શારદા પ્રાર્થન

sharada prarthana in gujarati

નમસ્તે શારદે દેવિ કાશ્મીરપુરવાસિનિ
ત્વામહં પ્રાર્થયે નિત્યં વિદ્યાદાનં ચ દેહિ મે ॥ 1 ॥

યા શ્રદ્ધા ધારણા મેધા વાગ્દેવી વિધિવલ્લભા
ભક્તજિહ્વાગ્રસદના શમાદિગુણદાયિની ॥ 2 ॥

નમામિ યામિનીં નાથલેખાલંકૃતકુંતલામ્
ભવાનીં ભવસંતાપનિર્વાપણસુધાનદીમ્ ॥ 3 ॥

ભદ્રકાળ્યૈ નમો નિત્યં સરસ્વત્યૈ નમો નમઃ
વેદવેદાંગવેદાંતવિદ્યાસ્થાનેભ્ય એવ ચ ॥ 4 ॥

બ્રહ્મસ્વરૂપા પરમા જ્યોતિરૂપા સનાતની
સર્વવિદ્યાધિદેવી યા તસ્યૈ વાણ્યૈ નમો નમઃ ॥ 5 ॥

યયા વિના જગત્સર્વં શશ્વજ્જીવન્મૃતં ભવેત્
જ્ઞાનાધિદેવી યા તસ્યૈ સરસ્વત્યૈ નમો નમઃ ॥ 6 ॥

યયા વિના જગત્સર્વં મૂકમુન્મત્તવત્સદા
યા દેવી વાગધિષ્ઠાત્રી તસ્યૈ વાણ્યૈ નમો નમઃ ॥ 7 ॥

॥ ઇતિ શ્રીમચ્છંકરાચાર્યવિરચિતા શારદા પ્રાર્થન સંપૂર્ણમ્ ॥

sharada prarthana in gujarati