ଶ୍ରି ଦତ୍ତାତ୍ରେୟ ସ୍ତୋତ୍ରମ୍

sri dattatreya stotram in odia

ଜଟାଧରଂ ପାଂଡୁରାଂଗଂ ଶୂଲହସ୍ତଂ କୃପାନିଧିମ୍ ।
ସର୍ଵରୋଗହରଂ ଦେଵଂ ଦତ୍ତାତ୍ରେୟମହଂ ଭଜେ ॥ 1 ॥

ଅସ୍ୟ ଶ୍ରୀଦତ୍ତାତ୍ରେୟସ୍ତୋତ୍ରମଂତ୍ରସ୍ୟ ଭଗଵାନ୍ନାରଦୃଷିଃ । ଅନୁଷ୍ଟୁପ୍ ଛଂଦଃ । ଶ୍ରୀଦତ୍ତଃ ପରମାତ୍ମା ଦେଵତା । ଶ୍ରୀଦତ୍ତାତ୍ରେୟ ପ୍ରୀତ୍ୟର୍ଥେ ଜପେ ଵିନିୟୋଗଃ ॥

ନାରଦ ଉଵାଚ ।
ଜଗଦୁତ୍ପତ୍ତିକର୍ତ୍ରେ ଚ ସ୍ଥିତିସଂହାରହେତଵେ ।
ଭଵପାଶଵିମୁକ୍ତାୟ ଦତ୍ତାତ୍ରେୟ ନମୋଽସ୍ତୁ ତେ ॥ 1 ॥

ଜରାଜନ୍ମଵିନାଶାୟ ଦେହଶୁଦ୍ଧିକରାୟ ଚ ।
ଦିଗଂବର ଦୟାମୂର୍ତେ ଦତ୍ତାତ୍ରେୟ ନମୋଽସ୍ତୁ ତେ ॥ 2 ॥

କର୍ପୂରକାଂତିଦେହାୟ ବ୍ରହ୍ମମୂର୍ତିଧରାୟ ଚ ।
ଵେଦଶାସ୍ତ୍ରପରିଜ୍ଞାୟ ଦତ୍ତାତ୍ରେୟ ନମୋଽସ୍ତୁ ତେ ॥ 3 ॥

ହ୍ରସ୍ଵଦୀର୍ଘକୃଶସ୍ଥୂଲନାମଗୋତ୍ରଵିଵର୍ଜିତ ।
ପଂଚଭୂତୈକଦୀପ୍ତାୟ ଦତ୍ତାତ୍ରେୟ ନମୋଽସ୍ତୁ ତେ ॥ 4 ॥

ୟଜ୍ଞଭୋକ୍ତେ ଚ ୟଜ୍ଞାୟ ୟଜ୍ଞରୂପଧରାୟ ଚ ।
ୟଜ୍ଞପ୍ରିୟାୟ ସିଦ୍ଧାୟ ଦତ୍ତାତ୍ରେୟ ନମୋଽସ୍ତୁ ତେ ॥ 5 ॥

ଆଦୌ ବ୍ରହ୍ମା ହରିର୍ମଧ୍ୟେ ହ୍ୟଂତେ ଦେଵସ୍ସଦାଶିଵଃ ।
ମୂର୍ତିତ୍ରୟସ୍ଵରୂପାୟ ଦତ୍ତାତ୍ରେୟ ନମୋଽସ୍ତୁ ତେ ॥ 6 ॥

ଭୋଗାଲୟାୟ ଭୋଗାୟ ୟୋଗୟୋଗ୍ୟାୟ ଧାରିଣେ ।
ଜିତେଂଦ୍ରିୟ ଜିତଜ୍ଞାୟ ଦତ୍ତାତ୍ରେୟ ନମୋଽସ୍ତୁ ତେ ॥ 7 ॥

