ବୃହସ୍ପତି କଵଚମ୍ (ଗୁରୁ କଵଚମ୍)

bruhaspati kavacham guru kavacham in odia

ଅସ୍ୟ ଶ୍ରୀବୃହସ୍ପତି କଵଚମହା ମଂତ୍ରସ୍ୟ, ଈଶ୍ଵର ଋଷିଃ,
ଅନୁଷ୍ଟୁପ୍ ଛଂଦଃ, ବୃହସ୍ପତିର୍ଦେଵତା,
ଗଂ ବୀଜଂ, ଶ୍ରୀଂ ଶକ୍ତିଃ, କ୍ଲୀଂ କୀଲକମ୍,
ବୃହସ୍ପତି ପ୍ରସାଦ ସିଦ୍ଧ୍ୟର୍ଥେ ଜପେ ଵିନିୟୋଗଃ ॥

ଧ୍ୟାନମ୍
ଅଭୀଷ୍ଟଫଲଦଂ ଵଂଦେ ସର୍ଵଜ୍ଞଂ ସୁରପୂଜିତମ୍ ।
ଅକ୍ଷମାଲାଧରଂ ଶାଂତଂ ପ୍ରଣମାମି ବୃହସ୍ପତିମ୍ ॥

ଅଥ ବୃହସ୍ପତି କଵଚମ୍
ବୃହସ୍ପତିଃ ଶିରଃ ପାତୁ ଲଲାଟଂ ପାତୁ ମେ ଗୁରୁଃ ।
କର୍ଣୌ ସୁରଗୁରୁଃ ପାତୁ ନେତ୍ରେ ମେଭୀଷ୍ଟଦାୟକଃ ॥ 1 ॥

ଜିହ୍ଵାଂ ପାତୁ ସୁରାଚାର୍ୟଃ ନାସଂ ମେ ଵେଦପାରଗଃ ।
ମୁଖଂ ମେ ପାତୁ ସର୍ଵଜ୍ଞଃ କଂଠଂ ମେ ଦେଵତାଗୁରୁଃ ॥ 2 ॥

ଭୁଜା ଵଂଗୀରସଃ ପାତୁ କରୌ ପାତୁ ଶୁଭପ୍ରଦଃ ।
ସ୍ତନୌ ମେ ପାତୁ ଵାଗୀଶଃ କୁକ୍ଷିଂ ମେ ଶୁଭଲକ୍ଷଣଃ ॥ 3 ॥

ନାଭିଂ ଦେଵଗୁରୁଃ ପାତୁ ମଧ୍ୟଂ ପାତୁ ସୁଖପ୍ରଦଃ ।
କଟିଂ ପାତୁ ଜଗଦ୍ଵଂଦ୍ୟଃ ଊରୂ ମେ ପାତୁ ଵାକ୍ପତିଃ ॥ 4 ॥

ଜାନୁଜଂଘେ ସୁରାଚାର୍ୟଃ ପାଦୌ ଵିଶ୍ଵାତ୍ମକଃ ସଦା ।
ଅନ୍ୟାନି ୟାନି ଚାଂଗାନି ରକ୍ଷେନ୍ମେ ସର୍ଵତୋ ଗୁରୁଃ ॥ 5 ॥

ଫଲଶୃତିଃ
ଇତ୍ୟେତତ୍କଵଚଂ ଦିଵ୍ୟଂ ତ୍ରିସଂଧ୍ୟଂ ୟଃ ପଠେନ୍ନରଃ ।
ସର୍ଵାନ୍ କାମାନଵାପ୍ନୋତି ସର୍ଵତ୍ର ଵିଜୟୀ ଭଵେତ୍ ॥

॥ ଇତି ଶ୍ରୀ ବୃହସ୍ପତି କଵଚମ୍ ॥

bruhaspati kavacham guru kavacham in odia