ଶ୍ରୀ ମେଧା ଦକ୍ଷିଣାମୂର୍ତି ମଂତ୍ରଵର୍ଣପଦ ସ୍ତୁତିଃ

sri medha dakshina murthy stotram in odia

ଓମିତ୍ୟେକାକ୍ଷରଂ ବ୍ରହ୍ମ ଵ୍ୟାହରଂତି ତ୍ରୟଶ୍ଶିଖାଃ ।
ତସ୍ମୈତାରାତ୍ମନେ ମେଧାଦକ୍ଷିଣାମୂର୍ତୟେ ନମଃ ॥ 1 ॥

ନତ୍ଵା ୟଂ ମୁନୟସ୍ସର୍ଵେ ପରଂୟାଂତି ଦୁରାସଦମ୍ ।
ନକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 2 ॥

ମୋହଜାଲଵିନିର୍ମୁକ୍ତୋ ବ୍ରହ୍ମଵିଦ୍ୟାତି ୟତ୍ପଦମ୍ ।
ମୋକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 3 ॥

ଭଵମାଶ୍ରିତ୍ୟୟଂ ଵିଦ୍ଵାନ୍ ନଭଵୋହ୍ୟଭଵତ୍ପରଃ ।
ଭକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 4 ॥

ଗଗନାକାରଵଦ୍ଭାଂତମନୁଭାତ୍ୟଖିଲଂ ଜଗତ୍ ।
ଗକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 5 ॥

ଵଟମୂଲନିଵାସୋ ୟୋ ଲୋକାନାଂ ପ୍ରଭୁରଵ୍ୟୟଃ ।
ଵକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 6 ॥

ତେଜୋଭିର୍ୟସ୍ୟସୂର୍ୟୋଽସୌ କାଲକ୍ଲୃପ୍ତିକରୋ ଭଵେତ୍ ।
ତେକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 7 ॥

ଦକ୍ଷତ୍ରିପୁରସଂହାରେ ୟଃ କାଲଵିଷଭଂଜନେ ।
ଦକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 8 ॥

କ୍ଷିପ୍ରଂ ଭଵତି ଵାକ୍ସିଦ୍ଧିର୍ୟନ୍ନାମସ୍ମରଣାନ୍ନୃଣାମ୍ ।
କ୍ଷିକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 9 ॥

ଣାକାରଵାଚ୍ୟୋୟସ୍ସୁପ୍ତଂ ସଂଦୀପୟତି ମେ ମନଃ ।
ଣାକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 10 ॥

ମୂର୍ତୟୋ ହ୍ୟଷ୍ଟଧାୟସ୍ୟ ଜଗଜ୍ଜନ୍ମାଦିକାରଣମ୍ ।
ମୂକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 11 ॥

ତତ୍ତ୍ଵଂ ବ୍ରହ୍ମାସି ପରମମିତି ୟଦ୍ଗୁରୁବୋଧିତଃ ।
ସରେଫତାତ୍ମନେ ମେଧାଦକ୍ଷିଣାମୂର୍ତୟେ ନମଃ ॥ 12 ॥

ୟେୟଂ ଵିଦିତ୍ଵା ବ୍ରହ୍ମାଦ୍ୟା ଋଷୟୋ ୟାଂତି ନିର୍ଵୃତିମ୍ ।
ୟେକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 13 ॥

ମହତାଂ ଦେଵମିତ୍ୟାହୁର୍ନିଗମାଗମୟୋଶ୍ଶିଵଃ ।
ମକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 14 ॥

ସର୍ଵସ୍ୟଜଗତୋ ହ୍ୟଂତର୍ବହିର୍ୟୋ ଵ୍ୟାପ୍ୟସଂସ୍ଥିତଃ ।
ହ୍ୟକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 15 ॥

ତ୍ଵମେଵ ଜଗତସ୍ସାକ୍ଷୀ ସୃଷ୍ଟିସ୍ଥିତ୍ୟଂତକାରଣମ୍ ।
ମେକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 16 ॥

ଧାମେତି ଧାତୃସୃଷ୍ଟେର୍ୟତ୍କାରଣଂ କାର୍ୟମୁଚ୍ୟତେ ।
ଧାଂକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 17 ॥

ପ୍ରକୃତେର୍ୟତ୍ପରଂ ଧ୍ୟାତ୍ଵା ତାଦାତ୍ମ୍ୟଂ ୟାତି ଵୈ ମୁନିଃ ।
ପ୍ରକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 18 ॥

ଜ୍ଞାନିନୋୟମୁପାସ୍ୟଂତି ତତ୍ତ୍ଵାତୀତଂ ଚିଦାତ୍ମକମ୍ ।
ଜ୍ଞାକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 19 ॥

ପ୍ରଜ୍ଞା ସଂଜାୟତେ ୟସ୍ୟ ଧ୍ୟାନନାମାର୍ଚନାଦିଭିଃ ।
ପ୍ରକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 20 ॥

ୟସ୍ୟ ସ୍ମରଣମାତ୍ରେଣ ନରୋମୁକ୍ତସ୍ସବଂଧନାତ୍ । [ ସରୋମୁକ୍ତ ]
ୟକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 21 ॥

ଛଵେର୍ୟନ୍ନେଂଦ୍ରିୟାଣ୍ୟାପୁର୍ଵିଷୟେଷ୍ଵିହ ଜାଡ୍ୟତାମ୍ ।
ଛକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 22 ॥

ସ୍ଵାଂତେଵିଦାଂ ଜଡାନାଂ ୟୋ ଦୂରେତିଷ୍ଠତି ଚିନ୍ମୟଃ ।
ସ୍ଵାକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 23 ॥

ହାରପ୍ରାୟଫଣୀଂଦ୍ରାୟ ସର୍ଵଵିଦ୍ୟାପ୍ରଦାୟିନେ ।
ହାକାରରୂପିଣେ ମେଧାଦକ୍ଷିଣାମୂର୍ତୟେ ନମଃ ॥ 24 ॥

ଇତି ଶ୍ରୀ ମେଧାଦକ୍ଷିଣାମୂର୍ତି ମଂତ୍ରଵର୍ଣପଦ ସ୍ତୁତିଃ ॥

sri medha dakshina murthy stotram in odia