ଦେଵୀ ମାହାତ୍ମ୍ୟଂ ଦୁର୍ଗା ସପ୍ତଶତି ଷଷ୍ଠୋଽଧ୍ୟାୟଃ

devi mahatmyam durga saptasati chapter 6 in odia

ଶୁଂଭନିଶୁଂଭସେନାନୀଧୂମ୍ରଲୋଚନଵଧୋ ନାମ ଷଷ୍ଟୋ ଧ୍ୟାୟଃ ॥

ଧ୍ୟାନଂ
ନଗାଧୀଶ୍ଵର ଵିଷ୍ତ୍ରାଂ ଫଣି ଫଣୋତ୍ତଂସୋରୁ ରତ୍ନାଵଳୀ
ଭାସ୍ଵଦ୍ ଦେହ ଲତାଂ ନିଭୌ ନେତ୍ରୟୋଦ୍ଭାସିତାମ୍ ।
ମାଲା କୁଂଭ କପାଲ ନୀରଜ କରାଂ ଚଂଦ୍ରା ଅର୍ଧ ଚୂଢାଂବରାଂ
ସର୍ଵେଶ୍ଵର ଭୈରଵାଂଗ ନିଲୟାଂ ପଦ୍ମାଵତୀଚିଂତୟେ ॥

ଋଷିରୁଵାଚ ॥1॥

ଇତ୍ୟାକର୍ଣ୍ୟ ଵଚୋ ଦେଵ୍ୟାଃ ସ ଦୂତୋଽମର୍ଷପୂରିତଃ ।
ସମାଚଷ୍ଟ ସମାଗମ୍ୟ ଦୈତ୍ୟରାଜାୟ ଵିସ୍ତରାତ୍ ॥ 2 ॥

ତସ୍ୟ ଦୂତସ୍ୟ ତଦ୍ଵାକ୍ୟମାକର୍ଣ୍ୟାସୁରରାଟ୍ ତତଃ ।
ସ କ୍ରୋଧଃ ପ୍ରାହ ଦୈତ୍ୟାନାମଧିପଂ ଧୂମ୍ରଲୋଚନମ୍ ॥3॥

ହେ ଧୂମ୍ରଲୋଚନାଶୁ ତ୍ଵଂ ସ୍ଵସୈନ୍ୟ ପରିଵାରିତଃ।
ତାମାନୟ ବଲ୍ଲାଦ୍ଦୁଷ୍ଟାଂ କେଶାକର୍ଷଣ ଵିହ୍ଵଲାମ୍ ॥4॥

ତତ୍ପରିତ୍ରାଣଦଃ କଶ୍ଚିଦ୍ୟଦି ଵୋତ୍ତିଷ୍ଠତେଽପରଃ।
ସ ହଂତଵ୍ୟୋଽମରୋଵାପି ୟକ୍ଷୋ ଗଂଧର୍ଵ ଏଵ ଵା ॥5॥

ଋଷିରୁଵାଚ ॥6॥

ତେନାଜ୍ଞପ୍ତସ୍ତତଃ ଶୀଘ୍ରଂ ସ ଦୈତ୍ୟୋ ଧୂମ୍ରଲୋଚନଃ।
ଵୃତଃ ଷଷ୍ଟ୍ୟା ସହସ୍ରାଣାଂ ଅସୁରାଣାଂଦ୍ରୁତଂୟମୌ ॥6॥

ନ ଦୃଷ୍ଟ୍ଵା ତାଂ ତତୋ ଦେଵୀଂ ତୁହିନାଚଲ ସଂସ୍ଥିତାଂ।
ଜଗାଦୋଚ୍ଚୈଃ ପ୍ରୟାହୀତି ମୂଲଂ ଶୁଂବନିଶୁଂଭୟୋଃ ॥8॥

ନ ଚେତ୍ପ୍ରୀତ୍ୟାଦ୍ୟ ଭଵତୀ ମଦ୍ଭର୍ତାରମୁପୈଷ୍ୟତି
ତତୋ ବଲାନ୍ନୟାମ୍ୟେଷ କେଶାକର୍ଷଣଵିହ୍ଵଲାମ୍ ॥9॥

ଦେଵ୍ୟୁଵାଚ ॥10॥

ଦୈତ୍ୟେଶ୍ଵରେଣ ପ୍ରହିତୋ ବଲଵାନ୍ବଲସଂଵୃତଃ।
ବଲାନ୍ନୟସି ମାମେଵଂ ତତଃ କିଂ ତେ କରୋମ୍ୟହମ୍ ॥11॥

ଋଷିରୁଵାଚ ॥12॥

ଇତ୍ୟୁକ୍ତଃ ସୋଽଭ୍ୟଧାଵତ୍ତାଂ ଅସୁରୋ ଧୂମ୍ରଲୋଚନଃ।
ହୂଂକାରେଣୈଵ ତଂ ଭସ୍ମ ସା ଚକାରାଂବିକା ତଦା॥13॥

