ଶ୍ରୀ ଅନ୍ନପୂର୍ଣା ଅଷ୍ଟୋତ୍ତରଶତ ନାମ୍ସ୍ତୋତ୍ରମ୍

sri annapurna ashtottara satanama stotram in odia

ଅସ୍ୟ ଶ୍ରୀ ଅନ୍ନପୂର୍ଣାଷ୍ଟୋତ୍ତର ଶତନାମସ୍ତୋତ୍ର ମହାମଂତ୍ରସ୍ୟ ବ୍ରହ୍ମା ଋଷିଃ ଅନୁଷ୍ଟୁପ୍ଛଂଦଃ ଶ୍ରୀ ଅନ୍ନପୂର୍ଣେଶ୍ଵରୀ ଦେଵତା ସ୍ଵଧା ବୀଜଂ ସ୍ଵାହା ଶକ୍ତିଃ ଓଂ କୀଲକଂ ମମ ସର୍ଵାଭୀଷ୍ଟପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ ।

ଓଂ ଅନ୍ନପୂର୍ଣା ଶିଵା ଦେଵୀ ଭୀମା ପୁଷ୍ଟିସ୍ସରସ୍ଵତୀ ।
ସର୍ଵଜ୍ଞା ପାର୍ଵତୀ ଦୁର୍ଗା ଶର୍ଵାଣୀ ଶିଵଵଲ୍ଲଭା ॥ 1 ॥

ଵେଦଵେଦ୍ୟା ମହାଵିଦ୍ୟା ଵିଦ୍ୟାଦାତ୍ରୀ ଵିଶାରଦା ।
କୁମାରୀ ତ୍ରିପୁରା ବାଲା ଲକ୍ଷ୍ମୀଶ୍ଶ୍ରୀର୍ଭୟହାରିଣୀ ॥ 2 ॥

ଭଵାନୀ ଵିଷ୍ଣୁଜନନୀ ବ୍ରହ୍ମାଦିଜନନୀ ତଥା ।
ଗଣେଶଜନନୀ ଶକ୍ତିଃ କୁମାରଜନନୀ ଶୁଭା ॥ 3 ॥

ଭୋଗପ୍ରଦା ଭଗଵତୀ ଭକ୍ତାଭୀଷ୍ଟପ୍ରଦାୟିନୀ ।
ଭଵରୋଗହରା ଭଵ୍ୟା ଶୁଭ୍ରା ପରମମଂଗଲା ॥ 4 ॥

ଭଵାନୀ ଚଂଚଲା ଗୌରୀ ଚାରୁଚଂଦ୍ରକଲାଧରା ।
ଵିଶାଲାକ୍ଷୀ ଵିଶ୍ଵମାତା ଵିଶ୍ଵଵଂଦ୍ୟା ଵିଲାସିନୀ ॥ 5 ॥

ଆର୍ୟା କଲ୍ୟାଣନିଲୟା ରୁଦ୍ରାଣୀ କମଲାସନା ।
ଶୁଭପ୍ରଦା ଶୁଭାଽନଂତା ଵୃତ୍ତପୀନପୟୋଧରା ॥ 6 ॥

ଅଂବା ସଂହାରମଥନୀ ମୃଡାନୀ ସର୍ଵମଂଗଲା ।
ଵିଷ୍ଣୁସଂସେଵିତା ସିଦ୍ଧା ବ୍ରହ୍ମାଣୀ ସୁରସେଵିତା ॥ 7 ॥

