શ્રી અન્નપૂર્ણા અષ્ટોત્તરશત નામ્સ્તોત્રમ્

sri annapurna ashtottara satanama stotram in gujarati

અસ્ય શ્રી અન્નપૂર્ણાષ્ટોત્તર શતનામસ્તોત્ર મહામંત્રસ્ય બ્રહ્મા ઋષિઃ અનુષ્ટુપ્છંદઃ શ્રી અન્નપૂર્ણેશ્વરી દેવતા સ્વધા બીજં સ્વાહા શક્તિઃ ઓં કીલકં મમ સર્વાભીષ્ટપ્રસાદસિદ્ધ્યર્થે જપે વિનિયોગઃ ।

ઓં અન્નપૂર્ણા શિવા દેવી ભીમા પુષ્ટિસ્સરસ્વતી ।
સર્વજ્ઞા પાર્વતી દુર્ગા શર્વાણી શિવવલ્લભા ॥ 1 ॥

વેદવેદ્યા મહાવિદ્યા વિદ્યાદાત્રી વિશારદા ।
કુમારી ત્રિપુરા બાલા લક્ષ્મીશ્શ્રીર્ભયહારિણી ॥ 2 ॥

ભવાની વિષ્ણુજનની બ્રહ્માદિજનની તથા ।
ગણેશજનની શક્તિઃ કુમારજનની શુભા ॥ 3 ॥

ભોગપ્રદા ભગવતી ભક્તાભીષ્ટપ્રદાયિની ।
ભવરોગહરા ભવ્યા શુભ્રા પરમમંગલા ॥ 4 ॥

ભવાની ચંચલા ગૌરી ચારુચંદ્રકલાધરા ।
વિશાલાક્ષી વિશ્વમાતા વિશ્વવંદ્યા વિલાસિની ॥ 5 ॥

આર્યા કલ્યાણનિલયા રુદ્રાણી કમલાસના ।
શુભપ્રદા શુભાઽનંતા વૃત્તપીનપયોધરા ॥ 6 ॥

અંબા સંહારમથની મૃડાની સર્વમંગલા ।
વિષ્ણુસંસેવિતા સિદ્ધા બ્રહ્માણી સુરસેવિતા ॥ 7 ॥

પરમાનંદદા શાંતિઃ પરમાનંદરૂપિણી ।
પરમાનંદજનની પરાનંદપ્રદાયિની ॥ 8 ॥

પરોપકારનિરતા પરમા ભક્તવત્સલા ।
પૂર્ણચંદ્રાભવદના પૂર્ણચંદ્રનિભાંશુકા ॥ 9 ॥

શુભલક્ષણસંપન્ના શુભાનંદગુણાર્ણવા ।
શુભસૌભાગ્યનિલયા શુભદા ચ રતિપ્રિયા ॥ 10 ॥

ચંડિકા ચંડમથની ચંડદર્પનિવારિણી ।
માર્તાંડનયના સાધ્વી ચંદ્રાગ્નિનયના સતી ॥ 11 ॥

પુંડરીકહરા પૂર્ણા પુણ્યદા પુણ્યરૂપિણી ।
માયાતીતા શ્રેષ્ઠમાયા શ્રેષ્ઠધર્માત્મવંદિતા ॥ 12 ॥

અસૃષ્ટિસ્સંગરહિતા સૃષ્ટિહેતુ કપર્દિની ।
વૃષારૂઢા શૂલહસ્તા સ્થિતિસંહારકારિણી ॥ 13 ॥

મંદસ્મિતા સ્કંદમાતા શુદ્ધચિત્તા મુનિસ્તુતા ।
મહાભગવતી દક્ષા દક્ષાધ્વરવિનાશિની ॥ 14 ॥

સર્વાર્થદાત્રી સાવિત્રી સદાશિવકુટુંબિની ।
નિત્યસુંદરસર્વાંગી સચ્ચિદાનંદલક્ષણા ॥ 15 ॥

નામ્નામષ્ટોત્તરશતમંબાયાઃ પુણ્યકારણમ્ ।
સર્વસૌભાગ્યસિદ્ધ્યર્થં જપનીયં પ્રયત્નતઃ ॥ 16 ॥

ઇદં જપાધિકારસ્તુ પ્રાણમેવ તતસ્સ્તુતઃ ।
આવહંતીતિ મંત્રેણ પ્રત્યેકં ચ યથાક્રમમ્ ॥ 17 ॥

કર્તવ્યં તર્પણં નિત્યં પીઠમંત્રેતિ મૂલવત્ ।
તત્તન્મંત્રેતિહોમેતિ કર્તવ્યશ્ચેતિ માલવત્ ॥ 18 ॥

એતાનિ દિવ્યનામાનિ શ્રુત્વા ધ્યાત્વા નિરંતરમ્ ।
સ્તુત્વા દેવીં ચ સતતં સર્વાન્કામાનવાપ્નુયાત્ ॥ 19 ॥

ઇતિ શ્રી બ્રહ્મોત્તરખંડે આગમપ્રખ્યાતિશિવરહસ્યે અન્નપૂર્ણાષ્ટોત્તર શતનામસ્તોત્રમ્ ॥

sri annapurna ashtottara satanama stotram in gujarati