ନାରାୟଣ ଅଷ୍ଟାକ୍ଷରୀ ସ୍ତୁତି

narayana ashtakshari stuti in odia

ଓଂ ନମଃ ପ୍ରଣଵାର୍ଥାର୍ଥ ସ୍ଥୂଲସୂକ୍ଷ୍ମ କ୍ଷରାକ୍ଷର
ଵ୍ୟକ୍ତାଵ୍ୟକ୍ତ କଳାତୀତ ଓଂକାରାୟ ନମୋ ନମଃ ॥ 1 ॥

ନମୋ ଦେଵାଦିଦେଵାୟ ଦେହସଂଚାରହେତଵେ
ଦୈତ୍ୟସଂଘଵିନାଶାୟ ନକାରାୟ ନମୋ ନମଃ ॥ 2 ॥

ମୋହନଂ ଵିଶ୍ଵରୂପଂ ଚ ଶିଷ୍ଟାଚାରସୁପୋଷିତମ୍
ମୋହଵିଧ୍ଵଂସକଂ ଵଂଦେ ମୋକାରାୟ ନମୋ ନମଃ ॥ 3 ॥

ନାରାୟଣାୟ ନଵ୍ୟାୟ ନରସିଂହାୟ ନାମିନେ
ନାଦାୟ ନାଦିନେ ତୁଭ୍ୟଂ ନାକାରାୟ ନମୋ ନମଃ ॥ 4 ॥

ରାମଚଂଦ୍ରଂ ରଘୁପତିଂ ପିତ୍ରାଜ୍ଞାପରିପାଲକମ୍
କୌସଲ୍ୟାତନୟଂ ଵଂଦେ ରାକାରାୟ ନମୋ ନମଃ ॥ 5 ॥

ୟଜ୍ଞାୟ ୟଜ୍ଞଗମ୍ୟାୟ ୟଜ୍ଞରକ୍ଷାକରାୟ ଚ
ୟଜ୍ଞାଂଗରୂପିଣେ ତୁଭ୍ୟଂ ୟକାରାୟ ନମୋ ନମଃ ॥ 6 ॥

ଣାକାରଂ ଲୋକଵିଖ୍ୟାତଂ ନାନାଜନ୍ମଫଲପ୍ରଦମ୍
ନାନାଭୀଷ୍ଟପ୍ରଦଂ ଵଂଦେ ଣାକାରାୟ ନମୋ ନମଃ ॥ 7 ॥

ୟଜ୍ଞକର୍ତ୍ରେ ୟଜ୍ଞଭର୍ତ୍ରେ ୟଜ୍ଞରୂପାୟ ତେ ନମଃ
ସୁଜ୍ଞାନଗୋଚରାୟାଽସ୍ତୁ ୟକାରାୟ ନମୋ ନମଃ ॥ 8 ॥

ଇତି ଶ୍ରୀ ନାରାୟଣ ଅଷ୍ଟାକ୍ଷରୀ ସ୍ତୁତିଃ ।

narayana ashtakshari stuti in odia