ନଵଗ୍ରହ କଵଚମ୍

nava graha kavacham in odia

ଶିରୋ ମେ ପାତୁ ମାର୍ତାଂଡୋ କପାଲଂ ରୋହିଣୀପତିଃ ।
ମୁଖମଂଗାରକଃ ପାତୁ କଂଠଶ୍ଚ ଶଶିନଂଦନଃ ॥ 1 ॥

ବୁଦ୍ଧିଂ ଜୀଵଃ ସଦା ପାତୁ ହୃଦୟଂ ଭୃଗୁନଂଦନଃ ।
ଜଠରଂ ଚ ଶନିଃ ପାତୁ ଜିହ୍ଵାଂ ମେ ଦିତିନଂଦନଃ ॥ 2 ॥

ପାଦୌ କେତୁଃ ସଦା ପାତୁ ଵାରାଃ ସର୍ଵାଂଗମେଵ ଚ ।
ତିଥୟୋଽଷ୍ଟୌ ଦିଶଃ ପାଂତୁ ନକ୍ଷତ୍ରାଣି ଵପୁଃ ସଦା ॥ 3 ॥

ଅଂସୌ ରାଶିଃ ସଦା ପାତୁ ୟୋଗାଶ୍ଚ ସ୍ଥୈର୍ୟମେଵ ଚ ।
ଗୁହ୍ୟଂ ଲିଂଗଂ ସଦା ପାଂତୁ ସର୍ଵେ ଗ୍ରହାଃ ଶୁଭପ୍ରଦାଃ ॥ 4 ॥

ଅଣିମାଦୀନି ସର୍ଵାଣି ଲଭତେ ୟଃ ପଠେଦ୍ ଧୃଵମ୍ ।
ଏତାଂ ରକ୍ଷାଂ ପଠେଦ୍ ୟସ୍ତୁ ଭକ୍ତ୍ୟା ସ ପ୍ରୟତଃ ସୁଧୀଃ ॥ 5 ॥

ସ ଚିରାୟୁଃ ସୁଖୀ ପୁତ୍ରୀ ରଣେ ଚ ଵିଜୟୀ ଭଵେତ୍ ।
ଅପୁତ୍ରୋ ଲଭତେ ପୁତ୍ରଂ ଧନାର୍ଥୀ ଧନମାପ୍ନୁୟାତ୍ ॥ 6 ॥

ଦାରାର୍ଥୀ ଲଭତେ ଭାର୍ୟାଂ ସୁରୂପାଂ ସୁମନୋହରାମ୍ ।
ରୋଗୀ ରୋଗାତ୍ପ୍ରମୁଚ୍ୟେତ ବଦ୍ଧୋ ମୁଚ୍ୟେତ ବଂଧନାତ୍ ॥ 7 ॥

ଜଲେ ସ୍ଥଲେ ଚାଂତରିକ୍ଷେ କାରାଗାରେ ଵିଶେଷତଃ ।
ୟଃ କରେ ଧାରୟେନ୍ନିତ୍ୟଂ ଭୟଂ ତସ୍ୟ ନ ଵିଦ୍ୟତେ ॥ 8 ॥

ବ୍ରହ୍ମହତ୍ୟା ସୁରାପାନଂ ସ୍ତେୟଂ ଗୁର୍ଵଂଗନାଗମଃ ।
ସର୍ଵପାପୈଃ ପ୍ରମୁଚ୍ୟେତ କଵଚସ୍ୟ ଚ ଧାରଣାତ୍ ॥ 9 ॥

ନାରୀ ଵାମଭୁଜେ ଧୃତ୍ଵା ସୁଖୈଶ୍ଵର୍ୟସମନ୍ଵିତା ।
କାକଵଂଧ୍ୟା ଜନ୍ମଵଂଧ୍ୟା ମୃତଵତ୍ସା ଚ ୟା ଭଵେତ୍ ।
ବହ୍ଵପତ୍ୟା ଜୀଵଵତ୍ସା କଵଚସ୍ୟ ପ୍ରସାଦତଃ ॥ 10 ॥

ଇତି ଗ୍ରହୟାମଲେ ଉତ୍ତରଖଂଡେ ନଵଗ୍ରହ କଵଚଂ ସମାପ୍ତମ୍ ।

nava graha kavacham in odia