ଦେଵୀ ମାହାତ୍ମ୍ୟଂ ଦୁର୍ଗା ସପ୍ତଶତି ଏକାଦଶୋଽଧ୍ୟାୟଃ

devi mahatmyam durga saptasati chapter 11 in odia

ନାରାୟଣୀସ୍ତୁତିର୍ନାମ ଏକାଦଶୋଽଧ୍ୟାୟଃ ॥

ଧ୍ୟାନଂ
ଓଂ ବାଲାର୍କଵିଦ୍ୟୁତିଂ ଇଂଦୁକିରୀଟାଂ ତୁଂଗକୁଚାଂ ନୟନତ୍ରୟୟୁକ୍ତାମ୍ ।
ସ୍ମେରମୁଖୀଂ ଵରଦାଂକୁଶପାଶଭୀତିକରାଂ ପ୍ରଭଜେ ଭୁଵନେଶୀମ୍ ॥

ଋଷିରୁଵାଚ॥1॥

ଦେଵ୍ୟା ହତେ ତତ୍ର ମହାସୁରେଂଦ୍ରେ
ସେଂଦ୍ରାଃ ସୁରା ଵହ୍ନିପୁରୋଗମାସ୍ତାମ୍।
କାତ୍ୟାୟନୀଂ ତୁଷ୍ଟୁଵୁରିଷ୍ଟଲାଭା-
ଦ୍ଵିକାସିଵକ୍ତ୍ରାବ୍ଜ ଵିକାସିତାଶାଃ ॥ 2 ॥

ଦେଵି ପ୍ରପନ୍ନାର୍ତିହରେ ପ୍ରସୀଦ
ପ୍ରସୀଦ ମାତର୍ଜଗତୋଽଭିଲସ୍ୟ।
ପ୍ରସୀଦଵିଶ୍ଵେଶ୍ଵରି ପାହିଵିଶ୍ଵଂ
ତ୍ଵମୀଶ୍ଵରୀ ଦେଵି ଚରାଚରସ୍ୟ ॥3॥

ଆଧାର ଭୂତା ଜଗତସ୍ତ୍ଵମେକା
ମହୀସ୍ଵରୂପେଣ ୟତଃ ସ୍ଥିତାସି
ଅପାଂ ସ୍ଵରୂପ ସ୍ଥିତୟା ତ୍ଵୟୈତ
ଦାପ୍ୟାୟତେ କୃତ୍ସ୍ନମଲଂଘ୍ୟ ଵୀର୍ୟେ ॥4॥

ତ୍ଵଂ ଵୈଷ୍ଣଵୀଶକ୍ତିରନଂତଵୀର୍ୟା
ଵିଶ୍ଵସ୍ୟ ବୀଜଂ ପରମାସି ମାୟା।
ସମ୍ମୋହିତଂ ଦେଵିସମସ୍ତ ମେତତ୍-
ତ୍ତ୍ଵଂ ଵୈ ପ୍ରସନ୍ନା ଭୁଵି ମୁକ୍ତିହେତୁଃ ॥5॥

ଵିଦ୍ୟାଃ ସମସ୍ତାସ୍ତଵ ଦେଵି ଭେଦାଃ।
ସ୍ତ୍ରିୟଃ ସମସ୍ତାଃ ସକଲା ଜଗତ୍ସୁ।
ତ୍ଵୟୈକୟା ପୂରିତମଂବୟୈତତ୍
କାତେ ସ୍ତୁତିଃ ସ୍ତଵ୍ୟପରାପରୋକ୍ତିଃ ॥6॥

ସର୍ଵ ଭୂତା ୟଦା ଦେଵୀ ଭୁକ୍ତି ମୁକ୍ତିପ୍ରଦାୟିନୀ।
ତ୍ଵଂ ସ୍ତୁତା ସ୍ତୁତୟେ କା ଵା ଭଵଂତୁ ପରମୋକ୍ତୟଃ ॥7॥

ସର୍ଵସ୍ୟ ବୁଦ୍ଧିରୂପେଣ ଜନସ୍ୟ ହୃଦି ସଂସ୍ଥିତେ।
ସ୍ଵର୍ଗାପଵର୍ଗଦେ ଦେଵି ନାରାୟଣି ନମୋଽସ୍ତୁତେ ॥8॥

