ସିଦ୍ଧି ଵିନାୟକ ସ୍ତୋତ୍ରମ୍

siddhi vinayaka stotram in odia

ଵିଘ୍ନେଶ ଵିଘ୍ନଚୟଖଂଡନନାମଧେୟ
ଶ୍ରୀଶଂକରାତ୍ମଜ ସୁରାଧିପଵଂଦ୍ୟପାଦ ।
ଦୁର୍ଗାମହାଵ୍ରତଫଲାଖିଲମଂଗଳାତ୍ମନ୍
ଵିଘ୍ନଂ ମମାପହର ସିଦ୍ଧିଵିନାୟକ ତ୍ଵମ୍ ॥ 1 ॥

ସତ୍ପଦ୍ମରାଗମଣିଵର୍ଣଶରୀରକାଂତିଃ
ଶ୍ରୀସିଦ୍ଧିବୁଦ୍ଧିପରିଚର୍ଚିତକୁଂକୁମଶ୍ରୀଃ ।
ଵକ୍ଷଃସ୍ଥଲେ ଵଲୟିତାତିମନୋଜ୍ଞଶୁଂଡୋ
ଵିଘ୍ନଂ ମମାପହର ସିଦ୍ଧିଵିନାୟକ ତ୍ଵମ୍ ॥ 2 ॥

ପାଶାଂକୁଶାବ୍ଜପରଶୂଂଶ୍ଚ ଦଧଚ୍ଚତୁର୍ଭି-
-ର୍ଦୋର୍ଭିଶ୍ଚ ଶୋଣକୁସୁମସ୍ରଗୁମାଂଗଜାତଃ ।
ସିଂଦୂରଶୋଭିତଲଲାଟଵିଧୁପ୍ରକାଶୋ
ଵିଘ୍ନଂ ମମାପହର ସିଦ୍ଧିଵିନାୟକ ତ୍ଵମ୍ ॥ 3 ॥

କାର୍ୟେଷୁ ଵିଘ୍ନଚୟଭୀତଵିରିଂଚମୁଖ୍ୟୈଃ
ସଂପୂଜିତଃ ସୁରଵରୈରପି ମୋଦକାଦ୍ୟୈଃ ।
ସର୍ଵେଷୁ ଚ ପ୍ରଥମମେଵ ସୁରେଷୁ ପୂଜ୍ୟୋ
ଵିଘ୍ନଂ ମମାପହର ସିଦ୍ଧିଵିନାୟକ ତ୍ଵମ୍ ॥ 4 ॥

ଶୀଘ୍ରାଂଚନସ୍ଖଲନତୁଂଗରଵୋର୍ଧ୍ଵକଂଠ-
-ସ୍ଥୂଲେଂଦୁରୁଦ୍ରଗଣହାସିତଦେଵସଂଘଃ ।
ଶୂର୍ପଶ୍ରୁତିଶ୍ଚ ପୃଥୁଵର୍ତୁଲତୁଂଗତୁଂଦୋ
ଵିଘ୍ନଂ ମମାପହର ସିଦ୍ଧିଵିନାୟକ ତ୍ଵମ୍ ॥ 5 ॥

ୟଜ୍ଞୋପଵୀତପଦଲଂଭିତନାଗରାଜ
ମାସାଦିପୁଣ୍ୟଦଦୃଶୀକୃତୃକ୍ଷରାଜଃ ।
ଭକ୍ତାଭୟପ୍ରଦ ଦୟାଲୟ ଵିଘ୍ନରାଜ
ଵିଘ୍ନଂ ମମାପହର ସିଦ୍ଧିଵିନାୟକ ତ୍ଵମ୍ ॥ 6 ॥

ସଦ୍ରତ୍ନସାରତତିରାଜିତସତ୍କିରୀଟଃ
କୌସୁଂଭଚାରୁଵସନଦ୍ଵୟ ଊର୍ଜିତଶ୍ରୀଃ ।
ସର୍ଵତ୍ରମଂଗଳକରସ୍ମରଣପ୍ରତାପୋ
ଵିଘ୍ନଂ ମମାପହର ସିଦ୍ଧିଵିନାୟକ ତ୍ଵମ୍ ॥ 7 ॥

ଦେଵାଂତକାଦ୍ୟସୁରଭୀତସୁରାର୍ତିହର୍ତା
ଵିଜ୍ଞାନବୋଧନଵରେଣ ତମୋଽପହର୍ତା ।
ଆନଂଦିତତ୍ରିଭୁଵନେଶ କୁମାରବଂଧୋ
ଵିଘ୍ନଂ ମମାପହର ସିଦ୍ଧିଵିନାୟକ ତ୍ଵମ୍ ॥ 8 ॥

ଇତି ଶ୍ରୀମୁଦ୍ଗଲପୁରାଣେ ଶ୍ରୀସିଦ୍ଧିଵିନାୟକ ସ୍ତୋତ୍ରଂ ସଂପୂର୍ଣମ୍ ।

siddhi vinayaka stotram in odia