দেবী মাহাত্ম্যং দুর্গা সপ্তশতি একাদশোঽধ্যাযঃ

devi mahatmyam durga saptasati chapter 11 in assamese

নারাযণীস্তুতির্নাম একাদশোঽধ্যাযঃ ॥

ধ্যানং
ওং বালার্কবিদ্যুতিং ইংদুকিরীটাং তুংগকুচাং নযনত্রযযুক্তাম্ ।
স্মেরমুখীং বরদাংকুশপাশভীতিকরাং প্রভজে ভুবনেশীম্ ॥

ঋষিরুবাচ॥1॥

দেব্যা হতে তত্র মহাসুরেংদ্রে
সেংদ্রাঃ সুরা বহ্নিপুরোগমাস্তাম্।
কাত্যাযনীং তুষ্টুবুরিষ্টলাভা-
দ্বিকাসিবক্ত্রাব্জ বিকাসিতাশাঃ ॥ 2 ॥

দেবি প্রপন্নার্তিহরে প্রসীদ
প্রসীদ মাতর্জগতোঽভিলস্য।
প্রসীদবিশ্বেশ্বরি পাহিবিশ্বং
ত্বমীশ্বরী দেবি চরাচরস্য ॥3॥

আধার ভূতা জগতস্ত্বমেকা
মহীস্বরূপেণ যতঃ স্থিতাসি
অপাং স্বরূপ স্থিতযা ত্বযৈত
দাপ্যাযতে কৃত্স্নমলংঘ্য বীর্যে ॥4॥

ত্বং বৈষ্ণবীশক্তিরনংতবীর্যা
বিশ্বস্য বীজং পরমাসি মাযা।
সম্মোহিতং দেবিসমস্ত মেতত্-
ত্ত্বং বৈ প্রসন্না ভুবি মুক্তিহেতুঃ ॥5॥

বিদ্যাঃ সমস্তাস্তব দেবি ভেদাঃ।
স্ত্রিযঃ সমস্তাঃ সকলা জগত্সু।
ত্বযৈকযা পূরিতমংবযৈতত্
কাতে স্তুতিঃ স্তব্যপরাপরোক্তিঃ ॥6॥

সর্ব ভূতা যদা দেবী ভুক্তি মুক্তিপ্রদাযিনী।
ত্বং স্তুতা স্তুতযে কা বা ভবংতু পরমোক্তযঃ ॥7॥

সর্বস্য বুদ্ধিরূপেণ জনস্য হৃদি সংস্থিতে।
স্বর্গাপবর্গদে দেবি নারাযণি নমোঽস্তুতে ॥8॥

কলাকাষ্ঠাদিরূপেণ পরিণাম প্রদাযিনি।
বিশ্বস্যোপরতৌ শক্তে নারাযণি নমোস্তুতে ॥9॥

সর্ব মংগল মাংগল্যে শিবে সর্বার্থ সাধিকে।
শরণ্যে ত্রযংবকে গৌরী নারাযণি নমোঽস্তুতে ॥10॥

সৃষ্টিস্থিতিবিনাশানাং শক্তিভূতে সনাতনি।
গুণাশ্রযে গুণমযে নারাযণি নমোঽস্তুতে ॥11॥

শরণাগত দীনার্ত পরিত্রাণপরাযণে।
সর্বস্যার্তিহরে দেবি নারাযণি নমোঽস্তুতে ॥12॥

হংসযুক্ত বিমানস্থে ব্রহ্মাণী রূপধারিণী।
কৌশাংভঃ ক্ষরিকে দেবি নারাযণি নমোঽস্তুতে॥13॥

ত্রিশূলচংদ্রাহিধরে মহাবৃষভবাহিনি।
মাহেশ্বরী স্বরূপেণ নারাযণি নমোঽস্তুতে॥14॥

মযূর কুক্কুটবৃতে মহাশক্তিধরেঽনঘে।
কৌমারীরূপসংস্থানে নারাযণি নমোস্তুতে॥15॥

শংখচক্রগদাশার্ঙ্গগৃহীতপরমাযুধে।
প্রসীদ বৈষ্ণবীরূপেনারাযণি নমোঽস্তুতে॥16॥

গৃহীতোগ্রমহাচক্রে দংষ্ত্রোদ্ধৃতবসুংধরে।
বরাহরূপিণি শিবে নারাযণি নমোস্তুতে॥17॥

নৃসিংহরূপেণোগ্রেণ হংতুং দৈত্যান্ কৃতোদ্যমে।
ত্রৈলোক্যত্রাণসহিতে নারাযণি নমোঽস্তুতে॥18॥