କଲାକାଷ୍ଠାଦିରୂପେଣ ପରିଣାମ ପ୍ରଦାୟିନି।
ଵିଶ୍ଵସ୍ୟୋପରତୌ ଶକ୍ତେ ନାରାୟଣି ନମୋସ୍ତୁତେ ॥9॥

ସର୍ଵ ମଂଗଳ ମାଂଗଳ୍ୟେ ଶିଵେ ସର୍ଵାର୍ଥ ସାଧିକେ।
ଶରଣ୍ୟେ ତ୍ରୟଂବକେ ଗୌରୀ ନାରାୟଣି ନମୋଽସ୍ତୁତେ ॥10॥

ସୃଷ୍ଟିସ୍ଥିତିଵିନାଶାନାଂ ଶକ୍ତିଭୂତେ ସନାତନି।
ଗୁଣାଶ୍ରୟେ ଗୁଣମୟେ ନାରାୟଣି ନମୋଽସ୍ତୁତେ ॥11॥

ଶରଣାଗତ ଦୀନାର୍ତ ପରିତ୍ରାଣପରାୟଣେ।
ସର୍ଵସ୍ୟାର୍ତିହରେ ଦେଵି ନାରାୟଣି ନମୋଽସ୍ତୁତେ ॥12॥

ହଂସୟୁକ୍ତ ଵିମାନସ୍ଥେ ବ୍ରହ୍ମାଣୀ ରୂପଧାରିଣୀ।
କୌଶାଂଭଃ କ୍ଷରିକେ ଦେଵି ନାରାୟଣି ନମୋଽସ୍ତୁତେ॥13॥

ତ୍ରିଶୂଲଚଂଦ୍ରାହିଧରେ ମହାଵୃଷଭଵାହିନି।
ମାହେଶ୍ଵରୀ ସ୍ଵରୂପେଣ ନାରାୟଣି ନମୋଽସ୍ତୁତେ॥14॥

ମୟୂର କୁକ୍କୁଟଵୃତେ ମହାଶକ୍ତିଧରେଽନଘେ।
କୌମାରୀରୂପସଂସ୍ଥାନେ ନାରାୟଣି ନମୋସ୍ତୁତେ॥15॥

ଶଂଖଚକ୍ରଗଦାଶାର୍ଙ୍ଗଗୃହୀତପରମାୟୁଧେ।
ପ୍ରସୀଦ ଵୈଷ୍ଣଵୀରୂପେନାରାୟଣି ନମୋଽସ୍ତୁତେ॥16॥

ଗୃହୀତୋଗ୍ରମହାଚକ୍ରେ ଦଂଷ୍ତ୍ରୋଦ୍ଧୃତଵସୁଂଧରେ।
ଵରାହରୂପିଣି ଶିଵେ ନାରାୟଣି ନମୋସ୍ତୁତେ॥17॥

ନୃସିଂହରୂପେଣୋଗ୍ରେଣ ହଂତୁଂ ଦୈତ୍ୟାନ୍ କୃତୋଦ୍ୟମେ।
ତ୍ରୈଲୋକ୍ୟତ୍ରାଣସହିତେ ନାରାୟଣି ନମୋଽସ୍ତୁତେ॥18॥

କିରୀଟିନି ମହାଵଜ୍ରେ ସହସ୍ରନୟନୋଜ୍ଜ୍ଵଲେ।
ଵୃତ୍ରପ୍ରାଣହାରେ ଚୈଂଦ୍ରି ନାରାୟଣି ନମୋଽସ୍ତୁତେ॥19॥

ଶିଵଦୂତୀସ୍ଵରୂପେଣ ହତଦୈତ୍ୟ ମହାବଲେ।
ଘୋରରୂପେ ମହାରାଵେ ନାରାୟଣି ନମୋଽସ୍ତୁତେ॥20॥

ଦଂଷ୍ତ୍ରାକରାଳ ଵଦନେ ଶିରୋମାଲାଵିଭୂଷଣେ।
ଚାମୁଂଡେ ମୁଂଡମଥନେ ନାରାୟଣି ନମୋଽସ୍ତୁତେ॥21॥

ଲକ୍ଷ୍ମୀ ଲଜ୍ଜେ ମହାଵିଧ୍ୟେ ଶ୍ରଦ୍ଧେ ପୁଷ୍ଟି ସ୍ଵଧେ ଧ୍ରୁଵେ।
ମହାରାତ୍ରି ମହାମାୟେ ନାରାୟଣି ନମୋଽସ୍ତୁତେ॥22॥

