ദേവീ മാഹാത്മ്യം ദുര്ഗാ സപ്തശതി ഷഷ്ഠോഽധ്യായഃ

devi mahatmyam durga saptasati chapter 6 in malayalam

ശുംഭനിശുംഭസേനാനീധൂമ്രലോചനവധോ നാമ ഷഷ്ടോ ധ്യായഃ ॥

ധ്യാനം
നഗാധീശ്വര വിഷ്ത്രാം ഫണി ഫണോത്തംസോരു രത്നാവളീ
ഭാസ്വദ് ദേഹ ലതാം നിഭഽഉ നേത്രയോദ്ഭാസിതാമ് ।
മാലാ കുംഭ കപാല നീരജ കരാം ചംദ്രാ അര്ധ ചൂഢാംബരാം
സർവേശ്വര ഭൈരവാംഗ നിലയാം പദ്മാവതീചിംതയേ ॥

ഋഷിരുവാച ॥1॥

ഇത്യാകര്ണ്യ വചോ ദേവ്യാഃ സ ദൂതോഽമര്ഷപൂരിതഃ ।
സമാചഷ്ട സമാഗമ്യ ദൈത്യരാജായ വിസ്തരാത് ॥ 2 ॥

തസ്യ ദൂതസ്യ തദ്വാക്യമാകര്ണ്യാസുരരാട് തതഃ ।
സ ക്രോധഃ പ്രാഹ ദൈത്യാനാമധിപം ധൂമ്രലോചനമ് ॥3॥

ഹേ ധൂമ്രലോചനാശു ത്വം സ്വസൈന്യ പരിവാരിതഃ।
താമാനയ ബല്ലാദ്ദുഷ്ടാം കേശാകര്ഷണ വിഹ്വലാമ് ॥4॥

തത്പരിത്രാണദഃ കശ്ചിദ്യദി വോത്തിഷ്ഠതേഽപരഃ।
സ ഹംതവ്യോഽമരോവാപി യക്ഷോ ഗംധർവ ഏവ വാ ॥5॥

ഋഷിരുവാച ॥6॥

തേനാജ്ഞപ്തസ്തതഃ ശീഘ്രം സ ദൈത്യോ ധൂമ്രലോചനഃ।
വൃതഃ ഷഷ്ട്യാ സഹസ്രാണാം അസുരാണാംദ്രുതംയമൌ ॥6॥

ന ദൃഷ്ട്വാ താം തതോ ദേവീം തുഹിനാചല സംസ്ഥിതാം।
ജഗാദോച്ചൈഃ പ്രയാഹീതി മൂലം ശുംബനിശുംഭയോഃ ॥8॥

ന ചേത്പ്രീത്യാദ്യ ഭവതീ മദ്ഭര്താരമുപൈഷ്യതി
തതോ ബലാന്നയാമ്യേഷ കേശാകര്ഷണവിഹ്വലാമ് ॥9॥

ദേവ്യുവാച ॥10॥

ദൈത്യേശ്വരേണ പ്രഹിതോ ബലവാന്ബലസംവൃതഃ।
ബലാന്നയസി മാമേവം തതഃ കിം തേ കരോമ്യഹമ് ॥11॥

ഋഷിരുവാച ॥12॥

ഇത്യുക്തഃ സോഽഭ്യധാവത്താം അസുരോ ധൂമ്രലോചനഃ।
ഹൂംകാരേണൈവ തം ഭസ്മ സാ ചകാരാംബികാ തദാ॥13॥

അഥ ക്രുദ്ധം മഹാസൈന്യം അസുരാണാം തഥാംബികാ।
വവര്ഷ സായുകൈസ്തീക്ഷ്ണൈസ്തഥാ ശക്തിപരശ്വധൈഃ ॥14॥

തതോ ധുതസടഃ കോപാത്കൃത്വാ നാദം സുഭൈരവമ്।
പപാതാസുര സേനായാം സിംഹോ ദേവ്യാഃ സ്വവാഹനഃ ॥15॥

കാംശ്ചിത്കരപ്രഹാരേണ ദൈത്യാനാസ്യേന ചാപാരാന്।
ആക്രാംത്യാ ചാധരേണ്യാന് ജഘാന സ മഹാസുരാന് ॥16॥

കേഷാംചിത്പാടയാമാസ നഖൈഃ കോഷ്ഠാനി കേസരീ।
തഥാ തലപ്രഹാരേണ ശിരാംസി കൃതവാന് പൃഥക് ॥17॥

വിച്ഛിന്നബാഹുശിരസഃ കൃതാസ്തേന തഥാപരേ।
പപൌച രുധിരം കോഷ്ഠാദന്യേഷാം ധുതകേസരഃ ॥18॥

ക്ഷണേന തദ്ബലം സർവം ക്ഷയം നീതം മഹാത്മനാ।
തേന കേസരിണാ ദേവ്യാ വാഹനേനാതികോപിനാ ॥19॥

ശ്രുത്വാ തമസുരം ദേവ്യാ നിഹതം ധൂമ്രലോചനമ്।
ബലം ച ക്ഷയിതം കൃത്സ്നം ദേവീ കേസരിണാ തതഃ॥20॥

ചുകോപ ദൈത്യാധിപതിഃ ശുംഭഃ പ്രസ്ഫുരിതാധരഃ।
ആജ്ഞാപയാമാസ ച തൌ ചംഡമുംഡൌ മഹാസുരൌ ॥21॥

ഹേചംഡ ഹേ മുംഡ ബലൈര്ബഹുഭിഃ പരിവാരിതൌ
തത്ര ഗച്ഛത ഗത്വാ ച സാ സമാനീയതാം ലഘു ॥22॥

കേശേഷ്വാകൃഷ്യ ബദ്ധ്വാ വാ യദി വഃ സംശയോ യുധി।
തദാശേഷാ യുധൈഃ സർവൈര് അസുരൈർവിനിഹന്യതാം ॥23॥

തസ്യാം ഹതായാം ദുഷ്ടായാം സിംഹേ ച വിനിപാതിതേ।
ശീഘ്രമാഗമ്യതാം ബദ്വാ ഗൃഹീത്വാതാമഥാംബികാമ് ॥24॥

॥ സ്വസ്തി ശ്രീ മാര്കംഡേയ പുരാണേ സാവര്നികേമന്വംതരേ ദേവി മഹത്മ്യേ ശുംഭനിശുംഭസേനാനീധൂമ്രലോചനവധോ നാമ ഷഷ്ടോ ധ്യായഃ ॥

ആഹുതി
ഓം ക്ലീം ജയംതീ സാംഗായൈ സശക്തികായൈ സപരിവാരായൈ സവാഹനായൈ മഹാഹുതിം സമര്പയാമി നമഃ സ്വാഹാ ॥

devi mahatmyam durga saptasati chapter 6 in malayalam