ଦିଗଂବରାୟ ଦିଵ୍ୟାୟ ଦିଵ୍ୟରୂପଧରାୟ ଚ ।
ସଦୋଦିତପରବ୍ରହ୍ମ ଦତ୍ତାତ୍ରେୟ ନମୋଽସ୍ତୁ ତେ ॥ 8 ॥

ଜଂବୂଦ୍ଵୀପେ ମହାକ୍ଷେତ୍ରେ ମାତାପୁରନିଵାସିନେ ।
ଜୟମାନ ସତାଂ ଦେଵ ଦତ୍ତାତ୍ରେୟ ନମୋଽସ୍ତୁ ତେ ॥ 9 ॥

ଭିକ୍ଷାଟନଂ ଗୃହେ ଗ୍ରାମେ ପାତ୍ରଂ ହେମମୟଂ କରେ ।
ନାନାସ୍ଵାଦମୟୀ ଭିକ୍ଷା ଦତ୍ତାତ୍ରେୟ ନମୋଽସ୍ତୁ ତେ ॥ 10 ॥

ବ୍ରହ୍ମଜ୍ଞାନମୟୀ ମୁଦ୍ରା ଵସ୍ତ୍ରେ ଚାକାଶଭୂତଲେ ।
ପ୍ରଜ୍ଞାନଘନବୋଧାୟ ଦତ୍ତାତ୍ରେୟ ନମୋଽସ୍ତୁ ତେ ॥ 11 ॥

ଅଵଧୂତ ସଦାନଂଦ ପରବ୍ରହ୍ମସ୍ଵରୂପିଣେ ।
ଵିଦେହଦେହରୂପାୟ ଦତ୍ତାତ୍ରେୟ ନମୋଽସ୍ତୁ ତେ ॥ 12 ॥

ସତ୍ୟରୂପ ସଦାଚାର ସତ୍ୟଧର୍ମପରାୟଣ ।
ସତ୍ୟାଶ୍ରୟପରୋକ୍ଷାୟ ଦତ୍ତାତ୍ରେୟ ନମୋଽସ୍ତୁ ତେ ॥ 13 ॥

ଶୂଲହସ୍ତଗଦାପାଣେ ଵନମାଲାସୁକଂଧର ।
ୟଜ୍ଞସୂତ୍ରଧର ବ୍ରହ୍ମନ୍ ଦତ୍ତାତ୍ରେୟ ନମୋଽସ୍ତୁ ତେ ॥ 14 ॥

କ୍ଷରାକ୍ଷରସ୍ଵରୂପାୟ ପରାତ୍ପରତରାୟ ଚ ।
ଦତ୍ତମୁକ୍ତିପରସ୍ତୋତ୍ର ଦତ୍ତାତ୍ରେୟ ନମୋଽସ୍ତୁ ତେ ॥ 15 ॥

ଦତ୍ତ ଵିଦ୍ୟାଢ୍ୟ ଲକ୍ଷ୍ମୀଶ ଦତ୍ତ ସ୍ଵାତ୍ମସ୍ଵରୂପିଣେ ।
ଗୁଣନିର୍ଗୁଣରୂପାୟ ଦତ୍ତାତ୍ରେୟ ନମୋଽସ୍ତୁ ତେ ॥ 16 ॥

ଶତ୍ରୁନାଶକରଂ ସ୍ତୋତ୍ରଂ ଜ୍ଞାନଵିଜ୍ଞାନଦାୟକମ୍ ।
ସର୍ଵପାପଂ ଶମଂ ୟାତି ଦତ୍ତାତ୍ରେୟ ନମୋଽସ୍ତୁ ତେ ॥ 17 ॥

ଇଦଂ ସ୍ତୋତ୍ରଂ ମହଦ୍ଦିଵ୍ୟଂ ଦତ୍ତପ୍ରତ୍ୟକ୍ଷକାରକମ୍ ।
ଦତ୍ତାତ୍ରେୟପ୍ରସାଦାଚ୍ଚ ନାରଦେନ ପ୍ରକୀର୍ତିତମ୍ ॥ 18 ॥

ଇତି ଶ୍ରୀନାରଦପୁରାଣେ ନାରଦଵିରଚିତଂ ଶ୍ରୀ ଦତ୍ତାତ୍ରେୟ ସ୍ତୋତ୍ରମ୍ ।

sri dattatreya stotram in odia