ମେଧେ ସରସ୍ଵତି ଵରେ ଭୂତି ବାଭ୍ରଵି ତାମସି।
ନିୟତେ ତ୍ଵଂ ପ୍ରସୀଦେଶେ ନାରାୟଣି ନମୋଽସ୍ତୁତେ॥23॥

ସର୍ଵସ୍ଵରୂପେ ସର୍ଵେଶେ ସର୍ଵଶକ୍ତିସମନ୍ଵିତେ।
ଭୟେଭ୍ୟସ୍ତ୍ରାହି ନୋ ଦେଵି ଦୁର୍ଗେ ଦେଵି ନମୋଽସ୍ତୁତେ॥24॥

ଏତତ୍ତେ ଵଦନଂ ସୌମ୍ୟଂ ଲୋଚନତ୍ରୟଭୂଷିତମ୍।
ପାତୁ ନଃ ସର୍ଵଭୂତେଭ୍ୟଃ କାତ୍ୟାୟିନି ନମୋଽସ୍ତୁତେ॥25॥

ଜ୍ଵାଲାକରାଳମତ୍ୟୁଗ୍ରମଶେଷାସୁରସୂଦନମ୍।
ତ୍ରିଶୂଲଂ ପାତୁ ନୋ ଭୀତିର୍ଭଦ୍ରକାଲି ନମୋଽସ୍ତୁତେ॥26॥

ହିନସ୍ତି ଦୈତ୍ୟତେଜାଂସି ସ୍ଵନେନାପୂର୍ୟ ୟା ଜଗତ୍।
ସା ଘଂଟା ପାତୁ ନୋ ଦେଵି ପାପେଭ୍ୟୋ ନଃ ସୁତାନିଵ॥27॥

ଅସୁରାସୃଗ୍ଵସାପଂକଚର୍ଚିତସ୍ତେ କରୋଜ୍ଵଲଃ।
ଶୁଭାୟ ଖଡ୍ଗୋ ଭଵତୁ ଚଂଡିକେ ତ୍ଵାଂ ନତା ଵୟମ୍॥28॥

ରୋଗାନଶେଷାନପହଂସି ତୁଷ୍ଟା
ରୁଷ୍ଟା ତୁ କାମା ସକଲାନଭୀଷ୍ଟାନ୍
ତ୍ଵାମାଶ୍ରିତାନାଂ ନ ଵିପନ୍ନରାଣାଂ।
ତ୍ଵାମାଶ୍ରିତା ଶ୍ରୟତାଂ ପ୍ରୟାଂତି॥29॥

ଏତତ୍କୃତଂ ୟତ୍କଦନଂ ତ୍ଵୟାଦ୍ୟ
ଦର୍ମଦ୍ଵିଷାଂ ଦେଵି ମହାସୁରାଣାମ୍।
ରୂପୈରନେକୈର୍ଭହୁଧାତ୍ମମୂର୍ତିଂ
କୃତ୍ଵାଂଭିକେ ତତ୍ପ୍ରକରୋତି କାନ୍ୟା॥30॥

ଵିଦ୍ୟାସୁ ଶାସ୍ତ୍ରେଷୁ ଵିଵେକ ଦୀପେ
ଷ୍ଵାଦ୍ୟେଷୁ ଵାକ୍ୟେଷୁ ଚ କା ତ୍ଵଦନ୍ୟା
ମମତ୍ଵଗର୍ତେଽତି ମହାଂଧକାରେ
ଵିଭ୍ରାମୟତ୍ୟେତଦତୀଵ ଵିଶ୍ଵମ୍॥31॥

ରକ୍ଷାଂସି ୟତ୍ରୋ ଗ୍ରଵିଷାଶ୍ଚ ନାଗା
ୟତ୍ରାରୟୋ ଦସ୍ୟୁବଲାନି ୟତ୍ର।
ଦଵାନଲୋ ୟତ୍ର ତଥାବ୍ଧିମଧ୍ୟେ
ତତ୍ର ସ୍ଥିତା ତ୍ଵଂ ପରିପାସି ଵିଶ୍ଵମ୍॥32॥

