ହନୁମାନ୍ (ଆଂଜନେୟ) ଅଷ୍ଟୋତ୍ତର ଶତନାମ ସ୍ତୋତ୍ରମ୍

hanuman ashtottara sata naama stotram in odia

ଆଂଜନେୟୋ ମହାଵୀରୋ ହନୁମାନ୍ମାରୁତାତ୍ମଜଃ ।
ତତ୍ଵଜ୍ଞାନପ୍ରଦଃ ସୀତାଦେଵୀମୁଦ୍ରାପ୍ରଦାୟକଃ ॥ 1 ॥

ଅଶୋକଵନିକାଚ୍ଛେତ୍ତା ସର୍ଵମାୟାଵିଭଂଜନଃ ।
ସର୍ଵବଂଧଵିମୋକ୍ତା ଚ ରକ୍ଷୋଵିଧ୍ଵଂସକାରକଃ ॥ 2 ॥

ପରଵିଦ୍ୟାପରୀହାରଃ ପରଶୌର୍ୟଵିନାଶନଃ ।
ପରମଂତ୍ରନିରାକର୍ତା ପରୟଂତ୍ରପ୍ରଭେଦକଃ ॥ 3 ॥

ସର୍ଵଗ୍ରହଵିନାଶୀ ଚ ଭୀମସେନସହାୟକୃତ୍ ।
ସର୍ଵଦୁଃଖହରଃ ସର୍ଵଲୋକଚାରୀ ମନୋଜଵଃ ॥ 4 ॥

ପାରିଜାତଦ୍ରୁମୂଲସ୍ଥଃ ସର୍ଵମଂତ୍ରସ୍ଵରୂପଵାନ୍ ।
ସର୍ଵତଂତ୍ରସ୍ଵରୂପୀ ଚ ସର୍ଵୟଂତ୍ରାତ୍ମକସ୍ତଥା ॥ 5 ॥

କପୀଶ୍ଵରୋ ମହାକାୟଃ ସର୍ଵରୋଗହରଃ ପ୍ରଭୁଃ ।
ବଲସିଦ୍ଧିକରଃ ସର୍ଵଵିଦ୍ୟାସଂପତ୍ପ୍ରଦାୟକଃ ॥ 6 ॥

କପିସେନାନାୟକଶ୍ଚ ଭଵିଷ୍ୟଚ୍ଚତୁରାନନଃ ।
କୁମାରବ୍ରହ୍ମଚାରୀ ଚ ରତ୍ନକୁଂଡଲଦୀପ୍ତିମାନ୍ ॥ 7 ॥

ସଂଚଲଦ୍ଵାଲସନ୍ନଦ୍ଧଲଂବମାନଶିଖୋଜ୍ଜ୍ଵଲଃ ।
ଗଂଧର୍ଵଵିଦ୍ୟାତତ୍ତ୍ଵଜ୍ଞୋ ମହାବଲପରାକ୍ରମଃ ॥ 8 ॥

କାରାଗୃହଵିମୋକ୍ତା ଚ ଶୃଂଖଲାବଂଧମୋଚକଃ ।
ସାଗରୋତ୍ତାରକଃ ପ୍ରାଜ୍ଞୋ ରାମଦୂତଃ ପ୍ରତାପଵାନ୍ ॥ 9 ॥

ଵାନରଃ କେସରିସୁତଃ ସୀତାଶୋକନିଵାରକଃ ।
ଅଂଜନାଗର୍ଭସଂଭୂତୋ ବାଲାର୍କସଦୃଶାନନଃ ॥ 10 ॥

ଵିଭୀଷଣପ୍ରିୟକରୋ ଦଶଗ୍ରୀଵକୁଲାଂତକଃ ।
ଲକ୍ଷ୍ମଣପ୍ରାଣଦାତା ଚ ଵଜ୍ରକାୟୋ ମହାଦ୍ୟୁତିଃ ॥ 11 ॥

ଚିରଂଜୀଵୀ ରାମଭକ୍ତୋ ଦୈତ୍ୟକାର୍ୟଵିଘାତକଃ ।
ଅକ୍ଷହଂତା କାଂଚନାଭଃ ପଂଚଵକ୍ତ୍ରୋ ମହାତପାଃ ॥ 12 ॥