কিরীটিনি মহাবজ্রে সহস্রনযনোজ্জ্বলে।
বৃত্রপ্রাণহারে চৈংদ্রি নারাযণি নমোঽস্তুতে॥19॥

শিবদূতীস্বরূপেণ হতদৈত্য মহাবলে।
ঘোররূপে মহারাবে নারাযণি নমোঽস্তুতে॥20॥

দংষ্ত্রাকরাল বদনে শিরোমালাবিভূষণে।
চামুংডে মুংডমথনে নারাযণি নমোঽস্তুতে॥21॥

লক্ষ্মী লজ্জে মহাবিধ্যে শ্রদ্ধে পুষ্টি স্বধে ধ্রুবে।
মহারাত্রি মহামাযে নারাযণি নমোঽস্তুতে॥22॥

মেধে সরস্বতি বরে ভূতি বাভ্রবি তামসি।
নিযতে ত্বং প্রসীদেশে নারাযণি নমোঽস্তুতে॥23॥

সর্বস্বরূপে সর্বেশে সর্বশক্তিসমন্বিতে।
ভযেভ্যস্ত্রাহি নো দেবি দুর্গে দেবি নমোঽস্তুতে॥24॥

এতত্তে বদনং সৌম্যং লোচনত্রযভূষিতম্।
পাতু নঃ সর্বভূতেভ্যঃ কাত্যাযিনি নমোঽস্তুতে॥25॥

জ্বালাকরালমত্যুগ্রমশেষাসুরসূদনম্।
ত্রিশূলং পাতু নো ভীতির্ভদ্রকালি নমোঽস্তুতে॥26॥

হিনস্তি দৈত্যতেজাংসি স্বনেনাপূর্য যা জগত্।
সা ঘংটা পাতু নো দেবি পাপেভ্যো নঃ সুতানিব॥27॥

অসুরাসৃগ্বসাপংকচর্চিতস্তে করোজ্বলঃ।
শুভায খড্গো ভবতু চংডিকে ত্বাং নতা বযম্॥28॥

রোগানশেষানপহংসি তুষ্টা
রুষ্টা তু কামা সকলানভীষ্টান্
ত্বামাশ্রিতানাং ন বিপন্নরাণাং।
ত্বামাশ্রিতা শ্রযতাং প্রযাংতি॥29॥

এতত্কৃতং যত্কদনং ত্বযাদ্য
দর্মদ্বিষাং দেবি মহাসুরাণাম্।
রূপৈরনেকৈর্ভহুধাত্মমূর্তিং
কৃত্বাংভিকে তত্প্রকরোতি কান্যা॥30॥

বিদ্যাসু শাস্ত্রেষু বিবেক দীপে
ষ্বাদ্যেষু বাক্যেষু চ কা ত্বদন্যা
মমত্বগর্তেঽতি মহাংধকারে
বিভ্রামযত্যেতদতীব বিশ্বম্॥31॥

রক্ষাংসি যত্রো গ্রবিষাশ্চ নাগা
যত্রারযো দস্যুবলানি যত্র।
দবানলো যত্র তথাব্ধিমধ্যে
তত্র স্থিতা ত্বং পরিপাসি বিশ্বম্॥32॥

বিশ্বেশ্বরি ত্বং পরিপাসি বিশ্বং
বিশ্বাত্মিকা ধারযসীতি বিশ্বম্।
বিশ্বেশবংধ্যা ভবতী ভবংতি
বিশ্বাশ্রযা যেত্বযি ভক্তিনম্রাঃ॥33॥

দেবি প্রসীদ পরিপালয নোঽরি
ভীতের্নিত্যং যথাসুরবদাদধুনৈব সদ্যঃ।
পাপানি সর্ব জগতাং প্রশমং নযাশু
উত্পাতপাকজনিতাংশ্চ মহোপসর্গান্॥34॥

প্রণতানাং প্রসীদ ত্বং দেবি বিশ্বার্তি হারিণি।
ত্রৈলোক্যবাসিনামীড্যে লোকানাং বরদা ভব॥35॥