ଵିଶ୍ଵେଶ୍ଵରି ତ୍ଵଂ ପରିପାସି ଵିଶ୍ଵଂ
ଵିଶ୍ଵାତ୍ମିକା ଧାରୟସୀତି ଵିଶ୍ଵମ୍।
ଵିଶ୍ଵେଶଵଂଧ୍ୟା ଭଵତୀ ଭଵଂତି
ଵିଶ୍ଵାଶ୍ରୟା ୟେତ୍ଵୟି ଭକ୍ତିନମ୍ରାଃ॥33॥

ଦେଵି ପ୍ରସୀଦ ପରିପାଲୟ ନୋଽରି
ଭୀତେର୍ନିତ୍ୟଂ ୟଥାସୁରଵଦାଦଧୁନୈଵ ସଦ୍ୟଃ।
ପାପାନି ସର୍ଵ ଜଗତାଂ ପ୍ରଶମଂ ନୟାଶୁ
ଉତ୍ପାତପାକଜନିତାଂଶ୍ଚ ମହୋପସର୍ଗାନ୍॥34॥

ପ୍ରଣତାନାଂ ପ୍ରସୀଦ ତ୍ଵଂ ଦେଵି ଵିଶ୍ଵାର୍ତି ହାରିଣି।
ତ୍ରୈଲୋକ୍ୟଵାସିନାମୀଡ୍ୟେ ଲୋକାନାଂ ଵରଦା ଭଵ॥35॥

ଦେଵ୍ୟୁଵାଚ॥36॥

ଵରଦାହଂ ସୁରଗଣା ପରଂ ୟନ୍ମନସେଚ୍ଚଥ।
ତଂ ଵୃଣୁଧ୍ଵଂ ପ୍ରୟଚ୍ଛାମି ଜଗତାମୁପକାରକମ୍॥37॥

ଦେଵା ଊଚୁଃ॥38॥

ସର୍ଵବାଧା ପ୍ରଶମନଂ ତ୍ରୈଲୋକ୍ୟସ୍ୟାଖିଲେଶ୍ଵରି।
ଏଵମେଵ ତ୍ଵୟାକାର୍ୟ ମସ୍ମଦ୍ଵୈରି ଵିନାଶନମ୍॥39॥

ଦେଵ୍ୟୁଵାଚ॥40॥

ଵୈଵସ୍ଵତେଽଂତରେ ପ୍ରାପ୍ତେ ଅଷ୍ଟାଵିଂଶତିମେ ୟୁଗେ।
ଶୁଂଭୋ ନିଶୁଂଭଶ୍ଚୈଵାନ୍ୟାଵୁତ୍ପତ୍ସ୍ୟେତେ ମହାସୁରୌ॥41॥

ନଂଦଗୋପଗୃହେ ଜାତା ୟଶୋଦାଗର୍ଭ ସଂଭଵା।
ତତସ୍ତୌନାଶୟିଷ୍ୟାମି ଵିଂଧ୍ୟାଚଲନିଵାସିନୀ॥42॥

ପୁନରପ୍ୟତିରୌଦ୍ରେଣ ରୂପେଣ ପୃଥିଵୀତଲେ।
ଅଵତୀର୍ୟ ହଵିଷ୍ୟାମି ଵୈପ୍ରଚିତ୍ତାଂସ୍ତୁ ଦାନଵାନ୍॥43॥

ଭକ୍ଷ୍ୟ ୟଂତ୍ୟାଶ୍ଚ ତାନୁଗ୍ରାନ୍ ଵୈପ୍ରଚିତ୍ତାନ୍ ମହାସୁରାନ୍।
ରକ୍ତଦଂତା ଭଵିଷ୍ୟଂତି ଦାଡିମୀକୁସୁମୋପମାଃ॥44॥

ତତୋ ମାଂ ଦେଵତାଃ ସ୍ଵର୍ଗେ ମର୍ତ୍ୟଲୋକେ ଚ ମାନଵାଃ।
ସ୍ତୁଵଂତୋ ଵ୍ୟାହରିଷ୍ୟଂତି ସତତଂ ରକ୍ତଦଂତିକାମ୍॥45॥