ଲଂକିଣୀଭଂଜନଃ ଶ୍ରୀମାନ୍ ସିଂହିକାପ୍ରାଣଭଂଜନଃ ।
ଗଂଧମାଦନଶୈଲସ୍ଥୋ ଲଂକାପୁରଵିଦାହକଃ ॥ 13 ॥

ସୁଗ୍ରୀଵସଚିଵୋ ଧୀରଃ ଶୂରୋ ଦୈତ୍ୟକୁଲାଂତକଃ ।
ସୁରାର୍ଚିତୋ ମହାତେଜା ରାମଚୂଡାମଣିପ୍ରଦଃ ॥ 14 ॥

କାମରୂପୀ ପିଂଗଲାକ୍ଷୋ ଵାର୍ଧିମୈନାକପୂଜିତଃ ।
କବଳୀକୃତମାର୍ତାଂଡମଂଡଲୋ ଵିଜିତେଂଦିର୍ୟଃ ॥ 15 ॥

ରାମସୁଗ୍ରୀଵସଂଧାତା ମହିରାଵଣମର୍ଦନଃ ।
ସ୍ଫଟିକାଭୋ ଵାଗଧୀଶୋ ନଵଵ୍ୟାକୃତିପଂଡିତଃ ॥ 16 ॥

ଚତୁର୍ବାହୁର୍ଦୀନବଂଧୁର୍ମହାତ୍ମା ଭକ୍ତଵତ୍ସଲଃ ।
ସଂଜୀଵନନଗାହର୍ତା ଶୁଚିର୍ଵାଗ୍ମୀ ଦୃଢଵ୍ରତଃ ॥ 17 ॥

କାଲନେମିପ୍ରମଥନୋ ହରିମର୍କଟମର୍କଟଃ ।
ଦାଂତଃ ଶାଂତଃ ପ୍ରସନ୍ନାତ୍ମା ଶତକଂଠମଦାପହୃତ୍ ॥ 18 ॥

ୟୋଗୀ ରାମକଥାଲୋଲଃ ସୀତାନ୍ଵେଷଣପଂଡିତଃ ।
ଵଜ୍ରଦଂଷ୍ଟ୍ରୋ ଵଜ୍ରନଖୋ ରୁଦ୍ରଵୀର୍ୟସମୁଦ୍ଭଵଃ ॥ 19 ॥

ଇଂଦ୍ରଜିତ୍ପ୍ରହିତାମୋଘବ୍ରହ୍ମାସ୍ତ୍ରଵିନିଵାରକଃ ।
ପାର୍ଥଧ୍ଵଜାଗ୍ରସଂଵାସୀ ଶରପଂଜରଭେଦକଃ ॥ 20 ॥

ଦଶବାହୁର୍ଲୋର୍କପୂଜ୍ୟୋ ଜାଂବଵତ୍ପ୍ରୀତିଵର୍ଧନଃ ।
ସୀତାସମେତଶ୍ରୀରାମପାଦସେଵାଧୁରଂଧରଃ ॥ 21 ॥

ଇତ୍ୟେଵଂ ଶ୍ରୀହନୁମତୋ ନାମ୍ନାମଷ୍ଟୋତ୍ତରଂ ଶତମ୍ ।
ୟଃ ପଠେଚ୍ଛୃଣୁୟାନ୍ନିତ୍ୟଂ ସର୍ଵାନ୍କାମାନଵାପ୍ନୁୟାତ୍ ॥ 22 ॥

hanuman ashtottara sata naama stotram in odia