ଶ୍ରୀ ଆଦିତ୍ୟ (ସୂର୍ୟ) ଦ୍ଵାଦଶ ନାମ ସ୍ତୋତ୍ରମ୍

sri adiya surya dwadasha nama stotram in odia

ଆଦିତ୍ୟଃ ପ୍ରଥମଂ ନାମଂ ଦ୍ଵିତୀୟଂ ତୁ ଦିଵାକରଃ ।
ତୃତୀୟଂ ଭାସ୍କରଃ ପ୍ରୋକ୍ତଂ ଚତୁର୍ଥଂ ତୁ ପ୍ରଭାକରଃ ॥ 1 ॥

ପଂଚମଂ ତୁ ସହସ୍ରାଂଶୁଃ ଷଷ୍ଠଂ ଚୈଵ ତ୍ରିଲୋଚନଃ ।
ସପ୍ତମଂ ହରିଦଶ୍ଵଶ୍ଚ ଅଷ୍ଟମଂ ତୁ ଵିଭାଵସୁଃ ॥ 2 ॥

ନଵମଂ ଦିନକୃତ୍ ପ୍ରୋକ୍ତଂ ଦଶମଂ ଦ୍ଵାଦଶାତ୍ମକଃ ।
ଏକାଦଶଂ ତ୍ରୟୀମୂର୍ତିର୍ଦ୍ଵାଦଶଂ ସୂର୍ୟ ଏଵ ଚ ॥ 3 ॥

ଦ୍ଵାଦଶାଦିତ୍ୟନାମାନି ପ୍ରାତଃ କାଲେ ପଠେନ୍ନରଃ ।
ଦୁଃସ୍ଵପ୍ନୋ ନଶ୍ୟତେ ତସ୍ୟ ସର୍ଵଦୁଃଖଂ ଚ ନଶ୍ୟତି ॥ 4 ॥

ଦଦ୍ରୁକୁଷ୍ଠହରଂ ଚୈଵ ଦାରିଦ୍ର୍ୟଂ ହରତେ ଧ୍ରୁଵମ୍ ।
ସର୍ଵତୀର୍ଥକରଂ ଚୈଵ ସର୍ଵକାମଫଲପ୍ରଦମ୍ ॥ 5 ॥

ୟଃ ପଠେତ୍ ପ୍ରାତରୁତ୍ଥାୟ ଭକ୍ତ୍ୟା ସ୍ତୋତ୍ରମିଦଂ ନରଃ ।
ସୌଖ୍ୟମାୟୁସ୍ତଥାରୋଗ୍ୟଂ ଲଭତେ ମୋକ୍ଷମେଵ ଚ ॥ 6 ॥

ଇତି ଶ୍ରୀ ଆଦିତ୍ୟ ଦ୍ଵାଦଶନାମ ସ୍ତୋତ୍ରମ୍ ।

sri adiya surya dwadasha nama stotram in odia