ନାରାୟଣୀୟଂ ଦଶକ 11 – ସନକାଦୀନାଂ ଵୈକୁଂଠଦର୍ଶନଂ ଚ ହିରଣ୍ୟାକ୍ଷସ୍ୟ ତଥା ହିରଣ୍ୟକଶିପୋଃ ଜନନମ୍

narayaniyam dashaka 11 in odia

କ୍ରମେଣ ସର୍ଗେ ପରିଵର୍ଧମାନେ
କଦାପି ଦିଵ୍ୟାଃ ସନକାଦୟସ୍ତେ ।
ଭଵଦ୍ଵିଲୋକାୟ ଵିକୁଂଠଲୋକଂ
ପ୍ରପେଦିରେ ମାରୁତମଂଦିରେଶ ॥1॥

ମନୋଜ୍ଞନୈଶ୍ରେୟସକାନନାଦ୍ୟୈ-
ରନେକଵାପୀମଣିମଂଦିରୈଶ୍ଚ ।
ଅନୋପମଂ ତଂ ଭଵତୋ ନିକେତଂ
ମୁନୀଶ୍ଵରାଃ ପ୍ରାପୁରତୀତକକ୍ଷ୍ୟାଃ ॥2॥

ଭଵଦ୍ଦିଦ୍ଦୃକ୍ଷୂନ୍ଭଵନଂ ଵିଵିକ୍ଷୂନ୍
ଦ୍ଵାଃସ୍ଥୌ ଜୟସ୍ତାନ୍ ଵିଜୟୋଽପ୍ୟରୁଂଧାମ୍ ।
ତେଷାଂ ଚ ଚିତ୍ତେ ପଦମାପ କୋପଃ
ସର୍ଵଂ ଭଵତ୍ପ୍ରେରଣୟୈଵ ଭୂମନ୍ ॥3॥

ଵୈକୁଂଠଲୋକାନୁଚିତପ୍ରଚେଷ୍ଟୌ
କଷ୍ଟୌ ୟୁଵାଂ ଦୈତ୍ୟଗତିଂ ଭଜେତମ୍ ।
ଇତି ପ୍ରଶପ୍ତୌ ଭଵଦାଶ୍ରୟୌ ତୌ
ହରିସ୍ମୃତିର୍ନୋଽସ୍ତ୍ଵିତି ନେମତୁସ୍ତାନ୍ ॥4॥

ତଦେତଦାଜ୍ଞାୟ ଭଵାନଵାପ୍ତଃ
ସହୈଵ ଲକ୍ଷ୍ମ୍ୟା ବହିରଂବୁଜାକ୍ଷ ।
ଖଗେଶ୍ଵରାଂସାର୍ପିତଚାରୁବାହୁ-
ରାନଂଦୟଂସ୍ତାନଭିରାମମୂର୍ତ୍ୟା ॥5॥

ପ୍ରସାଦ୍ୟ ଗୀର୍ଭିଃ ସ୍ତୁଵତୋ ମୁନୀଂଦ୍ରା-
ନନନ୍ୟନାଥାଵଥ ପାର୍ଷଦୌ ତୌ ।
ସଂରଂଭୟୋଗେନ ଭଵୈସ୍ତ୍ରିଭିର୍ମା-
ମୁପେତମିତ୍ୟାତ୍ତକୃପଂ ନ୍ୟଗାଦୀଃ ॥6॥

ତ୍ଵଦୀୟଭୃତ୍ୟାଵଥ କାଶ୍ୟପାତ୍ତୌ
ସୁରାରିଵୀରାଵୁଦିତୌ ଦିତୌ ଦ୍ଵୌ ।
ସଂଧ୍ୟାସମୁତ୍ପାଦନକଷ୍ଟଚେଷ୍ଟୌ
ୟମୌ ଚ ଲୋକସ୍ୟ ୟମାଵିଵାନ୍ୟୌ ॥7॥

ହିରଣ୍ୟପୂର୍ଵଃ କଶିପୁଃ କିଲୈକଃ
ପରୋ ହିରଣ୍ୟାକ୍ଷ ଇତି ପ୍ରତୀତଃ ।
ଉଭୌ ଭଵନ୍ନାଥମଶେଷଲୋକଂ
ରୁଷା ନ୍ୟରୁଂଧାଂ ନିଜଵାସନାଂଧୌ ॥8॥

ତୟୋର୍ହିରଣ୍ୟାକ୍ଷମହାସୁରେଂଦ୍ରୋ
ରଣାୟ ଧାଵନ୍ନନଵାପ୍ତଵୈରୀ ।
ଭଵତ୍ପ୍ରିୟାଂ କ୍ଷ୍ମାଂ ସଲିଲେ ନିମଜ୍ୟ
ଚଚାର ଗର୍ଵାଦ୍ଵିନଦନ୍ ଗଦାଵାନ୍ ॥9॥

ତତୋ ଜଲେଶାତ୍ ସଦୃଶଂ ଭଵଂତଂ
ନିଶମ୍ୟ ବଭ୍ରାମ ଗଵେଷୟଂସ୍ତ୍ଵାମ୍ ।
ଭକ୍ତୈକଦୃଶ୍ୟଃ ସ କୃପାନିଧେ ତ୍ଵଂ
ନିରୁଂଧି ରୋଗାନ୍ ମରୁଦାଲୟେଶ ॥10।

narayaniyam dashaka 11 in odia