ଅଂଗାରକ ଅଷ୍ଟୋତ୍ତର ଶତ ନାମ ସ୍ତୋତ୍ରମ୍

angaraka ashtottara sata nama stotram in odia

ମହୀସୁତୋ ମହାଭାଗୋ ମଂଗଳୋ ମଂଗଳପ୍ରଦଃ ।
ମହାଵୀରୋ ମହାଶୂରୋ ମହାବଲପରାକ୍ରମଃ ॥ 1 ॥

ମହାରୌଦ୍ରୋ ମହାଭଦ୍ରୋ ମାନନୀୟୋ ଦୟାକରଃ ।
ମାନଦୋଽମର୍ଷଣଃ କ୍ରୂରସ୍ତାପପାପଵିଵର୍ଜିତଃ ॥ 2 ॥

ସୁପ୍ରତୀପଃ ସୁତାମ୍ରାକ୍ଷଃ ସୁବ୍ରହ୍ମଣ୍ୟଃ ସୁଖପ୍ରଦଃ ।
ଵକ୍ରସ୍ତଂଭାଦିଗମନୋ ଵରେଣ୍ୟୋ ଵରଦଃ ସୁଖୀ ॥ 3 ॥

ଵୀରଭଦ୍ରୋ ଵିରୂପାକ୍ଷୋ ଵିଦୂରସ୍ଥୋ ଵିଭାଵସୁଃ ।
ନକ୍ଷତ୍ରଚକ୍ରସଂଚାରୀ କ୍ଷତ୍ରପଃ କ୍ଷାତ୍ରଵର୍ଜିତଃ ॥ 4 ॥

କ୍ଷୟଵୃଦ୍ଧିଵିନିର୍ମୁକ୍ତଃ କ୍ଷମାୟୁକ୍ତୋ ଵିଚକ୍ଷଣଃ ।
ଅକ୍ଷୀଣଫଲଦଃ ଚକ୍ଷୁର୍ଗୋଚରଃ ଶୁଭଲକ୍ଷଣଃ ॥ 5 ॥

ଵୀତରାଗୋ ଵୀତଭୟୋ ଵିଜ୍ଵରୋ ଵିଶ୍ଵକାରଣଃ ।
ନକ୍ଷତ୍ରରାଶିସଂଚାରୋ ନାନାଭୟନିକୃଂତନଃ ॥ 6 ॥

କମନୀୟୋ ଦୟାସାରଃ କନତ୍କନକଭୂଷଣଃ ।
ଭୟଘ୍ନୋ ଭଵ୍ୟଫଲଦୋ ଭକ୍ତାଭୟଵରପ୍ରଦଃ ॥ 7 ॥

ଶତ୍ରୁହଂତା ଶମୋପେତଃ ଶରଣାଗତପୋଷକଃ ।
ସାହସଃ ସଦ୍ଗୁଣାଽଧ୍ୟକ୍ଷଃ ସାଧୁଃ ସମରଦୁର୍ଜୟଃ ॥ 8 ॥

ଦୁଷ୍ଟଦୂରଃ ଶିଷ୍ଟପୂଜ୍ୟଃ ସର୍ଵକଷ୍ଟନିଵାରକଃ ।
ଦୁଶ୍ଚେଷ୍ଟଵାରକୋ ଦୁଃଖଭଂଜନୋ ଦୁର୍ଧରୋ ହରିଃ ॥ 9 ॥

ଦୁଃସ୍ଵପ୍ନହଂତା ଦୁର୍ଧର୍ଷୋ ଦୁଷ୍ଟଗର୍ଵଵିମୋଚକଃ ।
ଭରଦ୍ଵାଜକୁଲୋଦ୍ଭୂତୋ ଭୂସୁତୋ ଭଵ୍ୟଭୂଷଣଃ ॥ 10 ॥

ରକ୍ତାଂବରୋ ରକ୍ତଵପୁର୍ଭକ୍ତପାଲନତତ୍ପରଃ ।
ଚତୁର୍ଭୁଜୋ ଗଦାଧାରୀ ମେଷଵାହୋଽମିତାଶନଃ ॥ 11 ॥

ଶକ୍ତିଶୂଲଧରଃ ଶକ୍ତଃ ଶସ୍ତ୍ରଵିଦ୍ୟାଵିଶାରଦଃ ।
ତାର୍କିକସ୍ତାମସାଧାରସ୍ତପସ୍ଵୀ ତାମ୍ରଲୋଚନଃ ॥ 12 ॥

ତପ୍ତକାଂଚନସଂକାଶୋ ରକ୍ତକିଂଜଲ୍କସନ୍ନିଭଃ ।
ଗୋତ୍ରାଧିଦେଵୋ ଗୋମଧ୍ୟଚରୋ ଗୁଣଵିଭୂଷଣଃ ॥ 13 ॥

ଅସୃଗଂଗାରକୋଽଵଂତୀଦେଶାଧୀଶୋ ଜନାର୍ଦନଃ ।
ସୂର୍ୟୟାମ୍ୟପ୍ରଦେଶସ୍ଥୋ ୟୌଵନୋ ୟାମ୍ୟଦିଙ୍ମୁଖଃ ॥ 14 ॥

ତ୍ରିକୋଣମଂଡଲଗତସ୍ତ୍ରିଦଶାଧିପସନ୍ନୁତଃ ।
ଶୁଚିଃ ଶୁଚିକରଃ ଶୂରୋ ଶୁଚିଵଶ୍ୟଃ ଶୁଭାଵହଃ ॥ 15 ॥

ମେଷଵୃଶ୍ଚିକରାଶୀଶୋ ମେଧାଵୀ ମିତଭାଷଣଃ ।
ସୁଖପ୍ରଦଃ ସୁରୂପାକ୍ଷଃ ସର୍ଵାଭୀଷ୍ଟଫଲପ୍ରଦଃ ॥ 16 ॥

ଇତି ଶ୍ରୀ ଅଂଗାରକାଷ୍ଟୋତ୍ତରଶତନାମ ସ୍ତୋତ୍ରମ୍ ।

angaraka ashtottara sata nama stotram in odia