નારાયણ અષ્ટાક્ષરી સ્તુતિ

narayana ashtakshari stuti in gujarati

ઓં નમઃ પ્રણવાર્થાર્થ સ્થૂલસૂક્ષ્મ ક્ષરાક્ષર
વ્યક્તાવ્યક્ત કળાતીત ઓંકારાય નમો નમઃ ॥ 1 ॥

નમો દેવાદિદેવાય દેહસંચારહેતવે
દૈત્યસંઘવિનાશાય નકારાય નમો નમઃ ॥ 2 ॥

મોહનં વિશ્વરૂપં ચ શિષ્ટાચારસુપોષિતમ્
મોહવિધ્વંસકં વંદે મોકારાય નમો નમઃ ॥ 3 ॥

નારાયણાય નવ્યાય નરસિંહાય નામિને
નાદાય નાદિને તુભ્યં નાકારાય નમો નમઃ ॥ 4 ॥

રામચંદ્રં રઘુપતિં પિત્રાજ્ઞાપરિપાલકમ્
કૌસલ્યાતનયં વંદે રાકારાય નમો નમઃ ॥ 5 ॥

યજ્ઞાય યજ્ઞગમ્યાય યજ્ઞરક્ષાકરાય ચ
યજ્ઞાંગરૂપિણે તુભ્યં યકારાય નમો નમઃ ॥ 6 ॥

ણાકારં લોકવિખ્યાતં નાનાજન્મફલપ્રદમ્
નાનાભીષ્ટપ્રદં વંદે ણાકારાય નમો નમઃ ॥ 7 ॥

યજ્ઞકર્ત્રે યજ્ઞભર્ત્રે યજ્ઞરૂપાય તે નમઃ
સુજ્ઞાનગોચરાયાઽસ્તુ યકારાય નમો નમઃ ॥ 8 ॥

ઇતિ શ્રી નારાયણ અષ્ટાક્ષરી સ્તુતિઃ ।

narayana ashtakshari stuti in gujarati