ଶାରଦା ପ୍ରାର୍ଥନ

sharada prarthana in odia

ନମସ୍ତେ ଶାରଦେ ଦେଵି କାଶ୍ମୀରପୁରଵାସିନି
ତ୍ଵାମହଂ ପ୍ରାର୍ଥୟେ ନିତ୍ୟଂ ଵିଦ୍ୟାଦାନଂ ଚ ଦେହି ମେ ॥ 1 ॥

ୟା ଶ୍ରଦ୍ଧା ଧାରଣା ମେଧା ଵାଗ୍ଦେଵୀ ଵିଧିଵଲ୍ଲଭା
ଭକ୍ତଜିହ୍ଵାଗ୍ରସଦନା ଶମାଦିଗୁଣଦାୟିନୀ ॥ 2 ॥

ନମାମି ୟାମିନୀଂ ନାଥଲେଖାଲଂକୃତକୁଂତଲାମ୍
ଭଵାନୀଂ ଭଵସଂତାପନିର୍ଵାପଣସୁଧାନଦୀମ୍ ॥ 3 ॥

ଭଦ୍ରକାଳ୍ୟୈ ନମୋ ନିତ୍ୟଂ ସରସ୍ଵତ୍ୟୈ ନମୋ ନମଃ
ଵେଦଵେଦାଂଗଵେଦାଂତଵିଦ୍ୟାସ୍ଥାନେଭ୍ୟ ଏଵ ଚ ॥ 4 ॥

ବ୍ରହ୍ମସ୍ଵରୂପା ପରମା ଜ୍ୟୋତିରୂପା ସନାତନୀ
ସର୍ଵଵିଦ୍ୟାଧିଦେଵୀ ୟା ତସ୍ୟୈ ଵାଣ୍ୟୈ ନମୋ ନମଃ ॥ 5 ॥

ୟୟା ଵିନା ଜଗତ୍ସର୍ଵଂ ଶଶ୍ଵଜ୍ଜୀଵନ୍ମୃତଂ ଭଵେତ୍
ଜ୍ଞାନାଧିଦେଵୀ ୟା ତସ୍ୟୈ ସରସ୍ଵତ୍ୟୈ ନମୋ ନମଃ ॥ 6 ॥

ୟୟା ଵିନା ଜଗତ୍ସର୍ଵଂ ମୂକମୁନ୍ମତ୍ତଵତ୍ସଦା
ୟା ଦେଵୀ ଵାଗଧିଷ୍ଠାତ୍ରୀ ତସ୍ୟୈ ଵାଣ୍ୟୈ ନମୋ ନମଃ ॥ 7 ॥

॥ ଇତି ଶ୍ରୀମଚ୍ଛଂକରାଚାର୍ୟଵିରଚିତା ଶାରଦା ପ୍ରାର୍ଥନ ସଂପୂର୍ଣମ୍ ॥

sharada prarthana in odia