দেব্যুবাচ॥36॥

বরদাহং সুরগণা পরং যন্মনসেচ্চথ।
তং বৃণুধ্বং প্রযচ্ছামি জগতামুপকারকম্॥37॥

দেবা ঊচুঃ॥38॥

সর্ববাধা প্রশমনং ত্রৈলোক্যস্যাখিলেশ্বরি।
এবমেব ত্বযাকার্য মস্মদ্বৈরি বিনাশনম্॥39॥

দেব্যুবাচ॥40॥

বৈবস্বতেঽংতরে প্রাপ্তে অষ্টাবিংশতিমে যুগে।
শুংভো নিশুংভশ্চৈবান্যাবুত্পত্স্যেতে মহাসুরৌ॥41॥

নংদগোপগৃহে জাতা যশোদাগর্ভ সংভবা।
ততস্তৌনাশযিষ্যামি বিংধ্যাচলনিবাসিনী॥42॥

পুনরপ্যতিরৌদ্রেণ রূপেণ পৃথিবীতলে।
অবতীর্য হবিষ্যামি বৈপ্রচিত্তাংস্তু দানবান্॥43॥

ভক্ষ্য যংত্যাশ্চ তানুগ্রান্ বৈপ্রচিত্তান্ মহাসুরান্।
রক্তদংতা ভবিষ্যংতি দাডিমীকুসুমোপমাঃ॥44॥

ততো মাং দেবতাঃ স্বর্গে মর্ত্যলোকে চ মানবাঃ।
স্তুবংতো ব্যাহরিষ্যংতি সততং রক্তদংতিকাম্॥45॥

ভূযশ্চ শতবার্ষিক্যাং অনাবৃষ্ট্যামনংভসি।
মুনিভিঃ সংস্তুতা ভূমৌ সংভবিষ্যাম্যযোনিজা॥46॥

ততঃ শতেন নেত্রাণাং নিরীক্ষিষ্যাম্যহং মুনীন্
কীর্তিযিষ্যংতি মনুজাঃ শতাক্ষীমিতি মাং ততঃ॥47॥

ততোঽ হমখিলং লোকমাত্মদেহসমুদ্ভবৈঃ।
ভরিষ্যামি সুরাঃ শাকৈরাবৃষ্টেঃ প্রাণ ধারকৈঃ॥48॥

শাকংভরীতি বিখ্যাতিং তদা যাস্যাম্যহং ভুবি।
তত্রৈব চ বধিষ্যামি দুর্গমাখ্যং মহাসুরম্॥49॥

দুর্গাদেবীতি বিখ্যাতং তন্মে নাম ভবিষ্যতি।
পুনশ্চাহং যদাভীমং রূপং কৃত্বা হিমাচলে॥50॥

রক্ষাংসি ক্ষযযিষ্যামি মুনীনাং ত্রাণ কারণাত্।
তদা মাং মুনযঃ সর্বে স্তোষ্যংত্যান ম্রমূর্তযঃ॥51॥

ভীমাদেবীতি বিখ্যাতং তন্মে নাম ভবিষ্যতি।
যদারুণাখ্যস্ত্রৈলোক্যে মহাবাধাং করিষ্যতি॥52॥

তদাহং ভ্রামরং রূপং কৃত্বাসজ্খ্যেযষট্পদম্।
ত্রৈলোক্যস্য হিতার্থায বধিষ্যামি মহাসুরম্॥53॥

ভ্রামরীতিচ মাং লোকা স্তদাস্তোষ্যংতি সর্বতঃ।
ইত্থং যদা যদা বাধা দানবোত্থা ভবিষ্যতি॥54॥

তদা তদাবতীর্যাহং করিষ্যাম্যরিসংক্ষযম্ ॥55॥

॥ স্বস্তি শ্রী মার্কংডেয পুরাণে সাবর্নিকে মন্বংতরে দেবি মহত্ম্যে নারাযণীস্তুতির্নাম একাদশোঽধ্যাযঃ সমাপ্তম্ ॥

আহুতি
ওং ক্লীং জযংতী সাংগাযৈ সশক্তিকাযৈ সপরিবারাযৈ সবাহনাযৈ লক্ষ্মীবীজাধিষ্তাযৈ গরুডবাহন্যৈ নারযণী দেব্যৈ-মহাহুতিং সমর্পযামি নমঃ স্বাহা ॥

devi mahatmyam durga saptasati chapter 11 in assamese