ଭୂୟଶ୍ଚ ଶତଵାର୍ଷିକ୍ୟାଂ ଅନାଵୃଷ୍ଟ୍ୟାମନଂଭସି।
ମୁନିଭିଃ ସଂସ୍ତୁତା ଭୂମୌ ସଂଭଵିଷ୍ୟାମ୍ୟୟୋନିଜା॥46॥

ତତଃ ଶତେନ ନେତ୍ରାଣାଂ ନିରୀକ୍ଷିଷ୍ୟାମ୍ୟହଂ ମୁନୀନ୍
କୀର୍ତିୟିଷ୍ୟଂତି ମନୁଜାଃ ଶତାକ୍ଷୀମିତି ମାଂ ତତଃ॥47॥

ତତୋଽ ହମଖିଲଂ ଲୋକମାତ୍ମଦେହସମୁଦ୍ଭଵୈଃ।
ଭରିଷ୍ୟାମି ସୁରାଃ ଶାକୈରାଵୃଷ୍ଟେଃ ପ୍ରାଣ ଧାରକୈଃ॥48॥

ଶାକଂଭରୀତି ଵିଖ୍ୟାତିଂ ତଦା ୟାସ୍ୟାମ୍ୟହଂ ଭୁଵି।
ତତ୍ରୈଵ ଚ ଵଧିଷ୍ୟାମି ଦୁର୍ଗମାଖ୍ୟଂ ମହାସୁରମ୍॥49॥

ଦୁର୍ଗାଦେଵୀତି ଵିଖ୍ୟାତଂ ତନ୍ମେ ନାମ ଭଵିଷ୍ୟତି।
ପୁନଶ୍ଚାହଂ ୟଦାଭୀମଂ ରୂପଂ କୃତ୍ଵା ହିମାଚଲେ॥50॥

ରକ୍ଷାଂସି କ୍ଷୟୟିଷ୍ୟାମି ମୁନୀନାଂ ତ୍ରାଣ କାରଣାତ୍।
ତଦା ମାଂ ମୁନୟଃ ସର୍ଵେ ସ୍ତୋଷ୍ୟଂତ୍ୟାନ ମ୍ରମୂର୍ତୟଃ॥51॥

ଭୀମାଦେଵୀତି ଵିଖ୍ୟାତଂ ତନ୍ମେ ନାମ ଭଵିଷ୍ୟତି।
ୟଦାରୁଣାଖ୍ୟସ୍ତ୍ରୈଲୋକ୍ୟେ ମହାବାଧାଂ କରିଷ୍ୟତି॥52॥

ତଦାହଂ ଭ୍ରାମରଂ ରୂପଂ କୃତ୍ଵାସଜ୍ଖ୍ୟେୟଷଟ୍ପଦମ୍।
ତ୍ରୈଲୋକ୍ୟସ୍ୟ ହିତାର୍ଥାୟ ଵଧିଷ୍ୟାମି ମହାସୁରମ୍॥53॥

ଭ୍ରାମରୀତିଚ ମାଂ ଲୋକା ସ୍ତଦାସ୍ତୋଷ୍ୟଂତି ସର୍ଵତଃ।
ଇତ୍ଥଂ ୟଦା ୟଦା ବାଧା ଦାନଵୋତ୍ଥା ଭଵିଷ୍ୟତି॥54॥

ତଦା ତଦାଵତୀର୍ୟାହଂ କରିଷ୍ୟାମ୍ୟରିସଂକ୍ଷୟମ୍ ॥55॥

॥ ସ୍ଵସ୍ତି ଶ୍ରୀ ମାର୍କଂଡେୟ ପୁରାଣେ ସାଵର୍ନିକେ ମନ୍ଵଂତରେ ଦେଵି ମହତ୍ମ୍ୟେ ନାରାୟଣୀସ୍ତୁତିର୍ନାମ ଏକାଦଶୋଽଧ୍ୟାୟଃ ସମାପ୍ତମ୍ ॥

ଆହୁତି
ଓଂ କ୍ଲୀଂ ଜୟଂତୀ ସାଂଗାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ଲକ୍ଷ୍ମୀବୀଜାଧିଷ୍ତାୟୈ ଗରୁଡଵାହନ୍ୟୈ ନାରୟଣୀ ଦେଵ୍ୟୈ-ମହାହୁତିଂ ସମର୍ପୟାମି ନମଃ ସ୍ଵାହା ॥

devi mahatmyam durga saptasati chapter 11 in odia