ଅଥ କ୍ରୁଦ୍ଧଂ ମହାସୈନ୍ୟଂ ଅସୁରାଣାଂ ତଥାଂବିକା।
ଵଵର୍ଷ ସାୟୁକୈସ୍ତୀକ୍ଷ୍ଣୈସ୍ତଥା ଶକ୍ତିପରଶ୍ଵଧୈଃ ॥14॥

ତତୋ ଧୁତସଟଃ କୋପାତ୍କୃତ୍ଵା ନାଦଂ ସୁଭୈରଵମ୍।
ପପାତାସୁର ସେନାୟାଂ ସିଂହୋ ଦେଵ୍ୟାଃ ସ୍ଵଵାହନଃ ॥15॥

କାଂଶ୍ଚିତ୍କରପ୍ରହାରେଣ ଦୈତ୍ୟାନାସ୍ୟେନ ଚାପାରାନ୍।
ଆକ୍ରାଂତ୍ୟା ଚାଧରେଣ୍ୟାନ୍ ଜଘାନ ସ ମହାସୁରାନ୍ ॥16॥

କେଷାଂଚିତ୍ପାଟୟାମାସ ନଖୈଃ କୋଷ୍ଠାନି କେସରୀ।
ତଥା ତଲପ୍ରହାରେଣ ଶିରାଂସି କୃତଵାନ୍ ପୃଥକ୍ ॥17॥

ଵିଚ୍ଛିନ୍ନବାହୁଶିରସଃ କୃତାସ୍ତେନ ତଥାପରେ।
ପପୌଚ ରୁଧିରଂ କୋଷ୍ଠାଦନ୍ୟେଷାଂ ଧୁତକେସରଃ ॥18॥

କ୍ଷଣେନ ତଦ୍ବଲଂ ସର୍ଵଂ କ୍ଷୟଂ ନୀତଂ ମହାତ୍ମନା।
ତେନ କେସରିଣା ଦେଵ୍ୟା ଵାହନେନାତିକୋପିନା ॥19॥

ଶ୍ରୁତ୍ଵା ତମସୁରଂ ଦେଵ୍ୟା ନିହତଂ ଧୂମ୍ରଲୋଚନମ୍।
ବଲଂ ଚ କ୍ଷୟିତଂ କୃତ୍ସ୍ନଂ ଦେଵୀ କେସରିଣା ତତଃ॥20॥

ଚୁକୋପ ଦୈତ୍ୟାଧିପତିଃ ଶୁଂଭଃ ପ୍ରସ୍ଫୁରିତାଧରଃ।
ଆଜ୍ଞାପୟାମାସ ଚ ତୌ ଚଂଡମୁଂଡୌ ମହାସୁରୌ ॥21॥

ହେଚଂଡ ହେ ମୁଂଡ ବଲୈର୍ବହୁଭିଃ ପରିଵାରିତୌ
ତତ୍ର ଗଚ୍ଛତ ଗତ୍ଵା ଚ ସା ସମାନୀୟତାଂ ଲଘୁ ॥22॥

କେଶେଷ୍ଵାକୃଷ୍ୟ ବଦ୍ଧ୍ଵା ଵା ୟଦି ଵଃ ସଂଶୟୋ ୟୁଧି।
ତଦାଶେଷା ୟୁଧୈଃ ସର୍ଵୈର୍ ଅସୁରୈର୍ଵିନିହନ୍ୟତାଂ ॥23॥

ତସ୍ୟାଂ ହତାୟାଂ ଦୁଷ୍ଟାୟାଂ ସିଂହେ ଚ ଵିନିପାତିତେ।
ଶୀଘ୍ରମାଗମ୍ୟତାଂ ବଦ୍ଵା ଗୃହୀତ୍ଵାତାମଥାଂବିକାମ୍ ॥24॥

॥ ସ୍ଵସ୍ତି ଶ୍ରୀ ମାର୍କଂଡେୟ ପୁରାଣେ ସାଵର୍ନିକେମନ୍ଵଂତରେ ଦେଵି ମହତ୍ମ୍ୟେ ଶୁଂଭନିଶୁଂଭସେନାନୀଧୂମ୍ରଲୋଚନଵଧୋ ନାମ ଷଷ୍ଟୋ ଧ୍ୟାୟଃ ॥

ଆହୁତି
ଓଂ କ୍ଲୀଂ ଜୟଂତୀ ସାଂଗାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ମହାହୁତିଂ ସମର୍ପୟାମି ନମଃ ସ୍ଵାହା ॥

devi mahatmyam durga saptasati chapter 6 in odia