ନାରାୟଣୀୟଂ ଦଶକ 62 – ଇଂଦ୍ରୟଜ୍ଞନିରୋଧନଂ ତଥା ଗୋଵର୍ଧନୟାଗମ୍

narayaniyam dashaka 62 in odia

କଦାଚିଦ୍ଗୋପାଲାନ୍ ଵିହିତମଖସଂଭାରଵିଭଵାନ୍
ନିରୀକ୍ଷ୍ୟ ତ୍ଵଂ ଶୌରେ ମଘଵମଦମୁଦ୍ଧ୍ଵଂସିତୁମନାଃ ।
ଵିଜାନନ୍ନପ୍ୟେତାନ୍ ଵିନୟମୃଦୁ ନଂଦାଦିପଶୁପା-
ନପୃଚ୍ଛଃ କୋ ଵାଽୟଂ ଜନକ ଭଵତାମୁଦ୍ୟମ ଇତି ॥1॥

ବଭାଷେ ନଂଦସ୍ତ୍ଵାଂ ସୁତ ନନୁ ଵିଧେୟୋ ମଘଵତୋ
ମଖୋ ଵର୍ଷେ ଵର୍ଷେ ସୁଖୟତି ସ ଵର୍ଷେଣ ପୃଥିଵୀମ୍ ।
ନୃଣାଂ ଵର୍ଷାୟତ୍ତଂ ନିଖିଲମୁପଜୀଵ୍ୟଂ ମହିତଲେ
ଵିଶେଷାଦସ୍ମାକଂ ତୃଣସଲିଲଜୀଵା ହି ପଶଵଃ ॥2॥

ଇତି ଶ୍ରୁତ୍ଵା ଵାଚଂ ପିତୁରୟି ଭଵାନାହ ସରସଂ
ଧିଗେତନ୍ନୋ ସତ୍ୟଂ ମଘଵଜନିତା ଵୃଷ୍ଟିରିତି ୟତ୍ ।
ଅଦୃଷ୍ଟଂ ଜୀଵାନାଂ ସୃଜତି ଖଲୁ ଵୃଷ୍ଟିଂ ସମୁଚିତାଂ
ମହାରଣ୍ୟେ ଵୃକ୍ଷାଃ କିମିଵ ବଲିମିଂଦ୍ରାୟ ଦଦତେ ॥3॥

ଇଦଂ ତାଵତ୍ ସତ୍ୟଂ ୟଦିହ ପଶଵୋ ନଃ କୁଲଧନଂ
ତଦାଜୀଵ୍ୟାୟାସୌ ବଲିରଚଲଭର୍ତ୍ରେ ସମୁଚିତଃ ।
ସୁରେଭ୍ୟୋଽପ୍ୟୁତ୍କୃଷ୍ଟା ନନୁ ଧରଣିଦେଵାଃ କ୍ଷିତିତଲେ
ତତସ୍ତେଽପ୍ୟାରାଧ୍ୟା ଇତି ଜଗଦିଥ ତ୍ଵଂ ନିଜଜନାନ୍ ॥4॥

ଭଵଦ୍ଵାଚଂ ଶ୍ରୁତ୍ଵା ବହୁମତିୟୁତାସ୍ତେଽପି ପଶୁପାଃ
ଦ୍ଵିଜେଂଦ୍ରାନର୍ଚଂତୋ ବଲିମଦଦୁରୁଚ୍ଚୈଃ କ୍ଷିତିଭୃତେ ।
ଵ୍ୟଧୁଃ ପ୍ରାଦକ୍ଷିଣ୍ୟଂ ସୁଭୃଶମନମନ୍ନାଦରୟୁତା-
ସ୍ତ୍ଵମାଦଶ୍ଶୈଲାତ୍ମା ବଲିମଖିଲମାଭୀରପୁରତଃ ॥5॥

ଅଵୋଚଶ୍ଚୈଵଂ ତାନ୍ କିମିହ ଵିତଥଂ ମେ ନିଗଦିତଂ
ଗିରୀଂଦ୍ରୋ ନନ୍ଵେଷ ସ୍ଵବଲିମୁପଭୁଂକ୍ତେ ସ୍ଵଵପୁଷା ।
ଅୟଂ ଗୋତ୍ରୋ ଗୋତ୍ରଦ୍ଵିଷି ଚ କୁପିତେ ରକ୍ଷିତୁମଲଂ
ସମସ୍ତାନିତ୍ୟୁକ୍ତା ଜହୃଷୁରଖିଲା ଗୋକୁଲଜୁଷଃ ॥6॥

ପରିପ୍ରୀତା ୟାତାଃ ଖଲୁ ଭଵଦୁପେତା ଵ୍ରଜଜୁଷୋ
ଵ୍ରଜଂ ୟାଵତ୍ତାଵନ୍ନିଜମଖଵିଭଂଗଂ ନିଶମୟନ୍ ।
ଭଵଂତଂ ଜାନନ୍ନପ୍ୟଧିକରଜସାଽଽକ୍ରାଂତହୃଦୟୋ
ନ ସେହେ ଦେଵେଂଦ୍ରସ୍ତ୍ଵଦୁପରଚିତାତ୍ମୋନ୍ନତିରପି ॥7॥

ମନୁଷ୍ୟତ୍ଵଂ ୟାତୋ ମଧୁଭିଦପି ଦେଵେଷ୍ଵଵିନୟଂ
ଵିଧତ୍ତେ ଚେନ୍ନଷ୍ଟସ୍ତ୍ରିଦଶସଦସାଂ କୋଽପି ମହିମା ।
ତତଶ୍ଚ ଧ୍ଵଂସିଷ୍ୟେ ପଶୁପହତକସ୍ୟ ଶ୍ରିୟମିତି
ପ୍ରଵୃତ୍ତସ୍ତ୍ଵାଂ ଜେତୁଂ ସ କିଲ ମଘଵା ଦୁର୍ମଦନିଧିଃ ॥8॥

ତ୍ଵଦାଵାସଂ ହଂତୁଂ ପ୍ରଲୟଜଲଦାନଂବରଭୁଵି
ପ୍ରହିଣ୍ଵନ୍ ବିଭ୍ରାଣ; କୁଲିଶମୟମଭ୍ରେଭଗମନଃ ।
ପ୍ରତସ୍ଥେଽନ୍ୟୈରଂତର୍ଦହନମରୁଦାଦ୍ୟୈଵିଂହସିତୋ
ଭଵନ୍ମାୟା ନୈଵ ତ୍ରିଭୁଵନପତେ ମୋହୟତି କମ୍ ॥9॥

ସୁରେଂଦ୍ରଃ କ୍ରୁଦ୍ଧଶ୍ଚେତ୍ ଦ୍ଵିଜକରୁଣୟା ଶୈଲକୃପୟାଽ-
ପ୍ୟନାତଂକୋଽସ୍ମାକଂ ନିୟତ ଇତି ଵିଶ୍ଵାସ୍ୟ ପଶୁପାନ୍ ।
ଅହୋ କିନ୍ନାୟାତୋ ଗିରିଭିଦିତି ସଂଚିଂତ୍ୟ ନିଵସନ୍
ମରୁଦ୍ଗେହାଧୀଶ ପ୍ରଣୁଦ ମୁରଵୈରିନ୍ ମମ ଗଦାନ୍ ॥10॥

narayaniyam dashaka 62 in odia