ପରମାନଂଦଦା ଶାଂତିଃ ପରମାନଂଦରୂପିଣୀ ।
ପରମାନଂଦଜନନୀ ପରାନଂଦପ୍ରଦାୟିନୀ ॥ 8 ॥

ପରୋପକାରନିରତା ପରମା ଭକ୍ତଵତ୍ସଲା ।
ପୂର୍ଣଚଂଦ୍ରାଭଵଦନା ପୂର୍ଣଚଂଦ୍ରନିଭାଂଶୁକା ॥ 9 ॥

ଶୁଭଲକ୍ଷଣସଂପନ୍ନା ଶୁଭାନଂଦଗୁଣାର୍ଣଵା ।
ଶୁଭସୌଭାଗ୍ୟନିଲୟା ଶୁଭଦା ଚ ରତିପ୍ରିୟା ॥ 10 ॥

ଚଂଡିକା ଚଂଡମଥନୀ ଚଂଡଦର୍ପନିଵାରିଣୀ ।
ମାର୍ତାଂଡନୟନା ସାଧ୍ଵୀ ଚଂଦ୍ରାଗ୍ନିନୟନା ସତୀ ॥ 11 ॥

ପୁଂଡରୀକହରା ପୂର୍ଣା ପୁଣ୍ୟଦା ପୁଣ୍ୟରୂପିଣୀ ।
ମାୟାତୀତା ଶ୍ରେଷ୍ଠମାୟା ଶ୍ରେଷ୍ଠଧର୍ମାତ୍ମଵଂଦିତା ॥ 12 ॥

ଅସୃଷ୍ଟିସ୍ସଂଗରହିତା ସୃଷ୍ଟିହେତୁ କପର୍ଦିନୀ ।
ଵୃଷାରୂଢା ଶୂଲହସ୍ତା ସ୍ଥିତିସଂହାରକାରିଣୀ ॥ 13 ॥

ମଂଦସ୍ମିତା ସ୍କଂଦମାତା ଶୁଦ୍ଧଚିତ୍ତା ମୁନିସ୍ତୁତା ।
ମହାଭଗଵତୀ ଦକ୍ଷା ଦକ୍ଷାଧ୍ଵରଵିନାଶିନୀ ॥ 14 ॥

ସର୍ଵାର୍ଥଦାତ୍ରୀ ସାଵିତ୍ରୀ ସଦାଶିଵକୁଟୁଂବିନୀ ।
ନିତ୍ୟସୁଂଦରସର୍ଵାଂଗୀ ସଚ୍ଚିଦାନଂଦଲକ୍ଷଣା ॥ 15 ॥

ନାମ୍ନାମଷ୍ଟୋତ୍ତରଶତମଂବାୟାଃ ପୁଣ୍ୟକାରଣମ୍ ।
ସର୍ଵସୌଭାଗ୍ୟସିଦ୍ଧ୍ୟର୍ଥଂ ଜପନୀୟଂ ପ୍ରୟତ୍ନତଃ ॥ 16 ॥

ଇଦଂ ଜପାଧିକାରସ୍ତୁ ପ୍ରାଣମେଵ ତତସ୍ସ୍ତୁତଃ ।
ଆଵହଂତୀତି ମଂତ୍ରେଣ ପ୍ରତ୍ୟେକଂ ଚ ୟଥାକ୍ରମମ୍ ॥ 17 ॥

କର୍ତଵ୍ୟଂ ତର୍ପଣଂ ନିତ୍ୟଂ ପୀଠମଂତ୍ରେତି ମୂଲଵତ୍ ।
ତତ୍ତନ୍ମଂତ୍ରେତିହୋମେତି କର୍ତଵ୍ୟଶ୍ଚେତି ମାଲଵତ୍ ॥ 18 ॥

ଏତାନି ଦିଵ୍ୟନାମାନି ଶ୍ରୁତ୍ଵା ଧ୍ୟାତ୍ଵା ନିରଂତରମ୍ ।
ସ୍ତୁତ୍ଵା ଦେଵୀଂ ଚ ସତତଂ ସର୍ଵାନ୍କାମାନଵାପ୍ନୁୟାତ୍ ॥ 19 ॥

ଇତି ଶ୍ରୀ ବ୍ରହ୍ମୋତ୍ତରଖଂଡେ ଆଗମପ୍ରଖ୍ୟାତିଶିଵରହସ୍ୟେ ଅନ୍ନପୂର୍ଣାଷ୍ଟୋତ୍ତର ଶତନାମସ୍ତୋତ୍ରମ୍ ॥

sri annapurna ashtottara satanama stotram in odia