓં સૌં નેત્રત્રયાય વૌષટ્ ।
ઓં સઃ અસ્ત્રાય ફટ્ ।
ભૂર્ભુવસ્સુવરોમિતિ દિગ્બંધઃ ॥

ધ્યાનમ્ ।
સિંદૂરારુણમિંદુકાંતિવદનં કેયૂરહારાદિભિઃ
દિવ્યૈરાભરણૈર્વિભૂષિતતનું સ્વર્ગાદિસૌખ્યપ્રદમ્ ।
અંભોજાભયશક્તિકુક્કુટધરં રક્તાંગરાગોજ્જ્વલં
સુબ્રહ્મણ્યમુપાસ્મહે પ્રણમતાં સર્વાર્થસિદ્ધિપ્રદમ્ ॥ [ભીતિપ્રણાશોદ્યતમ્]

લમિત્યાદિ પંચપૂજા ।
ઓં લં પૃથિવ્યાત્મને સુબ્રહ્મણ્યાય ગંધં સમર્પયામિ ।
ઓં હં આકાશાત્મને સુબ્રહ્મણ્યાય પુષ્પાણિ સમર્પયામિ ।
ઓં યં વાય્વાત્મને સુબ્રહ્મણ્યાય ધૂપમાઘ્રાપયામિ ।
ઓં રં અગ્ન્યાત્મને સુબ્રહ્મણ્યાય દીપં દર્શયામિ ।
ઓં વં અમૃતાત્મને સુબ્રહ્મણ્યાય સ્વાદન્નં નિવેદયામિ ।
ઓં સં સર્વાત્મને સુબ્રહ્મણ્યાય સર્વોપચારાન્ સમર્પયામિ ।

કવચમ્ ।
સુબ્રહ્મણ્યોઽગ્રતઃ પાતુ સેનાનીઃ પાતુ પૃષ્ઠતઃ ।
ગુહો માં દક્ષિણે પાતુ વહ્નિજઃ પાતુ વામતઃ ॥ 1 ॥

શિરઃ પાતુ મહાસેનઃ સ્કંદો રક્ષેલ્લલાટકમ્ ।
નેત્રે મે દ્વાદશાક્ષશ્ચ શ્રોત્રે રક્ષતુ વિશ્વભૃત્ ॥ 2 ॥

મુખં મે ષણ્મુખઃ પાતુ નાસિકાં શંકરાત્મજઃ ।
ઓષ્ઠૌ વલ્લીપતિઃ પાતુ જિહ્વાં પાતુ ષડાનનઃ ॥ 3 ॥

દેવસેનાપતિર્દંતાન્ ચિબુકં બહુલોદ્ભવઃ ।
કંઠં તારકજિત્પાતુ બાહૂ દ્વાદશબાહુકઃ ॥ 4 ॥

હસ્તૌ શક્તિધરઃ પાતુ વક્ષઃ પાતુ શરોદ્ભવઃ ।
હૃદયં વહ્નિભૂઃ પાતુ કુક્ષિં પાત્વંબિકાસુતઃ ॥ 5 ॥

નાભિં શંભુસુતઃ પાતુ કટિં પાતુ હરાત્મજઃ ।
ઊરૂ પાતુ ગજારૂઢો જાનૂ મે જાહ્નવીસુતઃ ॥ 6 ॥

જંઘે વિશાખો મે પાતુ પાદૌ મે શિખિવાહનઃ ।
સર્વાણ્યંગાનિ ભૂતેશઃ સર્વધાતૂંશ્ચ પાવકિઃ ॥ 7 ॥

સંધ્યાકાલે નિશીથિન્યાં દિવા પ્રાતર્જલેઽગ્નિષુ ।
દુર્ગમે ચ મહારણ્યે રાજદ્વારે મહાભયે ॥ 8 ॥

તુમુલે રણ્યમધ્યે ચ સર્વદુષ્ટમૃગાદિષુ ।
ચોરાદિસાધ્વસેઽભેદ્યે જ્વરાદિવ્યાધિપીડને ॥ 9 ॥

દુષ્ટગ્રહાદિભીતૌ ચ દુર્નિમિત્તાદિભીષણે ।
અસ્ત્રશસ્ત્રનિપાતે ચ પાતુ માં ક્રૌંચરંધ્રકૃત્ ॥ 10 ॥

યઃ સુબ્રહ્મણ્યકવચં ઇષ્ટસિદ્ધિપ્રદં પઠેત્ ।
તસ્ય તાપત્રયં નાસ્તિ સત્યં સત્યં વદામ્યહમ્ ॥ 11 ॥

ધર્માર્થી લભતે ધર્મમર્થાર્થી ચાર્થમાપ્નુયાત્ ।
કામાર્થી લભતે કામં મોક્ષાર્થી મોક્ષમાપ્નુયાત્ ॥ 12 ॥

યત્ર યત્ર જપેદ્ભક્ત્યા તત્ર સન્નિહિતો ગુહઃ ।
પૂજાપ્રતિષ્ઠાકાલે ચ જપકાલે પઠેદિદમ્ ॥ 13 ॥

તેષામેવ ફલાવાપ્તિઃ મહાપાતકનાશનમ્ ।
યઃ પઠેચ્છૃણુયાદ્ભક્ત્યા નિત્યં દેવસ્ય સન્નિધૌ ।
સર્વાન્કામાનિહ પ્રાપ્ય સોઽંતે સ્કંદપુરં વ્રજેત્ ॥ 14 ॥

ઉત્તરન્યાસઃ ॥
કરન્યાસઃ –
ઓં સાં અંગુષ્ઠાભ્યાં નમઃ ।
ઓં સીં તર્જનીભ્યાં નમઃ ।
ઓં સૂં મધ્યમાભ્યાં નમઃ ।
ઓં સૈં અનામિકાભ્યાં નમઃ ।
ઓં સૌં કનિષ્ઠિકાભ્યાં નમઃ ।
ઓં સઃ કરતલકરપૃષ્ઠાભ્યાં નમઃ ॥
અંગન્યાસઃ –
ઓં સાં હૃદયાય નમઃ ।
ઓં સીં શિરસે સ્વાહા ।
ઓં સૂં શિખાયૈ વષટ્ ।
ઓં સૈં કવચાય હુમ્ ।
ઓં સૌં નેત્રત્રયાય વૌષટ્ ।
ઓં સઃ અસ્ત્રાય ફટ્ ।
ભૂર્ભુવસ્સુવરોમિતિ દિગ્વિમોકઃ ॥

ઇતિ શ્રી સુબ્રહ્મણ્ય કવચ સ્તોત્રમ્ ।

sri subrahmanya kavacha stotram in gujarati