କ୍ରିୟାସିଦ୍ଧିଃ ସତ୍ତ୍ଵେ ଭଵତି

kriyasiddhih sattve bhavati in odia

କ୍ରିୟାସିଦ୍ଧିଃ ସତ୍ତ୍ଵେ ଭଵତି ମହତାନ୍ନୋପକରଣେ ।
ସେଵାଦୀକ୍ଷିତ ! ଚିରପ୍ରତିଜ୍ଞ !
ମା ଵିସ୍ମର ଭୋ ସୂକ୍ତିମ୍ ॥

ନ ଧନଂ ନ ବଲଂ ନାପି ସଂପଦା ନ ସ୍ୟାଜ୍ଜନାନୁକଂପା
ସିଦ୍ଧା ନ ସ୍ୟାତ୍ କାର୍ୟଭୂମିକା ନ ସ୍ୟାଦପି ପ୍ରୋତ୍ସାହଃ
ଆଵୃଣୋତୁ ଵା ଵିଘ୍ନଵାରିଧିସ୍ତ୍ଵଂ ମା ଵିସ୍ମର ସୂକ୍ତିମ୍ ॥ 1 ॥

ଆତ୍ମବଲଂ ସ୍ମର ବାହୁବଲଂ ଧର ପରମୁଖପ୍ରେକ୍ଷୀ ମା ଭୂଃ
କ୍ଵଚିଦପି ମା ଭୂଦାତ୍ମଵିସ୍ମୃତିଃ ନ ସ୍ୟାଲ୍ଲକ୍ଷ୍ୟାଚ୍ଚ୍ୟଵନମ୍ ।
ଆସାଦୟ ଜନମାନସପ୍ରୀତିଂ ସୁଚିରଂ ସଂସ୍ମର ସୂକ୍ତିମ୍ ॥ 2 ॥

ଅରୁଣସାରଥିଂ ଵିକଲସାଧନଂ ସୂର୍ୟଂ ସଂସ୍ମର ନିତ୍ୟଂ
ଶୂରପୂରୁଷାନ୍ ଦୃଢାନଜେୟାନ୍ ପଦାତ୍ପଦଂ ସ୍ମର ଗଚ୍ଛନ୍
ସାମାନ୍ୟେତରଦୃଗ୍ଭ୍ୟସ୍ସୋଦର, ସିଧ୍ୟତି କାର୍ୟମପୂର୍ଵମ୍ ॥ 3 ॥

ରଚନ: ଶ୍ରୀ ଜନାର୍ଦନ ହେଗ୍ଡେ

kriyasiddhih sattve bhavati in odia